நடப்பு
தொடர்கள்
அறிவிப்பு
Published:Updated:

வில்லங்கம் இல்லாத நிலம்... எப்படிக் கண்டுபிடிப்பது?

வில்லங்கம் இல்லாத நிலம்... எப்படிக் கண்டுபிடிப்பது?
பிரீமியம் ஸ்டோரி
News
வில்லங்கம் இல்லாத நிலம்... எப்படிக் கண்டுபிடிப்பது?

கேள்வி - பதில்

வில்லங்கம் இல்லாத நிலம்... எப்படிக் கண்டுபிடிப்பது?

வில்லங்கம் இல்லாத நிலம் என்பதை எப்படி உறுதிசெய்வது?

ராஜ்குமார், பரமக்குடி

பார்த்தசாரதி, சொத்து ஆலோசகர் 

வில்லங்கம் இல்லாத நிலம்... எப்படிக் கண்டுபிடிப்பது?


 
“வில்லங்கச் சான்றிதழை சார்பதிவாளர் அலுவலகத்தில் விண்ணப்பித்து வாங்கியபின், அதனைச் சட்ட வல்லுநர் ஒருவரிடம் கொடுத்துப் பரிசோதிக்க வேண்டும். அவர் அதனை முழுமையாகப் பரிசோதித்து, வில்லங்கம் இருக்கிறதா அல்லது பிரச்னையில்லாத சரியான சொத்துதானா என்பதைத் தெளிவுபடுத்திவிடுவார். நாமாக ஆன்லைனிலும் சான்றிதழைச் சரிபார்க்கலாம். ஆனாலும், சட்ட வல்லுநரின் மூலமாகப் பார்ப்பதே தெளிவான தீர்வாக அமையும்.”

வில்லங்கம் இல்லாத நிலம்... எப்படிக் கண்டுபிடிப்பது?

மியூச்சுவல் ஃபண்ட் முதலீட்டில் எம்.ஐ.பி, எஸ்.ஐ.பி - என்ன வித்தியாசம்?

பாலா, தாம்பரம்


ஜி.அண்ணாதுரை குமார், நிதி ஆலோசகர்

“மன்த்லி இன்கம் பிளான் என்பதன் சுருக்கம்தான் எம்.ஐ.பி (MIP). இந்த ஃபண்டில் திரட்டப்படும் நிதியில் பெரும்பகுதி (70%-80%), முதலீட்டின்மீது அதிக  பாதிப்பை ஏற்படுத்தாத கடன் பத்திரங்கள், அரசாங்கப் பத்திரங்கள் போன்ற கடன் சார்ந்த திட்டங்களிலும் , மீதியுள்ள  தொகை  நிறுவனப் பங்குகளிலும் முதலீடு செய்யப்படுகின்றன. இந்த ஃபண்டுகள் அதிக ரிஸ்க்கை விரும்பாதவர்கள்,  பணியிலிருந்து ஓய்வுபெற்றவர்கள், இல்லத்தரசிகள் மற்றும் ஃபிக்ஸட் டெபாசிட்டைவிடக்  கொஞ்சம் கூடுதலான வருமானத்தை எதிர்பார்ப்பவர் களுக்குப் பரிந்துரை செய்யப்படுகின்றன.  இந்தத் திட்டங்களிலிருந்து மாதாந்திர டிவிடெண்ட் கிடைக்கும் என்று நினைத்துக்கொள்ள வேண்டாம்.  ஃபண்ட் லாபத்தில் இருக்கும்போது மட்டுமே டிவிடெண்ட்  அறிவிக்கப்படும். இதன் மூலம் ஆண்டுக்கு 10-12% வருமானத்தை எதிர்பார்க்கலாம்.

எஸ்.ஐ.பி (SIP)  என்பது மாதாமாதம் ஒரு குறிப்பிட்ட தொகையை, ஒரு குறிப்பிட்ட தேதியில் மியூச்சுவல் ஃபண்ட் திட்டங்களில் முதலீடு செய்யும்  முறையாகும். இப்படி முதலீடு செய்வதால் பங்குச் சந்தையின் ஏற்ற இறக்கங் களுக்கு ஏற்ப, ஈக்விட்டி மியூச்சுவல் ஃபண்டுகளில்  குறைந்த விலையில் யூனிட்கள் கிடைக்க அதிக வாய்ப்புள்ளது. இதனால், சராசரியாக அதிக யூனிட்கள் கிடைக்க வாய்ப்புள்ளது. இதன்மூலம் நமக்கான இழப்புக் குறைக்கப்படுவதோடு, லாபமும் அதிகரிக்கிறது. எம்.ஐ.பி என்பது ஒரு ஃபண்ட் வகை, எஸ்.ஐ.பி என்பது முதலீட்டு முறை. இதனைத் தெளிவுபடுத்திக் கொண்டால் குழப்பம் வராது.”

நாங்கள் அண்ணன் தம்பிகள் மூன்று பேர். கூட்டுக் குடும்பமாக வாழ்ந்தோம்.  தந்தையார் பத்து லட்சம் ரூபாய் கடன் வாங்கியிருந்தார். தற்போது தந்தையின் மறைவுக்குப் பிறகு தனித்தனிக் குடும்பங்களாக வாழ்கிறோம். தந்தை வாங்கிய கடனில் இளையவனான நான் 20% அடைத்து விட்டேன். மீதித்தொகையை அண்ணன்கள் அடைக்கட்டும் என விட்டுவிட்டேன். ஆனால், கடன் பெற்றவர் என்னிடமே முழுத்தொகையும் கேட்கிறார். நான் என்ன செய்ய வேண்டும்?

வில்லங்கம் இல்லாத நிலம்... எப்படிக் கண்டுபிடிப்பது?



கதிரேசன், மதுரை

ஜீவா, வழக்கறிஞர்

“உங்கள் தந்தையின் பெயரில் சொத்து ஏதேனும் இருந்தால், மூவரும் இணைந்து அதனை விற்று இந்தக் கடனை அடைக்கலாம். இல்லாதபட்சத்தில் கடன் பெற்றவர் சட்டரீதியான நடவடிக்கை எடுக்கும்போது, நீங்கள் நீதிமன்றம் சென்று, ஏற்கெனவே கட்டிய தொகைக்கான சான்றுகளைச் சமர்ப்பித்து உங்கள் தரப்பு நியாயத்தை எடுத்து வைக்கலாம். அதன்பின், நீதிமன்றம் வழங்கும் தீர்ப்பின்படி அந்தக் கடன் தொகையில் நீங்கள் கட்ட வேண்டிய பங்கை அடைக்க வேண்டும்.”

வில்லங்கம் இல்லாத நிலம்... எப்படிக் கண்டுபிடிப்பது?

குரோத் ஃபண்ட், டிவிடெண்ட் ஃபண்ட் வருமானத்தை எப்படி ஒப்பிடுவது?

மணிகண்டன், தேவகோட்டை

ஸ்ரீகாந்த் மீனாட்சி, Fundsindia.com

“குரோத் ஃபண்ட் மற்றும் டிவிடெண்ட் ஃபண்டுகளின் வருமானங்களை நேரடியாக ஒப்பிட முடியாது. டிவிடெண்ட் ஃபண்டுகளிலிருந்து அவ்வப்போது லாபங்கள் பகிர்ந்தளிக்கப்படுகின்றன. அதனால், முடிவில் அதன் மதிப்பு குரோத் ஃபண்டைவிடக் குறைவாகவே இருப்பதற்கு வாய்ப்பு அதிகமுள்ளது. ஆனால், இந்த மதிப்பை மட்டுமே வைத்து முடிவெடுப்பது தவறாக இருக்கும். ஏனெனில், நடுநடுவே பகிர்ந்தளிக்கப்பட்ட லாபங்கள் (டிவிடெண்டுகள்) என்ன வருமானம் ஈட்டின என்பது கணக்கில் எடுத்துக்கொள்ளப்பட மாட்டாது. (எடுத்துக் கொள்வது கடினமும் கூட).

மாறாக, ஒரு ஃபண்டின் குரோத் வகையை, மற்றொரு ஃபண்டின் குரோத் வகையுடன் ஒப்பிடுவதே சரி. நாம் முதலீடு செய்யும்போது, குரோத், டிவிடெண்ட் எந்த ஆப்ஷன் என்று முடிவு செய்ய வேண்டும் (வருமான ஒப்பிடுதலை வைத்து அல்ல). பொதுவாக, வரிச்சலுகை ஃபண்டுகள் தவிர இதர  ஈக்விட்டி ஃபண்டுகளில் குரோத் ஆப்ஷனைத் தேர்ந்தெடுப்பதே சரியானது.”

ஈக்விட்டி மியூச்சுவல் ஃபண்ட் என்பது காப்பீட்டுத் திட்டத்துக்கு மாற்றாக இருக்குமா?

வில்லங்கம் இல்லாத நிலம்... எப்படிக் கண்டுபிடிப்பது?



மீனா, அருப்புக்கோட்டை.

ஸ்ரீனிவாசன், நிதி ஆலோசகர்


“ஈக்விட்டி மியூச்சுவல் ஃபண்ட், காப்பீட்டுத் திட்டம் இரண்டுமே ஒன்றுக்கொன்று வேறுபட்டது. இரண்டையும் ஒன்றின் மாற்று இன்னொன்றாகக் கருத முடியாது. காப்பீடென்பது ஒருவரின் உயிர், வாழ்க்கைக்கான காப்பீடு தொடர்பானது. ஆனால், மியூச்சுவல் ஃபண்ட், நீண்ட காலத் திட்டத்தோடு செல்வம் சேர்ப்பது தொடர்பானது. காப்பீட்டுத் திட்டமானது, எதிர்பாராத உயிரிழப்பு ஏற்படும் சூழலில், அவரது மரணத்திற்குப் பிறகு அவர் சார்ந்த குடும்பத்தினரின் எதிர்காலப் பணத்தேவைக்கு உதவியாக இருக்கும். மியூச்சுவல் ஃபண்டானது முழுக்க முழுக்க முதலீடு தொடர்பானது. செலுத்தப்படும் தொகையானது, அந்த ஃபண்டின் ஏற்ற இறக்கத்திற்கேற்ப  அவ்வப்போது டிவிடெண்ட் ஆக  கிடைக்கப்பெற வாய்ப்புள்ளது. திரும்ப எடுக்கும்போது அப்போதைய பங்குச் சந்தை நிலவரப்படி முதலீட்டுத் தொகையைப் பெற முடியும்.”

தொகுப்பு: தெ.சு.கவுதமன்

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com.