Published:Updated:

வட்டி குறைந்தால்தான் வளர்ச்சி சாத்தியம்!

வா.கார்த்திகேயன்.

வட்டி குறைந்தால்தான் வளர்ச்சி சாத்தியம்!

வா.கார்த்திகேயன்.

Published:Updated:
##~##

இந்தியாவின் முக்கியமான மியூச்சுவல் ஃபண்ட் நிறுவனங்களில் ஐ.சி.ஐ.சி.ஐ. மியூச்சுவல் ஃபண்ட் நிறுவனமும் ஒன்று. ஐ.சி.ஐ.சி.ஐ. குழுமத்தில் பல்வேறு நிலைகளில் இருபது வருடங்களுக்கு மேலாக பணிபுரிந்தவரும், இப்போது ஐ.சி.ஐ.சி.ஐ. மியூச்சுவல் ஃபண்ட் நிறுவனத்தின் சி.இ.ஓ.வுமான நிமேஷ் ஷா நமக்களித்த சிறப்பு பேட்டியில் இருந்து...

? ஒரு ஃபண்ட் மேனேஜ்மென்ட் நிறுவனத்தை நடத்துவது எப்படிப்பட்ட விஷயம்?

ஒட்டுமொத்த விகடனுக்கும் ஒரே ஷார்ட்கட்!

''ஃபண்ட் மேனேஜ்மென்ட் நிறுவனத்தை நடத்துவது என்பது அவ்வளவு சுலபமான விஷயம் கிடையாது. உலகம் முழுக்க இருக்கும் சிறந்த மியூச்சுவல் ஃபண்ட் நிறுவனங்களை ஆராய்ந்து பார்த்தால், அந்த நிறுவனங்கள் ஓர் ஒழுங்கை கடைப்பிடித்து வருகின்றன. இதையேதான் நாங்களும் செய்துவருகிறோம்.

நம் நாட்டில் ஒரு ஃபண்டை நிர்வாகம் செய்வது ஒரு தனிப்பட்ட நபரோ அல்லது ஒரு ஸ்டார் ஃபண்ட் மேனேஜரோ அல்ல. இங்கு ஒரு சிஸ்டம் இருக்கிறது. அந்த சிஸ்டத்தின்படிதான் அந்த ஃபண்ட் நிர்வகிக்கப்படுகிறது. இங்கு தனிப்பட்ட ஃபண்ட் மேனேஜர்களின் ஸ்டைலுக்கு வேலை இல்லை. விதிமுறைகள்தான் முக்கியம். அப்படி செயல்படும்போதுதான் ஃபண்ட் மேனேஜர் மாறும்போதுகூட

வட்டி குறைந்தால்தான்  வளர்ச்சி சாத்தியம்!

அந்த ஃபண்டின் செயல்பாட்டில் மாற்றம் இருக்காது.''

?இந்திய பொருளாதாரம் பற்றி?

''நடப்புக் கணக்கு பற்றாக்குறை குறைந்து வருகிறது. பணவீக்கமும் குறைந்து வருகிறது. இருந்தாலும் இன்னும் பொருளாதாரம் வளர்ச்சிப் பாதையில் செல்லவில்லை. வட்டி குறைப்பு பற்றி ரிசர்வ் வங்கி இன்னும் யோசிக்காமலே இருக்கிறது. வட்டி குறைந்தால்தான் வளர்ச்சி சாத்தியமாகும்.''

?இந்த வருட இறுதியில் இந்திய சந்தை எவ்வளவாக இருக்கும்?

''அதை துல்லியமாக கணித்துச் சொல்ல முடியாது. ஆனால், அடுத்த ஓராண்டில் இரண்டு விஷயங்களைப் பொறுத்து இந்திய சந்தைகள் செயல்படும். முதலாவது, அடுத்து நடக்கவிருக்கும் பொதுத்தேர்தல். இரண்டாவது, அமெரிக்க ஃபெடரல் ரிசர்வ் கியூ.இ.3 மற்றும் வட்டி விகிதங்களில் செய்யப்போகும் மாற்றம். இந்த இரண்டு விஷயங்களினால் நம் சந்தையில் என்னென்ன விளைவுகள் ஏற்படும் என்பதை உன்னிப்பாக கவனிக்கவேண்டும்.''

?இப்போதையச் சூழ்நிலையில் இந்திய சிறுமுதலீட்டாளர்களுக்கு என்ன சொல்ல விரும்புகிறீர்கள்?

''நடப்பு நிதி ஆண்டில் ரிசர்வ் வங்கி 0.75 சதவிகிதம் வரை வட்டி குறைப்பு செய்ய வாய்ப்பு இருக்கிறது. அதனால், சிறுமுதலீட்டாளர்கள் கடன் சார்ந்த ஃபண்டுகளில் முதலீடு செய்வது நல்லது. வட்டி விகிதம் குறையும்போது கடன் சார்ந்த ஃபண்டுகளில் வருமானம் அதிகரிக்கும். ஒரு வருடத்துக்கு முதலீடு செய்யும்போது நல்ல வருமானம் கிடைக்க வாய்ப்பு இருக்கிறது. ஈக்விட்டி என்று எடுத்துக்கொண்டால், அடுத்த 12-15 மாதங்களில் எஸ்.ஐ.பி. முறையில் முதலீடு செய்யலாம்.''

?ரூபாய் மதிப்பு சரிவதால், இன்டர்நேஷனல் ஃபண்டுகள் நல்ல வருமானம் தந்திருக்கிறதே! இதில் சிறுமுதலீட்டாளர்கள் முதலீடு செய்யலாமா?

''போர்ட்ஃபோலியோவை விரிவாக்கம் செய்வது என்கிற காரணத்திற்காக இன்டர்நேஷனல் ஃபண்டுகளில் ஓரளவு முதலீடு செய்யலாம். கடந்த கால வருமானத்தைப் பார்த்து மட்டுமே இதில் அதிகம் முதலீடு செய்துவிடக் கூடாது. 2011-ல் இந்திய சந்தை 20 சதவிகிதம் வரை சரிந்தது. ஆனால், அமெரிக்க சந்தை டாலர் பலமடைந்ததன் காரணமாக உயர்ந்தது. வளர்ந்த பொருளாதாரத்துக்கும், வளர்ந்துவரும் பொருளாதாரத்துக்கும் நேரடித் தொடர்பு இல்லை என்பதால் முதலீட்டை பிரித்துப்போட இந்த ஃபண்ட் உதவும். உலக ஜி.டி.பி.யில் 21 சதவிகிதத்துக்கு மேல் இருக்கும், உலக பங்குச் சந்தையின் மார்க்கெட் கேப்பிட்டலைசேஷனில் 33 சதவிகிதம் இருக்கும் அமெரிக்கா சார்ந்த ஈக்விட்டி ஃபண்டுகளில் சிறிதளவு முதலீடு செய்யலாம்.''

?இப்போதைக்கு எந்த துறை பங்குகள் கவர்ச்சிகரமாக இருக்கிறது?

''டெலிகாம் துறையில் ஒரு நிமிடத்துக்கான வருமானம் அதிகரித்திருக்கிறது. ஏற்றுமதி சார்ந்த துறைகளான டெக்ஸ்டைல், டெக்னாலஜி, பார்மா மற்றும் ஆட்டோ உதிரிபாகங்கள் கவர்ச்சிகரமாக இருக்கிறது. இவை தவிர, அந்நிய முதலீட்டாளர்கள் முதலீடு செய்யாத பங்குகளும் நல்ல மதிப்பாகவே தெரிகிறது. அடுத்த ஐந்து வருடங்களுக்கு என்று பார்த்தால் மிட் கேப் மற்றும் இன்ஃப்ரா துறை பங்குகளை சொல்லலாம். இப்போதைக்கு எஃப்.எம்.சி.ஜி. துறை கொஞ்சம் அதிக விலையில் வர்த்தகம் ஆவதுபோலவே தெரிகிறது.''

?வெளிநாட்டு இந்தியர்கள் மற்றும் கார்ப்பரேட்களை குறிவைக்கும் மியூச்சுவல் ஃபண்டுகளுக்கு இடமில்லை என்கிறாரே செபி தலைவர் சின்ஹா?

''அவர் சொல்வதை நான் ஒப்புக்கொள்கிறேன்!''

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism