நடப்பு
Published:Updated:

வீட்டுக் கடன்... முன்கூட்டியே செலுத்தினால் அபராதம் உண்டா?

வீட்டுக் கடன்... முன்கூட்டியே செலுத்தினால் அபராதம் உண்டா?

கேள்வி - பதில்

?தனியார் வங்கியில் நிலையான வட்டி விகிதத்தில் (ஃபிக்ஸட் ரேட்) வீட்டுக் கடன் வாங்கியிருந்தேன். இந்தக் கடனை மூன்று வருடத்தில் முழுவதுமாக திரும்பச் செலுத்தத் திட்டமிட்டுள்ளேன். இதற்காக கடன் வழங்கிய வங்கியை அணுகியபோது, முன்கூட்டியே கடனை செலுத்துவதற்கு 2% அபராதம் விதிக்கிறது. இது சரியா?

& கணேசன், திண்டுக்கல்.
விஸ்வநாத் கிருஷ்ணன், வீட்டுக் கடன் ஆலோசகர்.

“ஆர்பிஐ விதிமுறைப்படி முன்கூட்டியே கடனை திரும்பச் செலுத்துவதற்கு வாடிக்கையாளருக்கு உரிமை உண்டு. இதற்கு எந்தவிதமான அபராதமும் விதிக்கக் கூடாது என்பது விதி. எனவே, வங்கியுடன் பேசி அபராதத்தை ரத்து செய்யலாம்.”

வீட்டுக் கடன்... முன்கூட்டியே செலுத்தினால் அபராதம் உண்டா?

?நான் மாதம் 75 ஆயிரம் ரூபாய் சம்பளம் வாங்குகிறேன். பத்தாம் வகுப்பு படிக்கும் மகனின் கல்லூரிப் படிப்புக்காக மாதம் 20 ஆயிரம் ரூபாயை மியூச்சுவல் ஃபண்டுகளில் முதலீடு செய்ய விரும்புகிறேன். எனக்கேற்ற முதலீடுகளைக் கூறவும்.

& கண்ணன், மதுரை.
வி.கோபாலகிருஷ்ணன், தலைவர், மணி அவென்யூஸ்.

“முதலீட்டுக் காலம் மூன்று ஆண்டுகள் இருப்பதால், எஸ்ஐபி முறையில் ஈக்விட்டி மியூச்சுவல் ஃபண்ட் திட்டங்களில் முதலீடு செய்யலாம். நீங்கள் முதலீடு செய்ய வைத்திருக்கும் 20 ஆயிரம் ரூபாயை நான்காகப் பிரித்து முதலீடு செய்யலாம்.

ஆக்ஸிஸ் ஈக்விட்டி ஃபண்ட், ஐசிஐசிஐ டாப் 100, ஃப்ராங்க்ளின் ஹை-குரோத் கம்பெனீஸ் ஃபண்ட், யூடிஐ ஈக்விக்டி ஃபண்ட் ஆகிய ஃபண்டுகளில் முதலீடு செய்யலாம். இந்த ஃபண்டுகளில் தலா 5 ஆயிரம் ரூபாய் என பிரித்து முதலீடு செய்யலாம்.

ஆண்டுக்கு ஒருமுறை இந்த ஃபண்டுகளின் செயல்பாடு எப்படி இருக்கிறது என்பதைக் கவனிக்க வேண்டும். சரியாகச் செயல்படாத ஃபண்டின் முதலீட்டை நன்றாகச் செயல்படும் ஃபண்டுக்கு மாற்றுவது நல்லது.”

வீட்டுக் கடன்... முன்கூட்டியே செலுத்தினால் அபராதம் உண்டா?

?நான் 12-ம் வகுப்பு படிக்கிறேன். என் பெயரில் டீமேட் கணக்கு ஆரம்பித்து பங்குச் சந்தையில் முதலீடு செய்ய முடியுமா?

& மதன், திருச்சி.
ஏ.ஆர்.வாசுதேவன், மேலாளர், சிடிஎஸ்எல்.

“12-ம் வகுப்பு படிக்கிற நீங்கள் பங்குச் சந்தையில் முதலீடு செய்ய முடியும். முதலீடு செய்யும் உங்கள் பெயரில் பான் கார்டு வாங்குவது அவசியம். அதன்பிறகு டீமேட் கணக்கு ஆரம்பிக்கலாம்.

இதில் உங்கள் பாதுகாப்பாளர் அல்லது பெற்றோர் விவரத்தைக் கொடுப்பது முக்கியம். அதன்பின் செபியினால் அங்கீகரிக்கப்பட்ட புரோக்கர் மூலமாக பங்குச் சந்தையில் முதலீடு செய்யலாம்.”

?டிவிஎஸ் மோட்டார் நிறுவனத்தின் எதிர்கால வளர்ச்சி எப்படியிருக்கும்?

& எஸ்.பாஸ்கர், திருநெல்வேலி.
வெங்கடேஸ்வரன், இயக்குநர், மெக்கனோசி அண்ட் கோ.

“டிவிஎஸ் மோட்டார் நிறுவனத்தின் வளர்ச்சி இனிவரும் காலத்தில் அதிகரிக்கவே வாய்ப்புள்ளது. ஏனெனில், பணவீக்க விகிதம் தொடர்ந்து குறைந்து வருவதால், வட்டி விகிதம் குறைவதற்கான வாய்ப்புள்ளது. இதனால் இருசக்கர வாகனங்களின் விற்பனை அதிகரிக்கும். அமெரிக்கப் பொருளாதாரம் வளர்ச்சியடைய துவங்கியுள்ளது.

வீட்டுக் கடன்... முன்கூட்டியே செலுத்தினால் அபராதம் உண்டா?

 மேலும், உலோகப் பொருள்களின் விலை குறைய ஆரம்பித்துள்ளது. இதனால் மூலதனச் செலவு கணிசமாகக் குறைந்து லாபம் அதிகரிக்கும். அதேபோல, ரிப்பேர் மற்றும் உதிரிபாகங்கள் மாற்றுவதற்கான சந்தையும் நன்றாகவே உள்ளது. இதனால் தேவை அதிகரித்து, வாகன ஏற்றுமதி
சந்தையும் வளர்ச்சியடையும் என்று எதிர்பார்க்கப்படுகிறது.” 

?எனக்கு 58 வயதாகிறது. ரிலையன்ஸ் பேங்கிங் ஃபண்ட், ஐசிஐசிஐ புரூடென்ஷியல் ஃபண்ட், ஐசிஐசிஐ மிட் கேப் ரெகுலர் குரோத் ஃபண்ட் ஆகியவற்றில் ஒருமுறை முதலீடாக தலா 10 ஆயிரம் ரூபாய் முதலீடு செய்துள்ளேன். இதைத் தொடரலாமா?

& காசிராஜன், மதுரை.
ஜெ.ஜெயக்குமார், நிதி ஆலோசகர்.

“நீங்கள் முதலீடு செய்திருக்கும் மியூச்சுவல் ஃபண்டுகள் அனைத்தும் ஈக்விட்டி சார்ந்த மியூச்சுவல் ஃபண்டுகள் ஆகும். உங்கள் வயது அதிகமாக இருப்பதால், இந்த முதலீடுகளை வங்கி ஃபிக்ஸட் டெபாசிட்-ஆக மாற்றுவது நல்லது. வரிச் சேமிப்பு தேவை இருந்தால் வரிச் சலுகை பாண்டுகளில் முதலீடு செய்யலாம்.’’

வீட்டுக் கடன்... முன்கூட்டியே செலுத்தினால் அபராதம் உண்டா?

?என் நெருங்கிய உறவினர் ஒருவருக்கு கடன் கொடுத்திருந்தேன். அவர் அதைத் திரும்பத் தரவில்லை என்பதால், அவர் மீது வழக்கு தொடுத்து இருக்கிறேன். கடந்த 20 வருடமாக வழக்கு நடைபெறுகிறது. இந்த நிலையில் அவர் இறந்துவிட்டால், அவரது வாரிசுகளிடம் இருந்து கடன் தொகையைப் பெற முடியுமா?

 - மதிவாணன், திருச்சி. முருகபாரதி, வழக்கறிஞர்.

‘‘கடன் தொகையை திரும்பப் பெறுவது தொடர்பாக சட்டப்படி எடுக்கப்படும் நடவடிக்கைகள் அனைத்துக்கும் வாரிசுகளுக் கும் பொறுப்பு உண்டு. எனவே, நீங்கள் கடன் கொடுத்தவருக்கு ஏதாவது அசம்பாவிதம் ஏற்பட்டால், அவரின் வாரிசுகளிடம் இருந்து பணத்தைப் பெறலாம்.”
 

?ஒரு கம்பெனியின் பேலன்ஸ்ஷீட்டில் என்னென்ன விஷயங்களைக் கவனிக்க வேண்டும்?

& கோவிந்தராஜன். திருநெல்வேலி.
பி.சங்கர், இயக்குநர், டைமன்ஷியல் செக்யூரிட்டீஸ்.

“பேலன்ஸ்ஷீட்டின் மூலமாகத்தான் கம்பெனியின் அனைத்துத் தகவல்களையும் பெறமுடியும். எல்லா நிறுவனங்களும் தனது பேலன்ஸ்ஷீட்டை வெளிப்படையாக வெளியிட வேண்டிய அவசியம் இல்லை.

ஆனால், பங்குச் சந்தையில் பட்டியல் இடப்பட்ட நிறுவனங்கள் வருடத்துக்கு இரண்டுமுறை தங்களது பேலன்ஸ்ஷீட்டை கட்டாயம் வெளியிட வேண்டும்.

இதில் முக்கியமாக கவனிக்க வேண்டியது, அந்தப் பங்கின் புத்தக மதிப்பு, ஒரு பங்கு வருமானம், கடன் மூலதன விகிதம், வளர்ச்சி விகிதம், பிராஃபிட் மார்ஜின், கடன் மற்றும் வட்டி சுமை, டிவிடெண்ட் யீல்டு ஆகியவை ஆகும்.

வீட்டுக் கடன்... முன்கூட்டியே செலுத்தினால் அபராதம் உண்டா?

?பேலன்ஸ்டு ஃபண்டுகளுக்கு எப்படி வரி கணக்கிடப்படுகிறது?

& ராமன், சென்னை.காந்த், ஆடிட்டர்.

“பேலன்ஸ்டு ஃபண்டுகளின் போர்ட்ஃபோலியோவில் ஈக்விட்டி சார்ந்த பங்குகளின் முதலீடு 65 சதவிகிதத்துக்குமேல் இருக்கும்பட்சத்தில், அது ஈக்விட்டி ஃபண்டாக கருதப்படும். இந்த ஃபண்டில் யூனிட்களை ஒரு வருடத்துக்குமேல் வைத்திருந்து விற்றால், லாபத்துக்கு வரிச் செலுத்த தேவையில்லை.

 அதுவே, ஒரு வருடத்துக்கு குறைவான காலத்திற்குள் விற்று லாபம் கிடைத்தால், குறுகிய கால மூலதன ஆதாய வரி 15% செலுத்த வேண்டும். போர்ட்ஃபோலியோவில் ஈக்விட்டி சார்ந்த பங்குகளின் முதலீடு 65 சதவிகிதத்துக்கு கீழ் இருந்து, ஓராண்டுக்குமேல் யூனிட்களை விற்கும்போது லாபத்துக்கு 10% அல்லது பணவீக்க விகித சரிக்கட்டலுக்கு பிறகு 20% செலுத்த வேண்டும்.

அதுவே ஒரு வருடத்துக்கு குறைவான காலத்தில் விற்றால், அவரவர் வருமான வரம்புக்கு ஏற்ப வரிச் செலுத்த வேண்டும்.”