Published:Updated:

கேள்வி - பதில் : பி.எஃப் பணம்... வாரிசுகளுக்கு உரிமை உண்டா? - தெளிவான விளக்கம்

கேள்வி - பதில்
பிரீமியம் ஸ்டோரி
கேள்வி - பதில்

உங்கள் பி.எஃப் பணத்தைக் கேட்கச் சட்டப்படி யாருக்கும் உரிமையில்லை.

கேள்வி - பதில் : பி.எஃப் பணம்... வாரிசுகளுக்கு உரிமை உண்டா? - தெளிவான விளக்கம்

உங்கள் பி.எஃப் பணத்தைக் கேட்கச் சட்டப்படி யாருக்கும் உரிமையில்லை.

Published:Updated:
கேள்வி - பதில்
பிரீமியம் ஸ்டோரி
கேள்வி - பதில்

அடுத்த ஆண்டு நான் பணி ஓய்வு பெறப்போகிறேன். பிள்ளைகளுக்குப் போதிய அளவு செய்துவிட்டேன். இருந்தாலும், என் பி.எஃப் பணம் மற்றும் பென்ஷனில் ஒரு பகுதியை திருமணமான என் மகள் பங்கு கேட்கிறாள். சட்டப்படி நான் இதைத் தர வேண்டுமா?

- அன்புச் செல்வி, காரைக்குடி

எஸ்.சதீஷ் குமார், ஆடிட்டர்

“நீங்கள் பணம் கொடுக்க வேண்டிய கட்டாயமில்லை. உங்கள் பி.எஃப் பணத்தைக் கேட்கச் சட்டப்படி யாருக்கும் உரிமையில்லை. எனவே, இது குறித்து நீங்கள் கவலைப்படத் தேவையில்லை. உங்கள் எதிர்காலத்துக்காக அதைப் பயன்படுத்திக்கொள்ளலாம்.”

எஸ்.சதீஷ் குமார், கே.ஆர்.சத்யநாராயணன்
எஸ்.சதீஷ் குமார், கே.ஆர்.சத்யநாராயணன்

ஒட்டுமொத்த விகடனுக்கும் ஒரே ஷார்ட்கட்!

வருமான வரி பிரிவு 80சி-யின்கீழ் செய்யப்படும் ரூ.1.5 லட்சம் முதலீட்டுக்கு அனைவருக்கும் ஒரே தொகைதான் வரிச் சலுகையாகக் கிடைக்குமா?

- விவேகா, கீழப்பாவூர்

கே.ஆர்.சத்யநாராயணன், ஆடிட்டர்

“ஒருவர் ஒரு நிதியாண்டில் ஈட்டும் வருமானத்துக்கேற்ப, அவரின் வரி வரம்புக்கேற்ப அவருக்கு வரிச் சலுகை கிடைக்கும். உதாரணமாக, ஒருவர் 10% வரி வரம்பில் வந்தால், அவருக்கு 10% வரிச் சலுகை கிடைக்கும். அவர் 80சி-யின்கீழ் ரூ.1.5 லட்சம் முதலீடு செய்திருந்தால், அவருக்கு ரூ.15,000 வரிச் சலுகை (கல்வித் தீர்வை சேர்க்கப்படவில்லை) கிடைக்கும். இதுவே ஒருவர் 80சி-யின்கீழ் ரூ.1.50 லட்சம் முதலீடு செய்து, அவர் 20% வரி வரம்பில் வந்தால் அவருக்கு ரூ.30,000 வரிச் சலுகை கிடைக்கும். வரிச் சலுகைக்கான முதலீட்டுத் தொகை ரூ.1.5 லட்சமாக இருந்தாலும், ஒருவர் எந்த வருமான வரி வரம்பில் வருகிறாரோ, அதற்கேற்ப வரிச் சலுகை கிடைக்கும்.”

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

நான் பாரத் பாண்ட் இ.டி.எஃப் (Bharat Bond ETF) திட்டத்தில் முதலீடு செய்திருக்கிறேன். இது எஃப்.டி போல் தொடர்ந்து நிலையான வருமானம் தருமா?

- வ.விஸ்வநாதன், மன்னார்குடி

வித்யா பாலா, இணை நிறுவனர், Primeinvestor.in

“பாரத் பாண்ட் இ.டி.எஃப்-ல் தொடர்ந்து நிலையான வருமானம் எதிர்பார்க்க முடியாது. இந்த இ.டி.எஃப்-ல் திரட்டப்பட்ட நிதி, உயர்தர பாண்டுகளில் முதலீடு செய்யப்படும். வட்டி விகித மாற்றத்தால் இந்த இ.டிஎஃப்-ன் மதிப்பு மாற்றத்துக்குள்ளாகும். வட்டி உயர்ந்தால், இதன் மதிப்பு குறையவும், வட்டி விகிதம் குறைந்தால், இதன் மதிப்பு அதிகரிக்கவும் செய்யும். எனவே, இதை எஃப்.டி போன்ற நிலையான வருமானம் தரும் திட்டங்களுக்கு மாற்றாகக் கருத முடியாது.’’

வித்யா பாலா, கோவர்தனன் பாபு
வித்யா பாலா, கோவர்தனன் பாபு

என் வயது 30. என் ஓய்வுக்காலத்துக்கு மியூச்சுவல் ஃபண்ட் மூலம் முதலீடு செய்யத் திட்டமிட்டுள்ளேன். டிவிடெண்ட், குரோத்... இவற்றில் எந்த ஆப்ஷனை தேர்வு செய்ய வேண்டும்?

- கலாவதி கணேஷ், ஸ்ரீ வில்லிபுத்தூர்

கோவர்தனன் பாபு, நிதி ஆலோசகர்,

“நீங்கள் குரோத் ஆப்ஷனைத் தேர்வு செய்யலாம். டிவிடெண்ட் ரீஇன்வெஸ்ட்மென்ட் ஆப்ஷனைத் தேர்வு செய்தால், டிவிடெண்ட் தொகைக்கு 10% வருமான வரி பிடித்தம் செய்யப்படும். டிவிடெண்ட் தொகையை நீங்கள் வருமானம் என்று கணக்கிட்டு, உங்களின் வருமானத்தைப் பொறுத்து, மேலும் வருமான வரி செலுத்த வேண்டும் அல்லது உங்களுக்கு வருமானம் அடிப்படை வரி வரம்புக்குக் குறைவாக இருந்தால், வருமான வரித்துறையிலிருந்து 10% வரி பிடித்ததைத் திரும்ப பெற வேண்டும். டிவிடெண்ட் பே ஆப்ஷனைத் தேர்வு செய்தால், ஓய்வுக்காலத்துக்கு முன்பே லாபத்தின் பெரும் பகுதி உங்களுக்குத் திரும்பவந்து, நீங்கள் சேமித்த பணம் மற்றும் சிறிதளவு லாபம் மட்டுமே உங்கள் கணக்கில் இருக்கும். இலக்கை அடைவதற்குச் சிரமம் ஏற்படலாம். ஆகையால், குரோத் ஆப்ஷன் உங்களுக்குச் சிறந்தது.”

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

கேள்விகளை அனுப்புபவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism