Published:Updated:

கலவரத்தில் வாகனங்கள் சேதம்... இழப்பீடு கிடைக்குமா?

 கலவரத்தில்  வாகனங்கள் சேதம்... இழப்பீடு கிடைக்குமா?
பிரீமியம் ஸ்டோரி
கலவரத்தில் வாகனங்கள் சேதம்... இழப்பீடு கிடைக்குமா?

கேள்வி - பதில்

கலவரத்தில் வாகனங்கள் சேதம்... இழப்பீடு கிடைக்குமா?

கேள்வி - பதில்

Published:Updated:
 கலவரத்தில்  வாகனங்கள் சேதம்... இழப்பீடு கிடைக்குமா?
பிரீமியம் ஸ்டோரி
கலவரத்தில் வாகனங்கள் சேதம்... இழப்பீடு கிடைக்குமா?
 கலவரத்தில்  வாகனங்கள் சேதம்... இழப்பீடு கிடைக்குமா?

? கலவரத்தில் வாகனங்கள் சேதமடைந்தால், காப்பீட்டின் மூலம் அதற்குரிய இழப்பீடு கிடைக்குமா?

 கலவரத்தில்  வாகனங்கள் சேதம்... இழப்பீடு கிடைக்குமா?


கணேசன், சென்னை

திருமலை, வழக்கறிஞர் மற்றும் இன்ஷூரன்ஸ் நிபுணர்


“மோட்டார் வாகன காம்ப்ரிஹென்ஸிவ் பாலிசி பிரிவு 1-ல், கலவரம் மற்றும் போராட்டத்தின் (Riot and strike) காரணமாக வாகனம் சேதமடைந்தால், இழப்பீடு உண்டு. கலவரம் காரணமாக வாகனத்துக்குச் சேதம் ஏற்பட்டால், உடனடியாக பாலிசி வழங்கிய இன்ஷூரன்ஸ் அலுவலகத்துக்குத் தகவல் தெரிவிக்கவேண்டும். அருகில் உள்ள காவல் நிலையத்தில் புகார் கொடுத்து  முதல் தகவல் அறிக்கை (FIR) பெறவேண்டும்.

வாகனமானது மேலும் சேதமடையாதபடிக்குப் பாதுகாக்க வேண்டும். வாகன இழப்பீடு, தேய்மானம் மற்றும் கழிவுத் தொகையைக் கழித்துவிட்டு, சர்வேயர் மதிப்பீட்டின் அடிப்படையில் இழப்பீடு வழங்கப்படும். டயர் மற்றும் டியூப் சேதமாகி இருந்தால், புதிதாக மாற்றுவதில் 50% கழிக்கப்பட்டு, இழப்பீடு மதிப்பிடப்படும். நாளிதழ்களில் பாலிசிதாரரின் வாகனம் சேதமடைந்ததைப் பற்றிய செய்திகள் பிரசுரமாகி இருந்தால், அந்த நாளிதழையும் உங்களது இழப்பீட்டு மனுவோடு இணைக்க வேண்டும்.கலவரத்தினால் சேதமடைந்த வாகனத்தையும், கலவரம் நடந்த சூழலையும்  வாகனத்தின் உரிமையாளர் ஸ்பாட் போட்டோ எடுத்து இணைப்பது நல்லது.

இன்ஷூரன்ஸ் நிறுவனத்தினர், இழப்பீட்டைப் பெறுவதற்கான க்ளெய்ம் ஃபார்ம் வழங்கும்போது என்ன  காரணத்தினால் வாகனம் சேதமானது என்று கேட்பார்கள்.  அதற்கான சரியான காரணத்தைக் குறிப்பிடவேண்டும். வாகனம் எங்கு, என்ன காரணத்துக்காக நிறுத்தி வைக்கப்பட்டு இருந்தது, கலவரம் நடைபெறும் என்கிற தகவல் முன்கூட்டியே தெரியுமா, தெரியும் எனில், வாகனத்தைப் பாதுகாக்கும் நடவடிக்கையை ஏன் எடுக்கவில்லை என்கிற கேள்விகளை எல்லாம் கேட்பார்கள். ஏனெனில், வாகனத்தின் பாதுகாப்புக்குத் தேவையான அனைத்து நடவடிக்கைகளையும் பாலிசிதாரரான வாகன உரிமையாளர் கட்டாயம் எடுத்தாகவேண்டும்.”

? என் வயது 31. மாதம் ரூ. 30,000 சம்பளம் வாங்குகிறேன். இதுவரை எனது குடும்பப் பாதுகாப்புக்குத் தேவையான எந்த நடவடிக்கையையும்  நான் மேற்கொள்ளவில்லை. குடும்பப்  பாதுகாப்புக்காக எவ்வளவு தொகைக்கு நான் டேர்ம் இன்ஷூரன்ஸ் எடுக்க வேண்டும்?

 கலவரத்தில்  வாகனங்கள் சேதம்... இழப்பீடு கிடைக்குமா?



ரமேஷ், சென்னை

ஸ்ரீதரன், தலைவர், நிதித் திட்டமிடல் பிரிவு, வெல்த் லாடர் 


“டேர்ம் இன்ஷூரன்ஸைப் பொறுத்த வரை, ஒருவரின் ஆண்டு வருமானத்தைப் போல குறைந்தபட்சமாக 10 மடங்கு முதல் அதிகபட்சமாக 20 மடங்கு வரை எடுத்துக்கொள்வது அவசியம். அதேபோல, ஒருவரது மாத வருமானத்தில் குறைந்தபட்சமாக 20%  சேமிப்புக்காக ஒதுக்கிவிட்டு, மீதமுள்ள தொகையையே அவர் குடும்பச் செலவுக்குச் செலவழிக்கலாம். இன்ஷூரன்ஸ் நிறுவனத்தின் மேலாண்மை, நிர்வாகத் திறமை, எவ்வளவு ஆண்டுகளாக இந்தத் துறையில் இருக்கிறது, நிறுவனத்தின் முதன்மைத் தொழில் என்ன, கடந்த மூன்று வருட க்ளெய்ம் செட்டில்மென்ட் சதவிகிதம் ஆகியவற்றை அறிந்து, அந்த இன்ஷூரன்ஸ் கம்பெனி யின் டேர்ம் இன்ஷூரன்ஸை எடுப்பது நல்லது.”

? என் வயது 30. குழந்தைகளின் எதிர்கால கல்வித் தேவைக்காக ஐசிஐசிஐ புரூ. வேல்யூ டிஸ்கவரி ஃபண்டில் ரூ.1,000, கனரா  ராபிகோ எமர்ஜிங் ஈக்விட்டிஸ் ஃபண்டில்  ரூ.2,000 மற்றும் மிரே அஸெட்  எமர்ஜிங் புளூசிப் ஃபண்டில் ரூ.2,000 என மாதந்தோறும் முதலீடு செய்துவருகிறேன். மொத்தம் 15 ஆண்டுகள் முதலீடு செய்யத் திட்டமிட்டுள்ளேன். இந்த ஃபண்டுகளில் முதலீட்டைத் தொடரலாமா?

 கலவரத்தில்  வாகனங்கள் சேதம்... இழப்பீடு கிடைக்குமா?


தங்கத்தம்பி, ஈரோடு

ச.ராமலிங்கம், நிதி ஆலோசகர்

“30 வயது தந்தையான நீங்கள் குழந்தைகளின் எதிர்கால (15 ஆண்டுகள்) கல்வித் தேவைக்காக சரியான முறையில் ஒரு டைவர்சிஃபைடு (ஐசிஐசிஐ புரூ. வேல்யூ டிஸ்கவரி), இரண்டு ஸ்மால் மற்றும் மிட்கேப் ஃபண்டுகளில் (கனரா ராபிகோ எமர்ஜிங் ஈக்விட்டி, மிரே அஸெட் எமர்ஜிங் புளூசிப் ஃபண்ட்) முதலீடு செய்வது பாராட்டத்தக்கது. இந்த மூன்று ஃபண்டுகளும் கடந்த 3, 5 வருட காலங்களில் நல்ல வருமானத்தை (ஐசிஐசிஐ ப்ரு வேல்யூ டிஸ்கவரி 25.8%, 22.6%; கனரா ராபிகோ எமர்ஜிங் ஈக்விட்டி 34.6%, 28.0%; மிரே அஸெட் எமர்ஜிங் புளூசிப் 34.8%, 29.3%) ஈட்டித் தந்துள்ளன. எனவே, முதலீட்டைத் தொடர்ந்து செய்துவாருங்கள்.

வருங்காலங்களில் முடிந்தால், மேலும் இரண்டு எஸ்ஐபி ரூ.1,000/ரூ.2,000 ரிலையன்ஸ் ஸ்மால்கேப்/  டிஎஸ்பி பிளாக்ராக் ஸ்மால் & மிட்கேப் 12-14 வருடத்துக்கு முதலீட்டைச் செய்யுங்கள். 2 - 3 வருடத்துக்கு ஒருமுறை மறுஆய்வு செய்வது நல்லது. வங்கி வட்டி குறைந்து வரும் இந்தவேளையில் சேமிப்புக் கணக்கில் இருந்து பணத்தை எடுத்து, மாதந் தோறும் ஒரு லிக்விட் ஃபண்டில் முதலீடுசெய்து, 2-3% கூடுதல் வட்டி பெறுங்கள். லிக்விட் ஃபண்டிலிருந்து பணத்தை 30 நிமிடத்தில் எடுத்துக்கொள்ளலாம்.”

? வீட்டுக் கடனுக்கான வட்டியை மாதந்தோறும் செலுத்தி வருகிறேன். என்னுடைய பிபிஎஃப் பணத்திலிருந்து கிடைக்கும் முழுத் தொகையைக் கட்டி, வீட்டுக் கடனை முன்பே முடித்துக் கொள்ளலாமா? அல்லது பிபிஎஃப் பணத்தை வேறு ஏதாவது ஒரு திட்டத்தில் முதலீட்டை மேற்கொள்ளலாமா?

 கலவரத்தில்  வாகனங்கள் சேதம்... இழப்பீடு கிடைக்குமா?



சண்முகம், கிருஷ்ணகிரி

ஜி.கார்த்திகேயன், ஆடிட்டர், கோவை


“வருமான வரி செலுத்தாதவராக இருந்தால், பிபிஎஃப் தொகையை எடுத்து வீட்டுக் கடனுக்கான வட்டியை முன்பே செலுத்தலாம். அதேசமயம், வருமான வரி வரம்பு 20 சதவிகிதத்துக்கு மேல் உள்ளவர்கள் பிபிஎஃப் பணத்தை எடுக்காமல் இருப்பதே நல்லது. ஏனெனில் பிபிஎஃப்-ல் பெறும் வட்டிக்கு வரி கிடையாது. அதேபோல, வீட்டுக் கடனில்  செலுத்தப்படும் வட்டிக்கு வரி விலக்கு கிடைக்கும். பிபிஎஃப் பணத்தை எடுத்து முதலீடு செய்வதாக இருந்தால், ஈக்விட்டி மியூச்சுவல் ஃபண்டுகளில் செய்யலாம்.”

? மியூச்சுவல் ஃபண்டில் முதலீடு செய்தவர் இறந்துவிட்டால், அந்தப் பணத்தை திரும்பப் பெறுவது எப்படி?

 கலவரத்தில்  வாகனங்கள் சேதம்... இழப்பீடு கிடைக்குமா?



சதீஷ்குமார், வேலூர்

சா.பாரதிதாசன், நிதி ஆலோசகர்


“இப்போது மியூச்சுவல் ஃபண்டில் முதலீடு செய்பவர்களுக்குக் கட்டாயமாக நாமினி சேர்க்கப்படுகிறது. இறந்தவரின் இறப்புச் சான்றிதழை சான்றொப்பம் வாங்கி, சம்பந்தப்பட்ட நிறுவனத்துக்குச் சென்று, கடிதமாக வழங்கிப் பணத்தை வங்கி மூலமாக திரும்ப பெற்றுக் கொள்ளலாம்.

இல்லையெனில் நாமினி ஏற்கெனவே முதலீட்டாளராக இருந்தால், பான் கார்டு மற்றும் அதற்கான விவரங்களை வழங்கி நாமினியின் கணக்குக்கு முதலீடுகளை மாற்றிக் கொள்ளலாம். முதலீடு செய்ததற்கான ஆவணங்கள் எதுவும் இல்லை. ஆனால், முதலீடு செய்யப்பட்டுள்ளது என்பதற்கான தகவல் மட்டுமே தெரிந்தால், இறந்தவரின் பான் கார்டு நம்பர் மூலம் முதலீட்டு விவரங்களை தெரிந்துகொள்ளலாம்.”

உங்கள் எண்ணங்களை எங்களோடு பகிர்ந்துகொள்ளுங்கள்!

 கலவரத்தில்  வாகனங்கள் சேதம்... இழப்பீடு கிடைக்குமா?



facebook.com/naanayamvikatan

twitter.com/nanayamvikatan

எவ்வித கட்டணமும் இல்லாமல் ஏராளமான தகவல்களைப் படித்து பயன்பெறுங்கள்!


nanayam.vikatan.com

போன் மூலமாகவும்  கேள்வி கேட்கலாம்!

இனி நீங்கள் போன் மூலமாகவும் கேள்விகளைப் பதிவு செய்யலாம். அதற்கு 044- 66802920 என்ற எண்ணுக்கு டயல் செய்யுங்கள். கணினி குரல் வழி காட்டும்; அதன்படி உங்கள் குரலிலேயே கேள்விகளைப் பதிவு செய்யுங்கள். எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த ஒரு நிமிடம் முழுக்க முழுக்க உங்களுக்கே!

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com.