Published:Updated:

ரிஸ்க் எடுப்பவர்களுக்கான என்.சி.டி திட்டம்! புதிய அறிமுகம்...

என்.சி.டி திட்டம்
பிரீமியம் ஸ்டோரி
என்.சி.டி திட்டம்

N E W S C H E M E S - சந்தைக்குப் புதுசு

ரிஸ்க் எடுப்பவர்களுக்கான என்.சி.டி திட்டம்! புதிய அறிமுகம்...

N E W S C H E M E S - சந்தைக்குப் புதுசு

Published:Updated:
என்.சி.டி திட்டம்
பிரீமியம் ஸ்டோரி
என்.சி.டி திட்டம்

சசி ரேகா

அண்மையில் சந்தையில் அறிமுகமான புதிய திட்டங்களில் சில...

சக்தி ஃபைனான்ஸ்: புதிய என்.சி.டி திட்டம்

தமிழகத்தைத் தலைமையிடமாகக் கொண்ட சக்தி ஃபைனான்ஸ் நிறுவனம், புதிய என்.சி.டி திட்டம் ஒன்றை அறிமுகம் செய்துள்ளது. இந்தத் திட்டத்தில் ஜூலை 28-ம் தேதி வரை முதலீடு செய்ய முடியும். இந்தக் கடன் பத்திரங்கள் ஒரு பாண்ட் ஆயிரம் ரூபாய் என்ற விலையில் அறிமுகம் செய்யப்பட்டு உள்ளது.

குறைந்தபட்சம் பத்தாயிரம் ரூபாயிலிருந்து முதலீடு செய்யலாம். இந்தத் திட்டத்தில் வட்டித் தொகையை மாதாந்தர தவணை களிலோ அல்லது திட்டக் காலம் முடிவடையும்போதோ பெற்றுக் கொள்ளும் வசதி உள்ளது.

இதன் திட்ட காலம் என்பது 26 மாதத்திலிருந்து 61 மாதம் வரை நிர்ணயம் செய்யப்பட்டுள்ளது. திட்ட வகைகளுக்கேற்ப முதலீடு செய்யப்படும் தொகைக்கு 9.5% வட்டியிலிருந்து 13.6% வரை வட்டி கிடைக்கும். சற்று ரிஸ்க் எடுக்கும் திறன் கொண்ட வாடிக்கையாளர் இந்த என்.சி.டி திட்டத்தில் முதலீடு செய்வதன் மூலம் வங்கி டெபாசிட்டைவிட அதிக வட்டி கிடைக்க வாய்ப்புள்ளது.

ரிஸ்க் எடுப்பவர்களுக்கான என்.சி.டி திட்டம்! புதிய அறிமுகம்...

இன்வெஸ்கோ இந்தியா மீடியம் டியூரேஷன் ஃபண்ட் (Invesco India Medium Duration Fund)

இன்வெஸ்கோ நிறுவனம் 3 - 4 ஆண்டுகளில் முதிர்ச்சி அடையும் கடன் பத்திரங்களில் முதலீடு செய்யும் இந்தப் புதிய திட்டத்தை அறிமுகம் செய்துள்ளது. இந்தத் திட்டத்தில் ஜூலை 13-ம் தேதி வரை முதலீடு செய்ய முடியும்.

இந்தத் திட்டத்தில் பெரும்பாலான தொகை ஸ்திரமான கிரெடிட் ரேட்டிங் உள்ள கடன் பத்திரங்களில் முதலீடு செய்யப்படுவதால், ரிஸ்க் குறைவாக உள்ளது. அதனால், வங்கி டெபாசிட்டைவிட சற்று அதிக வட்டி கிடைக்க வேண்டும் என்ற எண்ணம் உடைய வாடிக்கை யாளர்கள் இந்தத் திட்டத்தில் சேர்ந்து பயன் பெறலாம்.

எஸ்.பி.ஐ நிஃப்டி இந்தியா கன்சம்ஷன் இன்டெக்ஸ் ஃபண்ட் (SBI Nifty India Consumption Index Fund)

எஸ்.பி.ஐ மியூச்சுவல் ஃபண்ட் நிறுவனம், நிஃப்டி கன்சப்ஷன் இண்டெக்ஸில் இடம்பெற்றுள்ள நிறுவனப் பங்குகளில் முதலீடு செய்யும் இந்தத் திட்டத்தை அறிமுகம் செய்துள்ளது. இந்தத் திட்டம் குரோத் மற்றும் டிவிடெண்ட் என்ற இரண்டு வகைகளில் அறிமுகம் செய்யப் பட்டுள்ளது. எஸ்.ஐ.பி முறையிலும் இந்தத் திட்டத்தில் முதலீடு செய்யலாம். நம் நாட்டில் நுகர்வோர் தேவைகளைப் பூர்த்தி செய்யும் நிறுவனங்கள் வருங்காலத்தில் நல்ல வளர்ச்சி அடையும் என பல கணிப்புகள் வந்தாலும், செக்டோரல் ஃபண்டுகளில் ரிஸ்க் அதிகம் என்பதால், ரிஸ்க் எடுக்கும் திறன் உடையவர்கள் மட்டும் இந்தத் திட்டத்தில் சேர்ந்து பயன் பெறலாம்.

நவி நிஃப்டி 50 இண்டெக்ஸ் ஃபண்ட் (Navi Nifty 50 Index Fund)

நவி மியூச்சுவல் ஃபண்ட் நிறுவனம் நிஃப்டி 50 இண்டெக்ஸில் இடம் பெற்றுள்ள நிறுவனப் பங்குகளில் முதலீடு செய்யும் இந்தத் திட்டத்தை அறிமுகம் செய்துள்ளது. இதுவும் ஒரு பேசிவ் வகை திட்டம் ஆகும். இந்தத் திட்டத்தில் ஜூலை 12-ம் தேதி வரை முதலீடு செய்ய முடியும்.

குரோத் மற்றும் டிவிடெண்ட் என்று இரண்டு வகைகளில் இந்தத் திட்டம் அறிமுகம் செய்யப்பட்டு உள்ளது. எஸ்.ஐ.பி மூலம் முதலீடு செய்யும் வசதியும் உள்ளது. முதலீடு முழுவதும் பங்குச் சந்தையில் முதலீடு செய்யப்படுவதால், ரிஸ்க் எடுக்கும் திறன் கொண்ட முதலீட்டாளர்கள் மட்டும் இந்தத் திட்டத்தில் சேர்ந்து பயன் பெறலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism