Published:Updated:

கேன்சர் மற்றும் இதய பிரச்னைகள்... பயன் தரும் புதிய பாலிசிகள்!

சந்தைக்குப் புதுசு
பிரீமியம் ஸ்டோரி
சந்தைக்குப் புதுசு

சந்தைக்குப் புதுசு

கேன்சர் மற்றும் இதய பிரச்னைகள்... பயன் தரும் புதிய பாலிசிகள்!

சந்தைக்குப் புதுசு

Published:Updated:
சந்தைக்குப் புதுசு
பிரீமியம் ஸ்டோரி
சந்தைக்குப் புதுசு

சசி ரேகா

அண்மையில் சந்தையில் அறிமுகம் ஆகியுள்ள புதிய திட்டங்களில் சிலவற்றைப் பார்ப்போம்.

ஸ்டார் ஹெல்த் இன்ஷூரன்ஸின் புதிய காப்பீட்டுத் திட்டங்கள்

ஸ்டார் ஹெல்த் இன்ஷூரன்ஸ் நிறுவனம் கேன்சர் மற்றும் இதயநோய் உள்ளவர்களுக்கு பயன்படும் இரண்டு புதிய பாலிசி திட்டங்களை அறிமுகம் செய்துள்ளது.

ஸ்டார் கேன்சர் கேர் பிளாட்டினம் திட்டத்தில் கேன்சர் நோயால் பாதிக்கப் பட்டவர்கள் சேர்ந்து பயன்பெறலாம். இந்தத் திட்டத்தில் 5 வயது குழந்தை முதல் 65 வயது பெரியவர் வரை சேரலாம். ரூ.10 லட்சம் வரை காப்பீடு இந்தத் திட்டத்தில் எடுத்துக் கொள்ளலாம்.

ஸ்டார் கார்டியாக் கேர் பிளாட்டினம் திட்டத்தில் இதய சம்பந்தமான நோய்கள் உடையவர்கள் சேர்ந்து பயன்பெறலாம். 7 வயது முதல் 70 வயது வரை உடைய நபர்கள் இந்தத் திட்டத்தில் சேர்ந்து பயன் பெற முடியும்.

மருத்துவத் துறையில் மிக அதிக சிகிச்சை கட்டணம் வசூலிக்கப்படும் இந்த இரு வியாதிகளால் பாதிக்கப்பட்ட நபருக்கு ஸ்டார் ஹெல்த் இன்ஷூரன்ஸ் கொண்டுவந்திருக்கும் இந்தப் புதிய காப்பீட்டுத் திட்டம் உதவியாக இருக்கும் எனலாம்.

கேன்சர் மற்றும் இதய பிரச்னைகள்... பயன் தரும் புதிய பாலிசிகள்!

ஐ.சி.ஐ.சி.ஐ புரூடென்ஷியல் ஆல்பா லோ வால் 30 இ.டி.எஃப் ஃபண்ட் ஆஃப் ஃபண்ட்ஸ் (ICICI Prudential Alpha Low Vol 30 ETF Funds of Fund)

இது ஒரு புதிய பேசிவ் வகை திட்டமாகும். இந்தத் திட்டத்தில் செப்டம்பர் 15 வரை சேர முடியும். அதிக ஏற்ற இறக்கங்கள் இல்லாத நிறுவனப் பங்குகள் இந்த இண்டெக்ஸில் இடம்பெற்றிருக்கும்.

குறைந்தபட்சம் 5,000 ரூபாயிலிருந்து இந்தத் திட்டத்தில் சேர முடியும். எஸ்.ஐ.பி முறையில் முதலீடு செய்யும் வசதியும் உள்ளது. நிஃப்டி இண்டெக்ஸ் திட்டங்களைவிட இந்த வகை திட்டம் கடந்த காலங்களில் அதிக வருமானம் தந்திருக்கின்றன.

இந்தத் திட்டத்தில் முதலீடு செய்யப்படும் பணம், முழுவதும் பங்குச் சந்தையில் முதலீடு செய்யப்படுவதால், ரிஸ்க் எடுக்கும் திறன் உடைய முதலீட்டாளர்கள் மட்டும் இந்தத் திட்டத்தில் சேர்ந்து பயன்பெறலாம்.

இந்தியா புல்ஸ் ஹவுஸிங் ஃபைனான்ஸ் வெளியிடும் புதிய என்.சி.டி

இந்தியாபுல்ஸ் ஹவுஸிங் ஃபைனான்ஸ் நிறுவனம் பங்குகளாக மாற்றிக்கொள்ள முடியாத புதிய கடன் பத்திரங்களை (என்.சி.டி) அறிமுகம் செய்துள்ளது. 1,000 கோடி ரூபாய் அளவுக்கு கடன் பத்திரங்களை வெளியிட்டு அந்த நிறுவனம் நிதி திரட்டுகிறது.

இந்தத் திட்டத்தில் செப்டம்பர் 20 வரை முதலீடு செய்ய முடியும். இந்தத் திட்டத்தில் முதலீடு செய்யப்படும் தொகைக்கு 8.05% முதல் 9.75% வரை வட்டி வழங்கப்படும். திட்டக் காலமாக 24, 36, 60, 87 மாதங்கள் என்று நிர்ணயிக்கப்பட்டுள்ளது. சற்று ரிஸ்க் எடுக்கும் திறன் உடைய முதலீட்டாளர்கள் இந்தத் திட்டத்தில் முதலீடு செய்வதன் மூலம் வங்கி டெபாசிட்டைவிட அதிக வருமானம் பெறமுடியும்.

ஹெச்.எஸ்.பி.சி மிட்கேப் ஃபண்ட் (HSBC Midcap Fund)

ஹெச்.எஸ்.பி.சி மியூச்சுவல் ஃபண்ட் நிறுவனம் மிட்கேப் நிறுவனப் பங்குகளில் முதலீடு செய்யும் புதிய திட்டத்தை அறிமுகம் செய்துள்ளது. இந்தத் திட்டத்தில் செப்டம்பர் 20 வரை முதலீடு செய்ய முடியும். குறைந்தபட்சம் 5,000 ரூபாயிலிருந்து முதலீட்டைத் தொடங்க முடியும். குரோத் மற்றும் டிவிடெண்ட் என்ற இரண்டு வகைகளில் இந்தத் திட்டம் அறிமுகம் செய்யப்பட்டுள்ளது. பொதுவாக, மிட்கேப் துறை சார்ந்த நிறுவனங்கள் அதிக ஏற்ற இறக்கம் கொண்டவையாக இருக்கும். இந்தத் திட்டத்தில் திரட்டப்படும் நிதியானது முழுவதும் பங்குச் சந்தையில் முதலீடு செய்யப் படுவதால் ரிஸ்க் எடுக்கும் முதலீட்டாளர்கள் மட்டும் இந்தத் திட்டத்தில் சேரலாம்.

நிவா பூபா இன்ஷூரன்ஸ்: விபத்துக் காப்பீடு

நிவா பூபா இன்ஷூரன்ஸ் நிறுவனம் 10 கோடி ரூபாய் வரை விபத்துக் காப்பீடு வழங்கும் புதிய திட்டத்தை அறிமுகம் செய்துள்ளது. அகால மரணங்கள் பட்டியலில் சாலை விபத்து முக்கிய பங்கு வகிக்கிறது. ஒருவருக்கு சாலை விபத்தால் ஏற்படும் பொருளாதார பாதிப்புகளை சீர்செய்வதற்கு விபத்துக் காப்பீடு மிகவும் அவசியம். பொதுவாக, விபத்துக் காப்பீட்டுத் திட்டங்களில் பிரீமியம் தொகை மிகக் குறைவாக இருக்கும். அதனால், அதிக பாதுகாப்பு வழங்கும் விபத்துக் காப்பீட்டுத் திட்டங்களில் சேர விரும்புபவர்கள் இந்தப் புதிய திட்டத்தைப் பரிசீலிக்கலாம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism