Published:Updated:

ஈரோட்டில் டெக்னிக்கல் அனாலிசிஸ்... பட்டப்படிப்பை முடித்த மகிழ்ச்சி!

ஒட்டுமொத்த விகடனுக்கும் ஒரே ஷார்ட்கட்

Use App
ஈரோட்டில் டெக்னிக்கல் அனாலிசிஸ்... பட்டப்படிப்பை முடித்த மகிழ்ச்சி!
ஈரோட்டில் டெக்னிக்கல் அனாலிசிஸ்... பட்டப்படிப்பை முடித்த மகிழ்ச்சி!

பா.பிரியதர்ஷினி

பிரீமியம் ஸ்டோரி

மீபத்தில் இரண்டு நாள் டெக்னிக்கல் அனாலிசிஸ் கட்டணப் பயிற்சி வகுப்பை ஈரோட்டில் நடத்தியது நாணயம் விகடன். எக்ட்ரா பயிற்சி மையத்தின் முதன்மைச் செயல் அதிகாரி தி.ரா.அருள்ராஜன் பயிற்சியளித்தார். 

ஈரோட்டில் டெக்னிக்கல் அனாலிசிஸ்... பட்டப்படிப்பை முடித்த மகிழ்ச்சி!

முதலில் ஒருவர் டிரேடரா, முதலீட்டாளரா என்பதில் தெளிவு பெற்ற பின், டிரேடரில் நீங்கள் யார் என்பதைத் தெரிந்துகொள்ள வேண்டும். தினசரி வர்த்தகர் என்றால் அன்றைக்கு வாங்கியதை அன்றே விற்றுவிட்டு வெளியேற வேண்டும். சுவிங் டிரேடர் என்றால் ஒரு வாரம் வரை,  வாங்கிய பங்குகளை வைத்துக்கொள்ளலாம். ஆக வர்த்தக முடிவுகளை சரியாக எடுக்க நீங்கள் யார் என்பதில் தெளிவு இருக்க வேண்டும். அதை எப்படிக் கண்டுபிடிக்க வேண்டும் என்பதையும் அவர் விளக்கினார்.

டிரேடராக வேண்டும் என்றால் அதற்கு முதலில் முதலீட்டாளராக இருக்க வேண்டும். முதலீட்டாளர், வர்த்தகர் யாராக இருந்தாலும் முதலில் அதன் டெக்னிக்கல் அனாலிசிஸ் பற்றித் தெரிந்து வைத்திருப்பது அவசியம். மூளை சொல்லும் விஷயத்தைதான் நாம் முடிவாக எடுக்கிறோம். ஆக ஒரு வர்த்தகரின் மனப்பாங்கு  எப்படி இருக்க வேண்டும் என்பதை சில உதாரணங்களோடு விளக்கினார்.

ஈரோட்டில் டெக்னிக்கல் அனாலிசிஸ்... பட்டப்படிப்பை முடித்த மகிழ்ச்சி!

இன்றையத் தேதியில், பெரும்பாலோர் பயன்படுத்தும் ஒரு சாதனம் கேன்டில் ஸ்டிக் சார்ட். இந்த சார்ட்டை எப்படி வரைவது, அதன்  அடிப்படை தொடங்கி அதில் உருவாகும் கேன்டில்களுக்கு என்ன மாதிரியான பலம், பலவீனங்கள் உண்டு, அதில் ஏற்படும் பேட்டர்ன்கள், டிரெண்டுகள் மற்றும் டிரெண்டு ரிவர்சல்கள் என்று பலவற்றையும் விளக்கினார். அவற்றை நடைமுறையில் எப்படிப் பயன்படுத்த வேண்டும் என்று நிறுவனப் பங்குகளின் விலையை வைத்துக் கணக்கிட்டும் காட்டினார்.

சார்ட் பேட்டர்ன்களான டபுள் டாப், டிரிபிள் டாப், ஆடம் ஈவ், ஹெட் அண்ட் ஷோல்டர்ஸ், டபுள் பாட்டம், டிரிபிள் பாட்டம், இன்வெர்ஸ் ஹெட் அண்ட் ஷோல்டர்ஸ், ரிவர்ஸ் ஆடம் ஈவ் பற்றி பல நுட்பங்களைக் கற்றுக் கொடுத்தார் அருள்ராஜன்.

“பங்குச் சந்தை டெக்னிக்கல் அனாலிசிஸ் பயிற்சியில், பட்டப்படிப்பை முடித்த மகிழ்ச்சி எங்களுக்கு வந்துவிட்டது” என முதலீட்டாளர்கள் சொல்லிச் சென்றது நமக்கும் மகிழ்ச்சிதான்.

படங்கள் : ரமேஷ் கந்தசாமி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு