Published:Updated:

சந்தைக்குப் புதுசு : பயனுள்ள பாதுகாப்பான என்.சி.டி! - முதலீடு - காப்பீடு டிப்ஸ்

முதலீடு - காப்பீடு டிப்ஸ்
பிரீமியம் ஸ்டோரி
முதலீடு - காப்பீடு டிப்ஸ்

வங்கிகள் டெபாசிட்டுகளுக்கு 5-8% மட்டுமே வட்டி வழங்கி வருவதால், இந்தக் கடன் பத்திரத்துக்கு வழங்கும் வட்டி ஈர்ப்பதாக உள்ளது!

சந்தைக்குப் புதுசு : பயனுள்ள பாதுகாப்பான என்.சி.டி! - முதலீடு - காப்பீடு டிப்ஸ்

வங்கிகள் டெபாசிட்டுகளுக்கு 5-8% மட்டுமே வட்டி வழங்கி வருவதால், இந்தக் கடன் பத்திரத்துக்கு வழங்கும் வட்டி ஈர்ப்பதாக உள்ளது!

Published:Updated:
முதலீடு - காப்பீடு டிப்ஸ்
பிரீமியம் ஸ்டோரி
முதலீடு - காப்பீடு டிப்ஸ்
ண்மையில் சந்தைக்கு வந்திருக்கும் முதலீட்டு, காப்பீட்டுத் திட்டங்கள் குறித்துப் பார்ப்போம்.

புதிய ஆர்பிட்ரேஜ் ஃபண்ட்!

மிரே அஸெட் மியூச்சுவல் ஃபண்ட் நிறுவனம், ‘மிரே அஸெட் ஆர்பிட்ரேஜ் ஃபண்ட்’ (Mirae Asset Arbitrage Fund) என்ற புதிய ஃபண்டை வெளியிட்டிருக்கிறது. இது, ஓப்பன் எண்டடு வகையைச் சேர்ந்தது; குறைந்தபட்சம் 5,000 ரூபாயிலிருந்து முதலீட்டை ஆரம்பிக்கலாம். இந்தப் புதிய வெளியீட்டுக்கு ஜூன் 12-ம் தேதி வரை விண்ணப்பிக்க முடியும். திரட்டப்படும் நிதி, ஈக்விட்டி மற்றும் கடன் சார்ந்த திட்டங்களில் முதலீடு செய்யப்படும். நுழைவுக் கட்டணம் இல்லை. 30 நாள்களுக்குள் வெளியேறினால் 0.25% கட்டணம் உண்டு. இதற்கான வரி விதிப்பு, ஈக்விட்டி ஃபண்டுகளுக்கு உரியது. இந்த ஃபண்ட் சராசரி ரிஸ்க் கொண்டது என்பதால், அனைவரும் முதலீடு செய்யலாம். ஆனால், வருமானம் ஓரளவுக்குக் குறைவாகவே இருக்கும்.

முதலீடு - காப்பீடு
முதலீடு - காப்பீடு

ஒட்டுமொத்த விகடனுக்கும் ஒரே ஷார்ட்கட்!

ஆரோக்ய சஞ்சீவனி பாலிசி!

ரிலையன்ஸ் ஜெனரல் இன்ஷூரன்ஸ் நிறுவனம், ‘ஆரோக்ய சஞ்சீவனி’ என்ற ஹெல்த் இன்ஷூரன்ஸ் பாலிசியை வெளியிட்டிருக்கிறது. இந்த பாலிசியின் மூலம் மருத்துவமனைக்கு முந்தைய 30 நாள்களுக்கான மற்றும் மருத்துவமனை சிகிச்சைக்குப் பிறகான 60 நாள்களுக்குண்டான செலவுகளை க்ளெய்ம் செய்து கொள்ளலாம். இந்த பாலிசி மூலம் ஆயுர்வேதம், யுனானி, சித்த மருத்துவம் மற்றும் ஹோமியோபதி சிகிச்சைச் செலவுகளையும் க்ளெய்ம் செய்துகொள்ளும்படி வடிவமைக்கப்பட்டுள்ளது. குழந்தை பிறந்து 91 நாள்கள் முதல் 65 வயது வரையுள்ளவர்கள் இந்த பாலிசியை எடுக்கலாம். தனிநபர் மற்றும் ஃபேமிலி ஃப்ளோட்டர் பாலிசி ஆப்ஷனும் இதில் இருக்கிறது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

யெஸ் பேங்க் ஃபிக்ஸட் டெபாசிட்!

யெஸ் பேங்க் கோவிட்-19 தொற்று பாதிப்புக்கான இலவச ஹெல்த் இன்ஷூரன்ஸ் ஆப்ஷனுடன், புதிதாக ஃபிக்ஸட் டெபாசிட் ஒன்றை ஆரம்பித்திருக்கிறது. யெஸ் பேங்க் வாடிக்கையாளர்களுக்கு இந்த பாலிசியை ரிலையன்ஸ் ஜெனரல் இன்ஷூரன்ஸ் நிறுவனம் வழங்குகிறது. ரூ.25,000 முதிர்வுகொண்ட ஹெல்த் பாலிசியைப் பெற குறைந்தபட்சம் ரூ.1 லட்சத்தை வங்கி எஃப்.டி-யில் முதலீடு செய்ய வேண்டும். இந்த எஃப்.டி-க்கு யெஸ் பேங்க் 7.25% வட்டி தருகிறது.

முதலீடு - காப்பீடு
முதலீடு - காப்பீடு

முத்தூட்: பாதுகாப்பான என்.சி.டி!

முத்தூட் மினி ஃபைனான்ஷியர்ஸ் (Muthoottu Mini Financiers) நிறுவனம், பாதுகாப்பான என்.சி.டி (Secured NCD) வெளியிடுகிறது. இதற்கு ஜூன் 26 வரை விண்ணப்பம் செய்யலாம். இதன் முகமதிப்பு ரூ.1,000. குறைந்தபட்சம் 10 என்.சி.டி-க்களுக்கு அதாவது, ரூ10,000-க்கு விண்ணப்பிக்க வேண்டும். இதன் முதிர்வுக்காலம் 480 நாள்கள், 24 மாதங்கள், 36 மாதங்கள், 50 மாதங்கள் மற்றும் 85 மாதங்கள். ஆண்டுக்கு 10.5% முதல் 11.02% வரை வட்டி கிடைக்கும். இந்த என்.சி.டி., பி.எஸ்.இ-யில் பட்டியலிடப்படும். தற்போது வங்கிகள் டெபாசிட்டுகளுக்கு 5-8% மட்டுமே வட்டி வழங்கி வருவதால், இந்தக் கடன் பத்திரத்துக்கு வழங்கும் வட்டி கவர்ச்சிகரமானதாக இருக்கிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism