Published:Updated:

நாமினி வாரிசாக முடியுமா?

நாமினி வாரிசாக முடியுமா?
பிரீமியம் ஸ்டோரி
நாமினி வாரிசாக முடியுமா?

கேள்வி - பதில்

நாமினி வாரிசாக முடியுமா?

கேள்வி - பதில்

Published:Updated:
நாமினி வாரிசாக முடியுமா?
பிரீமியம் ஸ்டோரி
நாமினி வாரிசாக முடியுமா?
நாமினி வாரிசாக முடியுமா?

?என் உறவினர் ஒருவர் சமீபத்தில் இறந்துவிட்டார். அவரை கடந்த 10 வருடங்களாக என் வீட்டில் வைத்து நான் பராமரித்து வந்தேன். 10 வருடங்களுக்கு முன் அந்த உறவினர், வங்கியில் ரூ.5 லட்சம் டெபாசிட் செய்தார். அதில் என் பெயரை நாமினியாக காட்டி இருக்கிறார். நகை மற்றும் ரொக்கப் பணத்தையும்  வைத்திருந்தார். அந்த ரூ.5 லட்சம் வங்கி டெபாசிட்டுக்கும், நகை மற்றும் ரொக்கப் பணத்துக்கும்  நான் வாரிசாக முடியுமா?

நாமினி வாரிசாக முடியுமா?

ஒட்டுமொத்த விகடனுக்கும் ஒரே ஷார்ட்கட்!


கதிரேசன், கோவை

என்.ரமேஷ், வழக்கறிஞர்


‘‘நாமினிக்கும் வாரிசுக்கும் உள்ள வித்தியாசத்தை நீங்கள் புரிந்துகொள்ள வேண்டும். ஒருவருக்கு நாமினியாக யார் வேண்டுமானாலும் இருக்கலாம். நாமினி என்பவர் ஒரு பொறுப்பாளி மட்டுமே.

எடுத்துக்காட்டாக, நீங்கள் உங்கள் நண்பரிடம் ஒரு பொருளையோ அல்லது பணத்தையோ கொடுத்து, உங்கள் வீட்டில் கொடுக்கச் சொல்கிறீர்கள். அந்தப் பொருளையோ அல்லது பணத்தையோ பத்திரமாக உங்கள் வீட்டில் கொடுக்கும் பொறுப்பு மட்டும்தான் உங்கள் நண்பருக்கு உள்ளது. அந்தப் பொருளை சொந்தம் கொண்டாட அவருக்கு எவ்வித உரிமையும் கிடையாது.

அதுபோல்தான் நாமினியும். வங்கி டெபாசிட்டை பெற்று இறந்தவரின் வாரிசுகளுக்குக் கொடுக்க வேண்டிய கடமை நாமினியான தங்களுக்கு உள்ளது. இறந்தவரின் சொத்திலோ, டெபாசிட்டிலோ நாமினிக்கு எவ்வித உரிமையும் இல்லை. இறந்தவர், ஏதோ ஒரு இடத்தில் தங்களை ‘நாமினி’ என்று சொன்னதாலேயே தாங்கள் இறந்தவரின் வாரிசாக முடியாது.’’

?என் மளிகைக்கடை சிறிது நஷ்டத்தில் இருக்கிறது. கடையை மேம்படுத்த வேண்டும் எனில் எனக்கு கொஞ்சம் கடன் தேவைப்படுகிறது. இதற்கு வங்கியில் எப்படிக் கடன்  வாங்குவது? அதற்கான வழிமுறைகளை கொஞ்சம் சொல்லுங்கள்.

நாமினி வாரிசாக முடியுமா?


ராஜேஷ், வேலூர்

விஜயகுமார், தனியார் வங்கி அதிகாரி


“பொதுவாக நஷ்டத்தில் இருக்கும் எந்தவொரு கடைக்கும் வங்கிகள் கடன் தர முன்வராது. புயல், வெள்ளம் என ஏதாவது எதிர்பாராத பாதிப்பு ஏற்பட்டு, கடை மற்றும் கடையிலிருந்த பொருட்கள் சேதம் அடைந்திருந்தால், வங்கிகள் கடன் தர முன்வரும். கடை நஷ்டத்தில் உள்ளது எனில், இந்த ஆண்டு மட்டும் நஷ்டத்தில் உள்ளதா அல்லது பல ஆண்டுகள் தொடர்ந்து நஷ்டத்தில் உள்ளதா என பல தரப்பட்ட விஷயங்களை வங்கிகள் கவனிக்கும். வாடிக்கையாளர் ஒன்று அல்லது இரண்டு ஆண்டுகள் வருமான வரிக் கணக்கு தாக்கல் செய்து இருக்க வேண்டும். எவ்வளவு தாக்கல் செய்துள்ளாரோ, அதற்கு தகுந்தாற்போல் வங்கிகள் கடன் வழங்கும். இதுபோன்ற சூழ்நிலையில் சரியான ஆவணங்களை சமர்ப்பித்து, தனிநபர் கடன் வாங்கிக் கொள்ளலாம். உங்களுக்குச்  சொத்து இருந்தால், அதை அடமானம் வைத்து கடன் வாங்கலாம்.  மேலும், பணத்தைத் திரும்பச் செலுத்தும் திறன் இருந்தால் மட்டுமே வங்கிகள் கடன் வழங்கும்.”

?நான் என் சகோதரிக்கு ஒரு லட்சம் ரூபாயை அவள் பிறந்த நாளுக்கு பரிசாக வழங்கினேன். இந்தப் பணத்தை அவர் ஃபிக்ஸட் டெபாசிட் மற்றும் மியூச்சுவல் ஃபண்டில் முதலீடுகளை மேற்கொள்ளத் திட்டமிட்டுள்ளார். இதற்கான வரி என்னென்ன?

நாமினி வாரிசாக முடியுமா?


சிவக்குமார், காஞ்சிபுரம்

கே.ஆர்.சத்திய நாராயணன், ஆடிட்டர்


“ரத்த உறவுகளுக்குள் பணமாக எவ்வளவு தொகை வேண்டுமானாலும் பரிசாக அளிக்கலாம். இதற்கு எந்தவித நிபந்தனையும், வரியும் கிடையாது. இதற்கு வருமான வரித்துறை சட்டத்தின் கீழ் விலக்கு அளிக்கப் பட்டுள்ளது. ஆனால், உங்கள் சகோதரி அந்த பணத்தை  ஃபிக்ஸட் டெபாசிட் மற்றும் மியூச்சுவல் ஃபண்டில் முதலீடுகளை மேற்கொண்டால், அதிலிருந்து வரும் வருமானம் அவரின் இதர வருமானமாகக் கருதப்படும். அந்த ஆண்டில் அவரின் வருமானம் ரூ.2.5 லட்சம் தாண்டவில்லை எனில், வரி கட்ட வேண்டியிருக்காது. இந்த அளவைத் தாண்டும் பட்சத்தில் வரி கட்ட வேண்டி வரலாம்.’’ 

?நான் சமீபத்தில்தான் பணியிலிருந்து ஓய்வு பெற்றேன். குறைந்த ரிஸ்க் கொண்ட ஃபண்டில் 5 லட்சம் ரூபாய் ஒரே தவணையாக முதலீடு செய்ய திட்டமிட்டு இருக்கிறேன். ஆண்டுக்கு 10 முதல் 12 சதவிகிதம் வரை வருமானம் தரும் ஃபண்டுகளைப் பரிந்துரை செய்தால் எனக்கு உதவியாக இருக்கும்.

நாமினி வாரிசாக முடியுமா?


பிரவீன்குமார், சேலம்

ராம.பெரியண்ணன், நிதி ஆலோசகர்


“ஹெச்டிஎஃப்சி புரூடென்ஸ் ஃபண்ட், ஃப்ராங்க்ளின் இந்தியா பேலன்ஸ் ஃபண்ட், ரிலையன்ஸ் ரெகுலர் சேவிங்ஸ் பேலன்ஸ் ஃபண்ட், எல் அண்ட் டி புரூடென்ஸ் ஃபண்ட் போன்றவை சிறந்த பேலன்ஸ் ஃபண்டுகள்.
பேலன்ஸ் ஃபண்டுகள் குறைந்த ரிஸ்க் கொண்ட ஃபண்டுகள். இந்த நான்கு ஃபண்டுகளிலும் தலா 1.25 லட்சம் ரூபாயை ஒரே தவணையில் முதலீடு மேற்கொள்ளலாம். இவை ஆண்டுக்கு 10 முதல் 12 சதவிகிதம் வரை வருமானம் தரக்கூடியது. 

மாத வருமானம் வேண்டுமாயின், மன்த்லி டிவிடெண்ட் முறைக்கு மாற்றிக் கொள்ளலாம். இல்லையெனில் காலாண்டு, அரையாண்டுக்கு ஒரு முறை டிவிடெண்ட் வாங்கிக் கொள்ளலாம்”.

?இந்தியாவில் எனக்கு ஹெல்த் இன்ஷூரன்ஸ் பாலிசி உள்ளது. அடிக்கடி மற்ற நாடுகளுக்கு செல்வது என் வழக்கம். வெளிநாட்டு சுற்றுப்பயணத்தின் போது, எனக்கு ஏதாவது நேர்ந்து மருத்துவச் சிகிச்சைக்காக, அங்கு செலவினங்களை மேற்கொண்டால், இந்தியாவில் உள்ள காப்பீட்டு நிறுவனங்களில் கிளெய்ம் கோர முடியுமா?

நாமினி வாரிசாக முடியுமா?


மணிகண்டன், திருச்சி

திருமலை, வழக்கறிஞர் மற்றும் இன்ஷூரன்ஸ் நிபுணர்


“இரு வேறு மருத்துவக் காப்பீடுகள் உள்ளன. ஒன்று, உள்நாட்டில் வழங்கப்படும் ஓராண்டுக்கான மருத்துவக் காப்பீட்டு பாலிசி. இது இந்தியாவுக்குள் எதி்ர்கொள்கிற மருத்துவச் சிகிச்சைக்காக எடுக்கப்படுவது. மற்றொன்று, அயல்நாடு மருத்துவக் காப்பீடு (Overseas Mediclaim Policy). இரண்டாவது வகையிலான பாலிசியில் கால அளவீட்டை பாலிசிதாரரே தேர்ந்தெடுத்துக் கொள்ளலாம்.

அடிக்கடி வெளிநாடுகள் செல்லும்போது, நீங்கள் செல்லும் நாடுகள் மற்றும் நீங்கள் அங்கு தங்கி இருக்கும் காலத்தைப் பொறுத்தும், வயது மற்றும் தேர்ந்தெடுக்கும் காப்பீட்டுத் தொகையைப் பொறுத்தும் உங்களுக்கான பிரீமியம் முடிவாகும். இந்தியாவில் எடுக்கப்பட்டுள்ள உள்நாட்டுக்கான ஒரு வருட பாலிசியில், வெளிநாட்டில் மேற்கொள்ளப்படும் சிகிச்சைகளுக்கு கிளெய்ம் கோர முடியாது.”

போன் மூலமாகவும்  கேள்வி கேட்கலாம்!

இனி நீங்கள் போன் மூலமாகவும் கேள்விகளை பதிவு செய்யலாம். அதற்கு 044- 66802920 என்ற எண்ணுக்கு டயல் செய்யுங்கள். கணினி குரல் வழி காட்டும்; அதன்படி உங்கள் குரலிலேயே கேள்விகளை பதிவு செய்யுங்கள். எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த ஒரு நிமிடம் முழுக்க முழுக்க உங்களுக்கே!

உங்கள் எண்ணங்களை எங்களோடு பகிர்ந்துகொள்ளுங்கள்!

நாமினி வாரிசாக முடியுமா?

எவ்வித கட்டணமும் இல்லாமல் ஏராளமான தகவல்களைப் படித்து பயன்பெறுங்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism