Published:Updated:

நிம்மதியான வாழ்க்கைக்கு புதிய பென்ஷன் திட்டம்! உங்களுக்கு உதவுமா..?

முதலீடு
பிரீமியம் ஸ்டோரி
முதலீடு

N E W S C H E M ES - சந்தைக்குப் புதுசு

நிம்மதியான வாழ்க்கைக்கு புதிய பென்ஷன் திட்டம்! உங்களுக்கு உதவுமா..?

N E W S C H E M ES - சந்தைக்குப் புதுசு

Published:Updated:
முதலீடு
பிரீமியம் ஸ்டோரி
முதலீடு

சசி ரேகா

அண்மையில் புதிதாக அறிமுகமாகியுள்ள சில திட்டங்களை இந்தப் பகுதியில் பார்ப்போம்.

ஆக்ஸிஸ் குளோபல் இன்னோ வேஷன்ஃபண்ட் ஆஃப் ஃபண்ட் (Axis Global Innovation Fund of Fund)

ஆக்ஸிஸ் மியூச்சுவல் ஃபண்ட், வெளிநாட்டுப் பங்குகளில் முதலீடு செய்யும் இந்தப் புதிய திட்டத்தை அறிமுகம் செய்துள்ளது. இந்தத் திட்டம் வெளிநாட்டில் உள்ள ஸ்ரோடேர் இன்டர்நேஷனல் என்ற திட்டத்தில் முதலீடு செய்கிறது. இதில் மே 10 முதல் மே 21 வரை முதலீடு செய்ய முடியும். குறைந்த பட்சம் 5,000 ரூபாயிலிருந்து இந்தத் திட்டத்தில் சேரலாம். டிவிடெண்ட் மற்றும் குரோத் என்று இரண்டு வகைகளில் இந்தத் திட்டத்தில் முதலீடு செய்யலாம். பங்குச் சந்தையில் முதலீடு செய்யப் படுவதால் ரிஸ்க் எடுக்கும் திறன் உள்ள முதலீட்டாளர்கள் இந்தத் திட்டத்தில் முதலீடு செய்து பயன் பெறலாம்.

ஆக்ஸிஸ் ஹெல்த் கேர் இ.டி.எஃப் (Axis Health Care ETF)

நிஃப்டி ஹெல்த் கேர் இண்டெக்ஸில் இடம்பெற்றுள்ள பங்குகளில் முதலீடு செய்யும் இந்தப் புதிய திட்டத்தை ஆக்ஸிஸ் மியூச்சுவல் ஃபண்ட் நிறுவனம் அறிமுகம் செய்துள்ளது. இது ஒரு பேசிவ் வகை திட்டமாகும்

இதில் மே 10 வரை முதலீடு செய்ய முடியும். குறைந்தபட்சம் 5,000 ரூபாய் என்ற அளவிலிருந்து இந்தத் திட்டத்தில் சேரலாம். டிவிடெண்ட் மற்றும் குரோத் என்று இரண்டு வகைகளில் இந்தத் திட்டத்தில் முதலீடு செய்யலாம். பங்குச் சந்தையில் முதலீடு செய்யப்படுவதால், ரிஸ்க் எடுக்கும் திறன் உள்ள முதலீட்டாளர்கள் இந்தத் திட்டத்தில் முதலீடு செய்து பயன் பெறலாம்.

முதலீடு
முதலீடு

ஏகஸ் ஃபெடரல்: சரல் பென்ஷன் ஸ்கீம் (Ageas Federal Saral Pension Scheme)

இந்தத் திட்டம் ஒருவரின் ஓய்வுக் காலத்தில் பென்ஷன் வழங்கும் வகையில் வடிவமைக்கப்பட்டுள்ளது. பென்ஷன் தொகையை மாதம்தோறும் மற்றும் 3 / 6 / 12 மாதங்களுக்கு ஒரு முறை பெற முடியும். குறைந்தபட்சம் மாதம் 1,000 ரூபாய் என்ற அளவி லிருந்து பிரீமியம் கட்டும் தொகையின் அளவுக்கேற்ப பென்ஷன் தொகை வழங்கப்படும். இந்தத் திட்டத்தில் சேர்ந்த ஆறு மாதத்திலிருந்துகூட பென்ஷன் பெற முடியும்.

தனிநபர் ஆயுள் காப்பீட்டு திட்டத்தில் வாடிக்கையாளரின் ஆயுள் காலம் வரை பென்ஷன் தொகை வழங்கப்படும். வாடிக்கை யாளரின் மரணத்துக்குப் பிறகு காப்பிட்டுத் தொகை நாமினிக்கு வழங்கப்படும். கூட்டு ஆயுள் திட்டத்தில் வாடிக்கையாளரின் மரணத்துக்குப் பிறகு நாமினிக்கு பென்ஷன் வழங்கப்படும்.

ஐ.சி.ஐ.சி.ஐ புரூடென்ஷியல் ஹெல்த் கேர் இடிஎஃப் (ICICI Prudential Health Care ETF)

கோவிட் காலகட்டத்தில் பங்குச் சந்தையில் பார்மா துறை சார்ந்த பங்குகள் நல்ல லாபம் தருகின்றன. அதனால், வாடிக்கையாளர்கள் பலர் பார்மா துறை பங்குகளில் முதலீடு செய்யத் தொடங்கியுள்ளனர். இதன் காரணமாக, ஆக்ஸிஸ் நிறுவனத்தை தொடர்ந்து ஐ.சி.ஐ.சி.ஐ புரூடென் ஷியல் மியூச்சுவல் ஃபண்ட் நிறுவனமும் இந்தப் பிரிவில் புதிய திட்டத்தைத் தொடங்கியுள்ளது.

இந்தத் திட்டத்தில் திரட்டப்படும் முதலீடும் நிஃப்டி ஹெல்த்கேர் இண்டெக்ஸில் இடம்பெற்றுள்ள பங்குகளில் முதலீடு செய்யப்படும். இதில், மே 14 முதல் முதலீடு செய்ய முடியும். குறைந்தபட்சம் 5,000 ரூபாய் என்ற அளவிலிருந்து இந்தத் திட்டத்தில் சேரலாம். டிவிடெண்ட் மற்றும் குரோத் என்று இரண்டு வகைகளில் இந்தத் திட்டத்தில் முதலீடு செய்யலாம்.

பங்குச் சந்தையில் முதலீடு செய்யப்படுவதால், ரிஸ்க் எடுக்கும் திறன் உள்ள முதலீட்டாளர்கள் இந்தத் திட்டத்தில் முதலீடு செய்து பயன் பெறலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism