Published:Updated:

மனநிறைவு தந்த கோவை கூட்டம்!

மனநிறைவு தந்த கோவை கூட்டம்!

மனநிறைவு தந்த கோவை கூட்டம்!

மனநிறைவு தந்த கோவை கூட்டம்!

Published:Updated:

நாணயம் விகடனும் ரோட்டரி கிளப் ஆஃப் கோயம்புத்தூரும் இணைந்து கடந்த ஞாயிற்றுக்கிழமை அன்று கோவையில் லாபத்தை அதிகரிக்கும் முதலீடுகள் பற்றி ஒரு சிறப்புக் கூட்டத்தை நடத்தியது. பிஎஸ்ஜி காலேஜ் ஆஃப் இன்ஜினீயரிங்கில் நடந்த இந்தக் கூட்டத்தில் ஆயிரக்கணக்கான வாசகர்கள் கலந்துகொண்டு, முதலீடு பற்றி பல விஷயங்களைத்  தெரிந்துகொண்டனர்.

இந்தக் கூட்டத்தைத் தொடங்கிவைத்து சிறப்புரை ஆற்றினார் ஆந்திரா வங்கியின் தலைவரும், நிர்வாக இயக்குநருமான சி.விஆர்.ராஜேந்திரன். சேமிப்பதன் அவசியத்தை எடுத்துச் சொன்ன அவர், பல்வேறு வகையான முதலீடுகள் பற்றி விரிவாக எடுத்துச் சொன்னார். எந்த வகையான முதலீடாக இருந்தாலும், அதை எளிதில் விற்க முடிகிறமாதிரி இருக்க வேண்டும். வயது ஆக ஆக, ஒருவர் ரிஸ்க் நிறைந்த முதலீட்டைத் தவிர்த்து, ரிஸ்க் இல்லாத முதலீடுகளுக்கு மாற வேண்டும் என்றார். நகைச்சுவையுடன் அமைந்த அவர் பேச்சை, வாசகர்கள் மிகவும் ரசித்துக் கேட்டனர்.

மனநிறைவு தந்த கோவை கூட்டம்!

ஒட்டுமொத்த விகடனுக்கும் ஒரே ஷார்ட்கட்!

அடுத்து பேசினார் எமரால்டு ஜுவல் இண்டஸ்ட்ரி இந்தியா லிமிடெட் நிறுவனத்தின் தலைவர் கே.னிவாசன். மிகச் சாதாரண குடும்பத்தில் பிறந்த அவர், இன்றைக்கு மிகப் பெரும் தொழிலதிபராக மாறியதை எடுத்துச் சொன்னது வாசகர்கள் அனைவருக்கும் ‘உழைப்பு நிச்சயம் வெற்றியைத் தரும்’ என்கிற உண்மையை உணர்த்தியது.

இதற்கு அடுத்து, எந்த வகையான முதலீடு அதிகம் லாபம் தரும் என்பது பற்றி ஈக்வினாமிக்ஸ் நிறுவனத்தின் நிர்வாக இயக்குநரான ஜி.சொக்கலிங்கம் பேசினார். பங்குச் சந்தையில் முதலீடு செய்ய நினைக்கும் பல முதலீட்டாளர்கள் லாபத்தைச் சம்பாதிக்கத்தான் நினைக்கிறார்களே ஒழிய, இருப்பதைக் காப்பாற்றிக் கொள்ள நினைப்பதில்லை. பங்குச் சந்தை முதலீட்டில் லாபம் காண அசெட் அலோகேஷன் அவசியம் தேவை என்று சொன்னார் அவர்.

மனநிறைவு தந்த கோவை கூட்டம்!

இவருக்கு அடுத்து பேசிய பேராசிரியர் டாக்டர் எஸ்.கார்த்திகேயன், முதலீட்டாளர்களின் குணாதிசயங் களையும், கோவை ஆடிட்டரும் ரோட்டரி கிளப் ஆஃப் கோயம்புத்தூரின் தலைவருமான  ஜி.கார்த்திகேயன், முதலீடு தொடர்பான வரிகள் பற்றியும் பேசினார்கள்.

பல்வேறு விஷயங்களைக் கற்றுக்கொண்ட மனநிறைவு இந்தக் கூட்டத்தில் கலந்துகொண்ட வாசகர்களுக்குக் கிடைத்தது.

-ஆகாஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism