Published:Updated:

குறையும் வங்கி வட்டி: அதிக வருமானத்துக்கு என்ன வழி?

குறையும் வங்கி வட்டி: அதிக வருமானத்துக்கு என்ன வழி?

குறையும் வங்கி வட்டி: அதிக வருமானத்துக்கு என்ன வழி?

குறையும் வங்கி வட்டி: அதிக வருமானத்துக்கு என்ன வழி?

Published:Updated:
குறையும் வங்கி வட்டி: அதிக வருமானத்துக்கு என்ன வழி?
குறையும் வங்கி வட்டி: அதிக வருமானத்துக்கு என்ன வழி?

ணவீக்க உயர்வு, பொருளாதார தேக்கநிலை, பங்குச் சந்தையின் வீழ்ச்சி போன்ற காலங்களில் நாம் பாதுகாப்பாக முதலீடு செய்வது அவசியம். போட்ட முதலுக்கு எந்தவித பாதிப்பும் வராதவாறு, அதே சமயம் நிலையான வருமானமும் வர நாம் அதிகம் தேர்ந்தெடுப்பது வங்கி முதலீடுகளையே. வங்கிகள் அளிக்கும் வட்டியும் இதுபோன்ற காலகட்டத்தில் அதிகமாகவே  இருக்கும்.

ஒட்டுமொத்த விகடனுக்கும் ஒரே ஷார்ட்கட்!

இந்நிலையில் கடந்த வாரம் எஸ்.பி.ஐ. உள்ளிட்ட முன்னணி வங்கிகள் டெபாசிட்டுக்கான வட்டியை 0.5 முதல் 1.5 சதவிகிதம் வரை குறைத்தன. இதனால் இனி வங்கி ஃபிக்ஸட் டெபாசிட்டில் முதலீடு செய்பவர்களுக்கு அதிலிருந்து கிடைக்கும் வருமானம் குறையும். அதிகளவு வரி செலுத்தும் நபர்களுக்கு அவர்களுடைய வரிக்குப் பிந்தைய வருமானம் மிகவும் குறைவாகவே கிடைக்கும்.

உதாரணத்துக்கு, உயர் வருமான பிரிவிலுள்ள ஒருவர் 9% வட்டி கிடைக்கும் வங்கி ஃபிக்ஸட் டெபாசிட்டில் ஒரு லட்ச ரூபாய் போட்டால் அவருக்கு வரிக்குப் பிந்தைய நிலையில் எவ்வளவு வருமானம் கிடைக்கும்?    

ஒருவர் செய்யும் முதலீடு: ரூ.1,00,000
காலம்: ஒரு வருடம்
வட்டி: 9%
வருமானம்: ரூ.9,000
வரி: ரூ.2,781
வரிக்குப் பின் வருமானம் 6.21%
(30.9% வருமான வரி செலுத்தும் நபர்)

##~##
இந்த சூழ்நிலையில், வரிக்குப் பிந்தைய நிலையில் அதிக வருமானம் கிடைக்க ஏதேனும் வழி உண்டா? என்பதே பலரும் கேட்க நினைக்கும் கேள்வி. ஆம், வழி இருக்கவே இருக்கிறது. என்ன வழி தெரியுமா?

கடந்த ஆண்டு என்.ஹெச்.ஏ.ஐ., ஆர்.சி.சி. போன்ற நிறுவனங்கள் 10 ஆண்டு, 15 ஆண்டு முதிர்வுக் காலத்தைக்கொண்ட வட்டி வருமானத்துக்கு வரி இல்லா பாண்டுகளை (ஜிணீஜ் திக்ஷீமீமீ ஙிஷீஸீபீs) வெளியிட்டது. இந்த பாண்டில் முதலீடு செய்து கிடைக்கும் வருமானத்திற்கு வட்டி ஏதும் செலுத்த வேண்டியதில்லை என்பதால் அதிகம் பேர் முதலீடு செய்தார்கள்.

என்.ஹெச்.ஏ.ஐ. பாண்ட்-ல் 10 ஆண்டுக்கு 8.2% வட்டியும், 15 ஆண்டுக்கு 8.3% வட்டியும் கிடைக்கும். இதன் ஒரு பாண்டின் முக மதிப்பு ரூ.1,000. இந்த பாண்டுகள் தற்போது தேசிய பங்குச் சந்தையில் (என்.எஸ்.இ.) பட்டியலிடப்பட்டு வர்த்தமாகிறது. என்.ஹெச்.ஏ.ஐ.யின் 10 ஆண்டு கால பாண்ட் - ஒரு பாண்ட் ரூ.1,094-க்கும், 15 ஆண்டு கால பாண்ட் ரூ.1,100-க்கும் கூடுதல் மதிப்பில் வர்த்தகமாகிறது. (செப் 7 நிலவரப்படி)

முதலீட்டாளர்கள் தற்போது இந்த பாண்டினை வாங்கினால் அவர்களுக்கு 8.2% வட்டி கிடைக்கும். இந்த பாண்ட் கூடுதல் மதிப்பில் வர்த்தகமாகி வருவதால் அதற்கேற்ப வட்டியைக் கணக்கிட்டால் 7.33% நிகர வருமானம் கிடைக்கும். இந்த வருமானம் நீங்கள் வங்கி எஃப்.டி.யில் முதலீடு செய்து, வரியை கழித்து விட்டு கிடைக்கும் வருமானத்தைவிட அதிகமாக இருக்கும். மேலும், இத்தகைய பாண்டில் முதலீடு செய்வதால் 10 அல்லது 15 ஆண்டுகள் தங்களுடைய முதலீட்டை அப்படியே போட்டு வைக்க வேண்டும் என்ற அவசியமில்லை. இவை என்.எஸ்.இ., மற்றும் பி.எஸ்.இ.-ல் பட்டியலிடப்பட்டுள்ளதால் நீங்கள் எப்போது வேண்டுமானாலும் விற்று முதலீட்டை திரும்ப பெற்றுக்கொள்ளலாம்.

குறையும் வங்கி வட்டி: அதிக வருமானத்துக்கு என்ன வழி?

20 சதவிகிதத்திற்கு மேல் வரி செலுத்துபவர்களுக்கும் இந்த பாண்ட் முதலீடு லாபகரமாக இருக்கும். 10 சதவிகித வரி செலுத்துபவர்கள் அல்லது வருமான வரி வரம்புக்குள் வராதவர்கள் இத்தகைய முதலீட்டை தவிர்ப்பது நல்லது.

என்.ஹெச்.ஏ.ஐ., ஆர்.இ.சி. போலவே கீழ்வரும் நிறுவனங்களின் டாக்ஸ் ஃப்ரீ பாண்டுகள் என்.எஸ்.இ. மற்றும் பி.எஸ்.இ-ல் பட்டியலிடப்பட்டுள்ளன.

1. ஹட்கோ

2. பவர் ஃபைனான்ஸ் கார்ப்பரேஷன்

3. இந்தியன் ரயில்வேஸ் கார்ப்பரேஷன்

முதலீடு செய்வதற்கு முன் இந்த பாண்டின் தற்போதைய விலையை தெரிந்துகொள்வது மிக அவசியம். வட்டி குறையும் காலத்தில் இத்தகைய பாண்டுகளின் விலை ஏறும். ஆகவே, முதலீட்டாளர்கள் வரிக்குப் பிந்தைய நிலையில் அதிக லாபம் பெறுவதற்கு இந்த பாண்ட் முதலீட்டு வாய்ப்பை பயன்படுத்திக்கொள்ளலாம். மேலும், இவ்வகையான பாண்டுகள் மத்திய அரசு நிறுவனங்களால் வெளியிடப்படுவதால் பிரச்னை ஏற்பட அதிக வாய்ப்புகள் இல்லை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism