Published:Updated:

கல்விக் கடன்... கரெக்ட் ரூட்!

கல்விக் கடன்... கரெக்ட் ரூட்!

கல்விக் கடன்... கரெக்ட் ரூட்!

கல்விக் கடன்... கரெக்ட் ரூட்!

Published:Updated:
##~##

சென்ற வாரம் கல்விக் கடன் குறித்த பிரச்னைகளுக்கு என்னவெல்லாம் தீர்வு என்பதைப் பார்த்தோம். இந்த வாரம், கல்விக் கடன் பெறுவதில் இருக்கும் நெறிமுறைகளைப் பார்ப்போம்.

 எல்லைகள் இல்லை!

ஒட்டுமொத்த விகடனுக்கும் ஒரே ஷார்ட்கட்!

இந்த ஊர்க்காரர்கள் இந்த வங்கியில்தான் கல்விக் கடனை பெறவேண்டும் என்று எந்தவொரு நிபந்தனையும் கிடையாது. உங்கள் வீடு அல்லது அலுவலகம் என அருகாமையில்

கல்விக் கடன்... கரெக்ட் ரூட்!

உள்ள வங்கி கிளைக்குச் செல்லுங்கள். ஓர் இடத்திற்கு ஒரு வங்கி என்பது கல்விக் கடனுக்குக் கிடையாது. ஆகையால், கல்விக் கடன் பெற எந்த வங்கியையும் வேண்டியவர்கள் அணுகலாம்.

கல்விக் கடனுக்கான விண்ணப்பத்தை வங்கிக் கிளையிலோ அல்லது வங்கியின் வலைதளத்திலோ பெறலாம். முழுமையாகப் பூர்த்தி செய்யப்பட்ட விண்ணப்பத்தைத் தகுந்த ஆவணங்களோடு (கவுன்சலிங் கடிதத்துடன்) வங்கி யிடம் சமர்ப்பிக்கவேண்டும்.

 யாருக்கு கடன்..?

மாணவர்களுக்கு மெரிட் கோட்டாவில் இடம் கிடைத்தால் வங்கி யானது ஐ.பி.ஏ. (I.B.A. - Indian Banks Association) நெறிமுறைகள் அடிப்படை யில் (சில மாற்றங்களோடு) கடன் வழங்க வேண்டும். சுய உதவிக் கல்லூரியில் இடம் கிடைத்த மாணவர்களுக்கு வங்கியின் பரிசீலனைக்குட்பட்டு கடன் வழங்கலாம். விண்ணப்பத்திற்கு முன் அந்த வங்கியின் வலைதளத் தில் கல்விக் கடனுக்கான நெறிமுறைகள் (குறைந்தபட்ச மதிப்பெண், வட்டி விகிதம், பிணையம்) ஆகியவற்றைத் தெளிவாகத் தெரிந்துகொள்வது அவசியம்.  வட்டி விகிதம் ஒவ்வொரு வங்கிக்கும் மாறுபடும். அதனால் குறைவான வட்டி கொண்ட வங்கியை அணுகுவது நல்லது.  

ஐ.பி.ஏ. நெறிமுறைகளில் வங்கிகள் சில மாற்றங்களைச் செய்யமுடியும் என்பதால், எதிர்காலத்தில் வேலை வாய்ப்பு குறைவாக இருக்கும் படிப்புகளுக்கு கல்விக் கடனை கொடுக்க வங்கிகள் தயக்கம் காட்டலாம். வங்கிகள் தரும் கால அவகாசத்திற்கு  முன்பே கடனை அடைக்க  வாய்ப்பு அமையும்பட்சத்தில், காலம் கடத்தாமல் கல்விக் கடனை முடித்து விடுவது நல்லது. மாணவர்களின் வருங்கால வருமான வரவைப் பொறுத்து கடன் வழங்க வங்கிக்கு ஐ.பி.ஏ. நெறிமுறைகள்படி வழிவகை இருக்கிறது என்பதை மனதில் இருத்திக்கொள்வது அவசியம்.

கல்விக் கடன்... கரெக்ட் ரூட்!

கல்விக் கடனுக்கான வட்டி மானியம் இந்திய அரசால் வழங்கப்படுகிறது. குடும்ப வருமானம் வருடத்திற்கு 4.5 லட்சம் ரூபாய்க்குள் இருக்கு மாயின் அந்த மாணவர் வட்டி மானியம் பெறத் தகுதிகொண்டவர் ஆகிறார். ஆனால், இந்த மானியம் சில படிப்புகளுக்கு மட்டுமே பொருந்தும்.

கல்விக் கடன் என்பது ஒரு மாணவரின் முதல் கடன் என்பதால், அந்தக் கடன் அளவுக்காவது காப்பீட்டுத் தொகை எடுப்பது நல்லது.

(இன்னும் சொல்கிறேன்)

வங்கியின் வணிக விஷயங்களில் தலையிட மாட்டோம்!

ஒரு மாணவர் 65 சதவிகித மதிப்பெண் எடுத்திருந்தார். ஆனால், அவருக்கு கல்விக் கடன் வழங்கப்படவில்லை. எங்களிடம் புகார் அளிக்கப்பட்டதும் புகாரை பரிசீலித்ததில் அவர் கவுன்சலிங் மூலம் மேற்படிப்பில் சேர்ந்ததாகக் குறிப்பிட்டார். இதை சம்பந்தப்பட்ட வங்கியிடம் மேற்கோள் காட்டி அந்த மாணவருக்கு கடன் வழங்கச் சொன்னோம்.

மற்றொரு புகாரில், ஒரு மாணவரிடம் பிணையம்வேண்டி வங்கி கடன் தர மறுத்தது. அந்த மாணவருடைய மொத்த படிப்புக் கட்டணம் ரூ.4 லட்சத்திற்கும் குறைவாக இருந்ததைச் சுட்டிக்காட்டியவுடன் அவ்வங்கியானது மாணவருக்கு பிணையம் ஏதும் கேட்காமல் கடன் வழங்கியது.

ஒரு மாணவன் 55 சதவிகித மதிப்பெண் பெற்று, சுய உதவிக் கல்லூரியில் இடம் கிடைத்திருந்தது. அவருக்கு கல்விக் கடன் தர வங்கிகள் மறுப்பதாக புகார் வந்தது. புகாரை சம்பந்தப்பட்ட வங்கியிடம் அனுப்பியபோது, ஐ.பி.ஏ. நெறிமுறைகள்படி, வங்கியானது சுய உதவிக் கல்லூரியில் இடம் கிடைத்துள்ள மாணவர்கள் குறைந்தபட்சம் 60 சதவிகித மதிப்பெண் பெற்றிருக்கவேண்டும் என்பதை எடுத்துச் சொல்லவே, அந்த மாணவனுக்கு கல்விக் கடன் கிடைக்கவில்லை. மேலும், வங்கி குறைதீர்ப்பாளர் அலுவலகமானது, ஒரு வங்கியுடைய வணிக சம்பந்தப்பட்ட விஷயங்களில் தலையிடாது என்பதால் இந்தப் புகாரானது நிராகரிக்கப்பட்டது.

மேலே சொன்ன முதல் இரண்டு புகார்கள் எளிமையானது. இந்தப் புகார்களை வங்கியில் இருக்கும் குறைதீர்க்கும் பிரிவில் சொல்லி குறைகளை நிவர்த்தி செய்ய வேண்டும். இதுமாதிரி புகார்களை வங்கிகள் நிராகரிக்கக் கூடாது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism