Published:Updated:

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!

சி.சரவணன்

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!

சி.சரவணன்

Published:Updated:

2014-15-ம் நிதியாண்டின் இரண்டாம் காலாண்டு முடிவுகள் வெளியாகிவிட்டன.  இதன் அடிப்படையில் எதிர்காலத்தில் நல்ல லாபம் தரும் பங்குகளை நாணயம் விகடன் வாசகர்களுக்காக தரமுடியுமா என சோழமண்டலம் செக்யூரிட்டீஸ் (Cholawealthdirect.com) நிறுவனத்திடம் கேட்டோம். அனலிஸ்ட்கள் எம்.சத்திய நாராயணன் (மேலாளர் - ரிசர்ச் அனலிஸ்ட்), எஸ்.முருகேசா (துணை மேலாளர் -ரிசர்ச்), பி.கார்த்திகேயன் (ஈக்விட்டி - அனலிஸ்ட்) ஆகியோர் லாபம் தரக்கூடிய ஆறு பங்குகளைத்  தந்தனர். அதற்குமுன், செப்டம்பர் காலாண்டை அலசுவோம்...

அதிகரித்த வருமானம்!

செப்டம்பர் காலாண்டு முடிவுகள் கலவையாக வந்திருக் கின்றன. 23% நிறுவனங் களின் வருமானம் எதிர்பார்க்கப்பட்டதை விட அதிகரித்துள்ளது. 47% நிறுவனங் களின் வருமானம் எதிர்பார்க்கப் பட்டதைவிட குறைந்துபோய் இருக்கிறது. 30% நிறுவனங்களின் வருமானம் எதிர்பார்த்த அளவுக்கு உள்ளது.  வட்டி, வரி, தேய்மானத்துக்கு முந்தைய வருமானம் (EBITDA) எதிர்பார்க்கப்பட்டதைவிட 23% நிறுவனங்களில் அதிகரித்துள்ளது. 43% நிறுவனங்களில் இது எதிர்பார்க்கப் பட்டதைவிட குறைவாக இருக்கிறது. 33% நிறுவனங்களில் இது எதிர்பார்த்த அளவுக்கு உள்ளது.

ஒட்டுமொத்த விகடனுக்கும் ஒரே ஷார்ட்கட்!

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!

தகவல் தொழில்நுட்பம்!

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!

செப்டம்பர் காலாண்டில் ரூபாய் மதிப்பு நிலையாக இருப்பது, விசா செலவு குறைந்தது போன்ற வற்றால் இன்ஃபோசிஸ் மற்றும் டிசிஎஸ் நிறுவனங்களின் செயல்பாட்டு லாப வரம்பு உயர்ந்துள்ளது. அதேநேரத்தில், சம்பள உயர்வால் ஹெச்சிஎல்  நிறுவனத்தின் செயல்பாட்டு லாப வரம்பு குறைந்துள்ளது. ஐ.டி மிட் கேப் நிறுவனங்களில் பெர்சிஸ்டன்ட் சிஸ்டம்ஸ், என்ஐஐடி டெக்னாலஜீஸின் வருமானம் எதிர்பார்க்கப்பட்டதை விட குறைவாக இருக்கிறது. மைண்ட்ட்ரீ நிறுவனத்தின் வருமானம் எதிர்பார்க்கப் பட்ட அளவுக்கு உள்ளது. கேபிஐடி டெக்னாலஜீஸ், ஹெக்ஸாவேர், சையன்ட் நிறுவனங்களின் வருமானம் எதிர்பார்க்கப்பட்டதைவிட
உயர்ந்துள்ளது.

என்ஐஐடி டெக்னாலஜீஸ், கேபிஐடி டெக்னாலஜீஸ், ஹெக்ஸாவேர், சையன்ட் நிறுவனங்களின் செயல்பாட்டு லாப வரம்பு 0.6% - 2% வரை அதிகரித்துள் ளது. அதேநேரத்தில், பெர்சிஸ்டன்ட் சிஸ்டம்ஸ், மைண்ட்ட்ரீ நிறுவனங்களின் செயல்பாட்டு லாப வரம்பு முறையே 1.2% மற்றும் 0.2% குறைந்துள்ளது.

வாகனத் துறை!

வர்த்தக வாகனப் பிரிவு, வேகம் எடுப்பதற்கான அறிகுறி தென்பட ஆரம்பித்திருக்கிறது. அசோக் லேலாண்ட், எம் அண்ட் எம், டாடா மோட்டார்ஸ் நிறுவனங்களின் வர்த்தக வாகன விற்பனை உயர்ந்துள்ளது. 

கடந்த இரண்டு ஆண்டுகளாக மந்தமாக இருந்த நடுத்தர மற்றும் கனரக வாகன விற்பனை (அசோக் லேலாண்ட்: 14.2%, டாடா மோட்டார்ஸ்: 14.1%) அதிகரித்துள்ளது. நிலையான சரக்கு கட்டணம், சாலை உள்கட்டமைப்பில் அதிக முதலீடு, தொழில் நடவடிக்கைகள் மேம்பாடு, அதிக ஆர்டர் வரத்து போன்றவற்றால் இந்த விற்பனை அதிகரிப்பு நடந்துள்ளது. அதேநேரத்தில், தாமதமான பருவமழை உள்ளிட்ட காரணங்களால் டிராக்டர் விற்பனை உயராமல் இருக்கிறது.  

மாருதி நிறுவனத்தின் கார் விற்பனை 17% அதிகரித்துள்ளது.

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!

2014-15 முதல் அரையாண்டில் இந்த நிறுவனத்தின் வளர்ச்சி சிறப்பாக இருக்கிறது. அந்தவகையில் முழு நிதியாண்டில் இதன் செயல்பாடு சிறப்பாக இருக்கும்.  இருசக்கர வாகனப் பிரிவில் டிவிஎஸ் மோட்டார்ஸ் (32%), ஹீரோ மோட்டோ கார்ப்.(20%), பஜாஜ் ஆட்டோ (10%) போன்ற நிறுவனங்களின் விற்பனை வளர்ச்சி குறிப்பிடும்படி இருக்கிறது.

 வாகன உதிரிபாகங்கள்!

ஐரோப்பாவில் தொடர்ந்து மந்தநிலை நிலவி வருவதால், வாகன உதிரிபாக ஏற்றுமதிக்கு அந்த நாட்டை நம்பி இருக்கும் நிறுவனங்களின் விற்பனை கணிசமாக குறைந்திருக்கிறது. பாலகிருஷ்ணா இண்டஸ்ட்ரீஸ், மதர்சன் சுமி போன்ற நிறுவனங்களின் வருமானம் 50 சதவிகிதத்துக்குமேல் குறைந்துள்ளது. விற்பனை வளர்ச்சி குறைந்ததால், காலாண்டு முடிவுக்குப்பின் பாலகிருஷ்ணா பங்கின் விலை 23% வீழ்ச்சிகண்டது.

அமரராஜாவின் விற்பனை தொடர்ந்து அதிகரித்து வருகிறது. மேலும், இதன் சந்தைப் பங்களிப்பு, எபிட்டா லாப வரம்பு அதிகரித்துள்ளது. சியட் நிறுவனத்தின் வருமானம் 8% அதிகரித்துள்ளது. கச்சா எண்ணெய் விலை வீழ்ச்சி, ரப்பர் விலை குறைவு போன்றவற்றால் வரும் காலாண்டுகளில் இந்த நிறுவனத்தின் லாப வரம்பு அதிகரிக்கும் என எதிர்பார்க்கப்படுகிறது.

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!

பெயின்ட்!

செப்டம்பர் காலாண்டில் அலங்கார வர்ணங்களின் விற்பனை இரட்டை இலக்கத்தில் அதிகரித்துள்ளது. குறிப்பாக, நெரோலாக் (13%), ஏசியன் பெயின்ட்ஸ் (12%), பெர்ஜர் பெயின்ட்ஸ் (11%) விற்பனை உயர்ந்துள்ளது. பிரீமியம் வகை பெயின்ட் விற்பனை அதிகரித்துள்ளது. தொழில் துறை மேம்பட்டு வருவதால், வரும் காலாண்டுகளில் பெயின்ட்டுக்கான தேவை அதிகரிக்கும் என எதிர்பார்க்கப்படுகிறது. மூலப்பொருட் களின் விலை குறைந்து வருவதால், ஏசியன் பெயின்ட்ஸ் (0.21%), பெர்ஜர் பெயின்ட்ஸ் (1.64%) நிறுவனங்களின் மொத்த லாப வரம்பு அதிகரித்துள்ளது. அதேநேரத்தில், அதிக விளம்பரச் செலவுகள் லாபத்தைக் குறைத்திருக்கிறது.

வங்கி மற்றும் நிதிச் சேவை!

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!

இரண்டாம் காலாண்டில் தனியார் வங்கிகள், குறிப்பாக ஆக்ஸிஸ் பேங்க், யெஸ் பேங்க் சிறப்பாகச் செயல்பட்டி ருக்கின்றன. அதேநேரத்தில், பிராந்திய வங்கிகளான கரூர் வைஸ்யா பேங்க், சிட்டி யூனியன் பேங்க், சவுத் இந்தியன் பேங்க் போன்றவற்றின் செயல்பாடு சொல்லிக்கொள்ளும் நிலையில் இல்லை. பொதுத்துறை வங்கிகளில் எஸ்பிஐ நல்ல காலாண்டு முடிவை தந்திருக்கிறது. அதன் சொத்து தரம் உயர்ந்திருக்கிறது. அதே நேரத்தில், இந்தியன் வங்கியின் நிதிநிலை பின்னடைவைச் சந்தித்துள்ளது.

வங்கிசாரா நிதி நிறுவனங்களில் பஜாஜ் ஃபைனான்ஸ் நல்ல லாபம் ஈட்டி இருக்கிறது. கிளைகளை அதிகரித்து வருவதால் அடுத்துவரும் காலாண்டுகளிலும் இந்த நிறுவனத்தின் செயல்பாடு மேம்படும் என எதிர்பார்க்கப்படுகிறது.

வீட்டுக் கடன் பிரிவில் தனிநபர் கடன் வளர்ச்சி, வீட்டு அடமான கடன் அதிகரிப்பு போன்றவற்றால் எல்ஐசி ஹவுஸிங் ஃபைனான்ஸ் எதிர்பார்த்ததை விட சிறப்பாகச் செயல்பட்டிருக்கிறது. சுயதொழில் செய்பவர்களுக்கான வீட்டுக் கடன் அதிகரிப்பு, இரண்டாம் நிலை நகரங்களுக்கு வீட்டுக் கடனுக்கான தேவை அதிகரிப்பால், ரெப்கோ ஹோம் ஃபைனான்ஸ் நிதிநிலை இரண்டாம் காலாண்டில் மேம்பட்டி ருக்கிறது.

இனி முதலீடு செய்ய வேண்டிய பங்குகளைப் பார்ப்போம்.

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!

ஆர்பிஜி குழுமத்தின் முக்கிய நிறுவனங்களில் ஒன்று. சர்வதேச அளவில் மின் பகிர்மானம் இபிசி பணியில் முன்னணியில் திழந்துவரும் இந்த நிறுவனம், கடந்த 60 ஆண்டு களுக்குமேலாக இயங்கி வருகிறது. பவர் சிஸ்டம்ஸ், கேபிள்கள், டெலிகாம், ரயில்வே போன்ற துறையில் இதன் பங்களிப்பு கணிசமாக இருக்கிறது. இந்த நிறுவனம், 50-க்கும் மேற்பட்ட நாடுகளில் இயங்கி வருகிறது. இதன் ஆர்டர் புக்கில் உள்நாட்டு பங்களிப்பு 39%, வெளிநாட்டு நிறுவனங்களின் பங்களிப்பு 61% ஆக உள்ளது. 
 

இரண்டாம் காலாண்டில் இந்த நிறுவனத்தின் விற்பனை 22.2% அதிகரித்து ரூ.2,170 கோடியாக உள்ளது. வரிச் செலவு அதிகரித்ததால் நிகர லாபம் 8.2% ஆக குறைந்துள்ளது. 2014-15-ம் ஆண்டுக்கான எபிட்டா மார்ஜின் முந்தைய ஆண்டைவிட (7.2%) அதிகமாக இருக்கும் என இந்த நிறுவனத்தின் நிர்வாகம் கணித்திருக்கிறது. தானேவில் உள்ள நிலத்தை விற்கும் முடிவு இறுதி செய்யப்பட்டிருக்கிறது.

அதிக ஆர்டர் வளர்ச்சி, பல்வேறு பிரிவுகளிலிருந்து வருமான வரத்து போன்றவற்றால் நிறுவனத்தின் லாபம் அதிகரித்து பங்கின் விலை கணிசமாக அதிகரிக்கும் என மதிப்பிடப்பட்டிருக்கிறது.
 

ரிஸ்க்: திட்டங்களை நிறைவேற்றுவதில் தாமதம் மற்றும் மூலப்பொருட்கள் விலை உயர்வு.

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!


தனியார் துறையைச் சேர்ந்த நடுத்தர வங்கியான கரூர் வைஸ்யா பேங்குக்கு 599 கிளைகள், 1637 ஏடிஎம்கள் உள்ளன. இதன் வணிகத்தில் 82% தென் னிந்தியாவைச் சேர்ந்தது. 73% கிளைகள் தமிழ்நாடு மற்றும் ஆந்திரப்பிரதேசத்தில் இயங்கி வருகின்றன. இதன் மூலதன தன்னிறைவு விகிதம் (சிஏஆர்) 12.5 சதவிகிதமாக இருப்பது வங்கியின் வலிமையைக் காட்டுகிறது. மொத்த வாராக்கடன் 1.36 சதவிகிதமாக உள்ளது.

இரண்டாம் காலாண்டில் இந்த வங்கி வழங்கிய கடன்கள் 11.3% அதிகரித்துள்ளது. சிறு கடன் வளர்ச்சி 16.7 சதவிகிதமாக உள்ளது. அதிக ரிஸ்க் கொண்ட பவர், ரோடு, டெலிகாம் மற்றும் இன்ஃப்ரா தறைகளுக்கு வழங்கப்பட்ட மொத்தக் கடனில் முறையே 4.1%,1%, 0.1% மற்றும் 4.1 உள்ளது. இதர வருமானம் அதிகரித்ததால் செயல்பாட்டு லாப வரம்பு 32.7 சதவிகிதமாக உயர்ந்துள்ளது. செப்டம்பர் காலாண்டில் மட்டும் புதிதாக 11 கிளைகள் திறக்கப்பட்டிருக்கிறது. மேலும், வங்கிக் கிளைகள் நவீனமயமாக்கப் பட்டிருக்கின்றன. அந்தவகையில் நிகர லாபம் 26.2% குறைந்துள்ளது.
 

வரும் காலாண்டுகளில் செலவு குறைந்து லாபம் அதிகரிக்கும் என எதிர்பார்க்கப்படுகிறது. மேலும், நிலையான வருமான விகிதங்கள், தரமான சொத்து போன்றவற்றால் பங்கின் விலை உயரக்கூடும்.
 

ரிஸ்க்: கடன் வளர்ச்சி குறைவு மற்றும் செலவு அதிகரிப்பு.

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!

டைல்ஸ் உற்பத்தியில் இந்தியாவின் மிகப் பெரிய நிறுவனம். செராமிக் மற்றும் வெர்டிஃபைடு டைல்ஸ் தயாரித்து வருகிறது.

இதன் மொத்த உற்பத்தித் திறன் ஆண்டுக்கு 4.66 கோடி சதுர மீட்டராக உள்ளது. 850 டீலர்கள், 5000 விற்பனை மையங்கள் மூலம் விற்பனையை சிறப்பாக மேற்கொண்டு வருகிறது.  இந்திய டைல்ஸ் சந்தையில் இதன் பங்களிப்பு 8 சதவிகிதத்துக்கு அதிகமாக உள்ளது.


செப்டம்பர் காலாண்டில் இதன் வருமானம் 13.1%, விற்பனை 7.1% உயர்ந்துள்ளது. மொத்த லாப  வரம்பு 4% உயர்ந்து, 57.2 சதவிகிதமாக அதிகரித்துள்ளது.இதன் கூட்டுத் திட்டங்கள் ஏறக்குறைய முழுமையான செயல்திறனில் இயங்கி வருகின்றன. அடுத்த மூன்று காலாண்டுகளில் உற்பத்தி திறனை மேலும் 1.3 கோடி சதுர அடி அதிகரிக்க திட்டமிடப்பட்டுள்ளது.

டைல்ஸ் விற்பனையில் பிரதான இடத்தைப் பிடித்திருக்கிறது. இது, இனிவரும் காலத்திலும் தொடரும் என்பதால் பங்கு முதலீடு நல்ல வருமானம் தரும் என எதிர்பார்க்கலாம்.


ரிஸ்க்: மின்சாரம் மற்றும் எரிபொருள் கட்டணம் வேகமாக அதிகரிப்பது மற்றும் கட்டுமான செயல்பாடுகள் குறைவது.

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!


இந்தியாவில் வாகனம் மற்றும் டிராக்டர் தயாரிப்பில் முன்னணி நிறுவனங்களில் ஒன்றாக இது இருக்கிறது. உள்நாட்டு டிராக்டர் சந்தையில் இந்த நிறுவனத்தின் பங்களிப்பு 11 சதவிகிதமாக உள்ளது.
இந்த நிறுவனம், கட்டுமானம் மட்டும் பொருட்களைக் கையாளும் கருவிகள் பிரிவிலும் இருக்கிறது.
 இது வாகன உதிரிபாகங்களையும் தயாரித்து அளிக்கிறது. இந்தப் பிரிவில் இதன் வாடிக்கை நிறுவனங்களாக யமஹா, சுஸூகி, டிவிஎஸ் மோட்டார்ஸ் போன்றவை உள்ளன.


இரண்டாம் காலாண்டில் எஸ்கார்ட்ஸ் நிறுவனத்தின் வருமானம் 5.2% அதிகரித்து ரூ.992.60 கோடியாக உயர்ந்துள்ளது. டிராக்டர்கள் மற்றும் கட்டுமான கருவிகளின் விற்பனை உயர்ந்ததே காரணம்.
 டிராக்டர் விற்பனை 1.2%, கட்டுமான கருவிகள் விற்பனை 13% உயர்ந்துள்ளது.


செலவு மற்றும் பணியாளர் எண்ணிக்கை குறைப்பு, மூலப் பொருட்கள் விலை குறைவு போன்றவற்றால் இந்த நிறுவனத்தின் லாபம் அதிகரிக்கும். மேலும், குறைவான கடன், மூலதனம் மீதான வருமானம் அதிகரிப்பு போன்றவற்றால் நிறுவனப் பங்கின் விலை உயரும் என எதிர்பார்க்கப்படுகிறது.

ரிஸ்க்: உள் கட்டமைப்புக்கு அரசு செலவிடுவது குறைவது மற்றும் விவசாய மானியம் குறைவது. சாதகமில்லா பருவ மழை.

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!

வர்த்தக ரீதியாக அதானி போர்ட்ஸ் - எஸ்இஇசட் நிறுவனம், கடந்த 2001 அக்டோபர் முதல் இயங்கி வருகிறது. இது 2031-ம் ஆண்டு வரைக்குமான திட்டம். மேலும் 20 ஆண்டுகளுக்கு நீடிக்கக்கூடியது. இந்தத் துறைமுகம் மூலம் கச்சா எண்ணெய் பேரல்கள் மற்றும் சரக்கு கன்டெய்னர்கள் கையாளப்படுகிறது. அருகிலே மற்றொரு துறைமுகம் மற்றும் பல்பொருள் சிறப்பு பொருளாதார மண்டலம் (எஸ்இஇசட்) அமைக்க அனுமதி பெற்றுள்ளது. இதற்காக 16,000 ஏக்கர் நிலம் ஒதுக்கப்பட்டிருக்கிறது. சரக்குகளை கையாள்வதில் ஆரம்பம் முதல் சராசரியாக 35% வளர்ச்சி கண்டு வருகிறது.


இரண்டாம் காலாண்டில் இந்த நிறுவனத்தின் மொத்த வருமானம் 32.1% அதிகரித்துள்ளது. இதேகாலத்தில் நிகர லாபம் 68% அதிகரித்து, ரூ.573.5 கோடியாக உயர்ந்துள்ளது. இந்த நிறுவனம், அதன் நிலக்கரி டெர்மினல்களை விசாகப்பட்டினம், கோவாவில் செயல்பாட்டுக்கு கொண்டு வந்துள்ளது.  
துறைமுகம் மற்றும் சிறப்பு பொருளாதார மண்டலங்களை இந்த நிறுவனம் இயக்கிவருவது இதன் சிறப்பு அம்சமாக இருக்கிறது. மேலும், கடனை குறைத்து வருகிறது.


ரிஸ்க்: துறைமுக போக்குவரத்து குறைவது மற்றும் சிறப்பு பொருளாதார மண்டலங்கள் குறித்த சட்ட விஷயங்கள் மாற்றத்துக்கு உள்ளாவது.  

செப்டம்பர் காலாண்டு முடிவுகள்... செழிப்பான லாபம் தரும் சிறப்பான பங்குகள்!


பயிர் பாதுகாப்புத் துறையில் இந்தியாவின் முன்னணி நிறுவனங்களில் ஒன்றாக இருக்கிறது.
இந்த நிறுவனம் 29 பயிர் பாதுகாப்பு பொருட்களைத் தயாரித்து விற்பனை செய்து வருகிறது. பன்னாட்டு நிறுவனங்களுடன் கூட்டு சேர்ந்து பல பூச்சிக்கொல்லி மருந்துகளை விற்பனை செய்து வருகிறது.
8,000 டீலர்கள், 35,000 சில்லறை விற்பனையாளர்கள் மூலம் இந்த நிறுவனம் அதன் தயாரிப்புகளை சந்தைப்படுத்தி வருகிறது. இதன் 10 மருந்துகள் மூலம் 80% வருமானத்தைப் பெற்று வருகிறது,
செப்டம்பர் காலாண்டில் இதன் வருமானம் 7.8%, நிகர லாபம் 11.4% குறைந்துள்ளது.

அதேநேரத்தில், நிதியாண்டின் இரண்டாம் அரையாண்டில் இந்த நிறுவனத்தின் செயல்பாடு சிறப்பாக இருக்கும் என எதிர்பார்க்கப்படுகிறது. தற்போது இதன் ஆர்டர் புக் மதிப்பு 52 கோடி டாலராக இருக்கிறது. இது, முதல் காலாண்டில் 43.5 கோடி டாலராக இருந்தது.

அணைகளில் நீர்மட்டம் உயர்ந்திருப்பது, அதிக ஆர்டர், உற்பத்தித் திறன் அதிகரிப்பு போன்றவற்றால் வரும் காலாண்டுகளில் இதன் செயல்பாடு மேம்படும் என மதிப்பிடப்பட்டிருக்கிறது.
ரிஸ்க்: பருவ மழை தவறுவது.
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism