Published:Updated:

நீங்கள் பெரும் பணக்காரராக மற்றவர்களுக்காகப் பாடுபடுங்கள்!

நீங்கள் பெரும் பணக்காரராக மற்றவர்களுக்காகப் பாடுபடுங்கள்!
பிரீமியம் ஸ்டோரி
News
நீங்கள் பெரும் பணக்காரராக மற்றவர்களுக்காகப் பாடுபடுங்கள்!

நாணயம் புக் செல்ஃப்

புத்தகத்தின் பெயர்: சூப்பர் ரிச்  (Super Rich)

ஆசிரியர்:
ரஸ்ஸல் சிம்மோன்ஸ் மற்றும் கிரிஸ் மாரோஸ் (Russell Simmons and Chris Morrow)

பதிப்பகம்: Avery

பெரும் பணம் சம்பாதிக்கவும், சம்பாதித்தபின்பு கடைப்பிடிக்க வேண்டிய முக்கியமான விஷயங்களை இந்தப் புத்தகத்தில் புட்டுப் புட்டு வைத்திருக்கிறார்கள் புத்தகத்தின் ஆசிரியர்களான ரஸ்ஸல் சிம்மோன்ஸ் மற்றும் கிரிஸ் மாரோ.

‘‘இந்தப் புத்தகத்தில் நாங்கள் சூப்பர் ரிச் என்று சொல்வது, ஒரு மேம்பட்ட அர்ப்பணிப்புடன் கூடிய மனநிலையை. அந்த மனநிலையை அடைந்தபின் எப்படி வாழ்க்கையில் பல நல்ல அற்புதங்கள் உங்கள்முன் தானாக நிகழ்கிறது என்பதையே இந்தப் புத்தகத்தில் எழுதியுள்ளோம். கிறிஸ்தவர்கள் ஏசுநாதருடன் இணைவது என்றும், யோகிகள் சமாதி நிலை என்றும், புத்த மதத்தினர் நிர்வாணா என்றும் சொல்லும் இந்த மனநிலையை விளக்குவதே இந்தப் புத்தகம் நோக்கம். 

நீங்கள் பெரும் பணக்காரராக மற்றவர்களுக்காகப் பாடுபடுங்கள்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

‘‘எதுவுமே தேவையில்லை என்ற நிலையே எல்லா நல்ல விஷயங்களையும் உங்களை நோக்கி வரச்செய்யும். எதுவுமே எனக்குத் தேவையில்லை என்ற எண்ணத்துடன் நீங்கள் உலகில் அடியெடுத்துவைத்து உலகுக்குத் தேவையான நல்ல விஷயங்களைச் செய்ய ஆரம்பித்தீர்கள் என்றால் உலகம் உங்களுக்கு பல நல்ல விஷயங்களைக் கொண்டுவந்து சேர்க்கும் வல்லமை பெற்றது. எனக்கு இந்த உலகம் இதனைத் தரவேண்டும், அதனைத் தரவேண்டும் என்ற எதிர்பார்ப்பே இல்லாமல் செயல்படும்போது என்னவாகும்? உங்களுடைய முழுக் கவனமும் உங்களுடைய செயலிலேயே இருக்கும்.

மாறாக, எனக்கு இது வேண்டும், எனக்கு அது வேண்டும் என்ற எதிர்பார்ப்போடு செயல்படும்போது, உங்களுடைய ஈடுபாடெல்லாம் எது வருகிறது, எது கிடைக்கிறது, ஏன் இது கிடைக்கவில்லை, ஏன் இது வரவில்லை என்பதிலேயே பெரும்பான்மையாக இருக்குமே தவிர, செய்யும் பணியில் இருக்காது. எனக்கு எதுவுமே வேண்டாம் என்ற மனநிலையில் முழுமையான அர்ப்பணிப்புடன் நீங்கள் உலகுக்குத் தேவையான விஷயங்களை முழுமனதுடன் செய்ய ஆரம்பித்தால், அந்தவேளையே உலகம் உங்கள் பாதத்தில் அத்தனை விஷயங்களையும் கொண்டுவந்து சமர்ப்பணம் செய்துவிடுமில்லையா?’’ என்ற கேள்வியுடன் இந்தப் புத்தகம் ஆரம்பமாகிறது.

நீங்கள் பெரும் பணக்காரராக மற்றவர்களுக்காகப் பாடுபடுங்கள்!

இந்தப் புத்தகம் இரண்டு முக்கிய விஷயங்களை உங்களுக்குச் சொல்வதற்காக எழுதப் பட்டுள் ளது. ஒன்று, நிஜமாகவே மகிழ்ச்சி யாக இருக்கவும், உங்களுடைய முழுத்திறனை பயன்படுத்தி அதற்குண்டான பலன்களைப் பெறுவதற்கு என்னென்ன செய்ய வேண்டும், எந்த மனநிலை கொண்டிருக்க வேண்டும், உங்களுக்குள் இருக்கும் இறையுணர்வையும் நீங்கள் உங்களை இணைத்துக் கொண்டி ருக்கும் இந்த வணிக ரீதியிலான உலகையும் எப்படித் தெளிவாகப் புரிந்துகொண்டு செயல்பட வேண்டும்  என்பதைச் சொல்கிறது.

இரண்டாவதாக, எந்த எதிர் பார்ப்பும் இல்லாமல் அர்ப் பணிப்புடன் செயல்படுவதன் மூலம் அரிய பல பலன்களை எப்படிப் பெற முடியும் என்பதை. ஏனென்றால், முதலாவதாகச் சொல்லப்பட்டிருக்கும் விஷயத்தை முழுமையாகப் புரிந்து கொண்டு சிறந்த அர்ப்பணிப்புடன் செயல்பட ஆரம்பிக்கும்போது உலகத்தில் இருக்கும் அனைத்து விஷயங்களுமே (ஒரு சிறு விளையாட்டு பொம்மையிலிருந்து அதிக விலை தந்து வாங்குகிற கார் வரை எதுவாயினும் சரி) உங்களைத் தேடித்தானே வரும் என்கிறது இந்தப் புத்தகம்.

உலகத்தைக் கவர்வது எப்படி என்று சொல்லும் ஆசிரியர், நாம் அனைவருமே உலகத்திற்கு ஏனைய மனிதர்கள் தராத ஏதா வது ஒரு விஷயத்தைக் கொண்டு வந்து சேர்க்கவே படைக்கப்பட்ட வர்கள் என்பதை நீங்கள் ஒப்புக் கொண்டேயாக வேண்டும் என்கிறார்.

நீங்கள் பெரும் பணக்காரராக மற்றவர்களுக்காகப் பாடுபடுங்கள்!

‘‘ஒரு புத்தகமாகவோ, ஒரு புதிய குழந்தைகளுக்கான ஆடையின் டிசைனாகவோ, பொழுது போக்காக உருவாக்கிய ஒரு வெப்சைட்டாகவோ அது இருக்கலாம். ஆனால், ஒவ்வொரு வரும் உலகத்திற்கு ஒரு விஷயத்தினைக் கொண்டுவந்து சேர்க்கப் பணிக்கப்பட்ட வர்களே என்பதை ஒப்புக் கொண்டேயாக வேண்டும்.

‘‘இதெல்லாம் கதை. நானும் எவ்வளவோ முயற்சி செய்து பார்த்துவிட்டேன். என் டிசைனை யாரும் வாங்க மாட்டேன் என்கின்றனர். என் ஐடியாவுக்கு யாரும் பணம் தரமாட்டேன் என்கின்றனர். என் கதையை யாரும் பிரசுரிக்க மாட்டேன் என்கின்றனர்’’ என்று நீங்கள் புலம்பலாம்.

நீங்கள் உலகுக்குக் கொண்டு சேர்க்க வந்திருப்பது, உங்கள் பிழைப்பை ஓட்டுவதற்காக நீங்கள் செய்யும் விஷயங்கள் இல்லை. உங்கள் மூளைக்குள் பற்றி எரிந்துகொண்டிருக்கும் ஒரு விஷயத்தை. என்னவோ ஏதோவென்று ஒரு வேலையைச் செய்துவிட்டு, அதை உலகம் ஏற்றுக்கொள்ள மறுக்கிறது என்று சொல்லிப் பிரயோஜனம் ஏதும் இல்லை. உங்கள் மூளையில் கொழுந்துவிட்டு எரியும் ஒரு விஷயத்தினை நீங்கள் பூட்டி வைத்துக்கொண்டு சரியானதொரு டீல் கிடைத்தால் மட்டுமே தருவேன் என்று சொல்வது வேலைக்காகாது. உங்களுடைய பங்களிப்பை உலகுக்குத் தந்துவிடுங்கள்.  ஒரு டீலை எதிர்பார்க்காமல், ஒரு பைசா பலனில்லாமல் தந்துவிடும் மனநிலையை வளர்த்துக்கொள்ளுங்கள். இந்த இரண்டு விஷயங்களும் உங்களுக்குக் கைவந்த கலை யாகும்போது செல்வம் உங்களைத் தேடிவரும். நீங்கள் பெரிய அளவில்  பெறுபவராக இருந்தால், சிறந்ததொரு முறையில் நீங்கள் தருபவராக இருக்கவேண்டும் என்பதே இந்த உலகின் தாரக மந்திர மாகும் என்பதை உணருங்கள்.

நம்மில் பலரும் வாழ்க்கையையே தூக்கத்தில் நடக்கும் ஒரு விஷயம் போலவே கடைப்பிடிக்கிறோம்;  காதலில் விழுகிறோம்; வெளியேறு கிறோம்; வேலைக்குப் போகிறோம்; வேலையைவிடுகிறோம்; குடும்பத்தை உருவாக்குகிறோம்; கடந்த காலத்தைப் பற்றிக் கவலைப் படுகிறோம்; எதிர்காலத்தைப் பற்றிக் கனவு காண்கிறோம் – இப்படி பல பிஸியான விஷயங்களில் தொடர்ந்து ஈடுபட்டு வந்தாலும், உண்மையான விழிப்பு நிலைக்கு மட்டும் வர மறுக்கிறோம்.  முன்னேறவேண்டும் என்ற எண்ணத்திற்காகவும் சிந்திப்பதற்காகவும், செலவிடப்படும் சக்தியில் ஒரு சிறுபகுதியைகூட அந்த வழியில் நடப்பதற்காக நாம் செலவிட மறுக்கிறோம். இதனாலேயே நாம் மூளையின் ஒரு சிறு பகுதியை மட்டுமே உபயோகிக் கிறோம். மீதமிருக்கும் மூளை முன்னேற்றம் வரும்போது முழிக்க லாம் என்று தூங்கிக்கொண்டே இருக்கிறது. முன்னேற்றத்திற்கான எதிர்பார்ப்பு என்ற சத்தத்திலும் அதுகுறித்த உலகத்தின் கூச்சல் களிலும் லயித்துவிடுகிறோமே தவிர, அமைதியின் மகத்துவம் என்ன என்பதைத் தெரிந்துகொள்ளவும், அமைதி தரும் முன்னேற்றத்தையும் நாம்  உணர்ந்துகொள்வதேயில்லை. மிகச்சிறந்த சிந்தனையாளர்கள் அமைதியின் பெருமையை அறிந்து கொண்டு செயல்படுபவர்களாகவே இருந்துள்ளனர் என்கிறார்கள் ஆசிரியர்.

நீங்கள் பெரும் பணக்காரராக மற்றவர்களுக்காகப் பாடுபடுங்கள்!

எதிலெல்லாம் உங்கள் மனது சந்தோஷம் அடைகிறதோ, அதிலெல் லாம் உங்களைப் பிணியில் கொண்டு போய்விடுகிறது என்கின்றனர் யோகிகள். மனத் தெளிவு இல்லாமல் பணம் சம்பாதித்திருக்கும் பலரையும் பாருங்கள், உங்களுக்கு நன்றாகவே புரியும். அவர்களிடம் எல்லாம் இருக்கும். ஆனால், அப்படியாகிவிடுமோ, இப்படியாகி விடுமோ என்ற பயமே தூக்கலாக அவர்கள் வாழ்வில் இருக்கும். தெளிவில்லாமல் இருப்பதால், எது அவர்களிடம் அதிகம் இருக்கிறதோ, அதுவே அவர்களுக்குப் பாரமாக இருக்கிறது. அதிகமாக இருப்பது பாரமாகத் தெரிகிறது என்றால், அதை மற்றவர்களிடம் கொடுக்கலாமே! பாரம் (பணம்) இல்லாதவர்களிடம் அதைக் கொடுத்தால் அவர்களின் பாரம் குறையத்தானே செய்யும் என்கின்றனர் ஆசிரியர்கள்.

உங்களுக்கு எது வேண்டுமோ, அதற்காகப் பாடுபடாமல், அடுத்தவர்களுக்கு எது வேண்டுமோ, அதற்காகப் பாடுபடுங்கள். உங்களுக்காக மட்டும் பெரிய அளவில் பணம் சேர்க்காமல் அடுத்தவர்களுக்கு அதைச் சேர்க்கப் பாடுபடுங்கள்.

உங்கள் பாதுகாப்புக்காகப் பாடுபடாமல் மற்றவர்கள் அனைவரும் அமைதியாகவும், பாதுகாப்பாகவும் வாழ பாடு படுங்கள். உங்கள் சந்தோஷத்திற்காகப் பாடுபடாமல் மற்றவர்களின் சந்தோஷத்திற்காகப் பாடுபடுங்கள். உங்கள் முன்னேற்றத்திற்காகப் பாடுபடாமல் மற்றவர்களை உயர்த்தி விடுவதற்காகப் பாடுபடுங்கள். உங்களை நோக்கி நீங்காத செல்வம் வந்துசேரும். நீங்கள் சூப்பர் ரிச்சாக மாறுவீர்கள்’’ என்று சொல்லி முடிக்கிறார் ஆசிரியர்.

இந்தப் புத்தகத்தில் சொல்லப்பட்டிருக்கும் பல விஷயங்கள் நம்மில் பலருக்கும் நன்கு பரிச்சயமான, எளிதில் புரிந்து கொள்ளக்கூடியதாகும். பணத்தையே பிரதானமாகக் கொண்டு செயல்படும் இந்த உலகில் பிறருக்கு உதவிசெய்து பலனடையச் சொல்லும் இந்தப் புத்தகத்தை அனைவரும் ஒருமுறை கட்டாயம் படிக்கலாம்.

- நாணயம் விகடன் டீம்