Published:Updated:

மாரடைப்பினால் பாதிக்கப்பட்டவர்கள் ஹெல்த் இன்ஷூரன்ஸ் பாலசி எடுக்க முடியுமா?

ஒட்டுமொத்த விகடனுக்கும் ஒரே ஷார்ட்கட்

Use App
மாரடைப்பினால் பாதிக்கப்பட்டவர்கள் ஹெல்த் இன்ஷூரன்ஸ் பாலசி எடுக்க முடியுமா?
மாரடைப்பினால் பாதிக்கப்பட்டவர்கள் ஹெல்த் இன்ஷூரன்ஸ் பாலசி எடுக்க முடியுமா?

கேள்வி - பதில்

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

பிரீமியம் ஸ்டோரி
மாரடைப்பினால் பாதிக்கப்பட்டவர்கள் ஹெல்த் இன்ஷூரன்ஸ் பாலசி எடுக்க முடியுமா?

?மாரடைப்பு, புற்றுநோய்,பக்கவாதம் போன்ற நோய்களால் பாதிக்கப்பட்டவர்கள், ஹெல்த் இன்ஷூரன்ஸ் பாலிசி எடுக்க முடியுமா? இதற்கென தனியாக பாலிசிகள் இருக்கின்றனவா?

மாரடைப்பினால் பாதிக்கப்பட்டவர்கள் ஹெல்த் இன்ஷூரன்ஸ் பாலசி எடுக்க முடியுமா?


ராஜ்குமார், சிவகங்கை.
எஸ்.ஸ்ரீதரன், இன்ஷூரன்ஸ் நிபுணர்.


“மாரடைப்பினால் ஏற்கெனவே பாதிக்கப்பட்டிருப்பவருக்கான சிறப்பு பாலிசிகளை ஒருசில இன்ஷூரன்ஸ் நிறுவனங்கள் இப்போது வழங்கி வருகின்றன. ஆகவே, மாரடைப்பினால்  பாதிக்கப்பட்டவர்கள், இத்தகைய பாலிசிகளை எடுத்துக்கொள்வது நல்லது. புற்றுநோய் பாதிப்புக்கு இழப்பீடு வழங்கும் தனி பாலிசிகள் உள்ளன. ஆனால், புற்றுநோய் வந்தபிறகு, இந்த பாலிசிகளை எடுக்க முடியாது. புற்றுநோய் வருவதற்கு முன்பே பாலிசி எடுத்துக்கொள்ள வேண்டும் என்பது முக்கியமான விஷயம்.”

?எனக்கு 25 வயதாகிறது. பெரிதாக ரிஸ்க் எடுக்க விரும்பவில்லை. நீண்ட கால வளர்ச்சிக்கு எந்தத் துறை பங்குகளை வாங்கலாம்?

மாரடைப்பினால் பாதிக்கப்பட்டவர்கள் ஹெல்த் இன்ஷூரன்ஸ் பாலசி எடுக்க முடியுமா?



கண்ணன், திருவாரூர்.
எம்.எஸ்.ஓ. அண்ணாமலை, பங்குச் சந்தை தரகர்.


“உங்களின் தொழில், வருமானம், சேமிப்பு, காத்திருக்கும் காலம், பங்கு மார்க்கெட்டில் உங்களுக்குள்ள அனுபவம் போன்ற பலவற்றின் அடிப்படையில், நீங்கள் முதலீட்டு முடிவை மேற்கொள்வது அவசியம். பங்குச் சந்தை முதலீடு ரிஸ்க்கானது என்பதை நீங்கள் மறந்துவிடக் கூடாது. கொஞ்சம்கூட ரிஸ்க் எடுக்க விரும்பாதவர்கள், பங்குச் சந்தையின் பக்கம் வராமல் இருப்பதே நல்லது. அதே நேரத்தில், உள்கட்டமைப்பு, பொதுத் துறை, எரிசக்தி, சிமென்ட், விவசாயம் (உரம், டிராக்டர்), எஃப்எம்சிஜி ஆகிய துறை சார்ந்த நிறுவனப் பங்குகளில், முதலீட்டைப் பிரித்து கொஞ்சம் கொஞ்சமாக முதலீடு செய்யும்போது ரிஸ்க், நீண்ட காலத்தில் பரவலாக்கப்படும்.”

?மியூச்சுவல் ஃபண்டில் முதலீடு செய்து அதனை என் மகனுக்கு பரிசாகத் தரலாம் என்று நினைக்கிறேன். அடுத்த 20 ஆண்டுகள் தொடர்ந்து, மாதந்தோறும் ரூ.2,500 ஒரே ஃபண்டில் முதலீடு செய்வது சரியா?

மாரடைப்பினால் பாதிக்கப்பட்டவர்கள் ஹெல்த் இன்ஷூரன்ஸ் பாலசி எடுக்க முடியுமா?



சரவணன், கடலூர்.
ஸ்ரீதேவி, நிதி ஆலோசகர்.


“நீண்ட காலத்தில் மியூச்சுவல் ஃபண்டில் முதலீடு என்பது வரவேற்கக் கூடிய விஷயம். கண்மூடித்தனமாக ஒரு குறிப்பிட்ட காலத்துக்கு இலக்கை நிர்ணயித்து, தொடர்ந்து முதலீடு செய்வதைவிட, உங்கள் மகனின் கல்வி, திருமணம் எனக் குறிப்பிட்ட இலக்குகளுக்காக முதலீட்டை மேற்கொள்வது நல்லது. 20 ஆண்டுகளுக்கான முதலீடு என்பதால், நீங்கள் பங்குச் சந்தை சார்ந்த மியூச்சுவல் ஃபண்டில் முதலீடு மேற்கொள்ளலாம். மல்டி கேப் ஈக்விட்டி மியூச்சுவல் ஃபண்டில் முதலீடு  செய்வது பொருத்தமானதாக இருக்கும்.

மாதந்தோறும் 2,500 ரூபாய் வீதம் 20 ஆண்டுகளுக்குத் தொடர்ந்து முதலீடு செய்தால், ஆண்டுக்கு சுமார் 14% வருமானம் கிடைத்தால்  ரூ.33 லட்சமாக முதலீடு பெருக வாய்ப்புண்டு.’’ 

போன் மூலமாகவும்  கேள்வி கேட்கலாம்!

இனி நீங்கள் போன் மூலமாகவும் கேள்விகளைப் பதிவு செய்யலாம். அதற்கு 044- 66802920 என்ற எண்ணுக்கு டயல் செய்யுங்கள். கணினி குரல் வழி காட்டும்; அதன்படி உங்கள் குரலிலேயே கேள்விகளைப் பதிவு செய்யுங்கள். எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த ஒரு நிமிடம் முழுக்க முழுக்க உங்களுக்கே!

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு