Published:Updated:

குறைந்த விலையில் தரமான மருத்துவக் கருவிகள்... மெடிக்கல் துறையில் கலக்கும் வி-டைட்டன்!

குறைந்த விலையில் தரமான மருத்துவக் கருவிகள்... மெடிக்கல் துறையில் கலக்கும் வி-டைட்டன்!
பிரீமியம் ஸ்டோரி
குறைந்த விலையில் தரமான மருத்துவக் கருவிகள்... மெடிக்கல் துறையில் கலக்கும் வி-டைட்டன்!

குறைந்த விலையில் தரமான மருத்துவக் கருவிகள்... மெடிக்கல் துறையில் கலக்கும் வி-டைட்டன்!

குறைந்த விலையில் தரமான மருத்துவக் கருவிகள்... மெடிக்கல் துறையில் கலக்கும் வி-டைட்டன்!

குறைந்த விலையில் தரமான மருத்துவக் கருவிகள்... மெடிக்கல் துறையில் கலக்கும் வி-டைட்டன்!

Published:Updated:
குறைந்த விலையில் தரமான மருத்துவக் கருவிகள்... மெடிக்கல் துறையில் கலக்கும் வி-டைட்டன்!
பிரீமியம் ஸ்டோரி
குறைந்த விலையில் தரமான மருத்துவக் கருவிகள்... மெடிக்கல் துறையில் கலக்கும் வி-டைட்டன்!

ற்போது நமது மருத்துவமனைகளில் அவசர கால சிகிச்சைப் பிரிவில் பயன் படுத்தப்படும் பெரும்பாலான மருத்துவக் கருவிகள் வெளிநாடுகளிலிருந்து இறக்குமதி செய்யப்படுபவைதான். காரணம், நம் நாட்டில் இன்னும் அந்தளவுக்குத் தரமான கருவிகள் உற்பத்தி செய்யப்படுவதில்லை. தவிர, வெளிநாடுகள் அளவுக்கு விலை குறைவாகக் கொடுக்க முடியாது. இந்த இரண்டு சவால்களையும் எதிர்கொண்டு, இந்தியாவின் மெடிக்கல் டெக்னாலஜி துறையில் மிக வேகமான வளர்ச்சியைக் கண்டுவருகிறது சென்னையைச் சேர்ந்த வி-டைட்டன் நிறுவனம். இந்தத் துறையில் இருக்கும் சவால்கள் குறித்தும், இந்த நிறுவனம் கண்டுவரும் வளர்ச்சி குறித்தும், இதன் நிறுவன ரான பெரின்குளம் கஸ்தூரி நம்மிடம் எடுத்துச் சொன்னார்.

“இந்த நிறுவனத்தைத் தொடங்கு வதற்குமுன் மருத்துவத் துறைக்கும், எனக்கும் எந்தத் தொடர்பும் கிடையாது. ஆனால், தொழில் நுட்பத் துறையில் எனக்கு நிறைய அனுபவமுண்டு. சில துறைகள், காலத்திற்குத் தகுந்தாற்போல ஏற்ற இறக்கங்களுடன் இருக்கும்; ஆனால், மருத்துவத் துறை அப்படி யல்ல; நிரந்தரமானது. எப்போதும் இதற்கான தேவை இருந்து கொண்டே இருக்கும். எனவே, பயப்படாமல் இதற்குள் இறங்கலாம் என முடிவு செய்தேன்.

குறைந்த விலையில் தரமான மருத்துவக் கருவிகள்... மெடிக்கல் துறையில் கலக்கும் வி-டைட்டன்!

மெடிக்கல் டெக்னாலஜி துறையில் என்ன மாதிரியான கருவிகளைத் தயாரிக்கலாம் என்கிற சிந்தனை வந்தது. அதிலும் குறிப்பாக, நம் நாட்டில், எந்த மாதிரியான உபகரணங்களுக்கு அதிகத் தேவை இருக்கும் எனத் தேடினேன். அப்போதுதான் இன்ஃபியூஷன் பம்ப்ஸ் குறித்துத் தெரியவந்தது.

எல்லா மருத்துவமனைகளின் அவசரகால சிகிச்சைப் பிரிவிலும் இந்த பம்ப்பானது இருக்கும். மற்ற உபகரணங்களோடு ஒப்பிடுகையில், இவை அதிக எண்ணிக்கையில் தேவைப்படும். எனவே, எங்களால் எளிதாக அதிக ஆர்டர்களைப் பெறமுடியும் என யோசித்து, இன் ஃபியூஷன் பம்ப்ஸ் உற்பத்தியில் இறங்கினேன்” என்றவர், இவற்றில் வி-டைட்டன் செய்த புதுமைகள் குறித்தும் பகிர்ந்துகொண்டார்.

“இன்ஃபியூஷன் பம்ப்களில் இரண்டு வகை உண்டு. முதலாவது சிரஞ்சில் இருக்கும் மருந்தை நோயாளியின் உடம்பில் செலுத்துவது; இரண்டாவது, ஐ.வி-யில் இருந்து மருந்து அனுப்புவது. உதாரணமாக, நம்முடைய உடம்பில் குளூக்கோஸ் ஏற்றப்படு கிறது எனில், அந்த பாட்டிலில் இருக்கும் மருந்து முழுமையாக இருக்கும்போது ஒரு வேகத்திலும், குறைவாக இருக்கும்போது ஒரு வேகத்திலும் நம் ரத்த நாளங்களுக் குள் செல்லும். காரணம், அந்தத் திரவத்தில் ஏற்படும் அழுத்தம். இதனால், ஆரம்பத்தில் வேகமாக நம் உடலுக்குள் செல்லும் மருந்து, நேரம் போகப்போக மெதுவாகச் செல்லும். இப்படி நடக்காமல் மருந்து ஆரம்பத்திலிருந்து இறுதி வரை ஒரே அளவில் செல்ல வேண்டுமென்றால், இன்ஃபியூஷன் பம்ப்கள்தான் ஒரே வழி. அதிலும் அவசரச் சிகிச்சைப் பிரிவில் அனுமதிக் கப்பட்டிருக்கும் நோயாளிகளுக்கு ஒரே சீரான அளவில், சீரான நேரத்தில் மருந்து செலுத்தப்பட வேண்டியிருக்கும். எனவேதான், இந்த பம்ப்கள் அங்கு அதிகளவில் பயன்படுகின்றன.

ஒட்டுமொத்த விகடனுக்கும் ஒரே ஷார்ட்கட்!

குறைந்த விலையில் தரமான மருத்துவக் கருவிகள்... மெடிக்கல் துறையில் கலக்கும் வி-டைட்டன்!

தற்போது உலகளவில் பல்வேறு நிறுவனங்கள் இந்த பம்ப்களை உற்பத்தி செய்கின்றன. அவற்றின் பம்ப்கள் தரமானவைதான் என்றாலும், சில சமயங்களில் அதில் சிக்கல்கள் ஏற்படவும் வாய்ப்புண்டு. அவர்களின் பம்ப்கள் அனைத்துமே ஓப்பன் லூப் தொழில்நுட்பத்தில் இயங்குபவை. இதனால் மருந்தின் அளவு, நேரம் போன்றவற்றில் சிறிய அளவில் பிழைகள் ஏற்படும். இதனால் நோயாளிக்கு மிகத் துல்லியமாக மருந்து அனுப்ப முடியாமல் போகும்.

2005-லிருந்து 2009 வரைக்குமான கால இடைவெளியில் அமெரிக்காவில் நடத்தப்பட்ட சர்வே ஒன்றில், இந்த இன்ஃபியூஷன் பம்ப்களால் மட்டுமே நோயாளிகளுக்கு என்னவெல்லாம் சிக்கல்கள் வருகின்றன என அறியப் பட்டது. இதில் பல்லாயிரக்கணக்கான பம்ப்களில் தொழில்நுட்பக் கோளாறு கள் இருப்பதும் கண்டறியப்பட்டது. இதற் கெல்லாம் காரணம், ஓப்பன் லூப் தொழில்நுட்பம்தான்.

இந்தப் பிரச்னையைத் தீர்ப்பதற்காக நாங்கள் குளோஸ்டு லூப் தொழில் நுட்பத்தைப் பயன்படுத்தினோம். இதன் மூலம் எவ்விதப் பிழைகளும் ஏற்படாமல் மிகத் துல்லியமாக மருந்துகளைச் செலுத்தமுடியும். இதனை 2010-ல் வடிவமைத்து உடனே காப்புரிமையும் பெற்றுவிட்டோம். தற்போது எங்களிடம் இரண்டுவிதமான இன்ஃபியூஷன் பம்ப்களுக்குக் காப்புரிமை இருக்கின்றன. இந்தத் தனித்துவம்தான் எங்களுக்கு நல்ல பெயரைப் பெற்றுத் தந்தது.

தற்போது நம் நாட்டில் சீனா மற்றும் ஐரோப்பிய நிறுவனங்களின் பம்ப்கள் தான் அதிகளவில் பயன்படுத்தப்படு கின்றன. சீன பம்ப்கள் விலை குறைந்தவை; ஐரோப்பிய பம்ப்கள் தரமானவை. இந்த இரண்டையும் சமாளிக்கும் வகையில் நம் நாட்டில் யாரும் இவற்றைத் தயாரிப்பதில்லை. இதனை மாற்றவேண்டும் என முடிவு செய்தோம். எங்களுடைய பம்ப்கள் சீன பம்ப்களை விடவும் விலை அதிகம். ஆனால், ஐரோப்பிய பம்ப்களை விடவும் விலை குறைவு. அதேசமயம், அவர்களின் பம்ப் அளவுக்கும் தரம் வாய்ந்தது. மேலும், யூசர் இன்டர்பேஸ், பேட்டரி, புளூடூத், சாஃப்ட்வேர் மேனேஜ்மென்ட் என நிறைய கூடுதல் வசதிகள் உண்டு. 

இவையெல்லாம் எங்களின் சிறப்பம்சங்கள் என்றாலும், உடனே வாடிக்கையாளர்கள் கிடைத்துவிடவில்லை. ஏனெனில், விலை குறைவான பம்ப்கள்தான் அவர்களுக்குச் செலவைக் குறைக்கும் என நினைத்தனர். அவர்களிடம் டோட்டல் காஸ்ட் ஓனர்ஷிப் (TCO) குறித்து எடுத்துரைத்தோம். அதாவது, விலை குறைவான ஒரு பம்ப்பை முதலில் வாங்கும்போது முதலீடு குறைவுதான். ஆனால், அடுத்தடுத்த நாள்களில் அது நிறைய செலவு வைக்கும். அவசரத்திற் காக மாற்று பம்ப் ஒன்றையும் வாங்கி வைக்க வேண்டி யிருக்கும். எனவே, முதலில் மிகவும் குறைவான செலவு போலத் தெரிந்தாலும், நீண்ட கால அடிப்படையில் அவை நிறைய செலவு வைக்கும் என்பதை அவர்களுக்குப் புரிய வைத்தோம். வாடிக்கையாளர்களுக்கேற்ப நம் பொருளை மார்க்கெட் செய்யவேண்டும் என்பதற்கு இது ஓர் உதாரணம். பிறகு கொஞ்சம் கொஞ்சமாக மருத்துவமனைகள் ஆர்டர்கள் தர ஆரம்பித்தனர். தற்போது நிறைய முன்னணி மருத்துவமனைகளே எங்களின் பம்ப்களை வாங்கத் தொடங்கியிருக்கின்றன” என்கிறார் கஸ்தூரி.

ஒரு துறையின் நிகழ்கால ஏற்ற இறக்கங்களை மட்டுமல்ல, வருங்கால மாற்றங்களையும் முன்கூட்டியே கணிக்கும்    வி-டைட்டன் நிச்சயம் ஜெயிக்கும்!
                            
- ஞா.சுதாகர்

படங்கள்: சொ.பாலசுப்ரமணியன்

வீட்டிலிருந்தே மருத்துவ சிகிச்சை!

ஹோம்கேர் தொடர்பாக மருத்துவரீதியாகவும், தொழில்நுட்ப ரீதியாகவும் நிறைய ஆராய்ச்சிகளும் தற்போது நடந்துவருகின்றன. எனவே, இப்போதுபோல மருத்துவ மனைக்குச் சென்று அறுவை சிகிச்சை செய்துவிட்டு, அங்கேயே பத்து நாள்கள் இருப்பதெல்லாம் எதிர்காலத்தில் இருக்காது. மிக முக்கியமான சிகிச்சைகளுக்காக மட்டும் மருத்துவமனையில் தங்கி சிகிச்சை எடுத்துக்கொண்டால் போதும். மீதி எல்லா சிகிச்சைகளுக்கும் வீட்டிலேயே அதற்கான உபகரணங்கள், வசதிகள் எல்லாம் இருக்கும். இணையம் மூலம் மருத்துவர், மருத்துவமனையில் இருந்தபடியே உங்களைக் கண்காணிப்பார். இதற்கான ஆராய்ச்சிப் பணிகளையும் வி-டைட்டன் செய்து வருகிறது” என தனது எதிர்காலத் திட்டங்கள் பற்றி நம்பிக்கையுடன் சொன்னார் பெரின்குளம் கஸ்தூரி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism