Published:Updated:

என்.எஸ்.இ.எல். சிக்கல்... முதலீட்டாளர்கள் கதி என்ன?

என்.எஸ்.இ.எல். சிக்கல்... முதலீட்டாளர்கள் கதி என்ன?

என்.எஸ்.இ.எல். சிக்கல்... முதலீட்டாளர்கள் கதி என்ன?

என்.எஸ்.இ.எல். சிக்கல்... முதலீட்டாளர்கள் கதி என்ன?

Published:Updated:
##~##

நேஷனல் ஸ்பாட் எக்ஸ்சேஞ்ச் லிமிடெட் (என்.எஸ்.இ.எல்.) கடந்த வியாழக்கிழமை அன்று திடீரென இ சீரிஸ் கான்ட்ராக்ட்களைத் தவிர மற்ற வர்த்தகங்களைத் தற்காலிகமாக நிறுத்தி வைத்தது. இதனால் பல கமாடிட்டிகளில் கான்ட்ராக்ட்களை வாங்கி வைத்திருந்த பலர் அதிர்ச்சிக்கு உள்ளானார்கள். என்ன நடந்தது இந்த நிறுவனத்தில், ஏன் திடீரென கான்ட்ராக்ட்கள் வர்த்தகம் ஆவதை அது நிறுத்தியது? இந்த எக்ஸ்சேஞ்சில் கான்ட்ராக்ட் வாங்கியவர்கள் இனி என்ன செய்யவேண்டும் என தமிழ்நாடு இன்வெஸ்டர் அசோசியேஷனின் தலைவர் ஷியாம் சேகரிடம் கேட்டோம்.

''தங்கம், வெள்ளி போன்ற விலையுயர்ந்த 52 வகையானப் பொருட்களை வர்த்தகம் செய்யும் கமாடிட்டி எக்ஸ்சேஞ்ச்தான் என்.எஸ்.இ.எல். பொருட்களை விற்க கான்ட்ராக்ட் போடுபவர்களிடம் உண்மையிலேயே அந்தப் பொருட்கள் இருக்கிறதா, கான்ட்ராக்ட் வாங்குகிறவரிடம் போதிய அளவுக்கு நிதி வசதி இருக்கிறதா என்பதை சரிவர பார்ப்பதில்லை என்கிற சந்தேகம் என்.எஸ்.இ.எல். மீது பலருக்கும் வந்திருக்கிறது.

ஒட்டுமொத்த விகடனுக்கும் ஒரே ஷார்ட்கட்!

மேலும், மறைமுகமாக ஃப்யூச்சர் வர்த்தகமும் செய்ததாக தகவல்கள் தெரிய வருகின்றன. அதாவது, ஒருவரிடமிருந்து பொருளை வாங்கி, அன்றைய தினமே விற்றதாக அவருக்கு ஒரு கான்ராக்ட் போட்டுதந்துவிட்டு, அந்தப் பொருளை 15, 20, 25 நாட்கள் என கான்ராக்ட் போட்டு எக்ஸ்சேஞ்ச் கிடங்கில் வைத்து அதன்பிறகு 15லிருந்து 20% வரை லாபம் வைத்து வர்த்தகம் செய்திருக்கிறது. இதற்கு தேவைப்படும் நிதியை எக்ஸ்சேஞ்ச்-க்கு நெருக்கமான நிறுவனங்களிடமிருந்தும், பெரும் பணக்காரர்களிடமிருந்தும் வாங்கி வர்த்தகத்திற்கு பயன்படுத்திக்கொண்டு இருக்கலாம் என்றும் சொல்கிறார்கள். நுகர்வோர் விவகாரத் துறை அமைச்சகத்தின் நேரடி பார்வையின் கீழ் இந்த என்.எஸ்.இ.எல். வருகிறது. செபி, எஃப்.எம்.சி. போன்ற அமைப்புகளால் இந்த எக்ஸ்சேஞ்சைக் கட்டுப்படுத்த முடியாது.

என்.எஸ்.இ.எல். சிக்கல்... முதலீட்டாளர்கள் கதி என்ன?

இந்த நிலையில் கடந்த ஜூலை 12-ம் தேதி நுகர்வோர் விவகாரத் துறை அமைச்சகம் என்.எஸ்.இ.எல். எக்ஸ்சேஞ்ச் பத்து நாட்களுக்கு அதிகமாக கான்ராக்ட் போடக்கூடாது என கட்டுப்படுத்தியது. இதன் விளைவாக கான்ட்ராக்ட்கள் மீதான வர்த்தகம் குறைந்து போனதால், தற்காலிகமாக வர்த்தகத்தை நிறுத்தி வைப்பதாகத் தெரிவித்துள்ளது.

என்.எஸ்.இ.எல். சிக்கல்... முதலீட்டாளர்கள் கதி என்ன?

டிரேடர்கள் செலுத்தும் தொகைக்கு ஈடாக, பொருட்களை வாங்கி கிடங்கில் வைத்து டெலிவரி தேதியில் தரவேண்டும். ஆனால், இதன்படி பொருட்களை வாங்கி வைத்ததற்கான எந்த ஆதாரமும் இல்லை. இந்த நிலையில் இந்த எக்ஸ்சேஞ்ச் அதிகாரிகள் கிடங்குகளில் 6,200 கோடி ரூபாய் மதிப்புக்கு எங்களிடம் பொருட்கள் இருப்பு உள்ளன என கூறியுள்ளனர். ஆனால், உண்மையில் அந்த மதிப்பிற்கு பொருட்கள் கிடங்கில் உள்ளதா என்பது உறுதியாகத் தெரியவில்லை. இருப்பில் உள்ள பொருட்களின் இன்றைய சந்தை மதிப்பு என்ன என்பதும் தெரியவில்லை. இன்றைய நிலவரப்படி, டிரேடர்களுக்கு சுமார் 5,500 கோடிக்கு ரூபாய்க்கு டெலிவரி கொடுக்கவேண்டி உள்ளது என எக்ஸ்சேஞ்ச் தெரிவிக்கிறது.

முதலீட்டாளர்கள் என்.எஸ். இ.எல். எக்ஸ்சேஞ்ச்-ல் வர்த்தகம் செய்ததற்கான கான்ட்ராக்ட் விவரங்களைப் பாதுகாப்பாக வைத்திருப்பது அவசியம். மேலும், 15 நாட்களுக்குப்பின் டெலிவரி அல்லது பணம்  தந்துவிடுவோம் என்று என்.எஸ்.இ.எல். தெரிவித்துள்ளது. அதுவரை பொறுத்திருப்பதுதான் நல்லது. இனிமேல் இந்த எக்ஸ்சேஞ்சில் எந்த வர்த்தகமும் செய்யாமல் இருப்பதே புத்திசாலித்தனம்'' என்றார்.  

என்.எஸ்.இ.எல். சிக்கல்... முதலீட்டாளர்கள் கதி என்ன?

இதுதொடர்பாக என்.எஸ்.இ.எல்.-ன் கருத்தை அறிய அதன் சென்னை அலுவலகத்தைத் தொடர்புகொண்டபோது தங்களுக்கு எந்தத் தகவலும் தெரியாது என்று சுருக்கமாக முடித்துக் கொண்டனர்.  

- இரா.ரூபாவதி.