Published:Updated:

ஓய்வுக்கால தொகுப்பு நிதி... ரிடையர்மென்ட் ஃபண்டுகளில் முதலீடு செய்யலாமா?

ஓய்வுக்காலம்...
பிரீமியம் ஸ்டோரி
ஓய்வுக்காலம்...

ஒளிமயமான ஓய்வுக்காலம்! - சூப்பர் பிளானிங் 12

ஓய்வுக்கால தொகுப்பு நிதி... ரிடையர்மென்ட் ஃபண்டுகளில் முதலீடு செய்யலாமா?

ஒளிமயமான ஓய்வுக்காலம்! - சூப்பர் பிளானிங் 12

Published:Updated:
ஓய்வுக்காலம்...
பிரீமியம் ஸ்டோரி
ஓய்வுக்காலம்...

மியூச்சுவல் ஃபண்ட் முதலீட்டை எடுத்துக் கொண்டால், அதில் அனைத்து நிதி இலக்கு களை யும் நிறைவேற்ற திட்டங்கள் இருக்கின்றன.

இந்திய மியூச்சுவல் ஃபண்ட் துறையை நெறிப்படுத்தும் செபி அமைப்பு 2017-ம் ஆண்டில் மியூச்சுவல் ஃபண்ட் திட்டங்களை வகைப்படுத்தியது. அப்போது ஓய்வுக்காலத் தீர்வுகள் அடிப்படையிலான திட்டப் (Retirement solution oriented scheme) பிரிவின்கீழ் மியூச் சுவல் ஃபண்ட் நிறுவனங்கள், ஓய்வுக்கால ஃபண்டுகளை (Retirement Funds) அறிமுகம் செய்யலாம் என அனுமதி கொடுத்தது.

என்.விஜயகுமார், 
நிதி ஆலோசகர், 
https://www.vbuildwealth.com/
என்.விஜயகுமார், நிதி ஆலோசகர், https://www.vbuildwealth.com/

சிறப்பு அம்சம்...

புதிதாக அறிமுகப்படுத்தப் பட்டுள்ள பென்ஷன் திட்டங் களில் சிறப்பு அம்சமாக ஈக்விட்டி பிளான், ஹைபிரிட் ஈக்விட்டி பிளான், ஹைபிரிட் டெஃப்ட் பிளான் உள்ளிட்ட பல ஆப்ஷன்கள் உள்ளன. அதாவது வயது, ரிஸ்க் எடுக்கும் திறன், முதலீட்டுக் காலம் ஆகியவற்றைப் பொறுத்து முதலீட்டாளர் ஆப்ஷனைத் தேர்வு செய்து கொள்ளலாம்.

இந்த ஃபண்டுகளில் ஓய்வுக்காலத் தேவை அல்லது ஐந்தாண்டுகளுக்குப் பிறகு பணம் தேவைப்படும் என்கிற நிலையில்தான் முதலீடு செய்ய வேண்டும். பணி ஓய்வுக்காலத்துக்குத் திட்ட மிடுபவர்கள் இந்த ரிடையர் மென்ட் ஃபண்டுகளைக் கவனிக்கலாம்.

இந்தத் திட்டத்தில் செய்யப்படும் முதலீடு அந்த நோக்கத்துக்குதான் பயன் படுத்தப்பட வேண்டும் என்ற அடிப்படையில் போட்ட முதலீட்டைக் குறைந்தபட்சம் ஐந்து ஆண்டுகள் அல்லது ஓய்வுக்கால வயது, எது முந்து கிறதோ, அதுவரைக்கும் எடுக்க முடியாதபடி ‘லாக் இன் பீரியட்’ இருக்கிறது.

பாதக அம்சம்...

புதிதாகக் கொண்டு வரப் பட்டிருக்கும் இந்த ரிடையர் மென்ட் ஃபண்டுகளில் செய்யப்படும் முதலீட்டுக்கு 80சி பிரிவின்கீழ் வரிச் சலுகை இல்லை என்பது பாதகமான அம்சமாகும். இதற்கு முன் அறிமுகப்படுத்தப்பட்ட யு.டி.ஐ ரிடையர்மென்ட் பெனிஃபிட் பென்ஷன் ஃபண்ட் (UTI Retirement Benefit Pension Fund UTI-RBP), ஃப்ராங்க்ளின் இந்தியா பென்ஷன் பிளான் (Franklin India Pension Plan) திட்டங் களில் செய்யப்படும் முதலீட் டுக்கு 80சி பிரிவின் கீழ் நிதி ஆண்டில் நிபந்தனைக்கு உட்பட்டு ரூ.1.5 லட்சம் வரையிலான முதலீட்டுக்கு வருமான வரிச் சலுகை அளிக்கப்படுகிறது. வருமான வரியை மிச்சப்படுத்தத் திட்டமிடுபவர்கள் அது போன்ற ஃபண்டுகளில் முதலீடு செய்வது நல்லது.

