Published:Updated:

புதிய ஹெல்த் பாலிசி ஹெல்த் சூப்பர் சேவர்..! உங்களுக்கு ஏற்றதா..?

ஹெல்த் பாலிசி
பிரீமியம் ஸ்டோரி
News
ஹெல்த் பாலிசி

சந்தைக்குப் புதுசு - N E W S C H E M ES

சசி ரேகா

அண்மையில் சந்தைக்குப் புதிதாக வந்திருக்கும் சில முதலீட்டுத் திட்டங்களைப் பார்ப்போம்!

மஹிந்திரா மேனுலைஃப் ஷார்ட் டேர்ம் ஃபண்ட் (Mahindra Manulife Short term fund):

இந்த ஃபண்ட் ஓப்பன் எண்டடு வகையைச் சேர்ந்தது. குறைந்தபட்சம் 1,000 ரூபாயிலிருந்து முதலீட்டை ஆரம்பிக்கலாம். இந்தப் புதிய ஃபண்ட் வெளியீட்டுக்கு பிப்ரவரி 16 வரை விண்ணப்பிக்க முடியும். பிப்ரவரி 25-க்குப் பிறகு, இந்தத் திட்டத்தில் மறுமுதலீடு செய்ய முடியும்.

இதில் முதலீடு செய்யும்போது நுழைவுக் கட்டணம் கிடையாது. வெளியேறும் கட்டணமும் இல்லை. இந்தத் திட்டத்தில் திரட்டப்படும் நிதியானது ரிஸ்க் குறைவான ஓராண்டு முதல் மூன்று ஆண்டுகள் வரை முதிர்வுத் தொகை கொண்ட குறுகியகால கடன் பத்திரங்களிலும், வேறு வகை பணச் சந்தை முதலீட்டு வகைகளிலும் முதலீடு செய்யப்படும்.

எஸ்.ஐ.பி முறையில் இந்தத் திட்டத்தில் முதலீடு செய்ய முடியும். இது குறைந்த வகை ரிஸ்க் கொண்ட திட்டம். வங்கி டெபாசிட்டுக்கான வட்டியைவிட சற்று அதிக லாபம் கிடைக்க இந்தத் திட்டத்தில் வாய்ப்பு உள்ளது. இதே போன்ற ஃபண்டுகள் ஆண்டுக்கு 7.5% - 9.5% வரை வருமானம் தருகின்றன.

ஹெல்த் பாலிசி
ஹெல்த் பாலிசி

ஹெல்த் சூப்பர் சேவர்

ஃப்யூச்சர் ஜெனரலி இந்தியா இன்ஷூரன்ஸ் (Future Generali India Insurance - FGII) நிறுவனம் புதிதாக ஹெல்த் சூப்பர் சேவர் என்ற புதிய மருத்துவக் காப்பீட்டுத் திட்டத்தை அறிமுகம் செய்துள்ளது. இந்தத் திட்டம் இரண்டு வகைகளில் கிடைக்கிறது. இவற்றின் சிறப்பம்சம் என்னவெனில், முதலாம் ஆண்டு க்ளெய்ம் எதுவும் பெறவில்லை என்றால், இரண்டாவது ஆண்டு பிரீமியம் தொகையில் கணிசமான தள்ளுபடி கிடைக்கும்.

இந்த மருத்துவக் காப்பீட்டைத் தனிநபருக்கோ, குடும்ப உறுப்பினர்கள் அனைவருக்கும் சேர்த்தோ (Family floater) எடுக்க முடியும். இரண்டுக்கும் மேற்பட்ட குடும்ப உறுப்பினர்கள் இந்தப் பாலிசியை எடுக்கும்போது கூடுதலாக 10% தள்ளுபடி கிடைக்கும். இந்தத் திட்டத்தில் பிறந்த ஒரு நாள் குழந்தை முதல் 70 வயது முதியவர் வரை காப்பீடு பெற முடியும். பிரீமியத் தொகையை மாதம்தோறும் அல்லது மூன்று, ஆறு மாதங்களுக்கு ஒரு முறையோ செலுத்தலாம். இந்தத் திட்டத்தில் அறை வாடகை முதல் சிகிச்சை தொடங்குவதற்கு இரண்டு மாதங்களுக்கு முன்பிருந்து ஆகும் சிகிச்சை தொடர்பான செலுவுகள், சிகிச்சை முடிந்து மூன்று மாதங்களுக்கு ஏற்படும் சிகிச்சை தொடர்பான செலவுகள் ஆகியவற்றை க்ளெய்ம் செய்ய முடியும்.

ஐ.டி.எஃப்.சி ஃப்ளோட்டிங் ரேட் ஃபண்ட்

ஐ.டி.எஃப்.சி மியூச்சுவல் ஃபண்ட் நிறுவனம், ஐ.டி.எஃப்.சி ஃப்ளோட்டிங் ரேட் ஃபண்ட் (IDFC FLOATING RATE FUND) என்ற புதிய ஃபண்டை வெளியிடுகிறது. இந்த ஃபண்டில் திரட்டப்படும் நிதி மாறுபடும் வட்டி வருமானத்தை அளிக்கும் கடன் சார்ந்த திட்டங்கள், கடன் பத்திரங் களில் முதலீடு செய்யப்படுகிறது. இது ஓப்பன் எண்டட் வகையைச் சேர்ந்த கடன் ஃபண்ட் ஆகும். இதில் பிப்ரவரி 16-ம் தேதி வரை முதலீடு செய்யலாம். நுழைவுக் கட்டணம் கிடையாது. குறைந்தபட்ச முதலீட்டுத் தொகை ரூ.5,000 ஆகும்.

நிப்பான் இந்தியா எஸ் & பி யூரோப் 350 இண்டெக்ஸ் ஃபண்ட்

நிப்பான் இந்தியா எஸ் & பி யூரோப் 350 இண்டெக்ஸ் ஃபண்ட் (Nippon India S & P Europe 350 Index fund) என்ற திட்டத்துக்கு செபியிடம் அனுமதி கோரியுள்ளது. இந்திய முதலீட்டாளர்கள் அமெரிக்கா மற்றும் பிற நாடுகளில் முதலீடு செய்ய அதிக ஆர்வம் காட்டி வருகிறார்கள். அந்த வகையில் இந்த புதிய திட்டம் ஐரோப்பிய நிறுவனங் களில் முதலீடு செய்ய முதலீட்டாளர்களுக்கு உதவும். செபியின் அனுமதிக்குப் பிறகு, இந்தத் திட்டத்தில் முதலீடு செய்ய முடியும்.