Published:Updated:

செபிக்கு புதிய அதிகாரம்:

பொன்சி நிறுவனங்களுக்கு வேட்டு!

செபிக்கு புதிய அதிகாரம்:

பொன்சி நிறுவனங்களுக்கு வேட்டு!

Published:Updated:
##~##

வெறும் முப்பதாயிரம் ரூபாய் கட்டினால், பத்து மாதங்களுக்கு 10 ஆயிரம் தருவோம்; ஈமு கோழி வளர்த்தால், லட்சக்கணக்கில் லாபம் சம்பாதிக்கலாம்...

இப்படி, இனி எந்த மோசடி நிறுவனமும் இஷ்டத்துக்கு பொய் சொல்லி, மக்களை ஏமாற்ற முடியாது. காரணம்,  முதலீட்டுச் சந்தைகளைக் கட்டுப்படுத்தும் அமைப்பான செபிக்கு (SEBI) பல புதிய அதிகாரங்கள் வழங்கப்பட்டுள்ளது.

ஒட்டுமொத்த விகடனுக்கும் ஒரே ஷார்ட்கட்!

மேலும், முதலீட்டுச் சந்தையில் நடக்கும் தவறான வர்த்தகம் மற்றும் உள்ளாள்  வர்த்தகத்தைக் (insider trading) கட்டுப்படுத்த நிறுவனங்களின் தொலைபேசி அழைப்புகளைக் கண்காணிக்கிற அதிகாரம் இப்போது செபிக்கு கிடைத்திருக்கிறது. ஓர் அவசரச் சட்டம் மூலம் செபிக்கு இந்திய ஜனாதிபதி இந்த உரிமையைத் தந்திருக்கிறார்.  செபிக்கு கிடைத்துள்ள இந்த புதிய அதிகாரங்கள் குறித்து பங்குச் சந்தை நிபுணர் வி.நாகப்பனிடம் கேட்டோம்.

''அதிகமாக வட்டி தருகிறேன், குறைந்த முதலீட்டில் அதிக வருமானத்தை ஈட்டி தருகிறேன் என்று முதலீட்டாளர்களைக் கவர்வதற்காக பல திட்டங்களை உருவாக்கி அதன்மூலம் பலகோடி ரூபாய் பணத்தை முதலீட்டாளர்களிடம் இருந்து ஏமாற்றுவதை 'பொன்சி' திட்டம் என்கிறோம். சமீபத்தில் நடந்த ஈமு கோழி மோசடிபோல  அதிக வட்டிக்கு ஆசைப்பட்டு ஏமாற்றுக்காரர்கள் விரிக்கும் வலையில் முதலீட்டாளர்கள் சிக்குவது தொடர்ந்து நடக்கவே செய்கிறது. இதுமாதிரி ஆர்ட் ஃபண்ட்ஸ், டைம் சேர் ஃபண்ட்ஸ், ஆடு வளர்ப்பு திட்டங்கள் மற்றும் அங்கீகரிக்கப்படாத சீட்டு நிறுவன திட்டங்கள் போன்றவற்றில் பல முதலீட்டாளர்கள் தொடர்ந்து ஏமாந்து வருகின்றனர். இதுபோன்ற நிறுவனங்களுக்கு செபியானது எந்த அனுமதியும் தருவதில்லை.  செபியின் அனுமதி பெறாமல், மக்களை ஏமாற்ற நினைக்கும் நிறுவனங்களின் சொத்துக்களை முடக்க இனி செபி நடவடிக்கை எடுக்கும்.    

செபிக்கு புதிய அதிகாரம்:

அதுமட்டுமல்லாமல் செபியின் கீழ் இருக்கும் வழக்குகள் இதுவரை ரெகுலர் நீதிமன்றங்களில் முறையிட்டு தீர்ப்பு வழங்கப்பட்டு வந்தது.  இந்த வழக்குகளிலிருந்து ஏமாற்றுக்காரர்கள் எளிதில் தப்பி வந்தனர். இனி செபியின் கவனத்துக்கு வரும் அனைத்து வழக்குகளையும், புகார்களையும் சிறப்பு நீதிமன்றத்தில் முறையிட்டு தீர்ப்பு பெறுவதற்கான உரிமையும் செபிக்கு கிடைத்துள்ளது. இதனால் ஏமாற்றுக்காரர்களை உடனுக்குடன் தண்டிக்க முடிவதோடு, முதலீட்டாளர்களின் பணத்தைத் திரும்பப் பெற்றுத் தரவும் வழி பிறக்கும்.

மேலும், பலமுறை போராடியும் கிடைக்காமல் இருந்த செல்போன் அழைப்பை டிராக் செய்யும் உரிமை இப்போது செபிக்கு கிடைத்திருப்பது நல்ல விஷயம்தான். இதன்மூலம் உள்ளாள்

செபிக்கு புதிய அதிகாரம்:

வர்த்தகம் மேற்கொள்ளும் செல்போன் அழைப்புகளை கண்டறிந்து, அவர்களின் மீது எளிதாக நடவடிக்கைகளை மேற்கொள்ள முடியும்.

உதாரணத்திற்கு, ஒரே நிறுவனத்தைச் சேர்ந்த மூன்று நபர்கள் (பங்கு தரகர்கள், புரமோட்டர்கள், நிறுவனம்) அவர்களுக்குள்ளாகவே பங்குகளை வாங்கி விற்று அந்த நிறுவனத்தின் பங்கு விலையை செயற்கையாக அதிகரித்து, முதலீட்டாளர்கள் மத்தியில் ஒரு மாயத்தோற்றத்தை உருவாக்க முயற்சிப்பார்கள். இதனை 'சர்க்குலர் டிரேடிங்’ என்று அழைப்பார்கள். இந்த பொய்யான வளர்ச்சியை உண்மை என்று நம்பி பல டிரேடர்கள் முதலீட்டை மேற்கொள்வார்கள். இந்த சமயங்களில் அந்த மூன்று பேருக்குமிடையேயான போன் உரையாடலை டிராக் செய்ய செபிக்கு இந்த உரிமை தேவை.

இந்த உரிமையைப் பயன்படுத்தி சந்தேகம் எழும் ஆட்களின் மீது மட்டுமே செபி அமைப்பு நடவடிக்கை எடுக்கும்படியாகத்தான் இருக்குமே தவிர, அனைத்து முதலீட்டாளர்கள் மற்றும் நிறுவனங்களின் மீதும் தேவையில்லாமல் இதைப் பயன்படுத்தாது. இந்த உரிமையால் வருமான வரித் துறைக்கு இணையான ஒரு பலம் செபிக்கு கிடைத்திருக்கிறது. வருமான வரித் துறை, தான் சந்தேகப்படும் நபரை சோதனைக்கு உட்படுத்தி உடனடியாக அவர் செய்த தவறை நிரூபிக்க முடியுமோ, அதுபோல செபி அமைப்பும் முதலீட்டாளர்களை ஏமாற்றியவர்களையும், ஏமாற்ற நினைப்பவர்களையும் அடையாளம் கண்டு முதலீட்டாளர்கள் இழந்த பணத்தை அவர்களிடமிருந்து வாங்கித் தர ஏதுவாக இருக்கும்'' என்று முடித்தார் நாகப்பன்.

இனியாவது முதலீட்டாளர்கள் ஏமாறாமல் இருந்தால் சரிதான்!  

  - செ.கார்த்திகேயன்.