Published:Updated:

அரசு பஸ் கூரியர்!

7 ரூபாயில் ஸ்பீடு தபால்! செ.கார்த்திகேயன்,படங்கள்: ச.இரா.ஸ்ரீதர்.

அரசு பஸ் கூரியர்!

7 ரூபாயில் ஸ்பீடு தபால்! செ.கார்த்திகேயன்,படங்கள்: ச.இரா.ஸ்ரீதர்.

Published:Updated:

புதிய வாய்ப்பு

##~##

வெறும் 7 ரூபாய் செலவில் தமிழகத்தின் பல நகரங்களுக்கு இனி நீங்கள் கூரியர் அனுப்ப முடியும் என்றால் ஆச்சரியமாக இல்லை! தமிழ்நாடு அரசு போக்குவரத்து கழகத்தின் உதவியுடன் 'வீ ஸ்பீடு லாஜிஸ்டிக்’ என்கிற நிறுவனத்தில்தான் இந்த அதிசயம்!

ஒட்டுமொத்த விகடனுக்கும் ஒரே ஷார்ட்கட்!

'7 டிகிரி சி’ என்கிற பெயரில் கடந்த 12.12.12 அன்றே இந்த கூரியர் சேவை அறிமுகமானது. ஆரம்பத்தில் பொதுமக்களிடம் சுமாரான வரவேற்பை பெற்ற இந்த கூரியர் சேவை, இப்போது சூடு பிடிக்கத் தொடங்கி இருக்கிறது. இந்தச் சேவையைத் தரும் வீ ஸ்பீடு லாஜிஸ்டிக் நிறுவனத்தின் புராஜெக்ட் மேனேஜர் ரமேஷிடம் பேசினோம்.

12 மணி நேரத்தில் டெலிவரி!

''தமிழகத்தின் முக்கிய நகரங்களில் குறைந்தபட்சம் 12 மணி நேரத்தில் கூரியரை கொண்டுபோய் சேர்ப்பது எங்கள் வேலை. இந்தச் சேவைக்காக எஸ்.இ.டி.சி. பேருந்துகளை அரசின் உதவியுடன் பயன்படுத்துகிறோம். 250 கிராம் எடை கொண்ட கவர்களுக்கு ரூ.7 கட்டணம். 250 கிராமுடன் கூடுதலாகச் சேர்க்கும் ஒவ்வொரு 250 கிராமுக்கும் ரூ.2.50 தரவேண்டும். ஒரு கிலோ எடை வரை மட்டுமே கவர் வடிவில் ஏற்றுக்கொள்வோம். ஒரு கிலோவுக்கு மேல்  எனில் பார்சல் என்கிற வகையில் எடுத்துக்கொள்வோம். 2.5 கிலோ வரை ரூ.25. கூடுதலாகச் சேர்க்கப்படும் ஒவ்வொரு கிலோவுக்கும் ரூ.5 கட்டவேண்டும்.

அரசு பஸ் கூரியர்!

அடையாள அட்டை வேணும்!

அரசு பஸ் கூரியர்!

எங்கள் மூலம் அனுப்பப்படும் கூரியர்களுக்கு ஹோம் டெலிவரி கிடையாது. முக்கிய நகரங்களில் இருக்கும் எங்கள் கவுன்டர்களுக்கு வந்து வாங்கிக்கொள்ள வேண்டும். நீங்கள் அனுப்பும் கூரியர் வேறு நகரத்திற்கு சென்றவுடன், கூரியரை பெறுகிற நபருக்கு எங்கள் ஊழியர்கள் போன் செய்து, தகவல் சொல்வார்கள். மத்திய மற்றும் மாநில அரசின் ஒப்புதல் பெற்ற முகவரிச் சான்றை (வாக்காளர் அடையாள அட்டை, ஓட்டுநர் உரிமம் அல்லது பான் கார்டு) ஆதாரமாகக் காட்டி கூரியரை பெற்றுக்கொள்ளலாம். தற்போது தமிழகத்தில் இருக்கும் 12 பெரிய நகரங்களில் (பெங்களூருவுக்கும் இந்த கூரியர் வசதி உண்டு) இந்த கூரியர் சேவையை அறிமுகம் செய்திருக்கிறோம்'' என்றார்.

செல்போனுக்கு நோ!

இதில் கூரியர் அனுப்பும்போது டெலிவரி எடுப்பவரின் பெயர், அவரது செல்போன் நம்பர், எந்த ஊருக்கு கூரியர் அனுப்புகிறீர்கள் என்பதைத் தெளிவாக குறிப்பிடச் சொல்கிறார்கள். சிறிய கவரில் பேப்பர்களை வைத்து அனுப்பும் போது, அதை பிரித்துப் பார்ப்பதில்லை. ஆனால், பெரிய அளவிலான பார்சல் என்கிறபோது அதை பிரித்துப் பார்த்தபிறகே புக்கிங்கிற்கு எடுத்துக்கொள்கிறார்கள். பணம், நகைகள், எண்ணெய் பொருட்கள், வாசனைத் திரவியங்கள், கிரீஸ், கெமிக்கல் மற்றும் இதர வகையான பவுடர்கள், உடையும் தன்மைகொண்ட பொருட்கள் (கண்ணாடி போன்றவை) மற்றும் செல்போன்கள் போன்றவற்றை இந்த கூரியர் மூலம் அனுப்ப முடியாது.    

அரசு பஸ் கூரியர்!

6 மாதத்தில் 250 கவுன்டர்!

''இந்த கூரியர் சேவையை விரிவுபடுத்த ஃபிரான்சைஸ் வாய்ப்புகளை மக்களுக்கு தரப் போகிறோம். இன்னும் ஆறு மாதத்தில் 250 கவுன்டர்கள் அமைக்கப்படும்.

தற்போது சென்னையில் கோயம்பேடு மற்றும் பாரிமுனை கவுன்டர்கள் 24 மணி நேரமும் இயங்கி வருகிறது. காரணம், சென்னையில் இருந்து மற்ற மாநகரங்களுக்கு 24 மணி நேரமும் பேருந்து வசதி இருக்கிறது. மற்ற நகரங்களில் பேருந்து நிலையத்தில் இருந்து கடைசி பேருந்து கிளம்பும் வரை கவுன்டர்கள் இருக்கும்'' என்று முடித்தார் ரமேஷ்.

அட, இனி குறைந்த செலவில் பலரும் கூரியர்களை அனுப்பலாமே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism