Published:Updated:

ஃபிஸ்கல் கிளிஃப்: இரண்டு மாதங்களுக்குப் பிரச்னை இல்லை!

ஃபிஸ்கல் கிளிஃப்: இரண்டு மாதங்களுக்குப் பிரச்னை இல்லை!

ஃபிஸ்கல் கிளிஃப்: இரண்டு மாதங்களுக்குப் பிரச்னை இல்லை!

ஃபிஸ்கல் கிளிஃப்: இரண்டு மாதங்களுக்குப் பிரச்னை இல்லை!

Published:Updated:

உலகப் பொருளாதாரம்

##~##

அகில உலகமே பெரும் ஆவலோடு எதிர்பார்த்த அமெரிக்காவின் ஃபிஸ்கல் கிளிஃப் பிரச்னை ஒருவழியாக முடிவுக்கு வந்ததால், பங்குச் சந்தைகள் மீண்டும் உற்சாகமாக மேலே செல்லத் தொடங்கி இருக்கின்றன. இந்த பிரச்னை குறித்து அமெரிக்க அதிபர் ஒபாமா இப்போதைக்கு எந்த முடிவும் எடுக்காமல் இரண்டு மாதங்களுக்குத் தள்ளி வைத்ததே இதற்கு காரணம். ஏன் இப்படி செய்தார் ஒபாமா?

ஒட்டுமொத்த விகடனுக்கும் ஒரே ஷார்ட்கட்!

'ஃபிஸ்கல் கிளிஃப்’-பை இப்போதே கொண்டுவர வேண்டுமெனில், அமெரிக்க அரசாங்கம் செலவுகளை குறைக்க வேண்டும்; அதேசமயம் வரிகளையும் அதிகப் படுத்தவேண்டும். அரசாங்கம் செலவுகளைக் குறைக்கும்பட்சத்தில் இரண்டு மில்லியன் பேருக்கு மேல் வேலை இழப்பார்கள். இதனால் அவர்களுக்குத் தரப்படும் மானியத் தொகை கணிசமாக உயரும். எனவே, மீண்டும் ஒரு பொருளாதார நெருக்கடி ஏற்படும்.

இந்த விரும்பத்தகாத விளைவைத் தடுக்கவே, அமெரிக்காவின் இரு பெரும் கட்சிகளும் ஓர் உடன்பாடு செய்துகொண்டு, பெரிய அளவு வரியையும் விதிக்காமல், அதேசமயம் அரசாங்கச் செலவுகளையும் குறைக்காமல் பார்த்துக்கொண்டன. (ஃபிஸ்கல் கிளிஃப் வரும்பட்சத் தில் அதிக வரி விதிப்பு மற்றும் செலவுகள் குறைப்பு மூலம் 600 பில்லியன் டாலர்கள் கிடைக்கும்!)

ஃபிஸ்கல் கிளிஃப்:  இரண்டு மாதங்களுக்குப்  பிரச்னை இல்லை!

அரசாங்கம் செலவுகளைக் குறைக்கவில்லை என்றாலும், அதிகமாகச் சம்பாதிக்கும் நபர்களுக்கு அதிகபட்ச வரியை விதிக்கவே செய்திருக்கிறது. வருடத்துக்கு 4.5 லட்சம் டாலருக்கு மேல் சம்பாதிக்கும் நபர்களுக்கு (தம்பதிகளுக்கு) அதிகபட்ச வரியை (39.6%) விதிக்க முடிவு செய்திருக்கிறார் ஒபாமா. மேலும், கடந்த சில வருடங்களாக அதிக செலவு செய்ததால், அடுத்த  பத்து ஆண்டுகளுக்குள் 1.2 டிரில்லியன் டாலர்கள் அளவுள்ள செலவுகளைக் குறைக்கவேண்டும் என்கிற முடிவை இரண்டு மாதங்களுக்குத் தள்ளிவைத்திருக்கிறார்.

இந்நிலையில், அமெரிக்க அரசாங்கம் 16.4 டிரில்லியன் டாலர்கள் மட்டும்தான் கடன் வாங்க முடியும் என்ற சீலிங் இருக்கிறது. இந்த சீலிங் இன்னும் சில நாட்களில் முடிவுக்கு வந்துவிடும். இப்போதைக்குச் செலவுகளைக் குறைத்து, வருமானத்தைப் பெருக்கவேண்டும். இது இரண்டும் நடக்கவில்லை எனில், கடன் வாங்கும் லிமிட்டை அதிகரிக்கவேண்டும்.  

ஃபிஸ்கல் கிளிஃப்:  இரண்டு மாதங்களுக்குப்  பிரச்னை இல்லை!

ஒருவேளை கடன் வாங்க அனுமதி கிடைக்காவிட்டால், தற்காலிக லே-ஆஃப் நடக்க வாய்ப்புண்டு. அந்தச் சமயத்தில் அவர்களுக்கு இன்னும் சலுகைகள் தரவேண்டும். பணம் இல்லாததால் வேலை இல்லை என்கிறபட்சத்தில், வேலை இல்லாததால் அவர்களுக்கு சலுகைகள் தருவது என்பது பிரச்னையை இன்னும் சிக்கலாக்கிவிடும்.  

ஃபிஸ்கல் கிளிஃப்:  இரண்டு மாதங்களுக்குப்  பிரச்னை இல்லை!

இனி என்னவாகும் என பங்குச் சந்தை ஆலோசகர் ரெஜி தாமஸிடம் கேட்டோம்.

''அமெரிக்கா அதன் கடன் எல்லையைத் தொடுவது இதுவே முதல்முறை அல்ல. ஏற்கெனவே இதுபோல நடந்திருக்கிறது. அப்போதுகூட தனது கடன் எல்லையை அதிகரித்து பணத்தைத் திரட்டவே செய்தது. முன்பு கையிருப்பில் இருக்கும் தங்கத்துக்கு ஏற்ப பணத்தை அச்சடித்தது. இப்போது ஓப்பன் மார்க்கெட் ஆபரேஷன் (புதிதாக அரசுப் பத்திரங்களை அச்சடித்து அதன் மூலம் பணத்தைத் திரட்டுவது) மூலம் எளிதாக பணத்தைத் திரட்டிவிடுகிறது.

இதனால் அமெரிக்காவில் பணப்புழக்கம் அதிகரித்து, டாலரின் மதிப்பு சரியும். உலகின் மற்ற நாணயங்களுடன் ஒப்பிடும்போது டாலர் பலமாகவே இருக்கிறது. ஒருவேளை சரிந்தால்கூட, அது தற்காலிகமாகவே இருக்கும்'' என்றார்.

பார்ப்போம், என்ன நடக்கிறதென்று!

- வா.கார்த்திகேயன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism