Published:Updated:

எம்.ஐ.பி. திட்டம் : மாத வருமானம் எவ்வளவு கிடைக்கும்?

எம்.ஐ.பி. திட்டம் : மாத வருமானம் எவ்வளவு கிடைக்கும்?

எம்.ஐ.பி. திட்டம் : மாத வருமானம் எவ்வளவு கிடைக்கும்?

எம்.ஐ.பி. திட்டம் : மாத வருமானம் எவ்வளவு கிடைக்கும்?

Published:Updated:

கேள்வி-பதில்

##~##

 மன்த்லி இன்கம் ப்ளான் திட்டங்களில் முதலீடு செய்தால் எத்தனை ஆண்டுகளுக்குப் பிறகு வருமானம் கிடைக்கும்?

ஒட்டுமொத்த விகடனுக்கும் ஒரே ஷார்ட்கட்!

- குமரகுரு, சிதம்பரம். சங்கர், நிதி ஆலோசகர்.

''மியூச்சுவல் ஃபண்ட் திட்டங்களில் முதலீடு செய்வதற்கான நடைமுறைதான் எம்.ஐ.பி. (Monthly Income Plans) திட்டத்திற்கும். ஆனால், இதைப் பொதுவான முதலீட்டுத் திட்டமாக அணுகவேண்டாம். இது அனைத்து தரப்பினருக்கும் உகந்தது கிடையாது. மாத வருமானம் குறைவாக உள்ளவர்கள், குறைவான ஓய்வூதியம் பெறுபவர்கள் என குறிப்பிட்ட பிரிவினருக்கு மட்டும் சரியானதாக இருக்கும். ஓய்வூதியம் வராத பணியில் இருப்பவர்கள் தங்களது ஓய்வுக்காலத்துக்குப் பிறகு ஒவ்வொரு மாதமும் வருமானம் வருவதற்கு ஏற்பவும் இத்திட்டத்தைத் தேர்ந்தெடுக்கலாம். மற்ற பென்ஷன் திட்டங்களில் ஓய்வூதியத் தொகையை ஒவ்வொரு மாதமும் பிரித்து வழங்குவார்கள். எம்.ஐ.பி. திட்டத்தில் உங்கள் முதலீட்டிலிருந்து வரும் வருமானத்தை மட்டுமே ஒவ்வொரு மாதமும் தருவார்கள். முதலீடும் அப்படியேதான் இருக்கும். இந்த முதலீட்டை தேவைப்படும்போது எடுத்துக்கொள்ளவும் முடியும். நீங்கள் தேர்ந்தெடுக்கும் ஆப்ஷனுக்கு ஏற்ப முதலீட்டிலிருந்து ஒவ்வொரு மாதமோ, காலாண்டுக்கு ஒருமுறையோ வருமானம் கணக்கிடப்படும். எம்.ஐ.பி. முதலீட்டிலிருந்து ஆண்டிற்கு 7-9 சதவிகிதம் வரை வருமானம் எதிர்பார்க்கலாம்.''

எம்.ஐ.பி. திட்டம் : மாத வருமானம் எவ்வளவு கிடைக்கும்?

என்னிடம் அருமையான தொழில் திட்டம் (புராஜெக்ட் ப்ளான்) உள்ளது. அதில், முதலீடு செய்யும் பங்குதாரர்களை ஏற்பாடு செய்துதரும் ஆலோசனை நிறுவனங்கள் பற்றி சொல்ல முடியுமா?

- திருலோகநாதன், கோயம்புத்தூர்.

- பி.ஆர்.பெருமாள், தலைமை துணைத் தலைவர், இட்காட் கன்சல்டன்சி.

''தனிநபரின் வணிகத் திட்டங்களுக்கு ஏற்ப முதலீடு செய்யத் தயாராக இருக்கும் நிறுவனங்களும், அவர்களோடு தொடர்பு ஏற்படுத்தித்தரும் ஆலோசனை நிறுவனங்களும் உள்ளன. இதற்கு அதிகாரப்பூர்வமான பட்டியல் இல்லை என்றாலும், இதுபோன்ற முதலீட்டு பங்குதாரர்களை அங்கீகரிக்கப்பட்ட ஆடிட்டர்கள் ஏற்பாடு செய்து தருவார்கள். உங்களின் திட்டத்துக்கு ஏற்ப உங்கள் பகுதியில் உள்ள ஆடிட்டரை அணுகுவது நல்லது. ஆனால், முதலீடு செய்யும் பங்குதாரர்களின் நம்பகத்தன்மை, கடந்தகால செயல்பாடுகள், குறிப்பிட்ட புராஜெக்ட்களில் அவர்களுக்கு இருக்கும் அனுபவம் போன்றவற்றையும் கவனித்து தேர்வு செய்வது நல்லது.''

எம்.ஐ.பி. திட்டம் : மாத வருமானம் எவ்வளவு கிடைக்கும்?

பங்குகளில் முதலீடு செய்யும்முன், அந்நிறுவனத்தின் கடந்தகால செயல்பாடுகள்,  லாப விவரங்களை எப்படி தெரிந்துகொள்வது?

- சா.வை.வெற்றிவேல், அக்கரைப்பேட்டை.  

இ.எம்.சி.பழனியப்பன், இயக்குநர், சோனா ஃபைனான்ஷியல் சர்வீசஸ்.

''குறிப்பிட்ட நிறுவனத்தின் செயல்பாடுகளைத் தெரிந்துகொள்ள வேண்டுமெனில், அந்நிறுவனத் தின் இணையதளத்தில் அனைத்து விவரங்களும் கிடைக்கும். மேலும், தேசிய பங்குச் சந்தை அல்லது மும்பை பங்குச் சந்தை என அந்நிறுவனம் பட்டியலிடப்பட்டுள்ள பங்குச் சந்தையிலும் பார்க்க முடியும். இதுபோன்ற வழிகளில் குறிப்பிட்ட நிறுவனத்தின் முதலீட்டாளர்கள் விவரம், வெளிநாட்டு முதலீடுகள், டிவிடெண்டுகள், லாப விவரம் போன்ற கடந்தகால செயல்பாடுகள் அனைத்தையும் அறிந்துகொள்ளலாம்.''

நான் அரசு ஊழியர்; என் மனைவி தனியார் நிறுவன ஊழியர். எங்கள் இருவரது பெயரிலும் உள்ள இடத்தில் வீடு கட்ட, யாராவது ஒருவர் பெயரில் மட்டும் வீட்டுக் கடன் வாங்க முடியுமா?

- ஒரு வாசகர், இ மெயில் வழி.

பத்மநாபன், கிளை மேலாளர், இந்தியன் ஓவர்சீஸ் வங்கி.

''இருவரது பெயரிலும் நிலம் இருப்பதால் இருவரும் சேர்ந்துதான் வீட்டுக் கடனுக்கு விண்ணப்பிக்க முடியும். இடத்தின் உரிமை யாளர்களில் ஒருவர் மட்டும் தனித்து வீட்டுக் கடன் வாங்க முடியாது. உங்கள் இருவரது திருப்பிச் செலுத்தும் சக்திக்கு ஏற்ப, விகிதாசார அடிப்படையில் கடன் வாங்கி அதன்படி திருப்பிச் செலுத்தலாம். அல்லது கணவன், மனைவி இருவரது சார்பாக உங்களில் ஒருவரேகூட கடனைத் திரும்பச் செலுத்தலாம்.''

எம்.ஐ.பி. திட்டம் : மாத வருமானம் எவ்வளவு கிடைக்கும்?

வெளிநாட்டு பொருளாதாரத்தில் ஏற்படும் மாற்றங்கள், இந்திய பங்குச் சந்தையிலும் எதிரொலிக்குமா?

- திருக்குமரன், பொள்ளாச்சி.

வெங்கடேஸ்வரன், இயக்குநர், மெக்கனோசி அண்ட் கோ.

''வெளிநாடுகளில் ஏற்படும் பொருளாதார மாற்றங்கள் இந்தியப் பங்குச் சந்தையில் எதிரொலிக்கவே செய்யும். 1992-ம் ஆண்டிற்குப் பிறகு நமது பொருளாதாரத்தில் கொண்டு வரப்பட்ட சீர்திருத்தங்களால் அந்நிய முதலீடுகள் இந்தியாவுக்கு வருவதும், இந்திய நிறுவனங்கள் வெளிநாடுகளில் முதலீடு செய்வதும் அதிகரித் துள்ளது. வெளிநாடுகளில் ஏற்படும் பொருளாதார மாற்றங்கள் காரணமாக இதுபோன்ற முதலீட்டாளர்கள் எடுக்கும் முடிவுகள் நமது பங்குச் சந்தையிலும் எதிரொலிக்கவே செய்யும். குறிப்பாக, டாடா மோட்டார்ஸ் சீனாவிலும், மாருதி நிறுவனம் ஜப்பானிலும் டாடா ஸ்டீல் ஐரோப்பிய நாடுகளிலும் பெருமளவில் முதலீடு செய்துள்ளன. இந்நிலையில் அந்தந்த நாடுகளின் பொருளாதார நிலைமையில் ஏற்படும் மாற்றங்கள் இந்த நிறுவனப் பங்குகளிலும் எதிரொலிக்கவே செய்யும். எனவே, பங்குகளை வாங்குவதற்கு முன் வெளிநாடுகளில் நிலவும் பொருளாதார நிலைமைகளையும் கணக்கில் எடுப்பது நமது முதலீட்டுக்கு பாதுகாப்பான விஷயமே!''

எம்.ஐ.பி. திட்டம் : மாத வருமானம் எவ்வளவு கிடைக்கும்?

நான் வீட்டுக் கடன் மூலம் வீடு வாங்கியுள்ளேன். ரிசர்வ் வங்கி வட்டி விகிதத்தை உயர்த்தியபோது, கடனுக்கான வட்டி விகிதத்தை உயர்த்தியது. வட்டி விகிதம் குறைக்கப்பட்டபிறகு, வீட்டுக் கடனுக்கான வட்டியைக் குறைக்க மறுக்கிறது. இது ஏன்?

- இரா.நாகராஜன், சென்னை.

இந்திரா பத்மினி, பொது மேலாளர், இந்தியன் ஓவர்சீஸ் வங்கி.

''ரிசர்வ் வங்கியின் வட்டி விகித அறிவிப்புகளை ஒவ்வொரு வங்கியும் கடைப்பிடித்தாலும், வங்கிகள் தங்களது சொந்த முடிவின்படி அதை நடைமுறைப்படுத்தும். ரிசர்வ் வங்கி வட்டி விகிதங்களை உயர்த்தும்போது, அதனை செயல்படுத்தி தனது வருமானத்தைப் பெருக்கிக்கொள்ளும். அதுபோல வட்டி விகிதங்களை குறைக்கும்போது, புதிய வாடிக்கையாளர்களுக்கு மட்டும் இதை நடைமுறைப்படுத்துவதன் மூலம் தங்களது வருமான இழப்பைக் குறைக்க முயற்சிக்கும். ரிசர்வ் வங்கியின் அறிவிப்பை பொறுத்து, ஒவ்வொரு வங்கியும் தீர்மானம் இயற்றி அதை நடைமுறைப் படுத்துகின்றன. ரிசர்வ் வங்கி அடுத்தடுத்து வட்டி விகிதங்களைக் குறைக்கும்போது, அனைத்து வாடிக்கையாளர்களுக்கும் வட்டி விகிதங்கள் குறைக்கப்படலாம். இந்த நடைமுறை வங்கிக்கு வங்கி வேறுபடும்.''

எம்.ஐ.பி. திட்டம் : மாத வருமானம் எவ்வளவு கிடைக்கும்?
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism