Published:Updated:

மார்க்கெட்டிங் டெக்னிக்... துறவிகளிடம் சீப்புகளை விற்கும் வித்தை!

மார்க்கெட்டிங் டெக்னிக்... துறவிகளிடம் சீப்புகளை விற்கும் வித்தை!
பிரீமியம் ஸ்டோரி
மார்க்கெட்டிங் டெக்னிக்... துறவிகளிடம் சீப்புகளை விற்கும் வித்தை!

மார்க்கெட்டிங் டெக்னிக்... துறவிகளிடம் சீப்புகளை விற்கும் வித்தை!

மார்க்கெட்டிங் டெக்னிக்... துறவிகளிடம் சீப்புகளை விற்கும் வித்தை!

மார்க்கெட்டிங் டெக்னிக்... துறவிகளிடம் சீப்புகளை விற்கும் வித்தை!

Published:Updated:
மார்க்கெட்டிங் டெக்னிக்... துறவிகளிடம் சீப்புகளை விற்கும் வித்தை!
பிரீமியம் ஸ்டோரி
மார்க்கெட்டிங் டெக்னிக்... துறவிகளிடம் சீப்புகளை விற்கும் வித்தை!

இது ஓர் அற்புதமான கதை. நமது மனப்போக்கிலும் அணுகுமுறையிலும் ஏற்படும் மாற்றமானது எப்படிப்பட்ட வித்தியாசங்களை நம்மிடம் உருவாக்கும் என்பதைத் தெரிந்துகொள்ள இந்தக் கதையைப் படியுங்கள்...

மூன்று விற்பனைப் பிரதிநிதிகள் பெரிய நிறுவனமொன்றில் வேலைக்காக விண்ணப்பித்தனர். இன்டர்வியூ செய்பவர் அவர்களுக்கு விற்பனைச் சவால் ஒன்றைக் கொடுத்தார். அதாவது, யாரொருவர் அதிகமான எண்ணிக்கையில் பொருளை விற்பனை செய்கிறாரோ, அவரை வேலைக்குத் தேர்ந்தெடுக்கலாம் என்று தீர்மானித்தார். அந்தச் சவால் என்ன தெரியுமா? மலையில் புத்தர் கோயில்களில் உள்ள துறவிகளிடம் சென்று சீப்பை விற்கவேண்டும் என்பதே. ‘‘உங்களுக்கு மூன்று நாட்கள் அவகாசம் தருகிறேன். அந்த மூன்று நாட்களில் யார் அதிகமான சீப்புகளை விற்கிறாரோ, அவரே வேலைக்குத் தேர்ந்தெடுக்கப்படுவார்’ என இன்டர்வியூ செய்தவர் சொன்னார். 

மார்க்கெட்டிங் டெக்னிக்... துறவிகளிடம் சீப்புகளை விற்கும் வித்தை!

மூன்று நாட்களுக்குப் பிறகு, மூவரும் திரும்பி வந்தனர். முதலாமவர், ‘‘என்னால் ஒரு சீப்புதான் விற்பனை செய்ய முடிந்தது. அங்கிருந்த துறவிகளிடம் நான் சீப்பைக் காட்டியபோது, நான் அவர்களைக் கேலி செய்வதாக நினைத்து என்னைத் திட்டினார்கள். ஆனால், அங்கிருந்து திரும்பும் வழியில், சொறித் தலையுடன் இருந்த ஒரு இளைய துறவியைப் பார்த்தேன். அவர் தனது தலையைத் தொடர்ந்து சொறிந்துகொண்டே இருந்தார். அவர் சொறிந்து கொள்வதற்கு இந்த சீப்பு உபயோகமாக இருக்குமென்று சொன்னதும் அவர் ஒரு சீப்பை வாங்கிக் கொண்டார்’’ என்றார்.  

இரண்டாமவர், “நான் பத்து சீப்புகளை விற்றிருக்கிறேன். கோவிலுக்குச் செல்லும் வழியில் பலத்தக் காற்று அடிப்பதால், அங்குச் செல்பவர்களின் தலைமுடி கலைந்திருப்பதை கவனித்தேன். அங்கிருந்த குருக்களிடம், கோயிலுக்கு வரும் ஒவ்வொருவருக்கும் ஒரு சீப்பு கொடுத்தால் அவர்கள் கலைந்திருக்கும் தங்களது தலைமுடியை சரிசெய்து கொண்டு, அதிக பக்தியுடன் சாமி கும்பிடுவார்கள்” என்று கூறியவுடன், அவர் பத்து சீப்புகளை வாங்கிக் கொண்டார்’’ என்றார். 
மூன்றாமவர், ‘‘ஆயிரம் சீப்புகள்” விற்றேன் என்றவுடன் அசந்துபோனார் இன்டர்வியூ செய்தவர். “வாவ்! ் எப்படி அதைச் செய்தீர்கள்?” என்று கேட்டார்.

‘‘அந்தப் புனிதமான இடத்தை மக்கள் தரிசிக்க அனுமதிப்பதற்காக அங்கிருந்த மூத்த துறவிக்கு நன்றி தெரிவித்தேன். அவர் மிகவும் கருணையுடன், அங்கு வருபவர்களின் பக்தியைப் பாராட்டி, அவர்களுக்கு நன்றி கூற விரும்புவதாகக் கூறினார்.

புத்தரின் ஆசியுடன் கூடிய ஒரு நினைவுப் பரிசை தரிசிக்க வருபவர்களுக்குத் தந்தால் சிறப்பாக இருக்கும் என நான் அவருக்கு யோசனை சொன்னேன். புத்தரின் ஆசீர்வாத வார்த்தைகள் பொறிக்கப்பட்ட மரத்தினாலான சீப்பைக் காண்பித்து, மக்கள் தினமும் இதை பயன்படுத்தும்போது நல்ல காரியங்களையே செய்ய வேண்டும் என்பதை அவர்களுக்கு இது நினைவுறுத்தும் என்று கூறினேன். அவருக்கு இந்த யோசனை பிடித்திருந்ததால், ஆயிரம் சீப்புகளுக்கு ஆர்டர் கொடுத்தார்” என்று சொன்னார்.  

“நீங்கள் அதிர்ஷ்டக்காரர்” என மற்ற இரு விண்ணப்பதாரர்களும் கூறினார்கள்.

‘‘அவர் ஜெயித்ததற்கு அதிர்ஷ்டம் மட்டுமே காரணமல்ல’’ என்று இன்டர்வியூ செய்தவர் கூறினார். “அவரிடம் ஒரு திட்டம் இருந்தது. அதனால்தான் அங்கு செல்லும் முன்பே ஆசீர்வாத வார்த்தைகளை சீப்பில் பொறித்துக் கொண்டு சென்றிருந்தார். அந்தக் கோயிலில் அதை வேண்டாம் எனச் சொல்லி இருந்தால்கூட இன்னொரு கோயிலில் உள்ளவர்கள் அதைக் கண்டிப்பாக வாங்கி இருப்பார்கள்” என்றார்.

மூன்றாவது விண்ணப்பதாரர் புன்னகைத்தபடி, “இதில் இன்னொரு விஷயமும் இருக்கிறது’’ என்று தொடர்ந்தார். “நான் நேற்று மீண்டும் அந்தக் கோயிலுக்குச் சென்று அந்த குருவைச் சந்திந்தேன். அவர், புத்தரின் ஆசீர்வாதத்துடன் கூடிய சீப்புப் பற்றி இங்கு வரக்கூடியவர்கள் அவர்களின் நண்பர்களிடமும், குடும்பத்தினரிடம் கூறி வருவதால், இப்போது அங்கு அதிகமானவர்கள் தினமும் வர ஆரம்பித்திருப்பதாகவும், ஒவ்வொருவரும் சீப்பு கேட்பதோடு, தாராளமாக நன்கொடை தருவதாகவும் கூறினார். அந்தக் கோயில், முன்பு எப்போதும் இருந்ததைவிட மிகவும் பிரபலமாகி இருப்பதாகவும், ஒரு மாதத்தில் அனைத்துச் சீப்புகளும் தீர்ந்துவிடும் எனச் சொல்லி, அதிக சீப்புகளுக்கு ஆர்டர் கொடுக்க வேண்டிய தேவை ஏற்பட்டுள்ளது” என்றார். 

ஒட்டுமொத்த விகடனுக்கும் ஒரே ஷார்ட்கட்!

மார்க்கெட்டிங் டெக்னிக்... துறவிகளிடம் சீப்புகளை விற்கும் வித்தை!

இந்தக் கதை சொல்லும் படிப்பினைகள் என்ன?

மூன்று விண்ணப்பதாரர்களும் வித்தியாசமான செயல்திறன் நிலைகளை நமக்குக் காண்பித்திருக்கிறார்கள்.

பயன்படுத்துபவரின் தனிப்பட்டத் தேவைகளை மட்டும் பூர்த்தி செய்யக்கூடிய அடிப்படை நிலையை முதலாவது விண்ணப்பதாரர் காண்பித்திருக்கிறார். தலையில் அரிப்புக்கொண்ட துறவிக்கு தனிப்பட்டத் தேவை இருந்தது; அது அவரை மட்டும் சார்ந்த பிரச்னையாக இருந்தது.

ஒரு பொருளை எப்படியெல்லாம் பயன் படுத்தலாம் என்பதை இரண்டாமவர் காண்பித்திருக்கிறார். துறவிக்கு சீப்பு என்பது தேவைப்படாமல் இருக்கலாம். அப்படி இருந்தும் அதை எப்படிப் பயனுள்ளதாக ஆக்கிக்கொள்ள முடியும் என்பதை மூன்றாமவர் காட்டினார். ஒரு பொருள் குறித்த புதிய சாத்தியங்களையும், ஆதாயங்களையும் பயனாளர்களிடம் விளக்கிக் கூறும்போது, நீங்கள் போட்டியாளர்களை மிஞ்சிவிடுகிறீர்கள். 

மூன்றாவது விண்ணப்பதாரர் மற்ற இருவரையும் விட சிறப்பாக செய்திருக்கிறார். விற்பனை தொடர்பான உறவு தொடரும்போது, அது விற்பனையை மீண்டும் பெற்றுத் தருவதோடு, மற்றவர்களுக்குப் பரிந்துரைக்கவும் செய்கிறது.

இந்தக் கதையில் வரும் துறவி, பக்தர்கள், மூன்றாவது விண்ணப்பதாரர், இன்டர்வியூ செய்தவர் என ஒவ்வொருவரும் வெற்றியாளர்கள் தான்.  நீங்கள் உங்கள் பயனாளர்களுக்கு உதவுவதால், உங்கள் பொருளுக்கான மதிப்பை அதிகரிக்க முடியும். ஒவ்வொரு பயனாளரையும் தனிப்பட்ட மனிதராக நினைக்காமல், அவர்களுக்கு அப்பால் இருக்கும் தொடர்புகளையும், நெட்வொர்க்கை யும் நினைவில் கொள்ளுங்கள். ஒவ்வொரு வாடிக்கையாளரையும் ஒருமுறைக்கான விற்பனைக்கு மட்டும் உரியவர் என நினைக்காமல், வாழ்நாள் முழுவதுக்குமான வாடிக்கையாளர் எனக் கருதுங்கள்.

நம் முடிவுகளுக்கான நடவடிக்கைகளை நமது நம்பிக்கைகளும், சிந்தனைகளும்தான் வடிவமைக்கின்றன. சவாலை எதிர்கொள்ளும் போது, அதற்கு நீங்கள் எப்படி எதிர்வினை ஆற்றுவீர்கள்,  எவ்வளவு பெரியதாக நினைப்பீர்கள் என்பது மிக மிக முக்கியம்.

உங்கள் வாடிக்கையாளர்கள் நீங்கள் விற்கும் பொருள்களை வாங்கிப் பயன்பெறும் வகையில், புதிய தேவைகளை நீங்கள் எப்படி உருவாக்கப் போகிறீர்கள்?

- லிங்க்ட்இன் தளத்தில் ஜோஷ்வா சாவ் என்பவர் எழுதியதைத் தமிழில் தந்தவர் சித்தார்த்தன் சுந்தரம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism