Published:Updated:

வந்தாச்சு தங்கத்துக்கான புதிய சந்தை..! செபியின் புதிய திட்டம்

G O L D M A R K E T

பிரீமியம் ஸ்டோரி

பங்குச் சந்தைக் கட்டுப்பாட்டு ஆணையமான செபி இந்தியாவில் தங்கம் வர்த்தகத்துக்கான பிரத்யேக சந்தையை நிறுவ ஏற்பாடு செய்து வருகிறது. உலக அளவில் அதிகமான தங்கம் நுகரப்படும் நாடுகளில் சீனாவுக்கு அடுத்தபடியாக இந்தியா உள்ளது. ஆண்டொன்றுக்கு 900 டன் தங்கம் இந்தியாவின் தற்போதைய தேவையாக உள்ளது. தற்போது மியூச்சுவல் ஃபண்டுகள், கமாடிட்டி சந்தையில் டிஜிட்டல் கோல்டு, அரசின் தங்க பாண்டுகள் போன்ற பல வழிகளில் தங்க வர்த்தகம் நடக்கிறது. இதன் அடுத்தகட்ட நடவடிக்கையாக செபி அமைப்பு, பங்குச் சந்தை போன்று தங்கத்துக்கான பிரத்யேக எக்ஸ்சேஞ்ச் ஒன்றை நிறுவ முயற்சி எடுத்து வருகிறது.

ஷியாம் ராம்பாபு 
ஷியாம் ராம்பாபு 

ஏற்கெனவே நடக்கும் தங்க வர்த்தகம் அனைத்தும் டெரிவேட்டிவ் மார்க்கெட்டில் மட்டுமே நடைபெறு கிறது. ஆனால், இந்த கோல்டு எக்ஸ்சேஞ்சில் தங்கத்தின் அந்த நிமிடத்தின் விலைக்கேற்ப வாங்கவோ, விற்கவோ முடியும் என்பதே இந்தச் சந்தையின் சிறப்பு.

இந்தச் சந்தையில் சிறு வாடிக்கை யாளர்கள் முதல் வங்கிகள், மியூச்சுவல் ஃபண்ட் நிறுவனங்கள், பெரும் முதலீட்டாளர்கள், வெளிநாட்டு முதலீட்டாளர்கள், நகை வியாபாரிகள் போன்ற அனைவரும் வர்த்தகத்தில் ஈடுபட முடியும். டிஜிட்டல் முறையிலும், தங்கமாகவும் இந்தச் சந்தையில் முதலீடு செய்ய முடியும்.

பங்குச் சந்தையில் புரோக்கர் இருப்பதுபோல, தங்க சந்தையில் வால்ட் மேனேஜர்கள் இருப்பார்கள். 50 கோடி ரூபாய் நிகர சொத்து மதிப்புடைய நபர்கள் செபியிடம் விண்ணப்பித்து வால்ட் மேனேஜராக பதிவு செய்துகொள்ள முடியும்.

வந்தாச்சு தங்கத்துக்கான புதிய சந்தை..! செபியின் புதிய திட்டம்

இந்த வால்ட் மேனேஜரிடம் தங்கத்தைக் கொடுத்து டிஜிட்டல் தங்கமாக மாற்றிக்கொள்ள வேண்டும். இவ்வாறு மாற்றப்படும் தங்கம் ‘எலெக்ட்ரானிக் கோல்டு ரிசிப்ட்’ என்று அழைக்கப்படும். தற்போது இந்த எலெக்ட்ரானிக் கோல்டு ரெசிப்ட்டை ஒரு கிலோ, 100 கிராம் மற்றும் 50 கிராம் என்ற அளவுகளில் மட்டுமே செபி நிர்ணயித்துள்ளது. விரைவில் 5 மற்றும் 10 கிராம் என்ற அளவுகளில் எலெக்ட்ரானிக் கோல்டு ரிசிப்ட் வழங்கப்படும். தங்கத்தில் முதலீடு செய்யப்படும் தொகைக்கு வால்ட் மானேஜர்கள் பிரத்யேக எண் ஒன்றை வழங்குவார்கள். இதை இன்டர்நேஷனல் செக்யூரிட்டீஸ் ஐடென்டிஃபிகேஷன் நம்பர் சுருக்கமாக, ISIN என்று அழைப்பார்கள். இந்த எண்ணைப் பெற்றுக்கொண்ட பிறகு, சந்தையில் வியாபாரத்தைத் தொடங்க முடியும். இந்த ரிசிப்ட்டை விற்றுவிட்டு மீண்டும் வால்ட் மானேஜரை அணுகி தங்கமாகப் பெற்றுக்கொள்ளும் வசதியும் உள்ளது. தற்போது குறைந்தபட்சம் 50 கிராம் அளவுக்கு மட்டுமே தங்கமாகப் பெற்றுக்கொள்ள முடியும் என்ற வரையறையை செபி விதித்துள்ளது. அதற்குக் குறைவான தங்கத்தைப் பணமாக மட்டுமே பெற்றுக்கொள்ள முடியும்.

மேலும், இந்தத் தங்க சந்தைக்கு பிரத்யேக அலுவலகம் நிறுவப்பட இருக்கிறதா, தற்போதுள்ள பி.எஸ்.இ, என்.எஸ்.இ போன்ற பங்கு சந்தை சார்ந்த சந்தையில் நடைபெறப் போகிறதா என்ற தெளிவு இல்லை. செபி அக்டோபர் 2018-ம் ஆண்டு கொண்டு வந்த சட்டத்தில் பி.எஸ்.இ போன்ற சந்தைகளில் பங்குச் சந்தை மட்டுமல்லாது பிற வகை வியாபாரங் களும் நடைபெறலாம் என்று வரையறை செய்துள்ளது. புதிதாகத் தங்க சந்தைக்கான கட்டமைப்பை ஏற்படுத்துவது என்பது காலதாம தத்தை ஏற்படுத்தும் விஷயமாகும். அதனால் தங்க சந்தையும் ஏற்கெனவே நடைமுறை யில் உள்ள பி.எஸ்.இ போன்ற சந்தைகளில் நடைபெறும் என்றே தெரிகிறது.

பங்குச் சந்தையில் பரிவர்த்தனை நடக்கும்போது குறுகியகால பரிவர்த்தனைக் கட்டணங்கள் செலுத்த வேண்டிவரும். மேலும், ஜி.எஸ்.டி போன்ற கட்டணங்களும் செலுத்த வேண்டிவரும். இதுபோன்ற வசூலிக்கப்படும் வரிகள் எவ்வளவு என்பது இன்னும் தெளிவுபடுத்தப்படவில்லை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு