Published:Updated:

மருத்துவக் காப்பீட்டுடன் சேர்ந்த முதலீட்டுத் திட்டங்கள்! உங்களுக்கு ஏற்றவையா..?

சந்தைக்குப் புதுசு
பிரீமியம் ஸ்டோரி
சந்தைக்குப் புதுசு

N E W S C H E M E S

மருத்துவக் காப்பீட்டுடன் சேர்ந்த முதலீட்டுத் திட்டங்கள்! உங்களுக்கு ஏற்றவையா..?

N E W S C H E M E S

Published:Updated:
சந்தைக்குப் புதுசு
பிரீமியம் ஸ்டோரி
சந்தைக்குப் புதுசு

சசி ரேகா

அண்மையில் சந்தையில் அறிமுகமான திட்டங்களில் சிலவற்றைப் பார்ப்போம்.

கோட்டக் குளோபல் இன்னோவேஷன் மியூச்சுவல் ஃபண்ட் ஆஃப் ஃபண்ட்

கோட்டக் மியூச்சுவல் ஃபண்ட் நிறுவனம் வெளிநாட்டு நிறுவனப் பங்குகளில் முதலீடு செய்யும் இந்தப் புதிய திட்டத்தை அறிமுகம் செய்துள்ளது. இந்தத் திட்டத்தில் முதலீடு செய்யப்படும் தொகை அமெரிக்காவில் உள்ள மிகப்பெரிய நிதி நிறுவனமான வெலிங்டன் மேனேஜ்மென்ட் நிர்வகிக்கும் திட்டங்களில் முதலீடு செய்யப் படுகிறது. இந்த நிறுவனம் ஒரு ட்ரில்லியன் அமெரிக்க டாலர் மதிப்பு அளவுக்கு நிதித் திட்டங்களை நிர்வகித்து வருகிறது.

இந்தத் திட்டத்தில் ஜூலை 22-ம் தேதி வரை முதலீடு செய்ய முடியும். குரோத் மற்றும் டிவிடெண்ட் என்ற இரண்டு வகைகளில் இந்தத் திட்டத்தில் முதலீடு செய்யலாம். குறைந்தபட்சம் 5,000 ரூபாயில் இருந்து முதலீட்டை ஆரம்பிக்க முடியும். எஸ்.ஐ.பி முறையில் முதலீடு செய்யும் வசதியும் உள்ளது.

இந்தத் திட்டம் கூகுள், ஃபேஸ்புக் என்று அமெரிக்காவின் முன்னணி நிறுவனப் பங்குகளில் முதலீடு செய்யும் வகையில் வடிவமைக்கப் பட்டுள்ளது. பங்குச் சந்தையில் முதலீடு செய்யப்படுவதால் இந்தத் திட்டத்தில் ரிஸ்க் சற்று அதிகமாகும். வெளிநாட்டு நிறுவனங்களில் முதலீடு செய்ய விரும்புபவர்கள் இந்தத் திட்டத்தில் சேர்ந்து பயன் பெறலாம்.

மருத்துவக் காப்பீட்டுடன் சேர்ந்த முதலீட்டுத் திட்டங்கள்! உங்களுக்கு ஏற்றவையா..?

பிஜிம் இந்தியா ஸ்மால்கேப் ஃபண்ட் (PGIM India Small Cap Fund)

பிஜிம் இந்தியா மியூச்சுவல் ஃபண்ட நிறுவனம் ஸ்மால்கேப் நிறுவனங்களில் முதலீடு செய்யும் இந்தப் புதிய திட்டத்தை அறிமுகம் செய்துள்ளது. இந்தத் திட்டத்தில் ஜூலை 23-ம் தேதி வரை சேர முடியும். குறைந்தபட்சம் 5,000 ரூபாய் என்ற அளவிலிருந்து இத்திட்டத்தில் சேர முடியும். எஸ்.ஐ.பி முறையில் முதலீடு செய்யும் வசதியும் உள்ளது. குரோத் மற்றும் டிவிடெண்ட் என்ற இரண்டு வகைகளில் இந்தத் திட்டம் அறிமுகம் செய்யப்பட்டுள்ளது. ஸ்மால்கேப் நிறுவனங்களில் முதலீடு செய்யும் திட்டங்கள் சற்று ரிஸ்க் அதிகம் உடையவை. அதனால் ரிஸ்க் எடுக்கும் திறன் கொண்ட முதலீட்டாளர்கள் மட்டும் இந்தத் திட்டத்தில் நீண்டகால நோக்கில் முதலீடு செய்யலாம்.

எஸ்.பி.ஐ ஜெனரல் இன்ஷூரன்ஸ்: ஆரோக்கியா சுப்ரீம் திட்டம்

எஸ்.பி.ஐ ஜெனரல் இன்ஷூரன்ஸ் நிறுவனம், மருத்துவக் காப்பீடு வழங்கும் இந்தப் புதிய திட்டத்தை அறிமுகம் செய்துள்ளது. இந்தத் திட்டத்தில் சேர்ந்து அதிகபட்சமாக ரூ.5 கோடி வரை மருத்துவக் காப்பீடு எடுக்க முடியும். இந்தத் திட்டம் ப்ரோ, ப்ளஸ் மற்றும் பிரீமியம் என்ற மூன்று வகைகளில் அறிமுகம் செய்யப்பட்டுள்ளது. கொரோனா நோய்த்தொற்று மருத்துவக் காப்பீட்டின் முக்கியத்துவத்தை மக்களுக்கு எடுத்துரைத்துள்ளது. மருத்துவக் காப்பீடு தேவைப்படு வர்கள் எஸ்.பி.ஐ ஜெனரல் இன்ஷூ ரன்ஸ் நிறுவனத்தின் இந்தப் புதிய மருத்துவக் காப்பீட்டுத் திட்டத்தில் சேர்ந்து பயன் பெறலாம்.

ஃப்யூச்சர் ஜெனரலி இன்ஷூரன்ஸ்: மருத்துவக் காப்பீட்டுடன் சேர்ந்த முதலீட்டுத் திட்டங்கள்

ஃப்யூச்சர் ஜெனரலி இன்ஷூரன்ஸ் நிறுவனம் காப்பீடு மற்றும் நிதிச் சேமிப்பை அடிப்படையாகக் கொண்டு புதிய திட்டங்களை அறிமுகம் செய்துள்ளது. அவை பின்வருமாறு: திட்டக் காலம் முழுமைக்கான மருத்துவக் காப்பீடு மற்றும் திட்டம் முதிர்வடையும் போது நிச்சயத் தொகை இந்தத் திட்டத்தில் சேரும்போது கிடைக்கும். திட்டக் காலம் முழுமைக்கான மருத்துவக் காப்பீடு மற்றும் திட்டக் காலத்தில் மாதாந்தர/காலாண்டு/அரையாண்டு/முழு ஆண்டு அடிப்படையில் வருமானம் கிடைக்கும்.

முதலீடு மற்றும் மருத்துவக் காப்பீடு என்ற இரட்டை இலக்குகளை இந்தத் திட்டங்களில் சேர்வதன் மூலம் அடைய முடியும். அதனால் முதலீட்டுடன் மருத்துவக் காப்பீடு தேவைப்படுபவர்கள் இந்தத் திட்டங் களில் சேர்ந்து பலன் பெறலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism