Published:Updated:

வீட்டுக்கே வந்து பணம் தரும் வங்கிகள்! புதிய அறிமுகம்...

சந்தைக்குப் புதுசு - N E W S C H E M E S

பிரீமியம் ஸ்டோரி

சசி ரேகா

அண்மையில் சந்தையில் அறிமுகம் ஆன புதிய திட்டங்களில் சில...

கோட்டக் நிஃப்டி 50 இண்டெக்ஸ் ஃபண்ட்...

கோட்டக் நிறுவனம் நிஃப்டி 50 இண்டெக்ஸ் ஃபண்டில் (Kotak Nifty 50 Index Fund) முதலீடு செய்யும் புதிய திட்டத்தை அறிமுகம் செய்துள்ளது.இந்தத் திட்டத்தில் ஜூன் 14-ம் தேதி வரை முதலீடு செய்ய முடியும். இதில் முதலீடு செய்யப்படும் நிதியானது, நிஃப்டி இண்டெக்ஸில் முதலீடு செய்யப்படுவதால், இது ஒரு பேசிவ் வகை திட்டம் ஆகும். குரோத் மற்றும் டிவிடெண்ட் என்ற இரண்டு வகை களில் இந்தத் திட்டம் அறிமுகம் செய்யப்பட்டுள்ளது. குறைந்தபட்சம் ரூ.5,000 என்ற அளவிலிருந்து முதலீட்டை ஆரம்பிக்கலாம். சிஸ்டமேட்டிக் இன்வெஸ்ட்மென்ட் பிளான் (எஸ்.ஐ.பி) மூலம் முதலீடு செய்யும் வசதியும் உள்ளது. இந்தத் திட்டத்தில் திரட்டப்படும் நிதி, பங்குச் சந்தையில் முதலீடு செய்யப் படுவதால், ரிஸ்க் எடுக்கும் முதலீட் டாளர்கள் இந்தத் திட்டத்தில் முதலீடு செய்யலாம்.

வீட்டுக்கே வந்து பணம் தரும் 
வங்கிகள்! புதிய அறிமுகம்...

எக்சைட் கேரன்டீட் வெல்த் ப்ளஸ் (Exide Guaranteed Wealth plus)

எக்சைட் லைஃப் இன்ஷூரன்ஸ் நிறுவனம் பாரம்பர்ய புதிய காப்பீட்டுத் திட்டத்தை அறிமுகம் செய்துள்ளது. இந்த பாலிசியில் போதிய இடைவெளிகளில் பணத்தைத் திரும்ப பெரும் வசதி (Moneyback) உள்ளது. இடையில் பணம் தேவைப்படாதவர்கள் பணத்தைத் திட்டக் காலம் முடிந்த பிறகு, மொத்தமாகவும் பெறலாம்.

திட்டக் காலம் முழுவதும் ஆயுள் காப்பீடு கிடைக்கும். பாலிசிதாரர்கள் இந்தத் திட்டத்துக்கான பிரீமியத்தை மாதாந்தர/ காலாண்டு/ அரையாண்டு/ ஆண்டு அடிப்படையில் செலுத்த லாம். குறைந்தபட்சம் ஆறு ஆண்டு களுக்கு பிரீமியம் தொகை செலுத்தி திட்டக் காலம் முடியும் வரை ஆயுள் காப்பீடு பெறலாம். மணிபேக்குடன் காப்பீடு திட்டம் வேண்டும் என்கிற பாலிசிதாரர்கள் இந்தத் திட்டத்தில் சேர்ந்து பயன் பெறலாம்.

வீட்டுக்கே வந்து பணம் தரும் வங்கிகள்!

பொதுத்துறை வங்கிகள் அனைத்தும் தமது வாடிக்கையாளர்களுக்கு வீட்டிலிருந்தே பணம் பெறும் வங்கிச் சேவையை வழங்கும் வசதியைத் தொடங்கியுள்ளன. இந்த வசதியை வழங்க 12 பொதுத்துறை வங்கிகள் ஒரு கூட்டமைப்பாக இணைந்து, ‘பி.எஸ்.பி (PSB) அலையன்ஸ் பிரை வேட் லிமிடெட்’ என்ற நிறுவனத்தைத் தொடங்கி, இந்தச் சேவைகளை வழங்குகின்றன. தற்போது இந்தச் சேவை இந்தியாவில் 100 நகரங்களில் முதலில் வழங்கப்பட இருக்கிறது.

இந்தச் சேவையின் மூலம் வாடிக்கையாளர்கள் வங்கியிலிருந்து பணத்தை எடுக்கவும் செலுத்தவும் முடியும். பணம் எடுக்க வேண்டு மெனில், குறைந்தபட்சம் ரூ.1,000 முதல் ரூ.10,000 வரை எடுக்க முடியும். மேலும், காசோலைகளைப் பெற்றுச் செல்வது, புதிய காசோலைப் புத்தகங்கள் பெறுவது, வங்கிக் கணக்கு ஸ்டேட்மென்ட் பெறுவது போன்ற சேவைகளையும் வீட்டில் இருந்தே பெற முடியும்.

பி.எஸ்.பி ஆப்-ஐ பயன்படுத்தி இந்தச் சேவைகளைக் கைப்பேசி மூலம் பெறமுடியும். மேலும், வங்கியின் இணையதளத்திலோ, வங்கியின் கால் சென்டரைத் தொடர்புகொண்டோ இந்தச் சேவை களைப் பெறலாம். வாடிக்கையாளரின் வீட்டுக்கு வந்து வங்கியின் அங்கீகரிக் கப்பட்ட முகவர்கள் இந்தச் சேவையை வழங்குவார்கள்.

இந்தச் சேவைக்கேற்ப பிரத்யேக கட்டணம் செலுத்த வேண்டியிருக்கும். வயதானவர்களுக்கும், வியாபாரம் செய்பவர்களுக்கும் இந்தச் சேவை மிகுந்த பலன் அளிக்கும். கொரோனா தொற்று நோய்க் காலத்தில் வங்கிகள் தரும் இந்த வசதி மிகுந்த பலன் அளிக்கக்கூடியதாக இருக்கும். இந்தச் சேவை தேவைப்படுபவர்கள் வங்கியைத் தொடர்புகொண்டு மேலும் விவரங்களைப் பெறலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு