Published:Updated:

ரிஸ்க் எடுப்பவர்கள் செய்ய வேண்டிய முதலீடுகள்..! புதிய அறிமுகங்கள்...

N E W S C H E M E S - சந்தைக்குப் புதுசு

பிரீமியம் ஸ்டோரி

சசி ரேகா

அண்மையில் புதிதாக அறிமுகமாகியுள்ள சில திட்டங்களை இந்தப் பகுதியில் பார்ப்போம்.

ஆதித்ய பிர்லா சன் லைஃப் நிஃப்டி 50 ஈக்வல் வெயிட் இண்டெக்ஸ் ஃபண்ட் (Aditya Birla Sun Life Equal Weight Index Fund)

ஆதித்ய பிர்லா சன் லைஃப் மியூச்சுவல் ஃபண்ட் நிறுவனம், நிஃப்டி 50 இண்டெக்ஸ் ஃபண்டில் முதலீடு செய்யும் இந்தப் புதிய திட்டத்தை அறிமுகம் செய்துள்ளது. இந்தத் திட்டத்தில் ஜூன் 2-ம் தேதி வரை முதலீடு செய்ய முடியும். நிஃப்டி இண்டெக்ஸை அடிப்படையாகக் கொண்டு முதலீடு செய்யப்படுவதால், இது ஒரு பேசிவ் வகை திட்டம் ஆகும்.

பொதுவாக, இண்டெக்ஸ் ஃபண்டு களில் நிறுவனத்தின் சந்தை மதிப்புக்கேற்ப அதன் வெயிட்டேஜ் இருக்கும். அதனால் இண்டெக்ஸில் முதலீடு செய்யும்போது பெரிய நிறுவனப் பங்குகளை அதிகமாக வாங்கப்படும். ஆனால், இந்தத் திட்டத்தில் அதன் பெயருக்கேற்ப நிஃப்டி இண்டெக்ஸில் உள்ள அனைத்துப் பங்குகளிலும் சரிசமமாக பிரித்து முதலீடு செய்யப்படும். நிஃப்டி இண்டெக்ஸில் 50 நிறுவனப் பங்குகள் உள்ளன. ஒவ்வொரு பங்கிலும் 2% என்று பிரித்து முதலீடு செய்வதே இந்தத் திட்டத்தின் சிறப்பாகும்.

குரோத் மற்றும் டிவிடெண்ட் என்ற இரண்டு வகைகளில் இந்தத் திட்டம் அறிமுகம் செய்யப்பட்டு உள்ளது. இந்தத் திட்டத்தில் திரட்டப் படும் தொகை, பங்குச் சந்தையில் முதலீடு செய்யப்படுவதால் ரிஸ்க் எடுக்கும் முதலீட்டாளர்கள் இந்தத் திட்டத்தில் சேர்ந்து பயன் பெறலாம்.

ரிஸ்க் எடுப்பவர்கள் செய்ய வேண்டிய முதலீடுகள்..! புதிய அறிமுகங்கள்...

ஐ.டி.ஐ வேல்யூ ஃபண்ட் (ITI VALUE FUND)

பங்குச் சந்தை மற்றும் கடன் பத்திரங்களில் முதலீடு செய்யும் இந்தப் புதிய திட்டத்தை ஐ.டி.ஐ மியூச்சுவல் ஃபண்ட் நிறுவனம் அறிமுகம் செய்துள்ளது. இந்தத் திட்டத்தில் ஜூன் 2-ம் தேதி வரை முதலீடு செய்ய முடியும்.

குரோத் மற்றும் டிவிடெண்ட் என்ற இரண்டு வகைகளில் இந்தத் திட்டம் அறிமுகம் செய்யப்பட்டு உள்ளது. குறைந்தபட்சம் 5,000 ரூபாயிலிருந்து முதலீடு செய்யலாம். எஸ்.ஐ.பி முறையிலும் முதலீடு செய்யும் வசதி உள்ளது. இந்தத் திட்டத்தில் முதலீடு செய்ய நுழைவுக் கட்டணம் கிடையாது. ஓராண்டுக்குள் வெளியேறினால் 1% வெளியேறும் கட்டணம் செலுத்த வேண்டும்.

இந்தத் திட்டத்தில் திரட்டப்படும் நிதி பெரும்பாலும் பங்குச் சந்தையில் முதலீடு செய்யப்படுவதால் ரிஸ்க் எடுக்கும் முதலீட்டாளர்கள் இந்தத் திட்டத்தில் சேர்ந்து பயன்பெறலாம்.

ஃப்யூச்சர் ஜெனரலி மணி பேக் சூப்பர் பிளான் (Future Generali Money Back Super Plan)

இந்த பாரம்பர்ய ஆயுள் காப்பீட்டுத் திட்டம் குறிப்பிட்ட இடைவெளியில் பணத்தைத் திரும்பப் பெறும் வகையில் வடிவமைக்கப்பட்டுள்ளது. இந்தத் திட்டத்தில் பணத்தைத் திரும்பப் பெறும் வகைக்கேற்ப மூன்று வகை களாகப் பிரிக்கப்பட்டுள்ளன. பிளாட்டினம் திட்டத்தில் காப்பீடு செய்யப்பட்ட ஆறாம் ஆண்டுக்குப் பிறகும் கோல்டு திட்டத்தில் எட்டாம் ஆண்டுக்குப் பிறகும் சில்வர் திட்டத்தில் பத்தாம் ஆண்டுக்குப் பிறகும் ஒவ்வோர் ஆண்டும் பணம் திரும்பக் கிடைக்கும்.

வாடிக்கையாளர்கள் பாலிசிக்கான பிரீமியத்தை மாதாந்தர / காலாண்டு/ அரையாண்டு / ஆண்டு அடிப்படை யில் செலுத்தலாம். வாடிக்கை யாளரின் வயது 50-க்குள் இருந்தால், குறைந்தபட்சம் 15,000 ரூபாய் ஆண்டு பிரீமியம் செலுத்த வேண்டும். 50 வயதுக்கு மேற்பட்ட வராக இருந்தால், ஆண்டுக்குக் குறைந்தபட்சம் 50,000 ரூபாய் பிரீமியம் செலுத்த வேண்டும். மணிபேக்குடன் காப்பீடுத் திட்டம் வேண்டும் என எண்ணும் வாடிக்கையாளர்கள் இந்தத் திட்டத்தில் சேர்ந்து பயன் பெறலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு