Published:Updated:

அதிகரிக்கும் வாராக் கடன்...தத்தளிக்கும் வங்கித் துறை...

Vikatan Correspondent

முதலீட்டாளர்கள் என்ன செய்ய வேண்டும்?

ந்திய பங்குச் சந்தையில் பட்டியலிடப்பட்ட 40 வங்கிகளின் நிகர வாராக் கடன் கடந்த ஓராண்டில் 22.82% அதிகரித்துள்ளது. அதாவது, வாராக் கடன் அளவு ரூ.1.39 டிரில்லியனிலிருந்து (ஒரு டிரில்லியன் = 1 லட்சம் கோடி) ரூ. 1.70 டிரில்லியன் ஆக அதிகரித்துள்ளது. மிக அதிகமாக யுனைடெட் பேங்க் ஆஃப் இந்தியாவின் மொத்த வாராக் கடன் 12.03 சதவிகிதமாக உள்ளது. சுமார் 15 வங்கிகளின் வாராக் கடன் குறைந்தபட்சம் 5 சதவிகிதமாக உள்ளது.

அதிகரிக்கும் வாராக் கடன்...தத்தளிக்கும் வங்கித் துறை...

பொதுவாக, வங்கிகள் ஒவ்வொரு நிதியாண்டின் கடைசிக் காலாண்டிலும் அவற்றின் லாபத்தை அதிகரித்துக்காட்ட அதிக டெபாசிட் திரட்டவும், அதிகக் கடன் வழங்கவும் களமிறங்கும். இந்தமுறை, பல வங்கிகள் அவற்றின் வாராக் கடனை மறுசீரமைப்புச் செய்து அவற்றின் லாபத்தை அதிகரித்துக் காட்டும் முயற்சியில் களமிறங்கி இருப்பதாக அனலிஸ்ட்டுகள் கருத்துத் தெரிவிக்கிறார்கள்.

2014, செப்டம்பர் 30 வரையில் இந்திய வங்கிகள் மறுசீரமைப்பு செய்துள்ள கடன்களின் மதிப்பு ரூ. 3.67 டிரில்லியனாக இருக்கிறது. இது 2015 மார்ச் இறுதிக்குள் ரூ.5 டிரில்லியனாக அதிகரித்துவிடும் என மதிப்பிடப்பட்டுள்ளது. நடப்பு நிதியாண்டின் முதல் ஆறு மாதங்களில் இந்திய வங்கிகளின் மொத்த வாராக் கடன் 2.2 சதவிகிதத்திலிருந்து 2.5 சதவிகிதமாக அதிகரித்துள்ளது. மறுசீரமைப்பு கடன்களையும் சேர்த் தால், வங்கிகளின் வாராக் கடன் 10 சதவிகிதத்துக்கும் அதிகமாக இருக்கும் எனக் கணிக்கப்பட்டிருக்கிறது.

அதேநேரத்தில், சில வங்கிகள் அவற்றின் வாராக் கடனை குறைக்கும் நடவடிக்கையில் இறங்கி உள்ளன. கடந்த ஓராண்டு காலத்தில் நாட்டின் மிகப் பெரிய பொதுத்துறை வங்கியான எஸ்பிஐ, அதன் நிகர வாராக் கடனை கடந்த ஓராண்டில் 3.24 சதவிகிதத்தி லிருந்து 2.8 சதவிகிதமாகக் குறைத்துள் ளது. பிஎன்பி, பேங்க் ஆஃப் பரோடா, பேங்க் ஆஃப் இந்தியா, கனரா பேங்க் போன்றவற்றின் வாராக் கடன் கடந்த ஓராண்டில் அதிகரித்துள்ளது.

இந்த நிலையில் இந்திய வங்கிகளின் எதிர்காலம் எப்படி இருக்கும் என்று மேக்யூர் கேப்பிட்டல் செக்யூரிட்டீஸ் (Macquarie Capital Securities) நிறுவனத்தின் வங்கித் துறை அனலிஸ்ட் சுரேஷ் கணபதியிடம் கேட்டோம்.

அதிகரிக்கும் வாராக் கடன்...தத்தளிக்கும் வங்கித் துறை...

‘‘2015-16-ம் ஆண்டு, வங்கித் துறைக்கு மற்றொரு மந்தமான ஆண்டாகத்தான் இருக்கும். குறைந்து வரும் நிகர வட்டி வருமானம், நிதித் திரட்டும் செலவு அதிகரிப்பு, கடன் வளர்ச்சி குறைவு போன்றவற்றால் வங்கிகளின் வருமானம் குறையும். குறிப்பாக, பொதுத்துறை வங்கிகளில் இந்தப் பாதிப்பு அதிகமாக இருக்கும். வங்கிகளுக்கு இன்றைய நிலையில் அதிக நிதித் தேவைப்படுகிறது. அதைத் திரட்டுவதில் அவை சிக்கலை சந்தித்து வருகின்றன. மத்திய அரசின் மதிப்பீட்டின்படி, பொதுத்துறை வங்கிகளுக்கு அடுத்த நான்கு ஆண்டுகளுக்கு 3,500 (ரூ.2,18,750 கோடி) முதல் 4,000 (ரூ.2,50,000 கோடி) கோடி டாலர் தேவைப்படுகிறது. ஆனால், மத்திய அரசின் பட்ஜெட் ஒதுக்கீடு 2014-15, 2015-16ம் ஆண்டுகளுக்கு 120 (ரூ.7,500 கோடி) கோடி டாலராக இருக்கிறது. இது மிகவும் குறைவான தொகையாகும். இப்படி இருக்கும்போது, எப்படி வங்கிகள் மூலதன தேவையை நிறைவேற்றப்போகின்றன எனத் தெரியவில்லை. இதனால் சிறிய வங்கிகள், பெரிய வங்கிகளுடன் இணையும் சூழ்நிலைகூட உருவா கலாம்” என்ற சுரேஷ் கணபதி, பொதுத்துறை வங்கிகளைவிடத் தனியார் வங்கிகளின் செயல்பாடு எப்படிச் சிறப்பாக இருக்கிறது என்பதை விளக்கி சொன்னார்.

கடன் செலவு!

‘‘2015-16-ம் ஆண்டில் பொதுத்துறை வங்கிகளின் இபிஎஸ் வருமானம் 11% குறையும் என மதிப்பிடப் பட்டிருக்கிறது. இந்தக் காலகட்டத்தில் தனியார் வங்கிப் பங்குகளின் இபிஎஸ் சிறிதளவு மேம்படும் எனக் கணிக்கப்பட்டுள்ளது. பொதுத்துறை வங்கிகள் நிதி திரட்டும் செலவு இன்னும் குறைந்த பட்சம் 0.7% குறைந்தால்தான் அவற்றால் லாபகர மாகச் செயல்பட முடியும். பொதுத்துறை வங்கிகளின் கடன் செலவு மிகவும் அதிகமாக உள்ளது. 2015-2017ம் ஆண்டுகளில் பொதுத்துறை வங்கிகளின் கடன் செலவு சுமார் 1.30 சதவிகிதமாக இருக்கும் என எதிர்பார்க்கிறோம். இது தனியார் வங்கிகளில் 0.70 சதவிகிதமாக இருக்கும். மேலும், 2015 ஏப்ரல் 1 முதல் கடன் மறுசீரமைப்பு மேற்கொள்வதற்கான விதிமுறைகளை ரிசர்வ் வங்கி மாற்றியமைக்கிறது. இது பொதுத்துறை வங்கிகளுக்குப் பாதகமாக அமையக்கூடும்” என்றவரிடம், ‘‘கடனுக்கான வட்டியை ஆர்பிஐ மேலும் குறைத்தால் அது பொதுத்துறை வங்கிகளுக்குச் சாதகமாக இருக்குமா?” என்று கேட்டோம்.

அதிகரிக்கும் வாராக் கடன்...தத்தளிக்கும் வங்கித் துறை...
அதிகரிக்கும் வாராக் கடன்...தத்தளிக்கும் வங்கித் துறை...
அதிகரிக்கும் வாராக் கடன்...தத்தளிக்கும் வங்கித் துறை...

‘‘2016 மார்ச் மாதத்துக்குள் கடனுக்கான வட்டியை ஆர்பிஐ இன்னும் 0.5% குறைக்கும் என எதிர்பார்க்கிறோம். அதனால் பொதுத்துறை வங்கிகளின் லாபம் அதிகரிக்கும் என்று சொல்ல முடியாது. இதற்கு முந்தைய வட்டி குறைப்பு களின்போது, இரண்டு ஆண்டுகளில் பொதுத்துறை வங்கிகளின் நிகர வட்டி வரம்பு அதிகரிப்புக்கு பதிலாக, 0.50% குறையவே செய்தது. இதற்கு மாறாக, தனியார் வங்கிகளின் நிகர வட்டி வரம்பு அதிகரித்துள்ளது. அடுத்து பேஸல் - 3 விதிமுறைகளைப் பொதுத் துறை வங்கிகள் பின்பற்ற வேண்டி இருக்கும்பட்சத்தில் எதிர்காலத்தில் அவற்றின் நிகர வட்டி வரம்பு குறையவே செய்யும்.

அதிகரிக்கும் வாராக் கடன்...தத்தளிக்கும் வங்கித் துறை...

மேலே கூறப்பட்ட காரணங்களை வைத்துப் பார்க்கும்போது பொதுத்துறை வங்கிகளைவிடத் தனியார் துறை வங்கிகள் எதிர்காலத்தில் சிறப்பாகச் செயல்படும் என்கிற முடிவுக்கு வரலாம். அதிக மூலதனத்தைக் கொண்டிருக்கும் பெரிய பொதுத்துறை வங்கிகள், பலவீனமானப் பொதுத்துறை வங்கி களைக் கையகப்படுத்தக்கூடும். இது பெரிய பொதுத்துறை வங்கிகளின் பங்குகளைக் கொண்டிருக்கும் முதலீட் டாளர்களுக்கு மிகவும் பாதகமாக அமையும். பொதுத்துறை வங்கிப் பங்குகள், அவற்றின் முந்தைய சராசரியைவிட +1 SD-க்கு (Standard deviation) கீழே வர்த்தகமாகி வருகின்றன. அதேநேரத்தில், தனியார் துறை வங்கிப் பங்குகள், அவற்றின் முந்தைய சராசரியைவிட +1 SD-க்கு மேலே வர்த்தகமாகி வருகின்றன.

பொதுத்துறை வங்கிகளின் சொத்து மீதான வருமானம், கடந்த ஐந்தாண்டு களில் கணிசமாகக் குறைந்து வந்துள்ளது. இதற்கு நாம் முன்னரே குறிப்பிட்டது போல், லாப வரம்பு குறைவு மற்றும் அதிகக் கடன் செலவு ஆகும். பொதுத் துறை வங்கிகளின் சொத்து மீதான வருமானம் தற்போது 10 ஆண்டுக் காலத்தில் மிகவும் குறைவாக இருக்கிறது. இந்த வங்கிகள் சிறப்பாக இருந்த காலத்தில் சொத்து மீதான வருமானம் 1.2 சதவிகிதமாக இருந்தது. அது இப்போது 0.54 சதவிகிதமாகக் குறைந்து போய் உள்ளது. இது அடுத்தச் சில ஆண்டுகளுக்கு அதிகரிக்கும் சூழ்நிலை இல்லை. கடன் செலவு குறையாத வரை யில் சொத்து மீதான வருமானம் அதிகரிக்காது” என்றவரிடம், ‘‘மத்திய அரசின் நடவடிக்கைகள் வங்கிகளின் செயல்பாட்டை மேம்படுத்தாதா?’’ எனக் கேட்டோம்.

சவால்கள் பல!

‘‘தற்போதைய நிலையில் இந்தியப் பொருளாதாரம் மந்தநிலையில் காணப் படுகிறது. பிரதமர் நரேந்திர மோடி அரசின் சிறப்பான செயல்பாடு, பொருளாதார வளர்ச்சிக்கு உதவும். அதேநேரத்தில், அது பல சவால்களைக் கடக்க வேண்டும். 2015-16ம் ஆண்டில் இந்திய வங்கிகளின் வாராக் கடன் 0.60% குறையும் என எதிர்பார்க்கிறோம்.

2015-16-ம் ஆண்டில் கடன் சீரமைப்பு நிறுத்தப்படுவதால் நிகர வாராக் கடன் 0.4% அதிகரித்து, 6.2 சதவிகிதமாக உயரும் என எதிர்பார்க்கிறோம். அந்த வகையில் பொதுத்துறை வங்கிகளின் கடன் செலவு 1.30% முதல் 1.40 சதவிகிதமாக இருக்கும். இது கடந்த 2013-14ம் ஆண்டுக்குப் பிறகு மிகவும் அதிகமாகும். 2014 செப்டம்பர் நிலவரப்படி, பொதுத் துறை வங்கிகளின் மூலதன தன்னிறைவு விகிதம் 11 சதவிகிதமாக உள்ளது. இது தனியார் வங்கிகளில் 15.5 சதவிகிதமாக உள்ளது.

அதிகரிக்கும் வாராக் கடன்...தத்தளிக்கும் வங்கித் துறை...

மூலதன நிதித் தேவை!

பொதுத்துறை வங்கிகள் அவற்றின் மூலதன நிதித் தேவையைச் சமாளிக்க அடுத்த மூன்றாண்டு காலத்தில் 5% முதல் 10% பங்குகளை விற்பனை செய்யும் என எதிர்பார்க்கப்படுகிறது. கடன் வளர்ச்சி குறைவு, கடன் செலவு அதிகரிப்பு போன்றவற்றால் 2015 -2017-ம் ஆண்டு களில் பொதுத்துறை வங்கிகளின் வருமான வளர்ச்சி 3 முதல் 7% குறையும் என நாங்கள் மதிப்பிட்டுள்ளோம். அந்த வகையில் பொதுத்துறை நிறுவனப் பங்குகளின் இலக்கு விலையை 10 முதல் 20% வரை குறைத்துள்ளோம். குறிப்பாக, யூனியன் பேங்க் ஆஃப் இந்தியாவின் இலக்கு விலையை 20% குறைத்துள்ளோம். அதிகக் கடன் செலவால் இந்த வங்கியின் மூலதனம் மீதான வருமானம் 12.5 சத விகிதத்திலிருந்து 11 சதவிகிதமாகக் குறையும் என மதிப்பிடப்பட்டுள்ளது. இதன்காரணமாகப் பங்கின் இலக்கு விலையை  குறைத்துள்ளோம்.

அதேநேரத்தில், தனியார் வங்கிகளின் இலக்கு விலையை அதிகரித்துள்ளோம். யெஸ் பேங்க், ஆக்ஸிஸ் பேங்கின் இலக்கு விலையை முறையை 5% மற்றும் 15% அதிகரித்துள்ளோம். இபிஎஸ் அதிகரிக்கும் என்கிற கணிப்பால் இண்டஸ் இந்த் பேங்கின் இலக்கு விலையை 6% உயர்த்தி இருக்கிறோம்.

பொதுத்துறை வங்கிகளின் செயல்பாடு சிறப்பாக இல்லாமல் இருப்பதற்கு, பல முன்னணி வங்கி களுக்குச் சேர்மன் நியமிக்கப்படாமல் இருப்பதும் ஒரு முக்கியக் காரணமாக இருக்கிறது. கனரா வங்கி, பிஎன்பி, பேங்க் ஆஃப் பரோடா, சிண்டிகேட் வங்கிகளை இதற்கு உதாரணமாகக் குறிப்பிடலாம்.

மத்திய அரசு, பொதுத் துறை வங்கிகளுக்குத் தேவையான நிதியில் ஒரு பகுதியைத் திரட்ட

அதிகரிக்கும் வாராக் கடன்...தத்தளிக்கும் வங்கித் துறை...

இந்தியாவின் ஒரே பொதுத்துறை ஆயுள் காப்பீடு நிறுவனமான எல்ஐசியின் பங்குகளைப் பட்டியலிடுவது பற்றி ஆலோசித்து வருவதாகத் தகவல். எல்ஐசியின் மதிப்பு 10,000 கோடி டாலர் (ரூ.6,25,000 கோடி) முதல் 15,000 கோடி டாலராக (ரூ.9,37,000 கோடி) இருக்கும் எனச் சொல்லப்படுகிறது. இதில், 10% பங்குகள் விற்பனை செய்யப்பட்டால் 1,000 -1,500 கோடி டாலர் திரளும் என மதிப்பிடப்பட்டுள்ளது. ஆனால், இதனை நிறைவேற்ற அதிகச் சவால்களை மத்திய அரசு சந்திக்க வேண்டிவரும் என்பதால் ஆர்வம்காட்டாமல் இருப்ப தாகவும் ஒரு தகவல்.

கடந்த இரண்டு காளைச் சந்தைகளில் பொதுத்துறை வங்கிப் பங்குகள் கொடுத்த லாபத்தைவிடத் தனியார் வங்கி களான யெஸ் பேங்க், ஐசிஐசிஐ பேங்க், ஆக்ஸிஸ் பேங்க் போன்றவை கொடுத்த வருமானம் அதிகமாக இருக்கிறது” என்றவர், தற்போதைய நிலையில் முதலீட்டுக்கு ஏற்ற மூன்று பங்குகளைக் குறிப்பிட்டார்.

‘‘தனியார் வங்கிப் பங்குகளான யெஸ் பேங்க், ஆக்ஸிஸ் பேங்க், ஐசிஐசிஐ பேங்க் ஆகியவற்றில் முதலீடு செய்யலாம். அவற்றில் ஏன் முதலீடு செய்ய வேண்டும் என்கிற விவரங்களை இனி பார்ப்போம்.

யெஸ் பேங்க்!

இலக்கு விலை ரூ.1,000 மூலதன தன்னிறைவு விகிதம் 12 சதவிகிதத்துக்குமேல் இருக்கிறது. எனவே, புதிதாக மூலதனம் திரட்ட தேவை இல்லை.

 கடந்த இரண்டு ஆண்டுகளில் காசா (CASA) 27 சதவிகிதத்திலிருந்து 42 சதவிகிதமாக அதிகரித்துள்ளது.

 மூலதனம் மீதான வருமானம் 20% அளவுக்கு இருக்கிறது. இது தொடரும் என எதிர்பார்க்கப்படுகிறது.

அதிகரிக்கும் வாராக் கடன்...தத்தளிக்கும் வங்கித் துறை...

ஆக்ஸிஸ் பேங்க்!

இலக்கு விலை ரூ.750 இந்த வங்கி வழங்கிய மொத்தக் கடனில் 25% எஸ்எம்இ துறையைச் சேர்ந்ததாக இருக்கிறது.

 மூலதன தன்னிறைவு விகிதம் 12 சதவிகிதத்துக்குமேல் இருக்கிறது. எனவே, மூலதனம் திரட்ட தேவை இருக்காது.

 காசா 40 சதவிகிதமாக அதிகரித்துள் ளது. காசா மற்றும் சிறு டெபாசிட்டுகள் சேர்ந்து மொத்த டெபாசிட்டில் 75 சத விகிதமாக உள்ளது. இதனால், நிதி திரட்டும் செலவு குறைவாக இருக்கிறது.

அதிகரிக்கும் வாராக் கடன்...தத்தளிக்கும் வங்கித் துறை...

ஐசிஐசிஐ பேங்க்!

இலக்கு விலை ரூ.465 கார்ப்பரேட் நிறுவனங்களுக்கு அதிகக் கடன் வழங்கி வருவது இதன் சிறப்பம்சம்.

 மூலதன தன்னிறைவு விகிதம் 12%க்குமேல் இருக்கிறது. எனவே, மூலதனம் திரட்ட தேவை இல்லை.

 காசா மற்றும் சிறு டெபாசிட்டுகள் சேர்ந்து மொத்த டெபாசிட்டில் 75 சதவிகிதமாக உள்ளது. இதனால், நிதி திரட்டும் செலவு குறைவாக உள்ளது.

இந்தப் பங்குகளைச் சந்தை இறக்கத்தில் வாங்கிச் சேர்த்தால் அதிக லாபம் பார்க்க முடியும்” என்றார்.

வங்கிப் பங்கில் முதலீடு செய்ய நினைப்பவர்கள் இந்த விஷயங்களையும் மனதில்கொண்டு முதலீடு செய்வது நல்லது!

சி.சரவணன்