Published:Updated:

மியூச்சுவல் ஃபண்ட் முதலீட்டை எப்படி, எப்போது விற்க வேண்டும்?

சேமிப்பும் முதலீடும்
பிரீமியம் ஸ்டோரி
சேமிப்பும் முதலீடும்

சேமிப்பும் முதலீடும் - 24

மியூச்சுவல் ஃபண்ட் முதலீட்டை எப்படி, எப்போது விற்க வேண்டும்?

சேமிப்பும் முதலீடும் - 24

Published:Updated:
சேமிப்பும் முதலீடும்
பிரீமியம் ஸ்டோரி
சேமிப்பும் முதலீடும்

மியூச்சுவல் ஃபண்ட் முதலீட்டைப் பொறுத்தவரையில் சரியான நேரத்தில் முதலீடு செய்வதுபோல, சரியான நேரத்தில் வெளியேறுவதும் முக்கியமாகும்.முதலில் மியூச்சுவல் ஃபண்ட் முதலீட்டை எப்படி விற்க வேண்டும் என்றும், அதன் பிறகு எப்போது விற்க வேண்டும் என்றும் பார்ப்போம்.

சிவகாசி மணிகண்டன் 
நிதி ஆலோசகர், 
Aismoney.com
சிவகாசி மணிகண்டன் நிதி ஆலோசகர், Aismoney.com

ரிடெம்ப்ஷன் ரிக்வெஸ்ட்

மியூச்சுவல் ஃபண்டில் முதலீடு செய்வதற்கு ஒரு விண்ணப்பம் இருப்பதுபோல, விற்பதற்கும் விண்ணப்பம் இருக்கிறது. இந்த விண்ணப் பத்தில் ‘ரிடெம்ப்ஷன் ரிக்வெஸ்ட்டை’ டிக் செய்து, அதில் தேவைப்படும் பணம் அல்லது யூனிட்டுகளின் எண்ணிக்கையைக் குறிப்பிட்டு அந்தப் படிவத்தைப் பூர்த்தி செய்து மியூச்சுவல் ஃபண்ட் ஏஜென்ட் அல்லது மியூச்சுவல் ஃபண்ட் கிளை அலுவலகத்தில் தந்தால், மியூச்சுவல் ஃபண்ட் முதலீட்டுடன் இணைக்கப் பட்டிருக்கும் வங்கிக் கணக்குக்குப் பணம் வந்துவிடும். இந்த வங்கிக் கணக்கை பெரும்பாலும் மியூச்சுவல் ஃபண்ட் முதலீட்டுக் குப் பயன்படுத்திக்கொள்வதாக வைத்துக் கொள்வது நல்லது.

இப்போதெல்லாம் ஆன்லைன் மூலமும், ஆப் மூலமும் மியூச்சுவல் ஃபண்ட் யூனிட்டு களை விற்கும் வசதி வந்துவிட்டது. மேலும், மியூச்சுவல் ஃபண்ட் நிறுவனத்தின் இணைய தளத்தில் பான் எண், ஃபோலியோ எண் ஆகிய வற்றைக் கொண்டு யூஸர் ஐ.டி, பாஸ்வேர்டு உருவாக்கிக்கொண்டு முதலீட்டாளரே தன் தேவைக்கேற்ப யூனிட்டுகளை விற்று பணமாக்கிக்கொள்ள முடியும்.

டீமேட் கணக்கின் மூலம் முதலீடு செய்திருப் பவர்கள், எப்போது வேண்டுமானாலும் யூனிட்டுகளை விற்றுப் பணமாக்க முடியும்.

எந்த முறையில் யூனிட்டுகளை ரிடெம்ஷன் செய்தாலும், அதற்கென ஒரு கட் ஆஃப் நேரத்தை (Cut off Time) செபி அமைப்பு நிர்ணயம் செய்துள்ளது. அந்த நேரத்துக்குள் யூனிட்டுகளை விற்க விண்ணப்பித்தால், அன்றைய என்.ஏ.வி மதிப்பில் பணம் கிடைக்கும். இல்லை எனில், மறுநாள் என்.ஏ.வி கணக்கில் பணம் கிடைக்கும். சந்தையின் செயல்பாட்டுக்கேற்ப இந்த என்.ஏ.வி கூடுதலாகவோ, குறைவாகவோ இருக்கலாம்.

இந்த கட் ஆஃப் டைம் என்பது டீமேட் மூலம் முதலீடு செய்திருக்கும்பட்சத்தில் உங்களுக்கு முதலீட்டுக்கு உதவும் (உதாரணம் ஜெரோதா) நிறுவனத்துக்கு ஏற்பவும் மாறுபடும். அதற்கேற்ப முன்கூட்டியே திட்டமிட்டுக் கொள்ளவும்.

மியூச்சுவல் ஃபண்ட் முதலீட்டை 
எப்படி, எப்போது விற்க வேண்டும்?

எவ்வளவு நாளைக்குள் பணம் கிடைக்கும்?

ஃபிக்ஸட் டெபாசிட், தங்க நகை, வீடு, மனை போன்றவற்றை விற்று பணமாக்குவதை விட மியூச்சுவல் ஃபண்டில் யூனிட்டுகளை விற்றுப் பணமாக்குவது எளிது. ரிஸ்க் குறைவான, அவசரக்கால தேவைக்கு என முதலீடு செய்திருக்கும் லிக்விட் ஃபண்டில் அரை மணி நேரத்துக்குள் ரூ.2 லட்சம் வரை ஆன்லைன் மூலம் எடுத்துக்கொள்ள முடியும்.

மேலும், நிப்பான் இந்தியா மியூச்சுவல் ஃபண்ட் போன்றவை லிக்விட் ஃபண்டில் பணம் போட்டிருப்பவர்களுக்கு ஏ.டி.எம் கார்டு கொடுத்திருக்கின்றன. இந்த கார்டின் மூலம் முதலீட்டுக் கணக்கிலிருக்கும் தொகையில் அதிகபட்சம் 50% வரை உடனடி யாக எடுத்துக்கொள்ள முடியும். மொத்தத் தொகையும் தேவை எனில், காலை 11 மணிக்குள் ரிடெம்ஷன் படிவத்தை நிரப்பிக் கொடுத்தால், மறுநாள் காலை 12 மணிக்குள் உங்கள் வங்கிக் கணக்குக்குப் பணம் வந்து சேர்ந்துவிடும். ஆப்கள் மூலம் முதலீடு செய்திருப்பவர் களுக்கு லிக்விட் ஃபண்ட் யூனிட்டுகளை விற்றால் உடனடியாக வங்கிக் கணக்குக்கு பணம் வந்துவிடும்.

ஈக்விட்டி ஃபண்டுகள், ஹைபிரிட் ஃபண்டுகளில் யூனிட்டுகளை விற்ற சுமார் மூன்று வர்த்தக தினங்களில் வங்கிக்கு பணம் வந்துவிடும். கடன் ஃபண்டுகளில் சுமார் நான்கு வர்த்தக தினங்களில் வங்கிக் கணக்குக்கு பணம் வந்து சேர்ந்துவிடும். குளோபல் ஃபண்டுகள் மற்றும் ஃபண்ட் ஆஃப் ஃபண்டுகளை விற்கும்போது, பணம் வந்து சேர ஆறு நாள்கள் ஆகும்.

டீமேட் கணக்கு மூலம் மியூச்சுவல் ஃபண்ட் திட்டங்களில் செய்திருந்தாலும், இந்த அளவு நாள்கள் எடுத்துக்கொள்ளும். எனவே, உங்களின் பணம் என்றைக்குத் தேவை என்பதைக் கணக்கிட்டு அதற்கேற்ப முன்கூட்டியே ரிடெம்ஷன் செய்வது அவசியம்.

உதாரணமாக, ஒருவர் குளோபல் ஃபண்டில் முதலீடு செய்திருக்கிறார். ஒரு வார காலத்தில் பணம் தேவை எனில், அவர் இப்போது யூனிட்டுகளை விற்பதுதான் நல்லது. இது ஈக்விட்டிஃபண்ட் எனில், பணத் தேவைக்கு 3-4 நாள்களுக்கு முன்கூட விற்றுக்கொள்ளலாம். லிக்விட் ஃபண்ட் எனில், இரு தினங்களுக்கு முன்னர்கூட யூனிட்டுகளை விற்கலாம்.

வெளியேறும் கட்டணம் & வருமான வரி...

மியூச்சுவல் ஃபண்ட் யூனிட்டு களை விற்கும்போது ஒருவர் இரு விஷயங்களைக் கவனிக்க வேண்டும். ஒன்று, வெளியேறும் கட்டணம்; மற்றது, வருமான வரி ஆகும்.

தேவைக்காக யூனிட்டுகளைக் குறிப்பிட்ட காலத்துக்கு முன் அதாவது, ஆறு மாதம் அல்லது ஓராண்டுக்குமுன் விற்கும்போது, என்.ஏ.வி-யைவிட சற்றே குறைவான தொகைதான் கிடைக்கும். காரணம், வெளியேறும் கட்டணம் (Exit Load) ஆகும். நம் கணக்கில் இருக்கும் யூனிட்டுகளை, அதன் என்.ஏ.வி மதிப்பால் பெருக்கி, அதில் வெளியேறும் கட்டணத்தை கழித்தால் மீதம் வரும் தொகை தருவார்கள்.

பெரும்பாலும் முதலீடு செய்த ஓராண்டுக்குள் யூனிட்டுகளை விற்றால், சுமார் 0.5% முதல் 2% வெளியேறும் கட்டணம் இருக் கும். வெளியேறும் கட்டணம் இல்லாத ஃபண்டுகளும் உண்டு.

ஒரு ஃபண்ட் திட்டத்திலிருந்து வேறு ஃபண்ட் திட்டங்களுக்கு முதலீட்டாளர்கள் அடிக்கடி மாறுவதைத் தவிர்க்கவும்; ஃபண்ட் மேனேஜர்கள் திட்டத் தைச் சிறப்பாக நிர்வகிக்கவும் இந்தக் கட்டணம் விதிக்கப் படுகிறது. ஈக்விட்டி ஃபண்டுகளில் நீண்ட கால நிலையான முதலீட் டைத் திட்டமிட இந்த வெளி யேறும் கட்டணம் உதவுகிறது.

வரி எவ்வளவு..?

அடுத்து, மியூச்சுவல் ஃபண்ட் முதலீட்டில் யூனிட்டுகளை விற்கும்முன், அந்த ஃபண்டில் முதலீடு செய்து எவ்வளவு நாள்களாகிறது எனப் பார்ப்பது முக்கியம். ஈக்விட்டி ஃபண்ட் முதலீட்டில் ஓராண்டுக்கு முன் விற்றால், மூலதன ஆதாயத்துக்கு குறுகிய கால மூலதன ஆதாய வரி 15% கட்ட வேண்டி வரும். இதே போல், கடன் சார்ந்த ஃபண்டுகளில் மூன்று ஆண்டுக்கு முன் யூனிட்டு களை விற்று பணமாக்கினால், குறுகிய கால மூலதன ஆதாய வரி, அடிப்படை வருமான வரிக்கு ஏற்ப (புதிய வரி முறையில் 5%, 20% மற்றும் 30%) கட்ட வேண்டி வரும். இதைக் கணக்கிட்டும் பணத்தை எடுக்கும்போது வரியை மிச்சப் படுத்த முடியும்.

முகவரி, செல்போன் எண், வங்கி கணக்கு மாற்றம்...

உங்களின் வீட்டு முகவரி, செல் போன் நம்பர், வங்கிக் கணக்கு மாறியிருந்தால், அவற்றை உடனே மியூச்சுவல் ஃபண்ட் நிறுவனத் துக்குத் தெரிவிக்க வேண்டும். அப்போதுதான் விவரங்கள்/ அறிவிப்புகள் சரியாக வந்துசேரும். மேலும், யூனிட்டுகளை விற்கும் போதான பரிவர்த்தனைகளும் சரியாக வந்து சேரும்.

மியூச்சுவல் ஃபண்டில் முதலீடு செய்யும்போது, சிங்கிள் ஹோல்டர், ஜாயின்ட் ஹோல்டர், எனி ஒன் ஆர் சர்வைவர், ஃபர்ஸ்ட் ஆர் சர்வைவர் என எப்படி இருக்கிறதோ, அதேபோல தொடர்புடைய அனைவரும் கையெழுத்து போட்டால்தான் யூனிட்டுகளை விற்க முடியும்.

ஒன்றுக்கு மேற்பட்டவர்கள் பெயரில் விண்ணப்பித்து, எனி ஒன் ஆர் சர்வைவர் எனக் குறிப்பிட்டிருந்தால், அவர்களில் யாராவது ஒருவர் கேட்டால்கூட பணம் கிடைக்கும். ஒன்றுக்கு மேற்பட்டவர்கள் விண்ணப்பித்து, ஃபர்ஸ்ட் ஆர் சர்வைவர் எனக் குறிப்பிட்டு இருந்தால், முதல் நபர்தான் கையொப்பம் போட்டு அனுப்ப வேண்டும்.

எப்போது விற்க வேண்டும்?

தேவை மற்றும் சூழ்நிலையைப் பொறுத்து மியூச்சுவல் ஃபண்டுகளின் யூனிட்டுகளை விற்றுப் பணமாக்கிக் கொள்ளலாம்.

பணத் தேவைக்கு...

அவசரமாக வெளியூர் பணம், அவசர மருத்துவச் செலவு போன்றவற்றுக்கு மியூச்சுவல் ஃபண்ட் முதலீட்டின் ஒரு பகுதி அல்லது முழுப் பணத்தையும் ஓப்பன் எண்டட் ஃபண்டுகளில் எப்போது வேண்டுமானாலும் எடுத்துக் கொள்ளலாம்.

எந்த நோக்கத்துக்காக முதலீடு செய்து இருக்கிறீர்களோ, அதற்குப் பணம் தேவைப்படும்போது யூனிட்டுகளை விற்று பணமாக்கிக் கொள்ளலாம். உதாரணமாக, பிள்ளைகளின் உயர்கல்வி, திருமணம், பணி ஓய்வு ஆகிய நிதி இலக்குகளின் நிறைவேற்றத்தைச் சொல்லலாம்.

பணி ஓய்வு பெற்றுவிட்ட நிலையில், செலவுக்குப் பணம் தேவைப்படும். அதற்காக மாதம்தோறும் தேவைப்படும் குறிப்பிட்டத் தொகையை மியூச்சுவல் ஃபண்ட் முதலீட்டிலிருந்து சிஸ்டமேட்டிக் வித்ட்ராயல் பிளான் (எஸ்.டபிள்யூ.பி) முறையில் எடுத்துக்கொள்ளலாம். குளோஸ்ட் எண்டட் ஃபண்டுகளில் அதன் முதிர்வுக்குப் பின் எடுத்துக்கொள்ளலாம். மூன்று ஆண்டுகள் லாக் இன் பீரியட் கொண்ட இ.எல்.எஸ்.எஸ் ஃபண்டுகளில் மூன்று ஆண்டுகளுக்குப் பிறகு பணத்தை எடுக்க வேண்டும் என்கிற அவசியம் இல்லை. மூன்று ஆண்டுக்குப் பிறகு, எப்போது வேண்டுமானாலும் தேவைக்கேற்ப யூனிட்டுகளை விற்றுக்கொள்ளலாம்.

முதலீட்டை வேறு ஃபண்டுக்கு மாற்றுதல்

உடனடியாகப் பணம் தேவை இல்லை. ஆனால், ஈக்விட்டி மியூச்சுவல் ஃபண்ட் முதலீட்டின் மீதான ரிஸ்க்கைக் குறைக்க, ஆதாயத்தை மட்டும் எடுத்து அதை, அதிக ரிஸ்க் இல்லாத கடன் ஃபண்டுகளுக்கு சிஸ்டமேட்டிக் டிரான்ஸ் ஃபர் பிளான் (எஸ்.டி.பி) மூலம் மாற்றிக்கொள்ளலாம்.

கடன் ஃபண்டுகளில் முதலீடு செய்துவிட்டு, மூலதன அதிகரிப்பை மட்டும் ஈக்விட்டி ஃபண்டுகளுக்கு மாற்றிக் கொள்ளலாம். இப்படி செய்யும்போது, லாபத்தில் மட்டும் ரிஸ்க் எடுத்து முதலீட்டு வருமானத்தை அதிகரிக்கலாம்.

பிள்ளைகளின் உயர்கல்வி, கல்யாணத்துக்கு ஈக்விட்டி ஃபண்டுகளில் முதலீடு செய்துவரும்போது, பணம் தேவைப் படும் 2 - 3 ஆண்டுகளுக்கு முன் பணத்தைக் கடன் ஃபண்டு களுக்கு மாற்றி வைத்துக்கொள்வதன் மூலம் சந்தையின் ரிஸ்க்கைக் குறைக்க முடியும்.

ஃபண்ட் தொடர்ந்து மோசமாகச் செயல்பட்டால்

ஈக்விட்டி மியூச்சுவல் ஃபண்டில் ஏற்ற இறக்கம் என்பது இயல்பானது. ஆனால், தொடர்ச்சியாக மோசமாகச் செயல் பட்டுக்கொண்டிருந்தால், அந்த ஃபண்டிலிருந்து வெளியேறி, வேறு நல்ல ஃபண்டில் முதலீடு செய்வது நல்லது.

கடன் ஃபண்டுகள் என்கிறபோது, கடன் தரக் குறியீடு குறைவான அதிக ரிஸ்க்கான கடன் பத்திரங்கள் மற்றும் நிதி ஆவணங்களில் முதலீடு செய்யப்பட்டிருக்கலாம். இந்தக் காரணத்தால், பெஞ்ச்மார்க் குறியீட்டைவிட தொடர்ந்து குறைவான வருமானம் கொடுத்து வருகிறது எனில், அந்த ஃபண்டை விற்றுவிட்டு வெளியேறிவிடலாம்.

ஃபண்ட் மேனேஜரின் செயல்பாடு

சில சமயங்களில் ஃபண்ட் மேனேஜர் சரியாக செயல் படாததால் இழப்பு ஏற்படுத்தக் கூடும். அவர் எடுத்த தவறான முடிவுகளால் ஃபண்டின் என்.ஏ.வி மதிப்பு தொடர்ந்து குறைந்து இழப்பில் இருந்தால், அந்த ஃபண்டிலிருந்து கண்டிபாக வெளியேறிவிட வேண்டும்.

முதலீட்டுக் கலவை மறுசீரமைப்பு

முதலீட்டுக் கலவையை (போர்ட்ஃபோலியோ) மறுசீரமைப்பு செய்யும்போது ஈக்விட்டி ஃபண்டுகளின் முதலீட்டைக் குறைத்து கடன் ஃபண்டுகளின் முதலீட்டை அதிகரிக்க வேண்டியிருக்கும்.

இதே போல், கடன் ஃபண்டு களில் முதலீட்டைக் குறைத்து ஈக்விட்டி ஃபண்டுகளில் முதலீட்டை உயர்த்த வேண்டி இருக்கும். அது போன்ற நேரங்களில் சில ஃபண்டுகளை விற்க வேண்டிவரும்.

உதாரணமாக, நீங்கள் பணி ஓய்வு பெற்றுவிட்டீர்கள். இந்த நிலையில், உங்களின் ஈக்விட்டி மியூச்சுவல் ஃபண்ட் முதலீடு களை கடன் ஃபண்டுகளுக்கு மாற்ற யூனிட்டுகளை விற்க வேண்டிவரும் என்பதை எல்லாம் மனதில்கொண்டு மியூச்சுவல் ஃபண்டில் உள்ள முதலீட்டைத் திரும்ப எடுப்பது சரியாக இருக்கும்!

(முதலீடு செய்வோம்)

கூடுதல் முதலீடு செய்ய..!

முதலீடு செய்ய விரும்பினால், அடிஷனல் பர்ச்சேஸ் ரிக்வெஸ்ட்டை ‘டிக்’ செய்து, நாம் முதலீடு செய்ய நினைக்கும் தொகையை விண்ணப்பதில் பூர்த்தி செய்து, வங்கிக் காசோலையை இணைத்து மியூச்சுவல் ஃபண்ட் அல்லது மியூச்சுவல் ஃபண்ட் நிறுவனத்தின் கிளை அலுவலகம் அல்லது கேம்ஸ், கே ஃபின்டெக் போன்ற மியூச்சுவல் ஃபண்ட் சேவை நிறுவனங்களிடம் கொடுத்தால் முதலீடு செய்துவிடலாம். காசோலையின் பின்பக்கம் மறக் காமல் உங்கள் பெயர், மியூச்சுவல் ஃபண்ட் முதலீடு எண்ணான ஃபோலியோ எண்ணையும் குறிப்பிட வேண்டியது அவசியத்திலும் அவசியம்!

முதலீட்டை ஒரு ஃபண்டிலிருந்து மற்றொரு ஃபண்டுக்கு மாற்றுதல்..!

ஸ்விட்ச் ரிக்வெஸ்ட்டை ‘டிக்’ செய்து தந்தால், மொத்த முதலீட்டையும் அல்லது அதில் ஒரு பகுதியைக் குறிப்பிட்ட இடைவெளியில் இப்போது இருக்கும் ஃபண்டிலிருந்து அதே நிறுவனத்தின் வேறொரு ஃபண்டுக்கு மாற்றிக்கொள்ள முடியும்.

இந்த ஸ்விட்ச் ரிக்வெஸ்ட் பகுதியில் மாற்ற நினைக்கும் ஃபண்ட் பெயர், தொகை போன்ற விவரங்களை நிரப்பி அனுப்பினால், பழைய ஃபண்டின் யூனிட்டுகளை அன்றைய விலையில் விற்று, அந்தப் பணத்தை புதிய ஃபண்டின் யூனிட்டு களில் முதலீடு செய்ய முடியும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism