Published:Updated:

டார்கெட் மெச்சூரிட்டி ஃபண்டுகள்... யாருக்கு ஏற்றவை..?

டார்கெட் மெச்சூரிட்டி ஃபண்டுகள்
பிரீமியம் ஸ்டோரி
டார்கெட் மெச்சூரிட்டி ஃபண்டுகள்

M U T U A L F U N D

டார்கெட் மெச்சூரிட்டி ஃபண்டுகள்... யாருக்கு ஏற்றவை..?

M U T U A L F U N D

Published:Updated:
டார்கெட் மெச்சூரிட்டி ஃபண்டுகள்
பிரீமியம் ஸ்டோரி
டார்கெட் மெச்சூரிட்டி ஃபண்டுகள்

கடன் ஃபண்டுகள் ரிஸ்க் குறைவானவை என்பது நம் அனைவருக்கும் தெரியும். அதில் செபி வரையறையின் படி, 16 வகைகள் உள்ளன.

இந்த வகை ஃபண்டுகள் பெரும்பாலும் அந்த ஃபண்டுகள் வைத்துள்ள பாண்டுகளின் மெச்சூரிட்டி அடிப்படையிலும், கிரெடிட் குவாலிட்டி அடிப்படை யிலும் பிரிக்கப்பட்டுள்ளன.

சொக்கலிங்கம் பழனியப்பன்,   டைரக்டர், 
ப்ரகலா வெல்த் மேனேஜ்மென்ட் (www.
prakala.com)
சொக்கலிங்கம் பழனியப்பன்,   டைரக்டர், ப்ரகலா வெல்த் மேனேஜ்மென்ட் (www. prakala.com)

பொதுவாக, மியூச்சுவல் ஃபண்டு களில் வருமானம் கேரன்டி இல்லை. இருந்தபோதும், முதலீட்டாளர்கள் தோராயமாக எவ்வளவு கிடைக்கலாம் என்பதை அறிந்துகொள்ள விரும்பு வார்கள். அது கடன் ஃபண்டுகளுக்கும் பொருந்தும். அவ்வாறு வருமானத்தைத் தெளிவுடன் காண்பிப்பவைதான் டார்கெட் மெச்சூரிட்டி ஃபண்டுகள் (Target Maturity Funds).

இவை செபி கேட்டகிரியில் தனியாகக் குறிப்பிடக்கூடிய ஒரு வகை அல்ல. ஆனால், இவற்றின் செயல்பாட்டை வைத்து இந்தப் பெயர் அந்த வகை ஃபண்டுகளுக்குக் கிடைத்துள்ளது.

டார்கெட் மெச்சூரிட்டி ஃபண்டுகள் என்றால்...

இந்த வகை ஃபண்டுகளில், முதலீட் டாளர்கள் தங்களது ஓர் இலக்கை அடிப்படையாகக் கொண்டு முதலீடு செய்யலாம். உதாரணமாக, ஒருவர் 2026-ம் ஆண்டு ஓய்வு பெறுகிறார் என வைத்துக்கொள்வோம். அவர் முதலீடு செய்த தொகை, அவர் ஓய்வு பெறும் ஆண்டில் கிடைக்க வேண்டும் என நினைக்கிறார். அத்துடன், இந்த முதலீட்டின் மூலம் தோராயமாக எவ்வளவு வருமானம் கிடைக்கும் என்றும் தெரிந்துகொள்ள விரும்பு கிறார். மேலும், தான் முதலீடு செய்யும் தொகைக்கு நீண்டகால முதலீட்டு ஆதாய வரியையும் பெற விரும்புகிறார் எனில், அவர் எதில் முதலீடு செய்யலாம்?

மேற்சொன்ன மூன்று நன்மை களையும் ஒருசேர பெற நினைத்தால், டார்கெட் மெச்சூரிட்டி ஃபண்டு களில் நிச்சயம் முதலீடு செய்யலாம். ஆக, நாம் ஒரு இலக்குக்காக முதலீடு செய்யும்போது, மிகக் குறைவான ரிஸ்க்கில் ஒரு முதலீடு வேண்டுமெனில், டார்கெட் மெச்சூரிட்டி ஃபண்டுகள் கன கச்சிதமாகப் பொருந்தும்.

டார்கெட் மெச்சூரிட்டி ஃபண்டுகள்...  யாருக்கு ஏற்றவை..?

எதில் முதலீடு செய்கின்றன?

இந்த வகை ஃபண்டுகள் பெரும் பாலும், மத்திய / மாநில அரசு பாண்டுகள், பொதுத்துறை நிறுவன மற்றும் ஏஏஏ (AAA) ரேட்டிங் உடைய பாண்டுகளில் முதலீடு செய்கின்றன.

எவ்வாறு வேலை செய்கின்றன?

இந்த வகை ஃபண்டுகளில் இரண்டு வகை உள்ளன. ஒன்று, ரெகுலர் மியூச்சுவல் ஃபண்டுகள். மற்றொன்று, இ.டி.எஃப்-கள் ஆகும். ஒரு வகையில் இந்த வகை ஃபண்டுகளை முன்பிருந்த எஃப்.எம்.பி-யுடன் (FMP – Fixed Maturity Plan) ஒப்பிடலாம். ஆனால், ஒரு வித்தியாசம் என்னவெனில், எஃப்.எம்.பி திட்டத்தில் ஒரு குறிப்பிட்ட தேதியில் ஒருமுறைதான் முதலீடு செய்ய முடியும். அதுபோல, ஒரு குறிப்பிட்ட தேதியில்தான் அனைவரும் வெளியேற முடியும். ஆனால், டார்கெட் மெச்சூரிட்டி ஃபண்டுகளில் மக்கள் எப்போது வேண்டுமானாலும் நுழையலாம்/ வெளியேறலாம். நுழையும்போது தோராயமாக எவ்வளவு வருமானம் கிடைக்கும் எனத் தெரிந்துகொள்ளலாம். ஆனால், அந்த தோராயமான வருமானம், ஃபண்ட் மெச்சூரிட்டி ஆகும் வரை இருந்தால்தான் கிடைக்கும். இடையில் வெளியேறும்போது, வருமானம் சற்று கூடவோ, குறையவோ செய்யும்.

இந்தத் திட்டத்தில் மெச்சூரிட்டி தேதியில், அன்றைய தினத்தில் உள்ள யூனிட் ஹோல்டர் அனைவருக்கும் பணம் தரப்பட்டு, திட்டம் மூடப்படும்.

என்ன ரிஸ்க் உள்ளது?

பொதுவாக, கிரெடிட் ரிஸ்க் என்பது இந்த வகை ஃபண்டுகளில் மிக மிகக் குறைவு. ஏனென்றால், மத்திய / மாநில அரசாங்கங்கள் வாங்கிய கடனை திருப்பித் தந்துவிடுவார்கள். அதுபோல் தான் பொதுத்துறை நிறுவனங்களும். ஏஏஏ ரேட்டிங் கொண்ட நிறுவனங்களும் நல்ல பாதுகாப்பைக் கொண்டவைதான்.

இந்த வகை ஃபண்டுகள் வைத்திருக்கும் பாண்டுகளுக்கு அவ்வப்போது வட்டி கிடைக்கும். அவ்வாறு கிடைக்கும் வட்டியை மறுமுதலீடு செய்யும் போது அன்றைய நிலையில் உள்ள வட்டிதான் கிடைக்கும். அது, ஒரிஜினல் முதலீட்டுடன் ஒப்பிடும்போது, சற்றுக் கூடவோ, குறையவோ இருக்கலாம். இதை ‘ரீஇன்வெஸ்ட்மென்ட் ரிஸ்க்’ எனக் கூறுவோம்.

அதுபோல், இடையில் வெளியேறும்போது வருமானம் சற்றுக் கூடவோ குறையவோ செய்யலாம். இந்தத் திட்டத்தில் மிகக் குறுகிய காலத்தில் ஒருவர் வெளியேறினால், நஷ்டம் ஏற்படவும் வாய்ப்புண்டு.

மூன்று முக்கிய நன்மைகள்...

1. இன்றைய தினத்தில் எஸ்.பி.ஐ போன்ற முன்னணி வங்கியின் நீண்டகால டெபாசிட்டுடன் ஒப்பிடுகையில் சற்றுக் கூடுதலான வருமானம் கிடைக்கும்.

2. மூன்று ஆண்டுகளுக்கு மேல் வைத்திருக்கையில் லாங் டேர்ம் கேப்பிட்டல் கெயின்ஸ் டாக்ஸ் பெனிஃபிட் உண்டு.

3. மிகுந்த பாதுகாப்பு.

யாருக்கு ஏற்றவை?

1.இலக்கை நோக்கிச் செல் பவர்கள். 2. குறைவான ரிஸ்க்கை விரும்புபவர்கள். 3.நீண்டகால ஃபிக்ஸட் டெபாசிட்டுக்கு ஒரு மாற்றைத் தேடுபவர்கள். 4. மூன்று ஆண்டுகளுக்கு மேல் வைத்திருக்கும்போது வரும் லாபத்துக்கு குறைவான வருமான வரியைச் செலுத்த விரும்பு பவர்கள். 5.முதலீட்டுக்கு தோராயமான வருமானத்தைத் தெரிந்துகொண்டு முதலீடு செய்ய விரும்புபவர்கள். 6.அதிக பாதுகாப்பை விரும்புபவர்கள் இதைப் பரிசீலிக்கலாம்!

சந்தையில் உள்ள சில டார்கெட் ஃபண்டுகள்!

1. ஐ.டி.எஃப்.சி கில்ட் 2027 இண்டெக்ஸ் ஃபண்ட்

2. ஐ.டி.எஃப்.சி கில்ட் 2028 இண்டெக்ஸ் ஃபண்ட்

3. எடெல்வைஸ் நிஃப்டி பி.எஸ்.யு பாண்ட் ப்ளஸ் எஸ்.டி.எல் (SDL) இண்டெக்ஸ் ஃபண்ட்

4. நிப்பான் இந்தியா இ.டி.எஃப் நிஃப்டி எஸ்.டி.எல் – 2026 மெச்சூரிட்டி

5. பாரத் பாண்ட் எஃப்.ஓ.எஃப் (FOF) – ஏப்ரல் 2030

6. பாரத் பாண்ட் எஃப்.ஓ.எஃப் – ஏப்ரல் 2031

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism