Published:Updated:

சிறுசேமிப்பு வட்டி, குறையும் அபாயம்...கூடுதல் வருமானத்துக்கு ரூட்டை மாற்றுங்கள்..!

முதலீட்டில் புதிய உத்திகள்!
பிரீமியம் ஸ்டோரி
முதலீட்டில் புதிய உத்திகள்!

முதலீட்டில் புதிய உத்திகள்! - C O V E R S T O R Y

சிறுசேமிப்பு வட்டி, குறையும் அபாயம்...கூடுதல் வருமானத்துக்கு ரூட்டை மாற்றுங்கள்..!

முதலீட்டில் புதிய உத்திகள்! - C O V E R S T O R Y

Published:Updated:
முதலீட்டில் புதிய உத்திகள்!
பிரீமியம் ஸ்டோரி
முதலீட்டில் புதிய உத்திகள்!

சிறுசேமிப்புத் திட்டங் களுக்கான வட்டி குறைவது நம் தலை மீது தொங்கிக் கொண்டிருக்கும் கத்திபோல உள்ளது. அது எந்த நேரத்திலும் நம் தலைமீது விழலாம் அல்லது விழாமல் போகலாம் என்பதே இப்போதுள்ள நிலை.

சொக்கலிங்கம் பழனியப்பன்,   டைரக்டர், 
ப்ரகலா வெல்த் மேனேஜ்மென்ட் (www.
prakala.com)
சொக்கலிங்கம் பழனியப்பன்,   டைரக்டர், ப்ரகலா வெல்த் மேனேஜ்மென்ட் (www. prakala.com)

நமது முந்தைய தலைமுறை சிறு சேமிப்புத் திட்டங்களில் பணத்தைப் போட்டே வாழ்ந்து முடித்தார்கள். அவற்றின்மூலம் கிடைக்கும் வருமானமே போதும் என்று நினைக்கும் அளவுக்கு அப்போது நிலைமை இருந்தது. 20 வருடங்களுக்கு முன்பெல்லாம் 10 வருட இந்திய அரசுப் பத்திரத்தின் வட்டி வருமானம் ஆண்டுக்கு 12 சதவிகிதத்துக்கும் அதிகமாக இருந்தது. (நம்முடைய அரசின் 10 வருடப் பத்திரத்தின் யீல்டை (10 Year G-Sec Yield) வரைபடம் 1-ல் கொடுத்துள்ளோம்). இந்த வட்டி விகிதம் படிப்படியாகத் தொடர்ந்து குறைந்து, தற்போது 6.10% என்ற அளவில் உள்ளது. நீண்டகால கண்ணோட்டத்தில் நமது நாட்டில் வட்டி விகிதம் குறைவாகத் தான் இருக்கும். ஆனால், குறுகிய காலத்தில், காய்கறி விலை ஏறி இறங்குவது போல, ஒரு குறுகிய அலைவரிசையில் வட்டி விகிதம் ஏறி, இறங்கிக் கொண்டிருக்கும்.

முதலீட்டில் புதிய உத்திகள்!
முதலீட்டில் புதிய உத்திகள்!

கொரோனாவுக்கு முன்பிருந்தே இந்தியாவில் வட்டி விகிதங்கள் குறைய ஆரம்பித்துவிட்டன. கொரோனா அதை இன்னும் சற்று வேகப்படுத்தியது. தற்போது உலகம் முழுவதும் போடப் பட்ட ஹெலிகாப்டர் பணத்தினால், பணவீக்கம் அதிகமாகிக் கொண்டிருக்கிறது. அதனால் அமெரிக்கா போன்ற நாடுகளில் வட்டி விகிதம் ஏறிக் கொண்டிருக்கிறது (பார்க்க வரைபடம் 2). 0.50 சதவிகிதத்தையொட்டி இருந்த வட்டி விகிதம் தற்போது 1.70 சதவிகிதத் துக்கும் அதிகமாக ஆகியுள்ளது.

ஆகவே, இந்தியாவிலும் வட்டி விகிதம் குறுகிய காலத்தில் ஏறுவதற்கு வாய்ப்பு உள்ளது. இதற்குச் சான்றாக சமீபத்தில் நம் நாட்டின் முன்னணி வங்கியான ஸ்டேட் பேங்க் ஆஃப் இந்தியா, வீட்டுக் கடன் வட்டியை 6.70 சதவிகிதத்திலிருந்து 6.95 சதவிகிதமாக உயர்த்தியுள்ளது.ஆனால், மறுபக்கத்தில் அரசின் சிறுசேமிப்புகளுக்கான வட்டி விகிதத்தை இந்தக் காலாண்டுக்கு குறைப்பதாக அறிவித்தது. பிறகு அந்த அறிக்கையை வாபஸ் வாங்கிக்கொண்டது.

சிறப்பாகச் செயல்படும் ஹைபிரிட் ஃபண்டுகள்..!
சிறப்பாகச் செயல்படும் ஹைபிரிட் ஃபண்டுகள்..!

வட்டி விகிதம் இங்கிருந்து உயருமா அல்லது குறையுமா என்பதில் இதுபோன்ற ஒரு குழப்பமான நிலை உருவாகி யிருக்கிறது. அதாவது, அரசாங்கம் வட்டி குறைவாக இருக்கும்/ இருக்க வேண்டும் என நினைக் கிறது. ஆனால், சந்தையோ வட்டி விகிதம் உயர வேண்டும் என நினைக்கிறது. இதுபோன்ற சூழ்நிலையில் முதலீட்டாளர்கள் தங்களது முதலீடுகளை எவ்வாறு அமைத்துக்கொள்ளலாம்..?

தற்போது ஸ்டீல், சிமென்ட், பெட்ரோல் போன்றவற்றின் விலை உயர்ந்துகொண்டிருப்ப தால், நமது பணவீக்கமும் அதிகரிக்கும். அந்தச் சூழலில், இன்னும் ஓரிரண்டு ஆண்டு களுக்கு உள்ளாவது வட்டி விகிதம் உயரத்தான் வேண்டும். ஆகவே, கன்சர்வேட்டிவ்வாக முதலீடு செய்ய நினைப்பவர்கள் நீண்ட கால ஃபிக்ஸட் டெபாசிட்டுகள் அல்லது பாண்டுகளில் இப்போது லாக் ஆகிக்கொள்ள வேண்டாம். அதற்குப் பதிலாக, ஓரிரு ஆண்டு களுக்கு வங்கி ஃபிக்ஸட் டெபாசிட்டுகளில் முதலீடு செய்துகொள்ளலாம். பிறகு, வட்டி விகிதங்கள் அதிகமாகும் போது, லாங் டேர்ம் ஃபிக்ஸட் டெபாசிட்டுகளில் லாக்இன் செய்துகொள்ளலாம்.

சிறுசேமிப்பு வட்டி, குறையும் அபாயம்...கூடுதல் வருமானத்துக்கு 
ரூட்டை மாற்றுங்கள்..!

ஸ்மால் ஃபைனான்ஸ் பேங்க் டெபாசிட்டுகளில், அந்த வங்கி களின் நிதி நிலைமையை நன்கு ஆராய்ந்து பார்த்து, முதலீடு செய்துகொள்ளலாம். அவ்வித மான டெபாசிட்டுகளில், பெரிய வங்கிகளுடன் ஒப்பிடுகையில், ஓராண்டு மற்றும் ஈராண்டு டெபாசிட்டுகளுக்கு, ஓரிரு சத விகிதம் அதிகமாகக் கிடைக்கிறது.

ஆர்.பி.ஐ பாண்டுகள் நீண்டகால மெச்சூரிட்டி உடையவை என்றாலும், வட்டி விகிதங்கள் ஏறும்போது அதன் வட்டி விகிதமும் ஏறிவிடும். ஏனென்றால், அதன் வட்டி விகிதம் ஃப்ளோட்டிங் ஆகும். அதாவது, ஆறு மாதங்களுக்கு ஒருமுறை மாறுபடக்கூடியதாகும். குறுகிய காலத்தில் அரசாங்கம் வட்டி விகிதத்தைக் குறைக்கக்கூடிய அபாயமும் உள்ளது என்பதை மனதில் கொள்ள வேண்டும். ஆனால், இந்த பாண்டுகளின் வட்டி விகிதம் நேஷனல் சேவிங்ஸ் சர்ட்டிஃபி கேட்டைவிட (NSC) எப்போதும் 0.35% அதிகமாக இருக்கும். மேலும், ஓரிரண்டு ஆண்டுகளில் வட்டி விகிதம் உயர ஆரம்பிக்கும்போது, இந்த பாண்டுகளின் வட்டி விகிதமும் உயர்ந்துவிடும்.

வட்டி விகிதம் குறைந்து காணப்படும் நிலையில் பொருளாதாரம் நன்றாக பிக்கப் ஆகும். அந்தச் சமயத்தில் பங்குச் சந்தையும் நல்ல வருமானத்தைத் தரும். அதேபோல், வட்டி விகிதம் உயர ஆரம்பித்தாலும் அதில் இருந்தும் நமக்கு லாபம் தரக்கூடிய முதலீடாக இருக்க வேண்டும். இத்தகைய குணாதிசயம் கொண்டவை ஹைபிரிட் ஃபண்டுகள். இரு பக்கத்தையும் தனக்கு சாதகமாக்கிக் கொள்பவை இவ்வகை ஃபண்டுகள்.

ஆகவே, சற்று ரிஸ்க் எடுக்கும் திறன் உள்ள முதலீட்டாளர்கள், அக்ரெஸிவ் ஹைபிரிட்/ டைனமிக் அஸெட் அலொ கேஷன்/ கன்சர்வேட்டிவ் ஹைபிரிட் ஃபண்டுகளில் தங்களது ரிஸ்க் எடுக்கும் திறனுக்கு ஏற்ப முதலீடு செய்யலாம். இந்த ஃபண்டுகளில் முதலீடு செய்யும்போது ஐந்து வருடக் கண்ணோட்டத்துடன் முதலீடு செய்வது நல்லது. கோவிட் 19-க்குப் பிறகு, பொருளாதாரம் அடுத்த சில ஆண்டுகளுக்கு நன்றாக இருக்கும் என எதிர்பார்க்கப்படுகிறது. ஆகவே, ஹைபிரிட் ஃபண்டுகளில் ஒரு பகுதி முதலீட்டை வைத்துக் கொள்ளலாம். (ஹைபிரிட் ஃபண்டு களில் சிறப்பாகச் செயல்பட்டு வரும் ஃபண்டுகளை அட்டவணையில் தந்திருக்கிறோம்.)

ஹைபிரிட் கன்சர்வேட்டிவ் ஃபண்டுகள் கடன் சார்ந்த ஃபண்டு கள் அடிப்படையில் வரிக்கு உள்ளாகும். ஆகவே, மூன்று ஆண்டு களுக்குமேல் வைத்திருக்கையில், லாங் டேர்ம் கேப்பிட்டல் கெயின்ஸ் டாக்ஸ் உரித்தாகும். அதாவது, பணவீக்கத்துக்கு அட்ஜஸ்ட் செய்த பிறகு 20% வரி உரித்தாகும்.

ஹைபிரிட் டைனமிக் அஸெட் அலொகேஷன் (அல்லது பேலன்ஸுடு அட்வான்டேஜ்) ஃபண்டுகள் மற்றும் ஹைபிரிட் அக்ரெஸிவ் ஃபண்டுகள் ஆகிய இரு கேட்டகிரிகளும் ஈக்விட்டி டாக்ஸேஷனில் வரும். ஓராண்டுக்கு மேல் வைத்திருக்கையில் வரும் லாபத்துக்கு ரூ.1 லட்சம் வரைக்கும் வரி கிடையாது. அதற்குமேல் வரும் லாபத்துக்கு 10% வரி உரித்தாகும்.

பிட்ஸ்

ம் நாட்டில் கடந்த நிதி ஆண்டில் உள்நாட்டுப் பயணம் மேற்கொண்ட பயணிகளின் எண்ணிக்கை கடந்த 10 ஆண்டுகளில் இல்லாத அளவுக்குக் குறைந்து உள்ளது. சுமார் 5.3 கோடி பேர் மட்டுமே கடந்த நிதி ஆண்டில் விமானப் பயணம் செய்துள்ளனர்!