Published:Updated:

சரியும் மதிப்பு... 62 ரூபாயை நோக்கி..!

வா.கார்த்திகேயன்.

சரியும் மதிப்பு... 62 ரூபாயை நோக்கி..!

வா.கார்த்திகேயன்.

Published:Updated:
##~##

'வரலாறு காணாத வீழ்ச்சி’ - இந்த வார்த்தைக்கு இப்போது மதிப்பே இல்லாமல் போய்விட்டது. தினமும் புதிய வரலாறினை இந்திய ரூபாய் படைத்துக்கொண்டே இருக்கிறது. கடந்த திங்கட்கிழமை இந்திய ரூபாய் 61 ரூபாய்க்கு கீழ் சரிந்தது. ஆனால் அதற்குபிறகு டாலருக்கு நிகரான இந்திய ரூபாய் மதிப்பு உயர்ந்து 60 ரூபாய்க்கு மேலே சென்றது.

ரூபாயின் இந்த ஏற்றம் மேலும் தொடருமா, இல்லை மீண்டும் சரியுமா என ஆனந்த்ரதியின் சீனியர் டெக்னிக்கல் அனலிஸ்ட் சிவசுப்ரமணியத்திடம் கேட்டோம். ரூபாயின் எதிர்காலத்தைப் பற்றி சொல்வதற்குமுன், ரூபாய் மதிப்பு உயர்ந்ததற்கான காரணத்தை நமக்காகச் சொன்னார்.

ஒட்டுமொத்த விகடனுக்கும் ஒரே ஷார்ட்கட்!

''61 ரூபாய்க்கு மேலே டெக்னிக்கலாக ஒரு ரெசிஸ்டன்ஸ் நிலை இருந்தது. தவிர, ரூபாயின் ஏற்ற இறக்கத்தைக் கட்டுப்படுத்த ரிசர்வ் வங்கி, செபி ஆகியவை எடுத்த நடவடிக்கைகள்தான் முக்கிய காரணம்.

எந்த ஒரு புரோக்கிங் நிறுவனமும் 50 மில்லியன் டாலருக்கு மேலே வர்த்தகம் செய்யக்கூடாது என்று சொல்லப்பட்டதன் மூலம் ஒவ்வொரு புரோக்கிங் நிறுவனத்தின் வர்த்தகத்தில் சுமார் 80 சதவிகிதத்துக்கு மேல் குறைந்துவிட்டது. அதேபோல, நிறுவனங்கள் தங்களுக்காக கரன்சி

சரியும் மதிப்பு... 62 ரூபாயை நோக்கி..!

வர்த்தகம் செய்யக்கூடாது; கரன்சி வர்த்தகத்துக்கான மார்ஜின் தொகையை அதிகரித்திருப்பது, ஒரு வாடிக்கையாளர் இவ்வளவு தொகைக்கு மேலே வர்த்தகம் செய்யக்கூடாது உள்ளிட்ட நிபந்தனைகளை விதித்திருப்பதும் ரூபாயின் ஏற்றத்துக்கு ஒரு காரணம்.

அடுத்து, அமெரிக்க ஃபெடரல் ரிசர்வ் தலைவர் பென் பெர்னான்கி, க்யூ.இ.3-யை இப்போதைக்கு நிறுத்த முடியாது. 'ஸ்டிமுலஸ்’ இன்னும் தொடரவேண்டும் என்று சொன்ன காரணத்தால் டாலருக்கு நிகரான யூரோ மதிப்பு உயர்ந்தது. அதாவது, டாலர் சரிந்தது. டாலர் சரிவின் காரணமாக இந்திய ரூபாயின் மதிப்பு உயர்ந்தது.

அடுத்து, பிரதமரின் பொருளாதார ஆலோசகர் ரகுராம் ராஜன் பேசிய போது, பாண்டுகள் வெளியிடுவது குறித்து சொல்லி இருக்கிறார். இப்படி பாண்டுகள் வெளியிடும்போது வெளிநாட்டு முதலீடுகள் இந்தியாவுக்கு வர வாய்ப்பு இருப்பதால், இந்திய ரூபாய் சிறிதளவு உயர்ந்திருக்கிறது. மேலும், கடந்த மாதத்தை ஒப்பிடும்போது, வர்த்தகப் பற்றாக்குறை நன்றாக குறைந்திருப்பது ரூபாயின் ஏற்றத்துக்கு ஒரு காரணம்.

ஆனாலும், இந்த அத்தனை நடவடிக்கைகளும் ரூபாயின் வேகமான இறக்கத்தைத் (ஸ்ஷீறீணீtவீறீவீtஹ்) தடுப்பதற்கு உதவுமே தவிர, ரூபாயின் சரிவை தடுக்க உதவாது. இந்த ஏற்றம் இன்னும் சில காலத்துக்கு இருக்கலாம். ஆனால், அதற்குபிறகு ரூபாய் மதிப்பு மீண்டும் சரியவே வாய்ப்பு அதிகமாக இருக்கிறது.

இப்போது செய்யும் நடவடிக்கைகள் எல்லாம் முதலுதவி சிகிச்சைகள் மாதிரிதான். இந்த நடவடிக்கைகள் சேதாரத்தைக் கட்டுப்படுத்துமே தவிர, ஏற்றத்தைக் கொடுக்க வாய்ப்பு இல்லை. ரூபாய் சரிந்து வருகிற அதே நேரத்தில் குரூட் ஆயில் விலை தொடர்ந்து அதிகரித்துகொண்டே இருக்கிறது. நாம் பயன்படுத்தும் குரூட் ஆயிலில் சுமார் 80 சதவிகித அளவுக்கு இறக்குமதி செய்கிறோம். ரூபாய் மதிப்பும் சரிந்து, குரூட் ஆயில் விலையும் அதிகரிக்கும்பட்சத்தில் வர்த்தக பற்றாக்குறை மற்றும் பணவீக்கம் அதிகரிக்கும். பணவீக்கம் அதிகரிக்கும்பட்சத்தில் வரும் ஜூலை மாதம் 30-ம் தேதி நடக்கும் ரிசர்வ் வங்கியின் கடன் மற்றும் நிதிக்கொள்கை கூட்டத்தில் வட்டி விகிதம் குறைக்க பெரியளவில் வாய்ப்பு இல்லை. வட்டி விகிதம் குறையாதபோது பொருளாதாரத்தில் பெரிய ஏற்றம் நடக்க வாய்ப்பு இல்லை. அதனால் ரூபாய் இன்னும் சரிய வாய்ப்பு இருக்கிறது.

சரியும் மதிப்பு... 62 ரூபாயை நோக்கி..!

மேலும், இத்தனை நாட்கள் கடன் சந்தைக்கு வந்துகொண்டிருந்த அந்நிய முதலீடுகள், கடந்த ஜூன் மாதத்தில் இருந்து வெளியே செல்கிறது. இதற்கு காரணம், இந்திய கடன் சந்தைகளைவிட மற்ற நாட்டுக் கடன் சந்தைகள் கவர்ச்சியாக இருப்பதுதான். வரும் காலத்திலும் கடன் சந்தையில் இருந்து அந்நிய முதலீடு வெளியே செல்லவே வாய்ப்பு இருக்கிறது.

இதைவிட முக்கியமான காரணம், ஒரு கட்டத்துக்கு மேல் ரிசர்வ் வங்கியால் ரூபாயின் சரிவை கட்டுப்படுத்த முடியாது. ஏற்கெனவே ரிசர்வ் வங்கியிடம் இருக்கும் அந்நிய செலாவணி குறைந்துகொண்டே இருக்கிறது. இது எல்லாவற்றையும் மொத்தமாக சேர்த்து பார்த்தால், இப்போது சிறிதளவு ரூபாய் உயர்ந்தாலும், 62 ரூபாய் வரை சரியவே வாய்ப்பு இருக்கிறது'' என்று முடித்தார்.

ரூபாயைப் பொறுத்தவரை, இனிவரும் நாட்கள் இன்னும் மோசமாக இருக்கும்போல!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism