Published:Updated:

‘ஜோ ஹோ’ ஆச்சர்யம்... பதினாறில் பயிற்சி... பதினெட்டில் வேலை!

‘ஜோ ஹோ’ ஆச்சர்யம்... பதினாறில் பயிற்சி... பதினெட்டில் வேலை!
பிரீமியம் ஸ்டோரி
‘ஜோ ஹோ’ ஆச்சர்யம்... பதினாறில் பயிற்சி... பதினெட்டில் வேலை!

ஞா.சக்திவேல் முருகன்

‘ஜோ ஹோ’ ஆச்சர்யம்... பதினாறில் பயிற்சி... பதினெட்டில் வேலை!

ஞா.சக்திவேல் முருகன்

Published:Updated:
‘ஜோ ஹோ’ ஆச்சர்யம்... பதினாறில் பயிற்சி... பதினெட்டில் வேலை!
பிரீமியம் ஸ்டோரி
‘ஜோ ஹோ’ ஆச்சர்யம்... பதினாறில் பயிற்சி... பதினெட்டில் வேலை!

சென்னையில் இருக்கும் ஜோஹோ ஐ.டி நிறுவனத்துக்குள் நுழைந்ததும் ஒரு  இனிய அனுபவம். மரத்தடியிலும், கட்டில்களிலும், விதவிதமான சோபாவிலும் அமர்ந்து உரையாடிக் கொண்டிருக்கிறார்கள்.  அவர்களைப் பார்த்தால், கல்லூரி மாணவர்கள் மாதிரி இருக்கிறார்களே என்று விசாரித்தோம்.

‘ஜோ ஹோ’ ஆச்சர்யம்... பதினாறில் பயிற்சி... பதினெட்டில் வேலை!

‘‘உண்மைதான். ப்ளஸ் டூ படித்து முடித்த மாணவர்களைத் தேர்வு செய்து பயிற்சி தருகிறோம். இதற்கு ‘ஜோஹோ பல்கலைக்கழகம்’ என்று பெயர். இங்கு ஒரு வருடம் பயிற்சி முடிந்தவுடன் எங்கள் நிறுவனத்திலேயே வேலைக்கு எடுக்கிறோம்.  பயிற்சி பெற கட்டணம் எதுவும் இல்லை. ஒரு நாளில் இருவேளை உணவுடன் மாதம் ரூ.8,000 ஊக்கத்தொகையும் தருகிறோம்’’ என்றார்கள்.

‘ப்ளஸ் டூ முடித்தவுடன் ஐ.டி நிறுவனத்தில் சாப்ஃட்வேர் புரோகிராமர் வேலையா..? எப்படி இது சாத்தியம்..?’ என்ற கேள்வியோடு ஜோஹோ நிறுவனத்தின் மார்க்கெட்டிங் அனலிஸ்ட் மற்றும் ஊடகப் பிரிவின் தலைவர் அரவிந்த் நடராஜனிடம் கேட்டோம்.

 பதினெட்டில் வேலை!

“ஜோஹோ நிறுவனத்தின் தலைவர் ஸ்ரீதர் வேம்பு இந்த நிறுவனத்தைத் தொடங்கியபோது, ஆரம்பத்தில் 300-400 பேரைத் தேர்ந்தெடுத்தார். இன்ஜினீயரிங் படித்தவர்கள் ஆறு மாதம் முதல் ஒரு வருடப் பயிற்சிக்கு பின்னரே வேலை செய்யத் தொடங்கி னார்கள். அவர்கள் படித்ததற்கும் அவர்கள் செய்த வேலைக்கும் சம்பந்தமே இல்லாமல் இருந்தது.

இதனைக் கவனித்த ஸ்ரீதர், ‘பிஇ, எம்சிஏ படித்தவர்கள் மட்டுமல்ல, மற்றவர்களும் ஐடி நிறுவனத்தில் சிறப்பாக செயல்பட முடியும்’ என நினைத்தார். 2005-ம் ஆண்டில் இருந்து 12-ம் வகுப்பு முடிக்கும் தருவாயில் உள்ள மாணவர்களைத் தேர்ந்தெடுத்து பயிற்சி வழங்கி, வேலையும் தந்து  வருகிறோம். 

முதல் ஆண்டில் சைதாப்பேட்டை, வேளச்சேரி கார்ப்பரேஷன் பள்ளிகளில் ப்ளஸ் டூ படித்துக் கொண்டிருந்த ஆறு மாணவர்களை தேர்வு செய்தோம். நல்ல முறையில் பயிற்சி பெற்றார்கள்.  2005-ம் ஆண்டு இப்படித் தேர்ந்தெடுக்கப்பட்ட மாணவர்களில் ஒருவரான  சரண்பாபு. இன்றைக்கு ஜோஹோ நிறுவனத்தின் கிரியேட்டிவ் பிரிவின் மேலாளராக இருக்கிறார். இவருக்கு கீழ் 80 பேர் பணியாற்றுகிறார்கள். 

ஆரம்பத்தில் கார்ப்பரேஷன் பள்ளிகளுக்கு மட்டும்தான் சென்று வந்தோம். ஆனால், இப்போது பல பள்ளிகளில் இருந்தும் கோரிக்கை வைக்கிறார்கள். பதினாறு வயதில் பயிற்சிக்குச் சேர்ந்து, பதினெட்டு வயதில் வேலைக்குச் சேர்ந்து விடுகிறார்கள்” என்றார்.

ஒட்டுமொத்த விகடனுக்கும் ஒரே ஷார்ட்கட்!

‘ஜோ ஹோ’ ஆச்சர்யம்... பதினாறில் பயிற்சி... பதினெட்டில் வேலை!

ஜோஹோ பல்கலைக்கழகத்தில் முதன்மை ஆசிரியையாகப் பணியாற்றும் உமா மகேஸ்வரி, எவ்வாறு மாணவர்கள் தேர்ந்தெடுக்கப்படுகிறார்கள் என்பது குறித்து விவரித்தார்.
 
 ஜனவரியில் தேர்வு, ஏப்ரலில் பயிற்சி!

“சென்னை, காஞ்சிபுரம் மாவட்டங்களில் உள்ள 30-40 அரசு பள்ளிக்கூடங்களிலும், சென்னை தரமணியில் உள்ள அரசு பாலிடெக்னிக், மதுரையில் இரண்டு பாலிடெக்னிக்கிலும் தேர்வு நடத்துகிறோம். பத்தாயிரம் மாணவர்கள் கலந்துகொள்கிறார்கள். இதிலிருந்து 300 – 400 பேரைத் தேர்ந்தெடுக்கிறோம்.

‘ப்ளஸ் டூ முடித்தவுடன் சாஃப்ட்வேர் கம்பெனியில் வேலையா..? டேட்டா என்ட்ரி வேலையில் உட்கார வைத்துவிடு வார்களோ..’ என்று பலரும் நம்ப மறுத்தார்கள். இதனால் முதல் பட்டதாரியாக இருக்கும் குடும்பத்தில் இருந்து வர பயந்தார்கள்.

ஆனால், இப்போது ஏகப்பட்ட அப்ளிக்கேஷன்கள் வந்து குவிகின்றன.   இன்ஜினீயரிங் காலேஜ் படிக்கிற பையன் ‘எப்படி யாவது உங்கள் கம்பெனியில் சேர்ந்துவிடணும். இங்கு வேலைக்குச் சேர ஏதாவது ஷார்ட்கட்கள் இருக்கிறதா?’ என்று கேட்கும் அளவு உயர்ந்து இருக்கிறோம்” என்றார்.

இங்கு ஆசிரியராக உள்ள ராஜேந்திரனிடம் ‘‘பிளஸ் டூ மாணவர்களுக்கு என்ன மாதிரியான தேர்வு நடத்தி தேர்ந்தெடுக்கிறீர்கள்?” என்று கேட்டோம்.

“முதலில்  ஐ க்யூ டெஸ்ட் இருக்கும். 20 கேள்விகள். அடுத்து ஆறாம் வகுப்பில் இருந்து எட்டாம் வகுப்பு வரையிலும் இருக்கிற கணிதப்  பாடத்தில் இருந்து 20 கேள்விகள் கேட்போம். இதனுடன் லாஜிக், ஆப்டிடியூட் கேள்விகள் இருக்கும். அதற்கடுத்து நேர்முகத் தேர்வு நடத்து கிறோம். கேள்விகள் தமிழிலேயே இருக்கும். ஜனவரியிலேயே பள்ளிக்குச் சென்று மாணவர் களைத் தேர்வு செய்துவிடுவோம். ப்ளஸ் டூ பரீட்சை முடிந்தவுடன் ஏப்ரல் முதல் வாரத்தில் வேலைக்கான பயிற்சியில் சேர்ந்துவிடலாம்.

பணிக்கான பயிற்சி முறை!

முதல் இரண்டு மாதத்தில் ஹெச்டிஎம்எல், ஜாவா ஸ்கிரிப்ட் சொல்லி கொடுப்போம். இவ்வாறு சொல்லித் தரும்போது கணிதம், ஆங்கிலம், பர்சனாலிட்டி டெவலப்மென்ட் என சொல்லிக் கொடுக்கிறோம்.
 
மூன்றாவது மாதத்தில் பைத்தான் லாங்குவேஜ் சொல்லி கொடுப்போம். இரண்டு மாதங்களுக்குப்பின், ஆறு மாதத்துக்கு ஜாவா லாங்குவேஜ் சொல்லித் தருவோம். காலையில் வகுப்பு நடக்கும். மதிய நேரத்தில் அவர்களுக்குத் தனியே புராஜெக்ட் கொடுத்துவிடுவோம்.

ஒவ்வொரு வருடமும் வகுப்புப் பாடத்தை மாற்றிக்கொண்டே இருப்போம். நாங்கள் வீடியோ முறையில் சொல்லித் தருவோம். திறன் இருந்தால் போதும். எல்லா டீமிலும் தமிழ் தெரிந்தவர்கள் இருப்பதால், மொழி ஒரு பிரச்னையே இல்லை.

‘ஜோ ஹோ’ ஆச்சர்யம்... பதினாறில் பயிற்சி... பதினெட்டில் வேலை!

எங்கள் நிறுவனத்தில் பயிற்சியில் சேரும்போதே சீனியர்களுடன் இணைத்துவிடுவோம். இருவேளை உணவை நாங்களே தந்துவிடுவால், மாணவர்கள் காலையில் பல் துலக்கி குளித்தவுடன் பயிற்சி பெற வந்துவிடுவார்கள். ஏசி, இன்டர்நெட், வைஃபை என எல்லா வசதியும்  இருப்பதால், பக்கத்திலேயே அறை இருந்தாலும் யாரும் எல்லா வசதியும் கம்பெனியை விட்டு வீட்டுக்குப் போக மாட்டார்கள்.

இவர்களிடம் வைக்கப்படும் ஒரே கட்டுப்பாடு, ‘30 மாதம் வரை அஞ்சல் வழியில் படிக்க வேண்டாம்’ என்பதுதான். ஒரே நேரத்தில் இரண்டு குதிரையிலும் சவாரி செய்தால், சரியாக ஓட்ட முடியாது என்பதற்காகதான் இதுவும்.

முப்பது மாதத்துக்கு பிறகு எங்களது மாணவர்கள் பிசிஏ, எம்சிஏ போன்ற பரீட்சையில் படிக்காமலேயே தேர்வு எழுதி நல்ல மதிப்பெண் பெறுகிறார்கள். காரணம், அவர்களுக்கு  ஏற்கெனவே படித்த, வேலை பார்த்த அனுபவம் இருக்கிறது என்பதுதான்.

 ஆளுக்கு ஏற்ற வேலை!

ஒரு வருடம் பயிற்சி முடிந்தவுடன் மிகுந்த தேடல் உள்ளவர்களை புரகிராமிங் டெவலப்பர் டீமில் சேர்த்துவிடுகிறோம். குற்றம்  கண்டு பிடிப்பதையே திறனாகக் கொண்டிருப்பவர்களை குவாலிட்டி கன்ட்ரோல் டெஸ்டிங் டீமிலும், புரகிராமிங்கில் ஆர்வம் காட்டாதவர்களை டெக்னிக்கல் சப்போர்ட், மார்க்கெட்டிங் சப்போர்ட் டீமிலும், டிசைனிங்கில் ஆர்வம் இருப்பவர்களை டிசைனிங் டீமிலும் சேர்த்து விடுகிறோம்.

ஆறு மாதம் அந்தக் குழுவில் இருப்பார்கள். அவர்களின் தேடல் அடுத்தடுத்த நிலைக்கு கொண்டு செல்லும். குழுவில் ஒரு வருடப் பணிக்கு பின்னர் எங்களது நிறுவனத்தின் அங்கமாகி விடுவார்கள்.

இந்த சமயத்தில் நல்ல முறையில் திறனை வளர்த்துக்கொள்பவர்களுக்கு ஆறு லட்சம் ரூபாயும், சிறப்பான வகையில் இருப்பவர்களுக்கு நான்கு லட்சம் ரூபாயும் ஆண்டு சம்பளமாக கிடைக்கும். விளையாட்டுத்தனமாக இருந்தால் எச்சரிக்கை செய்வோம். எனவே, பலரும் நல்லப்படியாக பயிற்சியை முடிக்கிறார்கள்” என்றார் அவர்.

தற்போது உலகின் முன்னணி நிறுவனங்களுக்கு  சவால் கொடுக்கும் நிறுவனமாக இருக்கிறது ஜோஹோ. ‘போனா ஐடி வேலைக்குதான் போவேன்’ என்று அடம்பிடிக்கும் இளைஞர்களுக்கு ஜோஹோ ஒரு அருமையான வாய்ப்பு!
 
படங்கள்: சொ.பாலசுப்ரமணியன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism