Published:Updated:

ஹோம் பட்ஜெட் : பெண்களுக்கான நிதி நிர்வாக வழிகாட்டி!

பெண்கள்: பங்குச் சந்தையில் ஜெயிக்கும் வழிகள்!இரா.ரூபாவதி

பங்குச் சந்தை என்பது ஆண் களின் உலகமாகவே உள்ளது. இதில் பெண்களால் ஜெயிக்க முடியாது என்பது பலரின் கருத்தாக உள்ளது. இதன்காரண மாகவே பெண்கள் பங்குச் சந்தை யில் முதலீடு செய்வதைத் தவிர்க்கி றார்கள். இது முற்றிலும் தவறானது. பங்குச் சந்தையில் பெண்களாலும் ஜெயிக்க முடியும் என்பதே உண்மை.

சேமிப்பில் அதிக கவனம் செலுத்துவது பெண்கள்தான். தங்களின் சேமிப்பு பாதுகாப்பாக இருக்க வேண்டும் என்பதுதான் பல பெண்களின் எண்ணமாக உள்ளது. அதாவது, முதலீடு செய்யும் தொகைக்கு எந்தவிதமான பாதிப்பும் வரக்கூடாது என்று நினைத்து ஆர்டி அல்லது வங்கி எஃப்டியில்  முதலீடு செய்கிறார்கள். ஆனால், முதலீடு பாதுகாப்பாக இருக்க வேண்டும் என நினைக்கும் பெண்கள், மிக அதிக ரிஸ்க் இருக்கும் சீட்டுத் திட்டங்களில் தைரியமாக முதலீடு செய்வது விநோதம்தான்.
 
பங்குச் சந்தையில் பெண்கள் ஜெயிக்க என்ன செய்ய வேண்டும் என்பது பற்றி விளக்கமாக எடுத்துச் சொன்னார் ஜியோஜித்  நிறுவனத்தின் பெண்கள் பிரிவு (ஃப்ரான்சைஸ்) மேலாளர் கலைவாணி இளங்கோவன்.

“பங்குச் சந்தை என்பது புரிந்துகொள்ள முடியாத முதலீடல்ல. இதை எளிதில் புரிந்துகொள்ள முடியும். இதற்கு தொடர்ந்து பத்திரிகை படிக்கும் பழக்கமும், முதலீடு செய்யும் நிறுவனங் களின் தன்மையைத் தெரிந்துகொள்ளக் கூடிய திறமையும் இருந்தாலே போதும். முதலீடு செய்துவிட்டு அதை மறந்துவிடா மல், அவ்வப்போது அதைக் கவனிக்க வேண்டும். இதற்கு உதவுகிற வகையில் பல்வேறு இணையதளங்கள், பத்திரிகைகள் உள்ளன. இவற்றை  தொடர்ந்து கவனிக்க வேண்டும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஹோம் பட்ஜெட் : பெண்களுக்கான நிதி நிர்வாக வழிகாட்டி!

 முதலீட்டுக்குமுன்!

பங்குகளை வாங்குவதற்குமுன் அந்த நிறுவனம் உற்பத்தி செய்யும் பொருள் என்ன, அதற்கான சந்தை மதிப்பு எவ்வளவு இருக்கிறது, தயாரிக்கப்படும் பொருளை யார் பயன்படுத்துகிறார்கள் என்பதைத் தெரிந்துகொள்ள வேண்டும். மேலும், நீங்கள் முதலீடு செய்யும் நிறுவனம் எத்தனை வருடங்களாக உள்ளது, அந்த நிறுவனத்தை நிர்வாகம் செய்வது யார், நிறுவனத்தின் காலாண்டு முடிவுகள் எப்படி உள்ளது, அந்த நிறுவனம் கொடுத்த டிவிடெண்ட் எவ்வளவு, டிவிடெண்ட் தொடர்ச்சியாக இருக்கிறதா என்பதைக் கவனிக்க வேண்டும். அதேபோல, அந்தப் பங்கின் 52 வாரத்தில் அதிகமான விலை மற்றும் குறைவாக வர்த்தமான விலை எவ்வளவு என்பதைப் பார்ப்பது நல்லது.

 ஆலோசனை அவசியம்!

பங்குச் சந்தையில் முதலீடு செய்ய ஆரம்பிப்பதற்கு முன், ஒன்றிரண்டு மாதங்களுக்கு  பேப்பர் டிரேடிங்

ஹோம் பட்ஜெட் : பெண்களுக்கான நிதி நிர்வாக வழிகாட்டி!

செய்து பார்க்க வேண்டும். ஒரு பங்கை வாங்குவதாக நினைத்து, அதைத் தொடர்ந்து கவனிக்க வேண்டும். அப்போதுதான் நீங்கள் வாங்க நினைத்த பங்கின் விலை உயருகிறதா அல்லது குறைகிறதா, குறைகிறது என்றால் அதற்கு என்ன காரணம் என்பதை உங்களால் கண்டுபிடிக்க முடியும். எந்த பங்கை வாங்குவதாக இருந்தாலும், நீங்களே அலசி ஆராய்வது நல்லது. அவர் சொல்கிறார், இவர் சொல்கிறார் என மற்றவர்கள் பேச்சைக் கேட்டு எந்த வகையிலும் ஆராயாமல் முதலீடு செய்யக் கூடாது.

 ஒரேமாதிரியான மனநிலை!

மேலும், பங்குச் சந்தை என்பது ஏற்ற இறக்கங்கள் இருக்கக்கூடியது. ஒருமுறை நஷ்டம் ஏற்பட்ட உடனே இது நமக்கு சரிவராது என நினைத்துவிடக்கூடாது. அதேபோல, லாபம் கிடைக்கும்போது அதிகமாக மகிழ்ச்சியும் அடையக் கூடாது. எப்போதுமே ஒரேமாதிரியான மனநிலையுடன் இருப்பது அவசியம். இதில் நஷ்டம் வரவும் வாய்ப்புள்ளது என்பதை நன்கு புரிந்துகொள்ள வேண்டும்.

 லாபத்தின் அளவு!

மேலும், ஒரு பங்கை எந்த விலையில் வாங்க வேண்டும், எந்த விலையில் விற்க வேண்டும் என முடிவு எடுக்கும் திறன் ஒரேநாளில் வந்துவிடாது. தொடர்ந்து வர்த்தகம் செய்யும்போதுதான் முடிவெடுக்கும் திறன் அதிகரிக்கும். அதேபோல, லாபத்தின் அளவை முன்கூட்டியே நிர்ணயித்துக் கொள்வது நல்லது. அதாவது, இந்த முதலீட்டின் மூலமாக 10% லாபம் கிடைத்தால் போதும் என நீங்கள் நினைத்தால், உடனே அதை விற்றுவிட்டு, வெளியே வந்துவிட வேண்டும். இன்னும், இன்னும் என எதிர்பார்த்தால், விலை இறங்கி நஷ்டம் வந்துவிடக்கூடிய வாய்ப்பு உண்டு.

 ரிஸ்க் எடுக்கும் திறன்!

உங்களது ரிஸ்க் எடுக்கும் திறன் என்ன என்பதைத் தெரிந்துகொண்டு அதற்கேற்ப ஸ்டாப்லாஸ் வைத்துக் கொள்வது நல்லது. இந்த விஷயத்தில் மற்றவர்களை நாம் ஓர் அளவுகோலாக எடுத்துக்கொள்ளாமல், நமது தாங்கும் திறனை நாமே முடிவு செய்துகொள்ள வேண்டும்.

 எஸ்ஐபி!

பங்குச் சந்தையில் நீண்ட கால நோக்கில் முதலீடு செய்ய நினைப்பவர்கள் எஸ்ஐபி முறையில் முதலீடு செய்யலாம். இதற்கு புளூசிப் பங்குகளைத் தேர்ந்தெடுத்து மாதம் ஒரு குறிப்பிட்ட தொகையை முதலீடு செய்வது எதிர்காலத்தில் நல்ல வருமானத்தைக் கொடுக்கும்” என பல பயனுள்ள ஆலோசனைகளை வழங்கினார் கலைவாணி.

பங்குச் சந்தையில் லாபம் பார்க்கும் சூட்சுமங்களைத் தெரிந்துகொள்ள பின் வரும் இணையதள முகவரிக்கு செல்லவும். http://nanayam.vikatan.com/index.php?aid=8849

பங்குச் சந்தை என்பது எல்லோருக்கும் பொதுவானது. இதில் புத்திசாலித்தனமாக செயல்பட்டால் நிச்சயம் வெற்றி பெறலாம்.

படங்கள்: வீ.நாகமணி.

‘‘மூன்று மாதமாவது வைத்திருப்பேன்!’’

ஆச்சியம்மா, சென்னை.

‘‘பத்து வருடத்துக்கு மேலாக பங்குச் சந்தையில் முதலீடு செய்து வருகிறேன். வீட்டு செலவுகளில் மிச்சம் பிடிக்கும் பணத்தை சந்தையில் முதலீடு செய்வேன். நான் வாங்கிய பங்கின் விலை அதிகமாக இறங்கினால் உணர்ச்சிவசப்பட்டு எந்த முடிவையும் எடுக்காமல் அப்படியே அமைதியாக விட்டுவிடுவேன். அதன்பிறகு மீண்டும் விலை உயரும்போது அந்தப் பங்கை வைத்திருப்பதா, இல்லை விற்பதா என்ற முடிவை எடுப்பேன்.

ஹோம் பட்ஜெட் : பெண்களுக்கான நிதி நிர்வாக வழிகாட்டி!

டே டிரேங் செய்ய மாட்டேன். ஒரு பங்கை வாங்கி குறைந்தபட்சம் மூன்று மாதங்களாவது வைத்திருந்து  நல்ல லாபம் கிடைத்த பிறகுதான் விற்பேன்.’’