Published:Updated:

கேட்ஜெட் : கூகுளின் ஸ்பைஸ் ஆண்ட்ராய்டு ஒன்!

Vikatan Correspondent

செ.கிஸோர் பிரசாத் கிரண்

கடந்த ஜூன் மாதம் கூகுள் நிறுவனம் ‘Google I/O’ மாநாட்டில் ‘ஆண்ட்ராய்ட் ஒன்’ என்ற திட்டத்தை அறிவித்தது. சிறந்த தொழில்நுட்பத்துடன் இயங்கும் குறைந்த விலை ஸ்மார்ட் போன்களைத் தயாரிப்பதே இந்தத் திட்டத்தின் நோக்கமாகும். இந்தத் திட்டத்தின்படி, ‘ஆண்ட்ராய்ட் ஒன்’ ஸ்மார்ட் போன்கள் இந்தியாவில்தான் முதலில் வெளியாகும் என்று கூறப்பட்டது. அதன்படியே கடந்த வாரம் ஆண்ட்ராய்ட் ஒன் ஸ்மார்ட் போன் இந்தியாவில் வெளியானது.

முதல்கட்டமாக இந்த ஸ்மார்ட் போனை ‘ஸ்பைஸ்’ நிறுவனம் வெளியிட்டுள்ளது. ஸ்பைஸ் ஆண்ட்ராய்ட் ஒன் ட்ரீம் UNO (Spice Android One Dream UNO) என்ற பெயரில் வெளியாகி இருக்கும் இந்த ஸ்மார்ட் போன், 4.5 இன்ச் ‘LCD Capacitive’ டிஸ்ப்ளேயுடன் வருகிறது.

கேட்ஜெட் : கூகுளின் ஸ்பைஸ் ஆண்ட்ராய்டு ஒன்!

1.3 GHz ‘Quad Core’ ப்ராஸஸர் மற்றும் 1GB ரேம் வசதியோடு வரும் இந்த ஸ்மார்ட் போன் ஆண்ட்ராய்ட் கிட்-கேட் 4.4.4 இயங்குதளத்தில் இயங்குகிறது. மேலும், பிரத்யேகமான ‘Mali-400 MP’ என்ற கேமிங் ப்ராஸஸரும் இந்த ஸ்மார்ட் போனில் அடங்கும். 5 மெகா பிக்ஸல் பின்புற கேமரா, 2 மெகா பிக்ஸல் முன்புற கேமரா வசதியோடு வரும் இந்த ஸ்மார்ட் போனால் முழுநீள HD வீடியோவை ரெக்கார்டு செய்ய முடியும்.


4 GB இன்டர்னல் மெமரியுடன் வரும் இந்த ஸ்மார்ட் போனை 32GB வரை SD கார்டு மூலம் விரிவுபடுத்திக் கொள்ளலாம். இந்த ஸ்மார்ட் போனின் 1700 mAh ‘Li-Polymer’ பேட்டரி, 2G நெட்வொர்க்கில் 17 மணி நேரமும் 3G நெட்வொர்க்கில் 10 மணி நேரமும் நீடித்திருக்கும்.

Wi-Fi, ப்ளூ-டூத், இரட்டை சிம் வசதிகளோடு வரும் இந்த ஸ்மார்ட் போன் 10GB ஸ்பைஸ்   Cloud Storage, 15 GB google storage வசதியுடன் இலவசமாக வருகிறது. தற்போது இந்த ஸ்மார்ட் போன் ‘Flipkart’ மற்றும் ‘snapdeal.com’ இணையச் சந்தையில் ரூபாய் 6,299 என்ற விலையில் விற்கப்பட்டு வருகிறது. விரைவில், மைக்ரோமேக்ஸ் மற்றும் கார்பன் நிறுவனங்களின் ஆண்ட்ராய்ட் ஒன் ஸ்மார்ட் போன்களும்  இந்தியாவில் வெளியாகும் என்று எதிர்பார்க்கப்படுகிறது.