Published:Updated:

வங்கி டெபாசிட்டைவிட அதிக வட்டி தரும் புதிய திட்டம்..! உங்களுக்கு ஏற்றதா..?

சந்தைக்குப் புதுசு
பிரீமியம் ஸ்டோரி
சந்தைக்குப் புதுசு

N E W S C H E M E S

வங்கி டெபாசிட்டைவிட அதிக வட்டி தரும் புதிய திட்டம்..! உங்களுக்கு ஏற்றதா..?

N E W S C H E M E S

Published:Updated:
சந்தைக்குப் புதுசு
பிரீமியம் ஸ்டோரி
சந்தைக்குப் புதுசு

சசி ரேகா

அண்மையில் சந்தையில் அறிமுகமான திட்டங்களில் சில...

நிப்பான் இந்தியா நிஃப்டி பார்மா இ.டி.எஃப் ஃபண்ட்

நிப்பான் இந்தியா மியூச்சுவல் ஃபண்ட் நிறுவனம், நிஃப்டி பார்மா இண்டெக்ஸில் முதலீடு செய்யும் இந்தப் புதிய திட்டத்தை அறிமுகம் செய்துள்ளது. இது இண்டெக்ஸில் மட்டும் முதலீடு செய்யப்படும் பாசிவ் வகை திட்டமாகும்.

இந்தத் திட்டத்தில் ஜூன் 28-ம் தேதி வரை முதலீடு செய்ய முடியும். குரோத் மற்றும் டிவிடெண்ட் என்ற இரண்டு வகைகளில் இந்தத் திட்டம் அறிமுகம் செய்யப்பட்டுள்ளது. குறைந்தபட்சம் ரூ.1,000 என்ற அளவில் இருந்து முதலீட்டை ஆரம்பிக்கலாம். எஸ்.ஐ.பி முறை மூலம் முதலீடு செய்யும் வசதியும் உள்ளது.

கொரோனா தொற்றுக் காரண மாகப் பல பார்மா துறை பங்குகள் நல்ல லாபத்தை இந்த ஆண்டு வழங்கி யுள்ளது. பொதுவாக, செக்டோரல் வகை திட்டங்கள் சற்று ரிஸ்க் அதிகம் உடையவை ஆகும். அதனால், பார்மா துறை பங்குகளில் முதலீடு செய்ய விரும்புபவர்கள் இந்தத் திட்டத்தில் சேர்ந்து பயன் பெறலாம்.

வங்கி டெபாசிட்டைவிட அதிக வட்டி தரும் புதிய திட்டம்..! உங்களுக்கு ஏற்றதா..?

டாடா ஃப்ளோட்டிங் ரேட் ஃபண்ட் (Tata Floating Rate Fund)

டாடா மியூச்சுவல் ஃபண்ட் நிறுவனம், மாறுபடும் வட்டி விகிதங்களைக் கொண்ட கடன் பத்திரங்கள் மற்றும் இதர பணச் சந்தை தொடர்பான திட்டங்களில் முதலீடு செய்யும் இந்தப் புதிய திட்டத்தை அறிமுகம் செய்துள்ளது.

இந்தத் திட்டத்தில் ஜூலை 5-ம் தேதி வரை முதலீடு செய்ய முடியும். குரோத் மற்றும் டிவிடெண்ட் என்ற இரண்டு வகைகளில் இந்தத் திட்டம் அறிமுகம் செய்யப்பட்டுள்ளது.

இந்தத் திட்டத்தில் குறைந்தபட்சம் ரூ.5,000 என்ற அளவில் இருந்து முதலீட்டை ஆரம்பிக்கலாம். எஸ்.ஐ.பி முறை மூலம் முதலீடு செய்யும் வசதியும் உள்ளது. ரிஸ்க் குறைவான இந்தத் திட்டத்தில் செய்யப்படும் முதலீடு வங்கி டெபாசிட்டைவிட சற்று அதிக வட்டி கொடுப்பதற்கு வாய்ப்புள்ளது என்பது கவனிக்க வேண்டிய விஷயம்.

கைகோக்கும் எஸ்.பி.ஐ ஜெனரல் இன்ஷூரன்ஸ் - ஐ.டி.எஃப்.சி ஃபர்ஸ்ட் பேங்க்

எஸ்.பி.ஐ ஜெனரல் இன்ஷூரன்ஸ் நிறுவனம், ஆயுள் காப்பீடு தவிர்த்து பிற காப்பீட்டுத் திட்டங்களை வழங்க ஐ.டி.எஃப்.சி ஃபர்ஸ்ட் வங்கியுடன் ஒப்பந்தம் செய்துள்ளது.

இந்த ஒப்பந்தத்தின்படி, எஸ்.பி.ஐ ஜெனரல் இன்ஷூரன்ஸ் நிறுவனம் மருத்துவக் காப்பீடு, விபத்துக் காப்பீடு, மோட்டார் இன்ஷூரன்ஸ், பயணக் காப்பீடு போன்ற தனிநபர் காப்பீட்டுத் திட்டங்களை ஐ.டி.எஃப்சி ஃபர்ஸ்ட் பேங்க் வாடிக்கை யாளர்களுக்கு வழங்க இருக்கிறது மேலும், வணிக ரீதியான காப்பீட்டுத் திட்டங்களையும் வழங்க இருக்கிறது.

சுலபக் கடன்: யூனியன் வங்கியுடன் தேசிய சிறு தொழில்கள் கழகம் கூட்டு

குறு, சிறு மற்றும் நடுத்தரத் தொழில் முனைவோர்களுக்கு சுலபமாகக் கடன் வழங்க யூனியன் வங்கியுடன் தேசிய சிறு தொழில்கள் கழகம் (National Small Industries corporation - NSIC) புரிந்துணர்வு ஒப்பந்தம் செய்துள்ளது. இந்த ஒப்பந்தத்தின்படி, தொழில்முனைவோர்கள் யூனியன் வங்கிக் கிளைகளைத் தொடர்பு கொண்டு கடனுக்கு விண்ணப்பிக்க முடியும். அவ்வாறு விண்ணப்பிக்கப் படும் கடன்களுக்குப் பரிசீலனை கட்டணம் எதுவும் வசூலிக்கப்படாது. இந்த ஒப்பந்தம் சிறு தொழில் முனை வோர்களுக்கு மிகவும் பயனுள்ளதாக இருக்கும் எனலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism