Published:Updated:

சீக்கிரமா கட்டி முடிச்சா லாபம்!

சீக்கிரமா கட்டி முடிச்சா லாபம்!

பிரீமியம் ஸ்டோரி
சீக்கிரமா கட்டி முடிச்சா லாபம்!
சீக்கிரமா கட்டி முடிச்சா லாபம்!

வீட்டுக் கடனை வாங்குகிற பலரும் அதை கடைசி காலம் வரை வைத்திருந்து கட்டவே விரும்புகிறார்கள். வரிச் சலுகை போய்விடுமே என்பது இதற்கொரு முக்கிய காரணம். இதைவிட நல்ல முதலீட்டு யுக்திகள் தெரியாதது இன்னொரு காரணம். ஆனால், வீட்டுக் கடனை ஐந்து அல்லது பத்து ஆண்டுகளுக்குள் கட்டி முடித்துவிட்டு, வட்டியாக கட்டிவந்த தொகையை பாதுகாப்பான, வரிச் சுமை இல்லாத பத்திரங்களில் முதலீடு செய்தால் பல லட்ச ரூபாயை எளிதாக லாபம் பார்க்க முடியும் என்பது பலருக்கும் தெரியாத விஷயம். அதைத்தான் நாம் இப்போது பார்க்கப் போகிறோம்.    

30 லட்ச ரூபாயை வங்கியிலிருந்து வீட்டுக் கடனாக பெறுகிறீர்கள் நீங்கள். இதற்கு நிலையான வட்டி விகிதம் 11.5% என்றும், இருபது வருடங்களில் இந்த கடனை திரும்பக் கட்டுகிறீர்கள் என்றும் வைத்துக்கொள்வோம். வருடா வருடம் நீங்கள் வங்கிக்குச் செலுத்தக் கூடிய தொகை ரூ.3,89,114. இருபதாம் ஆண்டின் முடிவில் நீங்கள் செலுத்தியிருக்கக்கூடிய மொத்த தொகை ரூ.77,82,287 (பார்க்க அட்டவணை 1).    

##~##
அதாவது, கடனாக வாங்கிய தொகை ரூ.30,00,000. இதற்கு வட்டியாக கட்டிய பணம் ரூ.47,82,287. கணக்குப் போட்டு பார்த்தால்தான் இவ்வளவு பணம் வட்டியாக கட்டி இருக்கிறோமா என்பதே நமக்குத் தெரியவரும். கடைசி வரை இழுத்துப் பிடித்து கடனை திரும்பக் கட்டுவதினால்தான் இவ்வளவு பணத்தை நாம் வங்கிக்குத் தரவேண்டியிருக்கிறது. அதற்கு பதில், முடிந்தவரை சீக்கிரமாக கடனை திரும்பக் கட்டி, அந்த பணத்தை வேறு வகையில் முதலீடு செய்வதினால் என்ன லாபம் கிடைக்கும்?
சீக்கிரமா கட்டி முடிச்சா லாபம்!

ஐந்து வருடங்களில்..!  

ஐந்து வருடங்களில் நீங்கள் வாங்கிய கடனை முழுவதுமாக அடைத்துவிடுகிறீர்கள் என்று வைத்துக்கொள்வோம்.  

இந்த கணக்கின்படி, நீங்கள் செலுத்தும் வட்டிக்கு 30%  வருமான வரிக் கணக்கில் (ரூ.45,000) வருடா வருடம் வரித் தள்ளுபடி கிடைக்கும். தற்போது நீங்கள் கடனை அடைத்துவிட்டபடியால், இந்த வரிச் சலுகை கிடைக்க வாய்ப்பில்லை. அதாவது, ஆறாம் வருடம் நீங்கள் செலுத்தியிருக்கவேண்டிய வட்டி மொத்தம் ரூ.3,13,090. இந்த வட்டியை செலுத்துவதனால் உங்களுக்குக் கிடைத்த வரிச் சலுகை ரூ.45,000-த்தை இதிலிருந்து கழித்தால் உங்களின் மொத்த வட்டித் தொகை ரூ.2,68,090 (=3,13,090-45,000).

நீங்கள் ஐந்து ஆண்டுகளில் கடனை அடைத்துவிட்டீர்கள் என்பதால் மீதமிருக்கும் கையிருப்பு ரூ.2,68,090. இந்த தொகையை வருடா வருடம் அவர் 6.5% வட்டி மட்டுமே கிடைக்கக்கூடிய வரி இல்லாத பத்திரங்களில் முதலீடு செய்தால் (உதாரணத்திற்கு ஆர்.பி.ஐ. வரி இல்லாத பாண்டு) உங்களுக்கு இருபதாம் ஆண்டின் இறுதியில் கிடைக்கும் மொத்த தொகை ரூ.48,19,024.

சீக்கிரமா கட்டி முடிச்சா லாபம்!

ஐந்து வருடங்களில் நீங்கள் செலுத்தியிருக்கக்கூடிய மொத்த வட்டித் தொகை ரூ.16,68,091. அசல் ரூ.30,00,000-ஐ சேர்த்தால், 46,68,091 ரூபாயை மொத்தம் செலுத்தி இருப்பீர்கள். இந்த ஐந்து வருடங்களில் அவருக்குக் கிடைத்த வரிச் சலுகை ரூ.2,25,000. இது போனஸ். ரூ.47 லட்சம் வட்டியாகக் கட்டி வங்கிக்கு உழைப்பதைவிட 48.19 லட்சம் சொத்து சேர்ப்பது சிறந்ததில்லையா?  

பத்து வருடங்களில்...

ஐந்து வருடங்களில் கடனை கட்ட முடியாது; ஆனால், பத்து வருடங்களில் அடைத்துவிட முடியும் என்கிறவர்களுக்கு எவ்வளவு லாபம் கிடைக்கும்?  

பதினோராம் வருடம் நீங்கள் கட்டியிருக்க வேண்டிய வட்டித் தொகை ரூ.2,58,097. இதில் உங்களுக்குக் கிடைக்கக்கூடிய வரிச் சலுகையைக் கழித்தோமேயானால் வரும் தொகை ரூ.2,13,097.

இதை ஆர்.பி.ஐ. வரி இல்லாத பாண்டு பத்திரத்தில் 6.5% வட்டி கிடைக்கும் வகையில் முதலீடு செய்தால், இருபதாம் வருட முடிவில் உங்களுக்குக் கிடைக்கும் மொத்த தொகை ரூ.19,75,892.  

பத்து வருடங்களில் நீங்கள் செலுத்தியிருக்கக்கூடிய மொத்த வட்டித் தொகை ரூ.31,35,466. இதில், அசல் 30,00,000 ரூபாய். ஆக, நீங்கள் மொத்தம் 61,35,466 ரூபாயைக் கட்டி முடித்திருப்பீர்கள். இந்த பத்து வருடங்களில் உங்களுக்குக் கிடைத்த வரிச் சலுகை ரூ.4,50,000. இது போனஸ். ரூ.47 லட்சம் வட்டியாகக் கட்டி வங்கிக்கு உழைப்பதைவிட 19.75 லட்சம் சொத்து சேர்ப்பது சிறந்த யோசனைதானே?

இந்த முதலீட்டுப் பத்திரங்களின் மூலம் வரும் வட்டிக்கு வரி ஏதுமில்லை என்பது குறிப்பிடத்தக்கது. வரி இல்லாத பாண்டு பத்திரத்திற்குப் பதிலாக இதை பி.பி.எஃப். திட்டத்தில் முதலீடு செய்தால் இன்னும் லாபம் பார்க்கலாம். கொஞ்சம் ரிஸ்க் எடுத்து 12% வட்டி கிடைக்கக்கூடிய பேலன்ஸ்டு மியூச்சுவல் ஃபண்டுகளில் முதலீடு செய்தால் கூடுதல் தொகை கிடைக்க வாய்ப்பிருக்கிறது.  

பி.பி.எஃப்-ல் முதலீடு செய்தால் 15 ஆண்டுகளில் நமக்குக் கிடைக்கக்கூடிய தொகை ரூ. 60,80,553. 12% வட்டி கிடைக்கக்கூடிய ஃபண்டில் முதலீடு செய்தால் ரூ.84,05,565 கிடைக்க வாய்ப்பிருக்கிறது. (பார்க்க அட்டவணை 2)  

அது சரி, வீட்டுக் கடனை 5 முதல் 10 ஆண்டுகளில் எப்படி கட்டி முடிப்பது என்று கேட்கிறீர்களா?  

ஐ.டி கம்பெனிகளில் வேலை பார்க்கிறவர்கள் 'இசாப்’ வசதி இருந்தால் அதை விற்று வீட்டுக் கடனை அடைக்க முற்படலாம். வருடாந்திர ஊக்கத் தொகையை இதற்காக ஒதுக்கலாம். தேவையில்லாத இன்ஷூரன்ஸ் பாலிசிகளை நிறுத்திவிட்டு, அந்த பணத்தை கொண்டு வீட்டுக் கடனை அடைக்கலாம். போனஸ்,  ஊக்கத் தொகையையும் பயன்படுத்தலாம்.

மனமிருந்தால் மார்க்கமுண்டு. கஷ்டப்பட்டு கடனை அடைத்துவிட்டால் பிறகு நல்ல வருமானம் பார்க்க வழி பிறக்குமே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு