Published:Updated:

சென்னையில் எஃப் அண்ட் ஓ பயிற்சி... - முதலீட்டாளர்கள் மகிழ்ச்சி!

சென்னையில் எஃப் அண்ட் ஓ பயிற்சி... - முதலீட்டாளர்கள் மகிழ்ச்சி!
பிரீமியம் ஸ்டோரி
சென்னையில் எஃப் அண்ட் ஓ பயிற்சி... - முதலீட்டாளர்கள் மகிழ்ச்சி!

மு.சா.கெளதமன்

சென்னையில் எஃப் அண்ட் ஓ பயிற்சி... - முதலீட்டாளர்கள் மகிழ்ச்சி!

மு.சா.கெளதமன்

Published:Updated:
சென்னையில் எஃப் அண்ட் ஓ பயிற்சி... - முதலீட்டாளர்கள் மகிழ்ச்சி!
பிரீமியம் ஸ்டோரி
சென்னையில் எஃப் அண்ட் ஓ பயிற்சி... - முதலீட்டாளர்கள் மகிழ்ச்சி!
சென்னையில் எஃப் அண்ட் ஓ பயிற்சி... - முதலீட்டாளர்கள் மகிழ்ச்சி!

நாணயம் விகடன் வாசகர்கள் மற்றும் டிரேடர்களின் நீண்ட நாள் வேண்டுகோளான ஃப்யூச்சர்ஸ் & ஆப்ஷன்ஸ்களுக்கான பயிற்சி வகுப்பு, கடந்த ஜனவரி 28, 29-ம் தேதிகளில்  சென்னையில் நடைபெற்றது. எக்ட்ரா பயிற்சி மையத்தின் முதன்மை செயல் அதிகாரி தி.ரா.அருள்ராஜன் பயிற்சி அளித்தார்.

   ரிஸ்க்


பயிற்சி வகுப்பில் கலந்து கொண்டவர்களுக்கு அடிப்படை விஷயங்களை அழகாகச் சொல்லிக் கொடுத்தார் தி.ரா.அருள்ராஜன். முதலில், டிரேடர்கள் எவ்வளவு ரிஸ்க் எடுக்க வேண்டும், ஒரு டிரேடுக்கு எவ்வளவு ரிஸ்க் எடுக்கலாம், டிரேடிங்கில் எடுக்கும் ரிஸ்க்கை எப்படிக் குறைத்துக் கொள்ள வேண்டும், ஒரு டிரேடுக்கான ரிஸ்க் குறைவதால் ஏற்படும் நன்மைகள் என்னென்ன என்பதை விளக்கினார்.

அதோடு, ஸ்டாப் லாஸ் ஏன் கட்டாயமாக போட்டுக்கொள்ள வேண்டும், எப்போதெல்லாம் ஸ்டாப் லாஸ் வேலை செய்யாது என்பனவற்றையும் சொல்லி, எச்சரிக்கை டிப்ஸ் தந்தார். பயிற்சி வகுப்புக்கு வந்திருந்த டிரேடர்கள், அருள்ராஜன் சொன்ன ஒவ்வொரு விஷயத்தையும் குறிப்பெடுத்துக் கொண்டனர்.

   கேஷ் மார்க்கெட்


கேஷ் மார்க்கெட் அத்துபடியாக இருந்தால் தான், ஃப்யூச்சர்ஸ் மற்றும் ஆப்ஷன்கள் முழுமையாகப் புரியும். எனவே, கேஷ் மார்க்கெட் களின் அடிப்படைகளைத் தெளிவாக்கினார். கேஷ் மார்க்கெட் இயங்கும் விதம், ஆர்டர் போடுவது, பங்கு அல்லது பணத்தைப் பெறுவது போன்ற சந்தையின் அடிப்படை விஷயங்களை முழுமையாக விளக்கினார்.

   ஃப்யூச்சர்ஸ் வர்த்தகம்


எதில் எல்லாம் ஃப்யூச்சர்ஸ் இருக்கிறது, ஃப்யூச்சர்ஸில் டிரேட் செய்யும்போது கவனிக்க வேண்டியவை என்னென்ன என்பனவற்றையும் விளக்கினார். ஃப்யூச்சர்ஸில் முக்கியமான நேரம், அளவு மற்றும் மார்ஜின் போன்ற விஷயங்களை யும் முழுமையாக சந்தையுடன் ஒப்பிட்டு விளக்கினார். எந்தெந்தப் பங்குகளுக்கு எல்லாம் ஃப்யூச்சர்ஸ் இருக்கிறது, எந்த கமாடிட்டிகளுக்கு எல்லாம் ஃப்யூச்சர்ஸ் இருக்கிறது, கரன்சிக்கு ஃப்யூச்சர்ஸ் இருக்கிறதா, அதற்குச் செலுத்த வேண்டிய மார்ஜின்கள் எவ்வளவு என முழுமையாக விளக்கினார்.

   கான்ட்ராக்ட்

ஒரு கான்ட்ராக்ட் என்றால் என்ன, ஈக்விட்டிகளுக்கு எத்தனை கான்ட்ராக்ட்கள் இருக்கும், எப்போது எல்லாம் டிரேட் ஆகும், கமாடிட்டிகளுக்கு எத்தனை கான்ட்ராக்ட்கள் லைவ்வாக இருக்கும், அவை எப்போது டிரேட் ஆகும், எத்தனை நாட்டு கரன்சிகள் இந்தியாவில் டிரேட் ஆகின்றன, அவற்றின் கான்ட்ராக்ட்கள் எப்படி இருக்கின்றன என்பன போன்றவற்றை  லைவ் சந்தையுடன் ஒப்பிட்டு விளக்கினார்.

   மார்ஜின்

மார்ஜின்கள் என்றால் என்ன, இவற்றை ஏன் கட்டவேண்டும். இதில் உள்ள வகைகள் என்னென்ன, முதல்முறை செலுத்தியபிறகு மீண்டும் உங்கள் கணக்கில் பணம் வந்தால் அதற்கு பெயர் என்ன, ஒருவேளை உங்களிடமிருந்து சந்தை மேலும் மார்ஜின் தொகையைக் கேட்டால், அதற்கு பெயர் என்ன, சந்தை மேற்கொண்டு கேட்கும் மார்ஜினை நாம் ஏன் செலுத்த வேண்டும், எவ்வளவு ரூபாய் வரை சந்தை  நம்மிடமிருந்து மார்ஜினை வசூலிக்கலாம் என்பன போன்றவற்றை  தெளிவாக விளக்கினார். அதோடு, இந்த உச்ச வரம்புகளை யார் நிர்ணயிக்கிறார்கள், எவ்வளவு நிர்ணயம் செய்கிறார்கள் என்பனவற்றையும்  விளக்கமாக எடுத்துச் சொன்னார்.

   ஆப்ஷன்

எப்போது ஆப்ஷன் எடுக்க வேண்டும் என்பது பற்றியும், ஆப்ஷன்களுக்கான பேட்டன்களையும் பெயர்களையும் படங்களுடன் விளக்கினார் பயிற்சியாளர் தி.ரா.அருள்ராஜன். அதோடு ஆப்ஷனில் வர்த்தகம் மேற்கொள்ளும்போது மிக முக்கியமாக நினைவில் வைத்துக் கொள்ள வேண்டிய நான்கு ஃபார்முலாக்களையும் சொல்லிக் கொடுத்தார். அதோடு ஏன் அந்த ஃபார்முலாக்களை பயன்படுத்த வேண்டும் என்பது குறித்தும், அதனால் ஏற்படும் நன்மைகளை யும் விளக்க, உன்னிப்பாகக் கவனித்தார்கள் வாசகர்கள்.

இடையில் வாசகர்களுக்கு ஏற்பட்ட மலை அளவு சந்தேகங்களுக்கும் மிக எளிமையாகப் பதில்களைச் சொல்லி அசத்தினார்.  சிலருக்கு பதில் தெரிந்திருக்கும்; ஆனால், அந்த பதிலுக்கான  காரணங்கள் புரியாமலே  இருந்திருக்கும். அவர்களுக்குத்  தகுந்த காரணங்களையும் சொல்லி விளக்கியது மிகச் சுலபமாக பாடங்களைப் புரிந்துகொள்ள உதவியாக இருந்தது.

வகுப்பு முடியும்போது, நாங்கள் எதிர்பார்த்து வந்ததை விட நிறைய கற்றுக் கொண்டு போகிறோம் என மகிழ்ச்சியோடு சொன்னார்கள் வாசகர்கள். கற்றுக் கொண்டதை கச்சிதமாக ஃபாலோ செய்தால் மட்டுமே, நிஜமான பயனை உங்களால் அடைய முடியும். முதலில் டிரேடிங்கில் ஈடுபடுவதைவிட, கொஞ்சம் பேப்பர் டிரேடிங் செய்து பார்ப்பது நல்லது என்றார் பயிற்சியாளர் தி.ரா.அருள்ராஜன்.

மேற்கொண்டு இதுபோன்ற பயிற்சி வகுப்புகளில் கலந்துகொள்ள விருப்பம் உள்ளவர்கள், நாணயம் விகடன் இதழையும், nanayam.vikatam.com இணைய தளத்தையும் தொடர்ந்து பார்க்கவும்.

படங்கள்: ப.சரவணகுமார்