Published:Updated:

அரசு தொகுப்பு வீட்டை விரிவுபடுத்த வங்கிக் கடன் கிடைக்குமா?

அரசு தொகுப்பு வீட்டை விரிவுபடுத்த வங்கிக் கடன் கிடைக்குமா?

அரசு தொகுப்பு வீட்டை விரிவுபடுத்த வங்கிக் கடன் கிடைக்குமா?

அரசு தொகுப்பு வீட்டை விரிவுபடுத்த வங்கிக் கடன் கிடைக்குமா?

Published:Updated:

?]அரசு கட்டித் தரும் தொகுப்பு வீடு திட்டத்தின் கீழ் வீடு கட்டியுள்ளோம். அந்த வீட்டை மேலும் விரிவுபடுத்த வங்கிக் கடன் கிடைக்குமா?

அரசு தொகுப்பு வீட்டை விரிவுபடுத்த வங்கிக் கடன் கிடைக்குமா?

- செந்தில்குமார், திருத்தணி.

ஒட்டுமொத்த விகடனுக்கும் ஒரே ஷார்ட்கட்!

பார்த்தசாரதி, சொத்து ஆலோசகர்.

''வீட்டு வசதி வாரியம் மூலம் கட்டி விற்கப்படும் வீடு என்கிறபோது அதன் உள்கட்டமைப்பை மாற்றிக்கொள்ள உரிமையுள்ளது. உங்களது திருப்பிச் செலுத்தும் சக்திக்கு ஏற்ப வீட்டுக் கடனும் கிடைக்கும். ஆனால், அரசு சலுகை மற்றும் அரசு மானியம் மூலம் கட்டப்படும் வீடுகளைப் பொறுத்தவரை முதல் ஐந்து வருடங்கள் அந்த வீட்டின் அமைப்பில் எந்த மாறுதலும் செய்யக்கூடாது. அப்படி மாறுதல் செய்கிறபட்சத்தில் உங்களுக்கு வழங்கப்பட்ட சலுகை அல்லது மானியத்தைத்

அரசு தொகுப்பு வீட்டை விரிவுபடுத்த வங்கிக் கடன் கிடைக்குமா?

திரும்பப்பெற வாய்ப்புகள் உள்ளது. எனவே, ஐந்து வருடங்களுக்குப் பிறகு வங்கிக் கடன் பெற முயற்சி செய்யவும். உங்களது பொருளாதார பின்புலம் மற்றும் திட்ட மதிப்பு, பிளான் அப்ரூவலுக்கு ஏற்ப வங்கிக் கடன் கிடைக்க வாய்ப்புள்ளது.''

[?]கடன் பத்திரம் அல்லது வைப்பு நிதி இரண்டுக்குமான முதலீட்டு வாய்ப்புகள் என்ன? எது பாதுகாப்பானது?

- ராஜசேகர், குளித்தலை.

ரமேஷ்பட், முதலீட்டு ஆலோசகர்.

''வங்கி வைப்பு நிதி முதலீடுகள் மூலம் உத்தரவாதமான வட்டியும் ஒப்பீட்டளவில் பாதுகாப்பான முதலீட்டுத் திட்டமாகவும் இருக்கும்.

கடன் பத்திரங்களைப் பொறுத்தவரை, அதன் ரேட்டிங் அளவுக்கு ஏற்ப வட்டி வழங்கப்படும். ரேட்டிங் குறைய குறைய வட்டி அதிகமாக இருக்கும். இந்த ரேட்டிங் தன்மைக்கு ஏற்ப ரிஸ்க் அளவும் இருக்கும்.

கடன் பத்திரம் வெளியிட்ட நிறுவனத்தின் பொருளாதார நிலைமை சரியாக இருக்கும்பட்சத்தில் முதலீட்டுக்கு எந்தச் சிக்கலும் இல்லை. ஒருவேளை நிறுவனத்தின் பொருளாதார நிலைமை சரியில்லாமல் நிறுவனம் மூடப்படும்போது முன்னுரிமை பங்குகளுக்கு செட்டில்மென்ட் முடிந்தபிறகே கடன் பத்திரங் களுக்கு செட்டில்மென்ட் செய்யப் படும். இதிலும் செக்யூர்டு கடன் பத்திரம், அன்செக்யூர்டு கடன் பத்திரம் என இரண்டு வகைகள் உள்ளது. முதலில் செக்யூர்டு கடன் பத்திரங்களுக்கும், அடுத்ததாக அன்செக்யூர்டு கடன் பத்திரங்களுக்கும் செட்டில்மென்ட் செய்வார்கள். எனவே, நல்ல செயல்பாட்டில் இருக்கும் நிறுவனம் என்றால் கடன் பத்திர முதலீட்டில் சிக்கல் இருக்காது. இதுபோன்ற ரிஸ்குகளை விரும்பாதவர்கள் என்றால் வங்கி வைப்பு நிதி முதலீடே பாதுகாப்பானது.''

[?]ஒரு நிறுவனம் ஐ.பி.ஓ வெளி யிடும்போது ஒரு பங்கின் முக மதிப்பு 10 என்று இருக்கும்போது, அதன் விலை பிரீமியத்துடன் சேர்த்து 100-லிருந்து 130 ரூபாய் என்று அதிகமாக நிர்ணயிப்பது ஏன்? பிரீமியம் விலையில் பங்குகளை வாங்கலாமா?

- பாலாஜி, பொள்ளாச்சி.

லெட்சுமணராமன், பங்குச் சந்தை நிபுணர்.

''ஏற்கெனவே நல்ல நிலையில் இருக்கும் நிறுவனம் அல்லது ஏற்கெனவே நன்மதிப்பைப் பெற்ற ஒரு குழுமத்தின் நற்பெயரோடு தொடங்கப்படும் நிறுவனமாக இருந்தால் ஐ.பி.ஓ-வில் அதிக பிரீமியம் நிர்ணயிப்பார்கள். பங்கு வெளியீட்டை நிர்வகிக்கும் மெர்ச்சன்ட் பேங்கர்களே இந்த பிரீமிய விலையைத் தீர்மானிப்பவர்களாக இருக்கின்றனர்.

ஐ.பி.ஓ வெளியீட்டிற்கு கொடுக்கப் பட்டிருக்கும் தரக்குறியீடு நன்றாக இருந்தால் அந்த நிறுவனத்தின் நிதிநிலைமை நன்றாக இருக்கிறது என்று பொருள். ஆனால், இதை மட்டுமே பார்த்து ஐ.பி.ஓ-வில் பங்குகளை வாங்கக்கூடாது. அந்த நிறுவனத்தின் கடந்தகால செயல்பாடுகளையும், அதே துறையில்

அரசு தொகுப்பு வீட்டை விரிவுபடுத்த வங்கிக் கடன் கிடைக்குமா?

இருக்கும் மற்ற நிறுவனங்களின் பி.இ. விகிதத் தோடும் ஒப்பிட்டுப்பார்த்து வாங்க வேண்டும். பிரீமியம் விலை நியாயமாக இருக்கும் பங்குகளை வாங்கலாம். பிரீமியம் விலை மிகக் குறைவாகவோ அல்லது பிரீமியம் விலை இல்லாமல் முக மதிப்பில்கூட விற்பனையாகும் பங்குகளும் உண்டு.''

[?]மியூச்சுவல் ஃபண்ட் திட்டங் களின் செலவின விகிதங் களை (expense ratio)  எப்படி தெரிந்துகொள்வது? இது ஒவ்வொரு ஆண்டும் பிடித்தம் செய்யப்படுமா?

- கார்த்திகேயன், திருத்தணி.

ராமலிங்கம், இயக்குநர், ஹோலிஸ்டிக் இன்வெஸ்ட்மென்ட் பிளானர்.

''ஃபண்ட் நிறுவனங்கள் ஒவ்வொரு மாதமும் வெளியிடும் ஃபேக்ட் ஷீட் (Fact Sheet) மூலம் முதலீட்டின் செலவின விகிதங் களை அறிந்துகொள்ள முடியும். அல்லது உங்களுக்குத் தேவைப்படும் நேரத்தில் உங்களது முதலீட்டு முகவரிடம்கூட கேட்டு பெறலாம். இதுதவிர, ஃபண்ட் நிறுவனத்தின் இணையதளத்தில் இந்த விவரங்கள் கிடைக்கும். பொதுவாக, ஃபண்ட் செலவின விகிதம் என்பது என்.ஏ.வி மதிப்பில்

1.5 சதவிகிதம் முதல் 2 சதவிகிதம் வரை இருக்கும். செலவின விகிதங்களைப் பிடித்தம் செய்வதற்கு கால இடைவெளி கிடையாது. தினசரி இந்த செலவினங்களைப் பிடித்தம் செய்துகொண்டுதான் என்.ஏ.வி மதிப்பிடப்படும்.''

[?]ஹெச்.டி.எஃப்.சி. டாப் 200 ஃபண்டில் மாதம் 2,000 வீதம் முதலீடு செய்து வருகிறேன். நான் இந்த ஃபண்டை டைரக்ட் ஃபண்ட் திட்டத்திற்கு மாற்ற முடியுமா?

- திருமலை, வேலூர்.

முருகன், மண்டல மேலதிகாரி, புளூசிப் இன்வெஸ்ட்மென்ட் பிளானர்.

''முதலீட்டு ஏஜென்ட்கள் வழி மேற் கொள்ளப்படும் முதலீடுகளின் என்.ஏ.வி.யைவிட நேரடி முதலீட்டின் என்.ஏ.வி அதிகமாக இருக்கும் என்பதால், ரெகுலர் பிளானிலிருந்து டைரக்ட் பிளானிற்கு மாறிக்கொள்ளலாம். அந்தவகையில், ரெகுலர் பிளானில் கட்டிவரும் எஸ்.ஐ.பி.-யை நிறுத்திவிட்டு, நேரடித் திட்டத்திற்கு ஃபண்டை சுவிட்ச் ஓவர் செய்துகொள்ளவும். அதாவது, ரெகுலர் திட்டத்திலிருந்து வெளியேறாமல் டைரக்ட் திட்டத்திற்கு மாறிக்கொள்வது.

இதன்மூலம் உங்கள் முதலீடுகளின் என்.ஏ.வி மதிப்பிலும் மாற்றமிருக்கும். நேரடியாக மியூச்சுவல் ஃபண்ட் நிறுவனத்திலேயே மேற்கொள்ளப்படும் முதலீடுகள் முதலீட்டாளருக்கு லாபமாகவே அமையும் என்பது குறிப்பிடத்தக்கது.''

அரசு தொகுப்பு வீட்டை விரிவுபடுத்த வங்கிக் கடன் கிடைக்குமா?
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism