Published:Updated:

மில்லினியல்கள் செய்யும் நிதித் தவறுகள்!

மில்லினியல்கள் செய்யும் நிதித் தவறுகள்!
பிரீமியம் ஸ்டோரி
மில்லினியல்கள் செய்யும் நிதித் தவறுகள்!

தினேஷ் ரோஹிரா, நிறுவனர், சிஇஓ, 5nance.com

மில்லினியல்கள் செய்யும் நிதித் தவறுகள்!

தினேஷ் ரோஹிரா, நிறுவனர், சிஇஓ, 5nance.com

Published:Updated:
மில்லினியல்கள் செய்யும் நிதித் தவறுகள்!
பிரீமியம் ஸ்டோரி
மில்லினியல்கள் செய்யும் நிதித் தவறுகள்!

லகம் மிக வேகமாக நவீனமாகி வருகிறது. 1980-களின் ஆரம்பத்தில் தொடங்கி, 1990-களின் கடைசி வரையிலும் பிறந்தவர்கள் மில்லேனியல்ஸ் (Millennials) என அழைக்கப்படுகிறார்கள். இந்த இளைஞர்கள் லட்சக்கணக்கில் சம்பாதிக்கின்றனர். ஆயிரக்கணக்கான இளைஞர்கள் சுய தொழிலில் ஈடுபடுகின்றனர். நல்ல வேலை, கை நிறைய சம்பளம் என இவர்கள் புத்திசாலித்தனமாக சம்பாதித்தாலும் அதனைச் சேமித்து வைப்பதிலும், முதலீடு செய்வதிலும் கோட்டை விட்டுவிடுகின்றனர்.

மில்லினியல்கள் செய்யும் நிதித் தவறுகள்!

  சேமிப்பின் சக்தியை அறியவில்லை!

அதனால் சம்பாதித்தும் பல இளைஞர்கள் ஏழைகளாகவே இருக்கின்றனர். நிதி நிலையை கையாள்வதில் ஏற்படும் கோளாறே இளைஞர்களைப் பணக்கார ஏழைகளாக மாற்றிவிடுகிறது. அந்த இளைஞர்களிடம் ஏற்படும் சில மாற்றங்களே நிதி நிலையைக் கையாள்வதில் திறமைசாலியாக்கிவிடும். நிதியைக் கையாள்வதை மட்டும் அவர்கள் கற்றுகொண்டுவிட்டால், இந்த உலகத்தில் அவர்களை யாராலும் அசைக்க முடியாது. 

இளம் வயதில் பணத்தின் அருமை தெரியாமல் தாறுமாறாக செலவழிக் கிறார்கள். இளம் வயதில் பார்ப்பதை எல்லாம் வாங்கத் தோன்றும். நமக்கு தேவையானவை மட்டுமே வாங்கும் பழக்கத்தை வளர்த்துக்கொள்ள வேண்டும். தேவையற்ற எந்தப் பொருளையும் வாங்கிப் பணத்தை வீணாக்கி விடக் கூடாது.

இந்த இளம் வயதினர் பொதுவாக, தங்கள் வருமானத்தில் 60 சதவிகிதத்துக்கும் அதிகமாக செலவழிக்கிறார்கள். அப்படி என்றால் சேமிக்கும் பழக்கம் குறைந்து விட்டது என்றுதானே அர்த்தம்?

சேமிக்கும் வழக்கம் இல்லையென்றால், வாழ்க்கையில் வெற்றி பெற முடியாது. இந்த வயதில் சேமிப்பின் பயனை அறிந்துகொண்டால், வருங்காலத்தில் நிம்மதியாக இருக்கலாம். உதாரணத்துக்கு, எஸ்ஐபி (சிஸ்டமேட்டிக் இன்வெஸ்ட்மென்ட் பிளான்) முறையில் மாதம் ரூ.5,000 முதலீடு செய்தால், ஆண்டுக்கு 15% வருமானம் கிடைத்தால், 25 ஆண்டுகளில் அது கிட்டத்தட்ட ரூ.1.60 கோடியாக அதிகரித்திருக்கும். அதாவது, சம்பாதிக்கத் தொடங்கும் 22 முதல் 25 வயதில் இருந்து நீங்கள் மாதம் ரூ.5,000 முதலீடு செய்தால், உங்களது 50-வது வயதில் கிட்டதட்ட ரூ.1.5 கோடிக்கு நீங்கள் அதிபதி.

ஒட்டுமொத்த விகடனுக்கும் ஒரே ஷார்ட்கட்!

மில்லினியல்கள் செய்யும் நிதித் தவறுகள்!



  கடன் வலையில் சிக்கி..!


இளைஞர்களிடம் நிதியைத் தவறாக கையாள்வதில் இன்னொரு பிரச்னையும் பரவலாகக் காணப்படுகிறது. கையில் கிரெடிட் கார்டு இருந்தால், அதனை வைத்து தாறுமாறாக பொருட்களை வாங்கிக் குவித்துவிடுகின்றனர். கிரெடிட் கார்டின் சிறிய கடனைக்கூட சரியான நேரத்தில் கட்டவில்லை எனில், வட்டி, அபராதம், வட்டிக்கு வட்டி என உங்களைப் பெரிய கடனாளியாக்கி விடவும் வாய்ப்பு அதிகம். கடனில் பொருட்கள் வாங்குவது, உங்களை மேலும் மேலும் கடனாளியாக்கும். வீடு வாங்குவது, கார் வாங்குவது என எல்லா விஷயங்களும் கடனிலேயே இருந்தால், நிச்சயம் கடைசி வரை கடன்காரனாகவே இருக்க நேரிடும்.

வீட்டுக் கடன், கார் கடன் என எத்தனைக் கடன் வாங்கினாலும், மொத்த வருமானத்தில் 40 சதவிகிதத்துக்கு மேல் மாதத் தவணை (இஎம்ஐ) இருக்கக் கூடாது. ரூ.25 லட்சத்துக்கு வீட்டுக் கடன் வாங்கினால், மாதத் தவணையாக                   ரூ.25,000 - ரூ.30,000 வரை கட்ட வேண்டி வரும். அப்படிப்பட்ட சூழலில், மாதத் தவணை கட்டியதுபோது செலவுக்குப் போதிய பணம் இருக்கும்படி பார்த்துக்கொள்ளுங்கள்.

  எங்கே முதலீடு செய்வது?

பெரும்பாலான இளைஞர்கள் தங்கள் நண்பர்கள் அல்லது உறவினர்கள் கூறுவதை வைத்து பல்வேறு நிதித் திட்டங்களில் முதலீடு செய்கின்றனர். எந்தத் திட்டத்தில் முதலீடு செய்ய வேண்டும் என்பது குறித்த தெளிவான அறிவு முதலில் நமக்கு வேண்டும். முதலீடு செய்யும் நிதி, உங்களின் நிதி ஆதாரத்தை முடக்கிவிடக் கூடாது. நீங்கள் முதலீடு செய்யும் திட்டம் குறித்து முழு அறிவைப் பெற்றிருக்க வேண்டும். அதன் வருமானம், ரிஸ்க், பணமாக்கும் விதம், வருமான வரி போன்றவற்றை அறிந்துகொள்வது அவசியம்.

ஒருவர் எவ்வளவுக்கு முதலீடு செய்யலாம் என்று கேட்கிறீர்களா? உங்கள் மாத வருமானத்தில் சுமார் 30% வரை முதலீடு செய்ய லாம். அப்படி முதலீடு செய்வதற்கு முன் போதிய அளவுக்கு ஆயுள் காப்பீடு மற்றும் மருத்துவக் காப்பீடு எடுத்துக்கொள்வது அவசியம்.

  ரிஸ்க் எடுப்பதில் கூடுதல் கவனம்!

அதுபோல், இந்த இளைஞர்கள் ரிஸ்க் எடுப்பதிலும் கூடுதல் கவனம் செலுத்த வேண்டும். ஒரு முதலீட்டைத் தேர்வு செய்கையில், எந்த அளவுக்கு இழப்பீட்டைத் தாங்கிக்கொள்ள முடியும் என்பதை சரியாகக் கணிக்கத் தெரிந்திருக்க வேண்டும். வருமானம், குடும்பச் சூழல் போன்ற வற்றை பொறுத்தே ரிஸ்க் அளவு இருக்க வேண்டும். அதுபோன்ற தெளிவான நிதித் திட்டம் இருந்தால் தான், பணத்தை இழந்தாலும் உங்களால் தாங்கிக் கொள்ள முடியும்.

உங்கள் நண்பர்கள் அல்லது உறவினர்கள் வீட்டில் என்ன இருக்கிறதோ, அதனைப் பார்த்து பொருட்களை வாங்க ஆசைப்படக் கூடாது. பெரும்பாலான இளைஞர்கள் விலை உயர்ந்த பொருட்களையோ அல்லது சொத்துக்களையோ வாங்கும்போது உணர்ச்சிவசப்பட்டு முடிவெடுக் கிறார்கள். உணர்ச்சிவசப்படுவது எந்தவிதத்திலும் பயன் தராது. நிதானித்து பொறுமையாக எதையும் அணுகினால் அனைவருக்கும் நல்லது. ஆனால், இன்றைய இளைஞர்கள் எதிலும் பொறுமை காப்பதில்லை. என்ன பொருள் அத்தியாவசியத் தேவை என்பதைத் தீர்மானிப்பதில்தான் அவர்களது வெற்றி அடங்கியிருக்கிறது.

நிதி முதலீடு என்று வரும்போது, அது குறுகிய காலம் கொண்டதாக இருக்கக் கூடாது. தற்போது இணையத்திலேயே நாம் நிதி முதலீடு செய்வதற்கான வாய்ப்பு இருக்கிறது. அதேபோல், ஒரு முதலீட்டுத் திட்டத்திலிருந்து இன்னொரு திட்டத்துக்கு முதலீட்டை மாற்றிக்கொள்ளவும் இணையம் மூலம் வசதி உண்டு.

சில சமயங்களில் உங்கள் முதலீட்டின் மதிப்புக் குறைவது உங்களுக்கு வருத்தத்தை அளிக்கக்கூடும். அந்த சமயத்தில் உணர்ச்சிவசப்பட்டு அதிலிருந்து வெளியேற நீங்கள் முடிவெடுக் கலாம். ஆனால், உங்கள் முடிவுக் காக பின்னர் வருத்த்தப்படும் வாய்ப்பும் இருக்கிறது. அதனால், முதலீட்டில் உணர்ச்சி வசப்படுவதைத் தவிர்ப்பது நல்லது. உங்கள் முதலீடு நீண்ட காலத்துக்கானதாக இருக்கட்டும்.

எனவே, மில்லினியல் இளைஞர்கள் தங்கள் முதலீட்டு இலக்கில் கவனமாக இருப்பது அவசியம்.அவர்களுக்கு ரிஸ்க் எடுக்கும் வயது இருக்கிறது. எனவே, ரிஸ்க் எடுக்கும் திறனை அதிகரித்துக் கொள்ளுங்கள். உங்கள் வருங்கால வாழ்க்கையை செழிக்கச் செய்யும் முதலீட்டு போர்ட்ஃபோலி யோவை சரியாக அமைத்துக் கொள்ளுங்கள்!

தொகுப்பு: எம்.குமரேசன்