Published:Updated:

ரத்தன் டாடா கணிப்பு... சீனாவுக்குப் போட்டி நாம்தான் !

ச.ஸ்ரீராம் படங்கள்: தே.தீட்ஷித்.

ரத்தன் டாடா கணிப்பு... சீனாவுக்குப் போட்டி நாம்தான் !

ச.ஸ்ரீராம் படங்கள்: தே.தீட்ஷித்.

Published:Updated:

இந்திய தொழிற்துறையில் முக்கியத் தொழிலதிபர்களின் பட்டியலில் தவிர்க்க முடியாத நபர் ரத்தன் டாடா. இவருக்கு அண்மையில் எம்எம்ஏ - அமால்கமேஷன்ஸ் பிசினஸ் லீடர்ஷிப் அவார்டு  வழங்கப்பட்டது. இந்திய தொழிற்துறையில் சிறந்த நிறுவனமான அமால்கமேஷன்ஸ் நிறுவனத்தைத் துவங்கிய எஸ்.அனந்தராமகிருஷ்ணனின் நினைவாக அளிக்கப்படும் இந்தியாவின் மிகச் சிறந்த தொழில் முதன்மையாளர் விருது இந்த வருடம் ரத்தன் டாடாவுக்கு வழங்கப்பட்டது.

விருது வழங்கும் விழாவை மெட்ராஸ் மேனேஜ்மென்ட் அசோசியேஷனும் (எம்எம்ஏ), அமால்கமேஷன் குழுமமும் இணைந்து நடத்தியது. இந்த விழாவில் ரத்தன் டாடாவைப் பற்றியும் அவரது சாதனைகள் குறித்தும் இந்துஜா குழுமத்தின் துணைத் தலைவர் சேஷசாயியும், எம்எம்ஏவின் முன்னாள் தலைவரான மல்லிகா சீனிவாசனும் சிறப்புரையாற்றினார்கள். அதன் முடிவில் ரத்தன் டாடாவுக்கு அமால்கமேஷன் குழுமத் தலைவரான கிருஷ்ணமூர்த்தி, இந்தியாவின் மிகச் சிறந்த தொழில் முதன்மையாளர் விருதினை வழங்கி சிறப்பித்தார்.

ரத்தன் டாடா கணிப்பு... சீனாவுக்குப் போட்டி நாம்தான் !

ஒட்டுமொத்த விகடனுக்கும் ஒரே ஷார்ட்கட்!

இந்த விருதைப் பெற்ற ரத்தன் டாடாவிடம் கேட்கப்பட்ட கேள்விகளுக்கு அவர் நிதானமாக பதில் அளித்தார். ‘‘இந்தியாவில் அரசுக்கும் தொழிற்துறைக்கும் இடையேயான உறவு பற்றி கேட்ட கேள்விக்கு, ‘‘மத்திய அரசும் கார்ப்பரேட் நிறுவனங்களும் இணைந்து நட்டின் வளர்ச்சியைக் கருத்தில்கொண்டு செயல்படும்போதுதான் புதிய திறமைகள் அடையாளம் காணப்பட்டு வேலைவாய்ப்புகள் அதிகரிக்கும். நாட்டின் வளர்ச்சியில் மாற்றம் கொண்டுவர கார்ப்பரேட் நிறுவனங்களும், அரசும் இணைந்து கைகோத்து செயல்பட வேண்டும். அப்படிச் செயல்படும்பட்சத்தில் இந்தியாவில் தொழிற்துறையின் வளர்ச்சி தடுக்க முடியாத விஷயமாக இருக்கும்” என்றார்.

அடுத்ததாக, உற்பத்தித் துறையில் இந்தியாவின் நிலைப்பாடு குறித்தும், சீனாவின் ஆதிக்கம் குறித்தும் கேட்கப்பட்ட கேள்விக்கு ‘`இந்திய உற்பத்தியாளர்களும் சீனாவுக்கு நிகரான தயாரிப்பு உத்திகளையும், அதைவிட அதிகமான தரத்திலும் பொருட்களைத் தயாரிக்கிறார்கள்.

அதனால் இந்த விஷயத்தில் நாம் அவர்களுக்குப் போட்டியாளர்களாக இருக்கிறோம் என்பதுதான் உண்மை! இந்தியாவில் உள்கட்டமைப்புத் துறை வேகமாக வளர்ந்து வருவது, இந்தப் போட்டியில் தொழிற்துறையை மேலும் வலுப்படுத்தும் விதமாக அமையும்” என்றார்.

பன்னாட்டு நிறுவனங்களிடம் இருந்து நாம் கற்றுக்கொள்ள வேண்டிய விஷயம் என்ன என்று கேட்தற்கு, ‘‘நாம் இன்னொரு வரிடம் இருந்து கற்பதைவிட, ஒருவரை பின்பற்றுவதைவிட நாம் தலைமை தாங்குவதுதான் சிறந்தது. மேலும், நம்மிடமே சிறந்த முன்னுதாரணங்கள் இருக்கின்றன” என்றார்.

அமைப்புசாரா தொழில்கள் பற்றி கேட்டதற்கு, ‘‘அமைப்புசாரா தொழில்கள் இந்தியாவின் வளர்ச்சிக்கு பல வழிகளில் உதவிபுரிகின்றன. இது இந்திய அரசுக்கு மட்டுமின்றி, இந்திய கார்ப்பரேட் நிறுவனங்களுக்கும் நிறைய உதவும் விதமாக உள்ளன. அரசின் திட்டங்களும், கொள்கைகளும் அவர் களுக்குச் சாதகமாக அமையும்பட்சத்தில், அவர்கள் மேலும் வளர வாய்ப்புள்ளது. இந்தியாவில் தற்போது தொழிற்துறை களில் ஏற்பட்டுள்ள வளர்ச்சி இவர்களுக்கு மேலும் உதவும்விதமாக அமையும். மேலும், நிறுவனங்களும் ஆராய்ச்சி மற்றும் மேம்பாட்டுக்கு முக்கியத்துவம் கொடுக்க வேண்டும்” என்றார்.

இந்திய தொழிற்துறையின் எதிர்காலம் பற்றிய கேள்விக்கு பதில் சொன்ன ரத்தன், ‘‘இந்திய தொழிற்துறை யின் எதிர்காலத்தைத் தீர்மானிக்க நான் ஒன்றும் ஜோதிடர் இல்லை. ஆனால், எனக்கு ஒரு கனவு உள்ளது. இந்தியாவில் உள்ள அனைத்துப் பகுதிகளுக்கும் அனைத்து சேவைகளும், தொழில்நுட்பங் களும் சென்றடைய வேண்டும்.  இந்தியர் அனைவரும் பயன்பெறும் விதமாக இந்திய தொழிற்துறையும், அதன் தயாரிப்புகளும் இருக்க வேண்டும்’’ என்றவர், இந்த விருதை தனக்கு அளித்ததற்காக எம்எம்ஏவுக்கு நன்றி சொன்னார்.

1969-ம் ஆண்டு ஆரம்பிக்கப்பட்ட இந்த விருது ரத்தன் டாடாவுக்குமுன் 17 பேருக்கு வழங்கப்பட்டிருக்கிறது. இதன் முதல் விருதை பெற்றவர் ஜே.ஆர்.டி டாடா. ஏறக்குறைய 45 வருடங்கள் கழித்து டாடா குழுமத்தைச் சேர்ந்த ரத்தன் டாடாவுக்கு இந்த விருது இப்போது  வழங்கப்பட்டுள்ளது.