இந்த ஃபண்டுகளில் 40% நிறுவனப் பங்குகளிலும் மீதம் கடன் சந்தை சார்ந்த திட்டங்களிலும் முதலீடு செய்யப்படுகிறது. இந்த ஃபண்டானது கடன் சந்தை சார்ந்த ஃபண்டுகளின்கீழ் வருவதால், நீண்ட கால மூலதன ஆதாய வரியாக பணவீக்க சரிக்கட்டலுக்கு 20% கட்ட வேண்டும்.

சிறப்பு அம்சமாக யு.டி.ஐ ரிடையர்மென்ட் பெனிஃபிட் பென்ஷன் ஃபண்ட் என்பது இந்திய அரசு அறிவித்த பென்ஷன் ஃபண்ட் ஆகும். இது 1994-ம் ஆண்டில் ஆரம்பிக்கப்பட்டது. இது எப்போது வேண்டுமானாலும் முதலீடு செய்யும் ‘ஓப்பன் எண்டட்’ வகை பேலன்ஸ்டு ஃபண்டாக இருக்கிறது. இந்த அதிக ரிஸ்க் இல்லாத போர்ட்ஃபோலியோவானது, முதலீட்டாளர்களுக்கு குறிப்பாக, சுயதொழில் செய்பவர்களுக்கு, அவர்களின் 58 வயதுக்குப் பிறகு பென்ஷன் வழங்குவதை உறுதி செய்கிறது.

ஓய்வுக்கால தொகுப்பு நிதி...
ரிடையர்மென்ட் ஃபண்டுகளில்
முதலீடு செய்யலாமா?

யு.டி.ஐ-ஆர்.பி.பி என்பது ஒரு பென்ஷன் திட்டம் ஆகும். இந்தத் திட்டத்தில் முதலீடு செய்திருப்பவர்கள், சேர்ந்திருக்கும் பணத்திலிருந்து பென்ஷன் போல் குறிப்பிட்ட காலத்துக்குத் தொடர்ந்து, குறிப்பிட்ட தொகையைப் பெற்றுக்கொள்ள முடியும். எவ்வளவு காலத்துக்கு எவ்வளவு தொகை கிடைக்கும் என்பது, சேர்ந்திருக்கும் தொகுப்பு நிதி மற்றும் முதலீட்டாளரின் தேவையைப் பொறுத்து அமையும். முதலீட்டாளரின் வயது 58-ஐ தாண்டும்போது சிஸ்டமேட்டிக் வித்ட்ராயல் பிளான் (Systematic Withdrawal Plan - SWP) மூலமாகக் குறிப்பிட்ட பணத்தைத் தொடர்ந்து பெறலாம்.

செபியின் புதிய வகைப்படுத்தலுக்குப் பிறகு பல முன்னணி மியூச்சுவல் ஃபண்ட் நிறுவனங்கள் ஓய்வுக் கால மியூச்சுவல் ஃபண்ட் திட்டங்களை அறிமுகப் படுத்தி உள்ளன. அதில் ஒன்று, ஆதித்ய பிர்லா சன் லைஃப் ரிடையர்மென்ட் ஃபண்ட் (Aditya Birla Sun Life Retirement Fund) ஆகும்.

இது எப்போது வேண்டுமானலும் முதலீடு செய்யும், எப்போது வேண்டுமானலும் முதலீட்டை வெளியே எடுக்கும் வசதி கொண்ட ஓப்பன் எண்டட் ஃபண்ட். இது முதலீட்டாளர்களுக்கு ஓய்வுக்காலத் தீர்வை அளிக்கும் திட்டம் ஆகும்.

இந்த ஃபண்டில் ஐந்து ஆண்டுகள் அல்லது பணி ஓய்வு வரை, எது குறைவாக இருக்கிறதோ, அது ‘லாக்-இன்’ காலமாகக் கருதப்படும்.

இந்த ஃபண்ட் பல்வேறு வயதை சேர்ந்த தனிநபர்களுக்கு அவர்களின் ரிஸ்க் எடுக்கும் திறனுக்கேற்ப ஓய்வுக்கால முதலீட்டுக்குத் திட்டமிட நான்கு விதமான திட்டங்களைக் (Asset Allocation Plans) கொண்டிருக்கிறது. இந்த ஃபண்ட், நான்கு முதலீட்டு விருப்பங்களாக (Investment Options), பல்வேறு வயதினருக்காக வடிவமைக்கப்பட்டிருக்கிறது.

30 வயதுகளில் இருப்பவர்களுக்கான திட்டத்தில் (The 30s plan), அவர்களின் முதலீட்டுத் தொகை 80-100% பங்குகள், பங்குச் சந்தை சார்ந்த நிதி ஆவணங்களில் முதலீடு செய்யப் படும். மீதி கடன் சந்தை மற்றும் பணச் சந்தை ஆவணங்களில் முதலீடு செய்யப்படும்.

40 வயதுகளில் இருப்பவர்களுக்கான திட்டத்தில் (The 40s plan), அவர்களின் முதலீட்டு தொகை 65-80% பங்குகள், பங்குச் சந்தை சார்ந்த நிதி ஆவணங்களில் முதலீடு செய்யப்படும். 50 வயதுகளில் இருப்பவர்களுக்கான திட்டத்தில் (The 50s plan), அவர்களின் முதலீட்டுத் தொகை 75-100%. கடன் சந்தை சார்ந்த ஆவணங்களில் முதலீடு செய்யப்படும்.

இது தவிர பணி ஓய்வுக்காலத்தை நெருங்குபவர்களுக்கு 50’ஸ் பிளஸ் டெப்ட் பிளான் (50s Plus Debt Plan) இருக்கிறது. இதில் 100% தொகையும், கடன் சந்தை மற்றும் பணச் சந்தை ஆவணங்களில் முதலீடு செய்யப்படும்.

ஆக்ஸிஸ் ரிடையர்மென்ட் சேவிங்ஸ் ஃபண்ட் (Axis Retirement Savings Fund) முதலீட் டாளர்களின் மாறுபட்ட ரிஸ்க்கை மனதில்கொண்டு, இந்த ஃபண்ட் மூன்று முதலீட்டுத் திட்டங்களைக் கொண்டுள்ளது. அக்ரசிவ் பிளான் (Aggressive Plan), இதில் நிறுவனப் பங்குகளில் செய்யப் படும் முதலீடு 65-80% வரை இருக்கும்.

டைனமிக் பிளான் (Dynamic Plan), இதில் நிறுவனப் பங்கு களில் செய்யப்படும் முதலீடு, 65% மற்றும் 100%க்கு இடையே மாறும் வகையில் நிர்வகிக்கப் படும். கன்சர்வேட்டிவ் பிளான் (Conservative Plan), இதில் கடன் சந்தை சார்ந்த முதலீடு 40 முதல் 80% வரை இருக்கும்.

இவை தவிர, நிப்பான் இந்தியா, எஸ்.பி.ஐ டாடா உள்ளிட்ட மியூச்சுவல் ஃபண்ட் நிறுவனங்கள் ஓய்வுக்கால மியூச்சுவல் ஃபண்ட் திட்டங்களைக் கொண்டுள்ளன.

ஓய்வுக்கால தொகுப்பு நிதி...
ரிடையர்மென்ட் ஃபண்டுகளில்
முதலீடு செய்யலாமா?

மாற்று முதலீடுகள்...

ரிஸ்க் எடுக்க விரும்பாதவர்கள் மற்றும் முதலீட்டுக் காலம் 15 ஆண்டுகளுக்கு மேல் இருப்பவர்கள் தபால் அலுவலக பப்ளிக் பிராவி டன்ட் ஃபண்ட் திட்டத்தில் முதலீடு செய்து வரலாம். இதில் முதலீட்டுக்கு 80சி பிரிவில் வரிச் சலுகை கிடைக்கும். மேலும், வட்டி வருமானத்துக்கு வரி இல்லை என்பது சிறப்பு அம்சமாகும்.

முதலீட்டில் அதிக ரிஸ்க் எடுக்க விரும்பவில்லை, நடுத்தரக் கால முதலீடு மற்றும் நீண்ட கால முதலீடு எனில், பேலன்ஸ்டு அட்வான்டேஜ் ஃபண்ட், ஹைபிரிட் ஈக்விட்டி சேவிங்ஸ் ஃபண்ட் ஆகியவற்றில் முதலீடு செய்து வரலாம்.

முதலீட்டில் ரிஸ்க் எடுக்கத் தயார், முதலீட்டுக் காலம் சுமார் 15, 20 ஆண்டுகள் இருக்கின்றன என்பவர்கள் தாராளமாக ஈக்விட்டி டைவர்சிஃபைட் ஃபண்டுகளான லார்ஜ்கேப் ஃபண்டுகள், மல்ட்டி கேப் ஃபண்டுகள், ஃபிளெக்ஸிகேப் ஃபண்டுகளில் சிஸ்டமேட்டிக் இன் வெஸ்ட்மென்ட் பிளான் (எஸ்.ஐ.பி) மற்றும் சிஸ்டமேட்டிக் இன்வெஸ்ட் மென்ட் பிளான் (எஸ்.டி.பி) முறையில் முதலீடு செய்து வரலாம்.

மேலும், முதலீட்டுக்கு வருமான வரிச் சலுகை தேவைப்படுபவர்கள் என்.பி.எஸ் என்ற தேசிய ஓய்வூதியத் திட்டத்தில் முதலீடு செய்து வரலாம். இதில், 60 வயதில் சேர்ந்தி ருக்கும் பணத்தில் 60 சதவிகிதத்தை எடுத்துக்கொள்ளலாம். அதற்கு வரிக் கிடையாது. மீதமுள்ள 40% தொகை ஓய்வூதியத் திட்டத்தில் முதலீடு செய்யப்பட்டு பென்ஷன் வழங்கப்படும். இந்த பென்ஷனுக்கு வரி உண்டு,

வருமானம் எப்படி?

கடந்த பத்தாண்டு காலத்தில் ரிடையர்மென்ட் ஃபண்டுகள் ஆண்டுக்கு சுமார் 10.85% வருமானத்தைத் தந்துள்ளன. இதே காலகட்டத்தில் ஈக்விட்டி டைவர்சிஃபைட் ஃபண்டுகளான லார்ஜ்கேப் ஃபண்டுகள், மல்ட்டிகேப் ஃபண்டுகள், ஃபிளெக்ஸிகேப் ஃபண்டுகளின் சராசரி வருமானம் ஆண்டுக்கு சுமார் 15 சதவிகிதமாக இருக்கிறது.

முதலீட்டில் ஒழுங்கைக் கடைப்பிடிப்பவராக இருக்கும் பட்சத்தில், வருமான வரிச் சலுகை வேண்டாம் என்ப வர்கள் ரிடையர்மென்ட் ஃபண்டுக்கு பதில் டைவர் சிஃபைட் ஃபண்டுகளில் முதலீடு செய்யலாம். முதலீட்டுக்கு வரிச் சலுகை தேவை என்பவர்கள் வரிச் சேமிப்பு மியூச்சுவல் ஃபண்ட் திட்டமான (மூன்றாண்டு லாக் இன்) இ.எல்.எஸ்.எஸ் ஃபண்டில் முதலீடு செய்யலாம். இந்த ஃபண்டின் சராசரி வருமானம் கடந்த 10 ஆண்டுகளுக்கு சராசரியாக 15.50 சதவிகிதமாக உள்ளது. ஈக்விட்டி ஃபண்டுகளில் நிதி ஆண்டில் நீண்ட கால மூலதன ஆதாயத்துக்கு ரூ.1 லட்சம் வரி கிடையாது. அதற்கு மேற்பட்ட ஆதாயத்துக்கு 10% வரி கட்டினால் போதும்.

உங்களின் முதலீட்டு ஒழுங்கு, ரிஸ்க் எடுக்கும் திறன், வருமான எதிர்பார்ப்பு, வரிச் சலுகை, வரி அனுகூலம் ஆகியவற்றுக்கு ஏற்ப ஓய்வுக்கால முதலீட்டுத் திட்டங்களைத் தேர்வு செய்வது மிக முக்கியமாகும். பெயரில் ரிட்டயர்மென்ட் இருக்கிறது என்பதற்காக அதைத் தேர்வு செய்ய வேண்டும் என்கிற அவசியமில்லை.

(திட்டமிடல் தொடரும்)

இலக்கை நெருங்கும்போது..!

இலக்கை நெருங்கும் ஓரிரு ஆண்டுகளுக்குமுன் தொகுப்பு நிதியைப் பாதுகாப்பான ஃபிக்ஸட் டெபாசிட் அல்லது கடன் ஃபண்டுகளுக்கு மாற்றி வைத்துக்கொள்வது நல்லதாகும். இன்னும் சில ஆண்டுகள்தான் இலக்குக்கு இருக்கிறது. இப்போது நல்ல லாபத்தில் இருக்கிறது. பங்குச் சந்தை விரைவில் இறங்கும் என்ற சூழல் காணப்பட்டாலும் கடன் சந்தை சார்ந்த திட்டங்களுக்கு முதலீட்டை மாற்றிக்கொள்வது லாபகரமாக இருக்கும்.