Published:Updated:

பழைய ரூபாய் நோட்டுகளை ஆர்பிஐ மாற்றித்தர மறுப்பது ஏன்?

ஒட்டுமொத்த விகடனுக்கும் ஒரே ஷார்ட்கட்

Use App
பழைய ரூபாய் நோட்டுகளை ஆர்பிஐ மாற்றித்தர மறுப்பது ஏன்?
பழைய ரூபாய் நோட்டுகளை ஆர்பிஐ மாற்றித்தர மறுப்பது ஏன்?

ச.ஸ்ரீராம்

பிரீமியம் ஸ்டோரி
பழைய ரூபாய் நோட்டுகளை ஆர்பிஐ மாற்றித்தர மறுப்பது ஏன்?

ழைய 500 மற்றும் 1,000 ரூபாய் நோட்டுகளை 2017, மார்ச் 31-ம் தேதி வரை ஆர்பிஐ-யின் மண்டல வங்கிக் கிளைகளில் கொடுத்து புதிய ரூபாய் நோட்டுகளாக மாற்றிக்கொள்ளலாம் என்று ஆர்பிஐ அறிவித்திருந்தது. ஆனால், தற்போது ஆர்பிஐ அலுவலகத்துக்கு சென்றால், ‘ரூபாய் நோட்டுகளை வெளிநாடு வாழ் இந்தியர்கள் மட்டுமே மாற்ற முடியும்; இந்தியாவில் வசிக்கும் இந்தியர்கள் மாற்ற முடியாது’ என்கின்றனர்.

இதற்கான காரணத்தைக் கேட்டு சென்னை மண்டல ரிசர்வ் வங்கியைத் தொடர்பு கொண்ட போது, நம் கேள்விகளுக்கு விளக்கம் தந்தார்கள்.

“மார்ச் 31-ம் தேதி வரை மாற்றிக் கொள்ளலாம் என நாங்கள் சொன்னது உண்மைதான். ஆனால், இந்த அறிவிப்புக்குப் பின் ஜனவரி 2-ம் தேதி ஒரு மாற்றத்தை ஆர்பிஐ கொண்டு வந்துள்ளது. இதன்படி, நவம்பர் 9, 2016 முதல் டிசம்பர் 30, 2016 வரை வெளிநாடு சென்றிருந்த இந்தியர்களும், இதே காலகட்டத்தில் வெளிநாட்டில் வசிக்கும் வெளிநாடு வாழ் இந்தியர்களும் தங்களது 500 மற்றும் 1,000 ரூபாய் நோட்டுகளை ஆர்பிஐ-யில் கொடுத்து மாற்றிக் கொள்ளலாம். மேலும், வெளிநாடு சென்றிருந்த இந்தியர்கள் மார்ச் 30-ம் தேதி வரையிலும், வெளிநாடு வாழ் இந்தியர்கள் ஜூன் 30-ம் தேதி வரையிலும் இந்தச் சலுகையை அனுபவித்துக் கொள்ளலாம். இவற்றிலும்கூட மாற்றம் வரலாம்.  மேலும், விமான நிலையத்திலேயே ஒரு விண்ணப்பம் தரப்பட்டு அதில் விவரங்கள் பூர்த்தி செய்யப்படுகின்றன. அந்த விண்ணப்பங்களுக்கு, அவர்களிடம் அப்போது உள்ள பழைய பணத்துக்கு நிகரான புதிய நோட்டுகள் மாற்றித் தரப்படுகின்றன” என்றார்.

பழைய ரூபாய் நோட்டுகளை ஆர்பிஐ மாற்றித்தர மறுப்பது ஏன்?

முன்பு ஆர்பிஐ செய்த அறிவிப்பில் கொண்டு வந்த மாற்றத்தைப் பற்றி, பிற்பாடு மக்களிடம் பிரபலப்படுத்தவில்லை. இதனால் மக்கள் பழைய ரூபாய் நோட்டுகளை மாற்ற தினமும்  ஆர்பிஐ-க்கு வந்து ஏமாற்றத்துடன் திரும்பிச் செல்கின்றனர். இனி இந்தப் பழைய ரூபாய் நோட்டுகளை மாற்றவே முடியாதா எனில், இப்போதுள்ள அறிவிப்பின்படி மாற்றவே முடியாது. ஆனால், பலரும் கோரிக்கை வைத்தால் இந்த அறிவிப்பில் மாற்றம் வந்தாலும் வரலாம்” என்று பதில் சொல்கிறார்கள் வங்கி அதிகாரிகள்.

கூட்ட நெரிசலாலும், சந்தர்ப்பச் சூழலாலும் ரூபாய் நோட்டுகளை மாற்ற முடியாதவர்கள், கஷ்டப்பட்டுச் சம்பாதித்த பணத்தை இழக்கவேண்டிய அபாயம் ஏற்பட்டுள்ளது.  மார்ச் மாதம் முடிவதற்கு இன்னும் ஒன்றரை மாதங்களே உள்ள நிலையில், பழைய ரூபாய் நோட்டுகளை மாற்றத் தகுந்த வழிகளை ஆர்பிஐ உருவாக்கித் தரவேண்டும்!

படம்: பா.காளிமுத்து

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு