Published:Updated:

“சென்செக்ஸ்... ஓராண்டில் 10% வளர்ச்சி!”

“சென்செக்ஸ்... ஓராண்டில் 10% வளர்ச்சி!”
பிரீமியம் ஸ்டோரி
“சென்செக்ஸ்... ஓராண்டில் 10% வளர்ச்சி!”

‘ஆம்பிட்’ செளரப் முகர்ஜி சிறப்புப் பேட்டிஏ.ஆர்.குமார்

“சென்செக்ஸ்... ஓராண்டில் 10% வளர்ச்சி!”

‘ஆம்பிட்’ செளரப் முகர்ஜி சிறப்புப் பேட்டிஏ.ஆர்.குமார்

Published:Updated:
“சென்செக்ஸ்... ஓராண்டில் 10% வளர்ச்சி!”
பிரீமியம் ஸ்டோரி
“சென்செக்ஸ்... ஓராண்டில் 10% வளர்ச்சி!”
“சென்செக்ஸ்... ஓராண்டில் 10% வளர்ச்சி!”

‘‘பங்குச் சந்தை நன்கு வளர்ச்சி காணும் நேரமிது. ரியல் எஸ்டேட், தங்கத்தில் முதலீடு செய்வதைவிட பங்குச் சந்தையில் முதலீடு செய்வதுதான் இப்போதைக்கு சரியான முடிவாக இருக்கும்’’ என்றார் ஆம்பிட் புரோக்கிங் நிறுவனத்தின் சிஇஓ செளரப் முகர்ஜி. தமிழ்நாடு முதலீட்டாளர் சங்கம், சமீபத்தில் சென்னையில் நடத்திய கருத்தரங்கில் கலந்துகொண்டு பேசினார் செளரப் முகர்ஜி. அவரைச் சந்தித்து நாணயம் விகடனுக்காகப் பேட்டி கண்டோம். 

கடந்த நவம்பரில் மோடி அரசாங்கம் கொண்டுவந்த பண மதிப்பு நீக்கத்தினால் பொருளாதாரத்திலும் பங்குச் சந்தையிலும் பெரும்பாதிப்பு ஏற்படுமா?

‘‘பங்குச் சந்தையைவிட பொருளாதாரத்தில்தான் அதிக பாதிப்புகள் ஏற்படும். நம் நாட்டில் 40 சதவிகிதமாக இருக்கும் முறைப்படுத்தப்படாத (Unorganished) தொழில்கள் 80 சதவிகித வேலைவாய்ப்பை வழங்குகின்றன. இந்தத் தொழில்களைச் செய்பவர்களில் பலர் பணத்தை ரொக்கமாகப் பரிமாற்றம் செய்பவர்கள். பண மதிப்பு நீக்க நடவடிக்கைக்குப்பின், பணத்தை ரொக்கமாகச் செலவழிக்க முடியாத நிலையை உருவாக்கி இருப்பதால், இந்தத் தொழில்கள் தொடர்ந்து வெற்றிகரமாகச் செயல்பட முடியாத நிலை உருவாகி இருக்கிறது. இதனால் இந்தத் தொழில் நிறுவனங்களின் வர்த்தகம் குறைந்து, தொழிலாளர்கள் வேலை இழக்கவேண்டிய நிலை ஏற்பட்டுள்ளது. அதன் காரணமாக, பொருட்கள் விற்பனையாவது குறையும். தவிர, இந்தத் தொழில்களைச்  செய்பவர்களும் கார், டிவி, வண்டி வாகனங்களை வாங்குவதைத் தள்ளிப்போடுவார்கள். மேற்கொண்டு தொழிலை விஸ்தரிக்கும் வேலையை நிறுத்துவார்கள். இதனால் தொழில் முதலீடுகள் குறைந்து, வேலை இழப்பு அதிகரிக்கும். நாட்டின் ஜிடிபி வளர்ச்சியும் கொஞ்சம் குறையும். எனினும், முறைப்படுத்தப்படாத நிறுவனங்களைப் பின்னுக்குத் தள்ளிவிட்டு, அரசுக்கு சரியாக வருமான வரியைக் கட்டும் முறைப்படுத்தப்பட்ட  (Organished) நிறுவனங்கள் முன்னுக்கு வரும் என்பதால், கார்ப்பரேட் நிறுவனங்களின் வருமானம் அதிகரிக்கும்.

மேலும், தற்போது பணத்தை ரொக்கமாகச் செலவழிக்க முடியாத நிலை ஏற்பட்டு இருப்பதால், தங்கத்தையோ, மனையையோ முன்புபோல வாங்கமுடியாத நிலை ஏற்பட்டுள்ளது. வங்கி வைப்புத் திட்டங்களுக்கான வட்டியும் குறைந்து கொண்டே வருகிறது. எனவே, இந்த முதலீடுகள் பங்குச் சந்தையை நோக்கி வரவேண்டிய கட்டாயம் ஏற்பட்டுள்ளது. இதனால் பங்குச் சந்தை வளரவே செய்யும். மத்திய அரசாங்கம் கொண்டுவந்த பண மதிப்பு நீக்க நடவடிக்கை பங்குச் சந்தையைவிட பொருளாதாரத்தில்தான் சில பாதிப்புகளை ஏற்படுத்தும்.’’

ஒட்டுமொத்த விகடனுக்கும் ஒரே ஷார்ட்கட்!

“சென்செக்ஸ்... ஓராண்டில் 10% வளர்ச்சி!”

தற்போதுள்ள நிலையில், பங்குச் சந்தை வளர்வதற்குத் தடையாக இருக்கும் விஷயங்கள் என்னென்ன?

‘‘பங்குச் சந்தையில் ‘டீமேட்’ நடைமுறையைக் கொண்டு வருவதற்குமுன், பணம் படைத்தவர்களிடம் பங்குச் சந்தையானது பிரபலமாகவே  இருந்தது. காரணம், கறுப்புப் பணத்தை வைத்து வர்த்தகம் செய்வதற்கு பல வழிகள் இருந்தன. ஆனால், ‘டீமேட்’ நடைமுறையைக் கொண்டு வந்தபின், பங்குச் சந்தையில் கறுப்புப் பணத்தை முதலீடு செய்யமுடியாத நிலை ஏற்பட்டது. உடனே பங்குச் சந்தையை விட்டு வெளியேறிய வர்கள், ரியல் எஸ்டேட்டிலும் தங்கத்திலும் முதலீடு செய்து நல்ல லாபம் பார்த்தார்கள். கடந்த இருபது ஆண்டுகளில் ரியல் எஸ்டேட் மற்றும் தங்கத்தின் விலை அதிகமாக உயர்ந்ததற்குக் காரணம் இதுதான்.

ஆனால், இப்போது மோடி அரசாங்கம் எடுத்துள்ள நடவடிக்கைகளால், ரியல் எஸ்டேட்டிலும் தங்கத்திலும் கறுப்புப் பணத்தை முதலீடு செய்யமுடியாத சூழல் ஏற்பட்டுள்ளது. இந்தப் பணமெல்லாம் இனி பங்குச் சந்தையை நோக்கித்தான் வரவேண்டும் என்பதால், இனிவரும் காலத்தில் பங்குச் சந்தை கணிசமான வளர்ச்சியைக் காணும். இந்தியா முழுக்க உள்ள முதலீட்டாளர் அமைப்புகள் இப்போது உற்சாகமாக இருக்கின்றன. அதிக முதலீட்டாளர்கள் பங்குச் சந்தையில் முதலீடு செய்வார்கள் என்பதால், இன்னும் அதிகமான ஐபிஓ-க்கள் வரும். எனவே, அரசாங்கம் எந்தவொரு பெரிய நடவடிக்கையும் எடுக்காமலே பங்குச் சந்தை நன்கு வளர்ச்சி காணும்.’’

அமெரிக்க அதிபர் ட்ரம்ப்பின் அதிரடி நடவடிக்கையினால் ஐ.டி மற்றும் பார்மா தொழில்கள் பாதிப்படையுமா?

‘‘குறைந்த விலையில் தயாராகும் மருந்துப் பொருட்கள் அமெரிக்காவுக்குக் கட்டாயம் தேவை என்கிறபோது இந்தியாவில் தயாராகும் மருந்து களுக்கு பெரிய அளவில் தடை போட வாய்ப்பில்லை. எனவே, பார்மா செக்டாருக்கு பெரிய அளவில் பாதிப்பு ஏற்படும் என்று சொல்ல முடியாது. ஆனால், ஐ.டி தொழில் கொஞ்சம் பாதிப்படையவே செய்யும். இதனால் அந்தத் துறையில் கொஞ்சம் வேலை இழப்புகள் ஏற்படலாம். ஐ.டி தொழிலானது ‘பாடி ஷாப்பிங்’ என்கிற கருத்தாக்கத்தில் மாற்றத்தைக் கொண்டுவர வேண்டிய காலகட்டம் இது. இதற்கு ரிசர்ச் அண்ட் டெவலப்மென்டுக்கு நிறைய பணத்தைச் செலவழிக்க வேண்டும். இன்னும் தரமாக வேலைகளைச் செய்ய வேண்டும்.’’

இன்னும் ஓராண்டு காலத்தில் பங்குச் சந்தையின் வளர்ச்சி எந்த அளவில் இருக்கும்?

‘‘அடுத்த ஓராண்டு காலத்தில் சென்செக்ஸானது 29000 - 30000 புள்ளிகளாக இருக்கும். இது சென்செக்ஸ் தற்போதிருக்கும் நிலையில் இருந்து சுமார் 10% அதிகம்.’’

எந்தெந்தத் துறைகள் நல்ல வளர்ச்சி காண வாய்ப்பு இருக்கிறது?


‘‘ பார்மா துறையில் தற்போது ஏற்பட்டிருக்கும் சிறு சரிவுகள் தற்காலிகமானதே. நீண்ட காலத்துக்கு இந்தத் துறை நன்கு செயல்பட வாய்ப்புள்ளது. தற்போது அமெரிக்காவும் பிற வளர்ந்த நாடுகளும் பொருளாதாரச் சுணக்கத்தில் இருப்பதால், ஐ.டி துறைக்கு சில பாதகங்கள் ஏற்பட்டிருக்கலாம். ஆனால், அமெரிக்காவும் ஜப்பானும் பொருளாதார வளர்ச்சி காண ஆரம்பித்தபின், இந்திய ஐ.டி துறைக்கு நல்ல வரவேற்பு கிடைக்கும். குறிப்பாக, வங்கி மற்றும் நிதி சார்ந்த ஐ.டி தொழிலுக்கு ஆதரவு அதிகரிக்கும். நமது மத்திய அரசாங்கம் அடித்தட்டு மக்களுக்கு அதிக சலுகைகளைத் தர நினைப்பதால், அன்றாடம் தேவைப்படும் பொருட்களை பலரும் வாங்குவார்கள். இதனால் எஃப்எம்சிஜி துறையும் நல்ல வளர்ச்சி காணும்!’’

படங்கள் : ஆ.முத்துக்குமார்