Published:Updated:

டெக்ஜாம்பவான்கள்! - #LetStartup - மருத்துவத் துறையின் வளர்ச்சிக்கு வித்திடும் புதிய தொழில் நுட்பம்!

டெக்ஜாம்பவான்கள்! - #LetStartup - மருத்துவத் துறையின் வளர்ச்சிக்கு வித்திடும் புதிய தொழில் நுட்பம்!
பிரீமியம் ஸ்டோரி
டெக்ஜாம்பவான்கள்! - #LetStartup - மருத்துவத் துறையின் வளர்ச்சிக்கு வித்திடும் புதிய தொழில் நுட்பம்!

சூப்பர் ஸ்டார்ட்அப்களின் தொழில் ஜாதகம்! - 15

டெக்ஜாம்பவான்கள்! - #LetStartup - மருத்துவத் துறையின் வளர்ச்சிக்கு வித்திடும் புதிய தொழில் நுட்பம்!

சூப்பர் ஸ்டார்ட்அப்களின் தொழில் ஜாதகம்! - 15

Published:Updated:
டெக்ஜாம்பவான்கள்! - #LetStartup - மருத்துவத் துறையின் வளர்ச்சிக்கு வித்திடும் புதிய தொழில் நுட்பம்!
பிரீமியம் ஸ்டோரி
டெக்ஜாம்பவான்கள்! - #LetStartup - மருத்துவத் துறையின் வளர்ச்சிக்கு வித்திடும் புதிய தொழில் நுட்பம்!

தொழில்நுட்பத்தின் வளர்ச்சி யால் அனைத்து துறைகளுமே நவீனமாகி வருகின்றன. அதில் மருத்துவத்துறையும் ஒன்று. ஆனால், வெளிநாடுகளில் வளர்ந்த அளவுக்கு நம் நாட்டில்  மருத்துவத்துறை இன்னும் முழுமையாக நவீனமடைந்துவிடவில்லை. வெளிநாட்டில் இருக்குமளவுக்குச் சிகிச்சை முறைகள் இங்கேயும் நவீனமாகி யிருக்கின்றன. ஆனால், நோயாளிகள் தொடர்பான டேட்டாக்களைப் பராமரிப்பது, மருத்துவமனை தொடர்பான டேட்டாக்களைக் கையாள்வது போன்ற விஷயங்களில் இன்னும் பழைய முறைகளே பின்பற்றப்படுகின்றன. இன்னும்கூடப் பல மருந்தகங்களில் பில்கள் கையால்தான் எழுதப்படுகின்றன.

இந்தப் பிரச்னைகளுக்கெல்லாம் நல்லதொரு  தீர்வினைத் தந்திருக்கிறது ஹெல்த்கேர் ஸ்டார்ட்அப் நிறுவனமான  ஹெச்க்யூ (Hcue). இதன் வெற்றிக் கதையைப் பகிர்ந்துகொண்டனர் விஜய் திருமலை, கணேஷ் வெங்கட்ரமணி மற்றும் விஜய் கிருஷ்ணா ஆகிய மூவர்.

டெக்ஜாம்பவான்கள்! - #LetStartup - மருத்துவத் துறையின் வளர்ச்சிக்கு வித்திடும் புதிய தொழில் நுட்பம்!

   இன்ஸ்பிரேஷன்

‘‘கடந்த 15 ஆண்டுகளாகவே நாங்கள் மூவரும் மருத்துவம் மற்றும் அதுசார்ந்த துறைகளில்தான் பணிபுரிந்து வந்தோம். எனவே, இந்தத் துறையிலிருக்கும் பிரச்னைகள் எங்களுக்கு நன்றாகத் தெரியும். நம் நாட்டிலிருக்கும் பெரிய மருத்துவமனைகள், மருந்தகங்கள் அனைத்துமே தங்களுக்கெனப் பிரத்யேக மென் பொருள்களை வைத்திருக்கின்றன. இதன்மூலம் அவர்களது செயல்பாடுகள் அனைத்துமே மிக எளிதாகிறது. நிர்வாகச் செலவும் பெருமளவில் குறைகிறது. மேலும், வியாபாரம் தொடர்பான தகவல்கள் அனைத்துமே கணினிமயமாக இருப்பதால், அவற்றை எளிதாகக் கையாளவும் முடிகிறது.

ஆனால், சின்னச் சின்ன மருந்தகங்கள், சிறிய மருத்துவமனைகள் போன்றவை இன்னும் கணினிமயமாகவில்லை. நம் நாட்டில் வெறும் 20% மருந்துக்கடைகள்தான் கணினிகளைப் பயன்படுத்துகின்றன. அதுவும் வெறும் பில் போடுவதற்கு மட்டும் தான். தனியாக கிளீனிக் நடத்தும் மருத்துவர்களும் இதே போலத்தான். நோயாளிகள் பற்றிய தகவல்களைக் கையாள  இவர்கள் எந்த மென்பொருளையும் வைத்திருப்பதில்லை. இதனால் நோயாளிகள் தொடர்பான தகவல்கள் அனைத்துமே காகிதங்களில் மட்டுமேதான் இன்னும் எழுதப்படுகின்றன. இவற்றிற்கு ஒரு தீர்வு கண்டறிய வேண்டுமெனச் சிந்தித்தபோதுதான் ஹெச்க்யூவிற்கான யோசனை வந்தது.

   அடித்தளம்

கிளீனிக்குகளில் சிகிச்சையளிக்கும் மருத்துவர்கள் நோயாளிகள் தொடர்பான டேட்டாக்களை கம்ப்யூட்டரில் பதிவுசெய்யாமல் இருப்பதற்குக் காரணம், அதற்கெல்லாம் அதிக நேரம் எடுக்கும் என நினைப்பதுதான். அடுத்தது, அதில் சேமிக்கும் தகவல்களை எப்படிக் கையாள்வது என்கிற குழப்பம். இதுபோல இன்னும் நிறையத் தயக்கங்கள் இருந்தன.

இவற்றையெல்லாம் கண்டறிவதற்காக நேரடியாக கிளீனிக்குகளுக்கே சென்று அங்கு நடைபெறும் பணிகளை எல்லாம் பார்வையிட்டோம். அதில் கிடைத்த அனுபவங்களை வைத்து மருத்துவர்களுக்கான மென்பொருளை வடிவமைத்தோம்.

அடுத்தது, மருந்துக்கடைகள். அவர்கள் சந்திக்கும் பிரச்னை களையும் இதேபோல நேரடியாகச் சென்று கேட்டறிந்தோம். பின்னர் அவர்களின் தேவைகளை எல்லாம் அறிந்து, அதற்காகவும் ஒரு மென்பொருளை வடிவமைத்தோம். 

ஒட்டுமொத்த விகடனுக்கும் ஒரே ஷார்ட்கட்!

டெக்ஜாம்பவான்கள்! - #LetStartup - மருத்துவத் துறையின் வளர்ச்சிக்கு வித்திடும் புதிய தொழில் நுட்பம்!

   சவால்கள்

மருந்துக்கடைகளில் நாங்கள் எதிர்கொண்ட முதல் சவால், இதுபற்றி அவர்களுக்குப் புரியவைப்பதுதான். இந்த மென்பொருள்கள் அனைத்தும் செலவு மிகுந்தது; இதைக் கையாளத் தனிநபர்களை நியமிக்க வேண்டும்; கணினிகள் வாங்க வேண்டும் என்றெல்லாம் நினைத்தனர். அவர்களிடம், இந்தமுறை மிகவும் எளிமையானது என்பதைத் தெளிவாக எடுத்துச் சொன்னோம். இன்று மிகப் பெரிய நெட்வொர்க்கொண்ட மருந்துக் கடைகளால் வாடிக்கையாளர் களுக்குச் சிறந்தமுறையில் சேவை தரமுடிவதற்கான காரணம், அவர்களிடம் இருக்கும்  தொழில் நுட்ப வசதிகள்தான். வாடிக்கை யாளர்களுக்குக் குறுஞ்செய்திகள் மூலம் நினைவூட்டல்கள் அனுப்புவது, சலுகைகள் தருவது, டோர் டெலிவரி செய்வது, மருந்துகளின் ஸ்டாக் குறித்து தகவல் தெரிவிப்பது எனப் பல்வேறு நல்ல அம்சங்களைக் கையாள்கிறார்கள். பெரிய நெட்வொர்க்கில் இயங்கும் அந்த நிறுவனங்களால் இவற்றை யெல்லாம் குறைந்த செலவில் செய்ய முடியும். ஆனால், தனியாக ஒரே ஒரு மருந்துக்கடை நடத்துப வரால் செய்ய முடியுமா என்றால், முடியாது.

ஆனால், எங்கள் மென்பொருள் மூலம் இவையனைத்தையும் செய்யலாம். இதுதவிர, எந்த மருந்து, எவ்வளவு ஸ்டாக் இருக்க வேண்டும், எது அதிகம் விற்றது உள்ளிட்ட அனைத்து விவரங்களையும் ஒரே சிஸ்டத்தில் பார்த்துவிடலாம். இதன்மூலம் நஷ்டம் ஏற்படாமல் தவிர்க்க முடியும். மேலும், பணியாளர்கள்கொண்டு இயங்கும் மருந்துக் கடைகளில் முறைகேடுகள் நடக்காமல் தடுக்கவும் கண்காணிக்கவும் முடியும். இந்தத் தகவல்கள் அனைத்துமே கிளவுடில் (Cloud) தான் சேமிக்கப்படுகின்றன என்பதால், எங்கிருந்து வேண்டுமானாலும் இவற்றைக் கையாளலாம்.

இதேபோலத்தான், மருத்துவர்களின் மென்பொருளும். ஒரு நிமிடத்திற்குள் நோயாளியின் விவரத்தை அதில் பதிவிட முடியும். தினமும் சிகிச்சைபெறும் நோயாளியின் விவரங்கள், அவர்களுக்கான அப்பாயின்மென்ட், நோயாளியின் கடந்தகாலச் சிகிச்சைகள், ஒரு மாதத்தில் சிகிச்சை பெற்ற மொத்த நோயாளிகளின் எண்ணிக்கை என கிளீனிக்கின் தகவல்கள் அனைத்தையும் விரல்நுனியில் வைத்துக்கொள்ளலாம். இதற்கு ஆகும் செலவு மிகக் குறைவு.

முதலில் இந்தச் சேவைகளை எல்லாம் எங்களுக்குத் தெரிந்த சில மருத்துவர்களிடம் கொடுத்துச் சோதித்துப் பார்த்தோம். அவர்களுக்கு இது பிடிக்கவும் அவர்களின் நண்பர்களுக்கும் பரிந்துரை செய்தனர். இப்படித்தான் எங்களின் நிறுவனம் விரிவடைந்தது. எங்களுக்கென ஒரே ஒரு சேல்ஸ்மேன்கூடக் கிடையாது. எல்லா வாடிக்கையாளருமே வாய்மொழி மூலம் எங்களை வந்தடைந்தவர்கள். 

   வெற்றி

இன்று, 2000 மருந்துக்கடைகளும் மற்றும் 3000 மருத்துவர்களும் எங்களின் சேவையைப் பயன்படுத்துகிறார்கள். இதுதவிர,  அமெரிக்கா, மலேசியா, சிங்கப்பூர், இங்கிலாந்து போன்ற நாடு களிலும் மருத்துவத்துறை சார்ந்த வெவ்வேறு பிரச்னைகளுக்கான தீர்வுகளை அளிக்க  நாங்கள் உதவி வருகிறோம்.

மருத்துவத்துறையில் இன்டர்நெட் ஆப் திங்க்ஸ், செயற்கை நுண்ணறிவு, பிளாக்செயின் போன்ற தொழில்நுட்பங்கள்  அடியெடுத்து வைத்திருக்கின்றன. அடுத்த கட்டமாக, அவற்றையும் நாங்கள் பயன்படுத்தவிருக்கிறோம். இதேபோல, இந்தத் துறையில் இயங்கும் பிற நிறுவனங்களும் நவீன தொழில்நுட்பங்களைச் சரியாகப் பயன்படுத்தினால் மருத்துவத்துறை முழுமையாக மாற்றம் காணும்.

   இலக்கு

“மிகவும் குறைவான செலவில் மக்கள் அனைவருக்கும் சிகிச்சை கிடைக்கவேண்டும். அதற்குத் தேவையான தொழில்நுட்பங்களை உருவாக்குவதே எங்கள் பணி. அமெரிக்கா, இங்கிலாந்து போன்ற நாடுகள்போலவே, இந்திய மருத்துவத்துறையின் செயல்பாடுகளும் முழுமையாக, நவீனமாக வேண்டும். அதைநோக்கிப் பயணிப்பதே எங்கள் இலக்கு” என நம்பிக்கையுடன் முடிக்கிறது ஹெச்.க்யூ டீம்.

பெஸ்ட் ஆஃப் லக், கலக்குங்க ப்ரோ! 

- ஞா.சுதாகர்


படங்கள்: க.பாலாஜி

டெக்ஜாம்பவான்கள்! - #LetStartup - மருத்துவத் துறையின் வளர்ச்சிக்கு வித்திடும் புதிய தொழில் நுட்பம்!

சூரிய மின்சக்தி... தொடரும் சாதனை!

சூரிய மின்சக்தியின் உற்பத்தித்திறனை நமது நாடு தொடர்ச்சியாக அதிகரித்து, சாதனை படைத்து வருகிறது. கடந்த பிப்ரவரி வரையில் நாம் மொத்தமாக நிறுவியுள்ள சூரிய மின்சக்தி 19,584 மெகாவாட். இது இந்த மார்ச்சுக்குள் 22 ஆயிரம் மெகாவாட்டைத் தாண்டும் என்கிறார்கள். கடந்த ஆண்டில் 5,526 மெகா வாட் புதிதாக, சூரிய மின்சாரம் உற்பத்தி செய்யப்பட்டது. இந்த ஆண்டு புதிதாக 10 ஆயிரம் மெகாவாட் அளவுக்காவது உற்பத்தி செய்ய வேண்டுமென மத்திய அரசு இலக்கு நிர்ணயித்துள்ளது.       

2022-க்குள் 1 லட்சம் மெகாவாட் சூரியசக்தி  மூலம் மின்சாரம் உற்பத்தி செய்ய வேண்டும் என்பது நம் நாட்டின் இலக்காகும்.