Published:Updated:

டேர்ம் இன்ஷூரன்ஸ் எடுக்க வரித் தாக்கல் அவசியமா?

டேர்ம் இன்ஷூரன்ஸ் எடுக்க வரித் தாக்கல் அவசியமா?

டேர்ம் இன்ஷூரன்ஸ் எடுக்க வரித் தாக்கல் அவசியமா?

டேர்ம் இன்ஷூரன்ஸ் எடுக்க வரித் தாக்கல் அவசியமா?

Published:Updated:

கேள்வி - பதில்

?எனக்கு 32 வயது. சொந்தமாக டிராவல்ஸ் நிறுவனம் நடத்தி வருகிறேன். இதன் மூலமாக மாதம் 10 ஆயிரம் ரூபாய் வருமானம் கிடைக்கிறது. நான் டேர்ம் இன்ஷூரன்ஸ் எடுக்க வேண்டும் என்று விரும்புகிறேன். இதற்கு வருமான வரித் தாக்கல் விவரம் வேண்டும் என்கிறார்கள். இது உண்மையா?

வெங்கடேஷ், காஞ்சிபுரம்.
வி.விஜயராகவன், மண்டல மேலாளர், வாடிக்கையாளர் சேவைப் பிரிவு, எல்ஐசி.

ஒட்டுமொத்த விகடனுக்கும் ஒரே ஷார்ட்கட்!

“டேர்ம் பாலிசி எடுப்பதற்கு வருமான ஆதாரம் கேட்பார்கள். பாலிசியின் கவரேஜ் தொகை ரூ.25 லட்சத்துக்குமேல் போகும்போது, வருமான வரித் தாக்கல் செய்த ஆவணம் கட்டாயம் தேவை. இது பாலிசி எடுப்பவரின் வருமானத்தை உறுதி செய்வதற்குக் கேட்கப்படும் ஆவணம்.”

டேர்ம் இன்ஷூரன்ஸ் எடுக்க வரித் தாக்கல் அவசியமா?


?நான் இரண்டு வங்கிகளில் சேமிப்புக் கணக்கு வைத்துள்ளேன். மேலும், மற்றொரு வங்கியில் புதிதாக ஒரு சேமிப்புக் கணக்கு துவங்கத் திட்டமிட்டுள்ளேன். ஒருவர் அதிகபட்சம் எத்தனை சேமிப்புக் கணக்குகள் வைத்திருக்க முடியும்?

அமுத கண்ணன், பட்டுக்கோட்டை.
மா.பாரி, முன்னாள் உதவி பொதுமேலாளர், லமி விலாஸ் வங்கி.

“ஒரு வங்கியின் கிளையில் தனிநபர் ஒருவர் ஒன்றுக்கு மேற்பட்ட சேமிப்பு கணக்கு வைத்துக்கொள்ள வங்கி அனுமதிக்காது. ஆனால் அதேநேரத்தில், வெவ்வேறு வங்கிகளில் கணக்கு ஆரம்பிப்பதில் சிக்கல் இருக்காது.

எனினும், வங்கிக் கணக்கு ஆரம்பிக்கும் போது வேறு வங்கிக் கணக்கு உள்ளதா என்று கேட்பார்கள். ஏற்கெனவே வங்கிக் கணக்கு இருந்தால், புதிதாக வங்கிக் கணக்கு துவங்குவதன் அவசியம் பற்றி கேட்பார்கள். இதற்கான விளக்கம் அளிக்க வேண்டும். அனைத்து கணக்குகளும் வருமான வரி வரம்புக்கு உட்படும்.”

?ஹெச்டிஎஃப்சி எஸ்எல் புரோகுரோத் யூலிப் பாலிசியில் மாதம் ரூ.2,500 முதலீடு செய்து வருகிறேன். இந்தத் தொகை இன்கம் ஃபண்டுகளில் முதலீடு செய்யப்படுகிறது. இந்த பாலிசி 2028-ம் ஆண்டில் முதிர்வடைகிறது. இதைத் தொடரலாமா அல்லது பணத்தைத் திரும்ப எடுத்து விடலாமா?

கர்ணன், உளுந்தூர்பேட்டை பல்ராம், இன்ஷூரன்ஸ் ஆலோசகர்.

“முதலீடு நோக்கில் இந்த பாலிசியை எடுத்துள்ளீர்கள். இந்த பாலிசியைத் தொடரலாம். யூலிப் பாலிசிகள் அதிக ரிஸ்க் கொண்டது. அதேநேரத்தில், நீண்ட காலத்தில் (8 - 10 ஆண்டுகளில்) அதிக வருமானம் தரக்கூடியது.

இதில் வருமான வரிப் பிரிவு 80சி மற்றும் 10 (10 டி) பிரிவின் கீழ் சலுகை பெற முடியும். இதில் முதலீடு செய்யும் தொகை எதில் முதலீடு செய்யப்படுகிறது என்பதை மிகவும் வெளிப்படையாகத் தெரிந்துகொள்ள முடியும். குறைந்தபட்சம் 5 வருடம் லாக் இன் பீரியட் இருக்கும்.
அவசர தேவைகள் எனில், அதில் நீங்கள் போட்டிருக்கும் பணத்தை திரும்ப எடுத்துக் கொள்ளலாம். இல்லையெனில், இப்போதைக்கு இந்த பாலிசியைத் தொடர்வதே நல்லது.”

டேர்ம் இன்ஷூரன்ஸ் எடுக்க வரித் தாக்கல் அவசியமா?

?என் வயது 24. ஐந்து வருடம் கழித்து சொந்தமாகத் தொழில் துவங்க 10 லட்சம் ரூபாய் தேவை. தற்போது என்னால் மாதம் 10 ஆயிரம் ரூபாய் முதலீடு செய்ய முடியும். எனக்கேற்ற முதலீட்டுத் திட்டங்களைக் கூறினால், நான் தொழில் தொடங்க பயனுள்ளதாக இருக்கும்.
@ வைரமுத்து ராஜ், திருச்சி.

என்.காந்த், நிதி ஆலோசகர்.

“உங்களின் வயது 24. ஐந்து ஆண்டுகள் கழித்துதான் தொழில் துவங்கத் திட்டமிட்டுள்ளீர்கள். எனவே, நீங்கள் ஈக்விட்டி சார்ந்த முதலீட்டுத் திட்டங்களில் முதலீடு செய்யலாம். அப்போதுதான் இலக்கை அடைய முடியும்.

கடந்த வருடங்களில் பங்கு சார்ந்த மியூச்சுவல் ஃபண்ட் திட்டங்கள் 12 - 20% வருவாய் கொடுத்துள்ளது. மாதம் ரூ.10 ஆயிரம் வீதம் எஸ்ஐபி முறையில் முதலீடு செய்தீர்கள் என்றால், அடுத்த 5 வருடத்தில் ரூ.6 லட்சம் ரூபாய் முதலீடு செய்திருப்பீர்கள்.
இந்த முதலீட்டுக்கு 12 சதவிகிதம் வருமானம் கிடைத்தால், ரூ.9.8 லட்சம் ரூபாய் கிடைக்கும். இதனைக் கொண்டு நீங்கள் தொழில் துவங்க முடியும்.

பங்குச் சந்தை முதலீடு ஏற்ற இறக்கத்துக்கு உட்பட்டது. எனவே, உங்களின் முதலீட்டை மாதம் ரூ.12 ஆயிரமாக மாற்றினால் இலக்கு தொகையை எட்டுவதில் சிரமம் குறைவாக இருக்கும்.”

?என் வயது 35. வரி சேமிப்புக்காக எஸ்பிஐ மேக்னம் டாக்ஸ் கெய்ன் ஃபண்டில் மூன்று ஆண்டுகளுக்கு முன்பு முதலீடு செய்தேன். இதில் லாக் இன் பீரியட் முடிந்துவிட்டது. இப்போது இந்த முதலீட்டை எடுத்து வேறு மியூச்சுவல் ஃபண்ட் திட்டத்தில் முதலீடு செய்யத் திட்டமிட்டுள்ளேன். இந்தப் பணம் என் ஓய்வுக்காலத்துக்குத் தேவை. எனக்கேற்ற மியூச்சுவல் ஃபண்ட் திட்டத்தைக் கூறவும்.

@ அப்பாஸ், பொள்ளாச்சி. சுரேஷ் பார்த்தசாரதி, நிதி ஆலோசகர்.

“எஸ்பிஐ மேக்னம் டாக்ஸ் கெய்ன் ஃபண்ட் அவ்வளவு சிறப்பாகச் செயல்படவில்லை. லாக் இன் பீரியட் முடிந்துவிட்டதால், யூனிட்டுகளை விற்று அதிலிருந்து வெளியேறிவிடலாம்.

டேர்ம் இன்ஷூரன்ஸ் எடுக்க வரித் தாக்கல் அவசியமா?

இந்தத் தொகையை ஆக்ஸிஸ் லாங் டேர்ம் ஈக்விட்டி ஃபண்டில் முதலீடு செய்யலாம். இந்த முதலீட்டுக்கு வருமான வரிப் பிரிவு 80சியின் கீழ் விலக்கு பெற முடியும்.

மேலும், உங்களின் ஓய்வுக்காலத்துக்கு சேமிக்கத் திட்டமிட்டு இருக்கிறீர்கள். இதற்கு எஸ்ஐபியில் முதலீடு செய்வது சிறப்பாக இருக்கும். எனவே, மாதம் 10 ஆயிரம் ரூபாயை ஐசிஐசிஐ ஃபோகஸ்டு புளூசிப் ஃபண்ட் மற்றும் ஹெச்டிஎஃப்சி ஈக்விட்டி ஃபண்டில் முதலீடு செய்யலாம்.”

?தனியார் நிறுவன டீமேட் கணக்கில் இருந்த  பங்குகளை ஏற்கெனவே விற்றுவிட்டேன். இதே கணக்கில் மியூச்சுவல் ஃபண்டுகள் கொஞ்சம் இருக்கிறது. இப்போது டீமேட் கணக்கை குளோஸ் செய்வதால், மியூச்சுவல் ஃபண்டுகளுக்கு ஏதாவது பாதிப்பு வருமா?

ராமகிருஷ்ணன், சென்னை ஏ.முருகன், மண்டல மேலாளர்,
புளூசிப் இன்வெஸ்ட்மென்ட் கார்ப்பரேட் சென்டர்.

“டீமேட் கணக்கில் மியூச்சுவல் ஃபண்ட் அல்லது பங்குகள் ஏதாவது வைத்திருந்தால், அந்தக் கணக்கை ரத்து செய்ய முடியாது. எனவே, டீமேட் கணக்கில் வைத்திருக்கும் அனைத்து மியூச்சுவல் ஃபண்டுகளையும் பிசிக்கலாக மாற்றியபிறகு, டீமேட் கணக்கை ரத்து செய்யலாம்.”
 

?பங்குச் சந்தையில் ஒரேமுறையாக 50 ஆயிரம் ரூபாய் முதலீடு செய்யத் திட்டமிட்டுள்ளேன்.இது அடுத்த பத்து வருடம் கழித்துதான் எனக்குத் தேவை. நல்ல லாபம் தரக்கூடிய வகையில் இருக்கும் மிட் கேப் பங்குகளைக் கூறவும்.

மணிகண்டன், கோவை.
எம்.எஸ்.ஓ.அண்ணாமலை, ஷேர் புரோக்கர், சேலம்.

“அதிக லாபம் பெற சந்தை இறக்கத்தில் முதலீடு செய்வது அவசியம். அதற்கு இன்னும் 3-6 மாத காலம் காத்திருப்பது நல்லது. ஃபெடரல் பேங்க், டோரண்ட் பவர், ஹேவல்ஸ், கரூர் வைஸ்யா பேங்க், என்டிசிபி, நொய்டா டோல், பவர் ஃபைனான்ஸ், டாடா பவர், பால் பார்மா ஆகிய பங்குகளில் பிரித்து முதலீடு செய்யலாம்.”

?   ரிலையன்ஸ் ஃபோகஸ்டு லார்ஜ் கேப் ஃபண்டில் முதலீடு செய்து வருகிறேன். இதைத் தொடரலாமா அல்லது நிறுத்திவிடலாமா?

மணிமாறன், வேலூர். வி.டி.அரசு, நிதி ஆலோசகர்.

“நீீங்கள் முதலீடு செய்திருக்கும் மியூச்சுவல் ஃபண்ட் திட்டம் சிறப்பாகச் செயல்படவில்லை. எனவே, நீங்கள் செய்த முதலீட்டை ஐசிஐசிஐ புரூடென்ஷியல் ஃபோகஸ்டு புளூசிப் ஃபண்ட், பிர்லா சன் லைஃப் ஃப்ரன்ட்லைன் ஈக்விட்டி ஃபண்ட், ஃப்ராங்க்ளின் புளூசிப் ஃபண்ட் ஆகிய ஃபண்டுகளில் ஏதாவது ஒன்றுக்கு மாற்றிக் கொள்ளுங்கள்.”
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism