Published:Updated:

வங்கித் துறை - செக்டார் ரிசர்ச் !

ஜி.சொக்கலிங்கம், நிர்வாக இயக்குநர், ஈக்வினாமிக்ஸ் ரிசர்ச் அண்ட் அட்வைஸரி லிமிடெட்.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

முதலீட்டாளர்கள் சில அடிப்படை விஷயங்களைப் புரிந்துகொண்டால், வங்கித் துறையில் நீண்ட கால நோக்கில் சொத்துக்களைச் சேர்க்கவும், நஷ்டத்தைத் தவிர்க்கவும் முடியும். முதலில், மூன்று முக்கியமான விஷயங்களை முதலீட்டாளர்கள் புரிந்துகொள்ள வேண்டும் தொழிலின் வளர்ச்சி மற்றும் லாபம், சொத்துக் களின் தரம் மற்றும் மதிப்பீடு என்பவையே அந்த மூன்று விஷயங்கள். இதுதவிர, நிர்வாகத்தின் தரமும், பங்குதாரர்களுடனான நட்புறவு ஆகியவற்றையும் கருத்தில்கொள்ள வேண்டும். வங்கித் துறையைப் பொறுத்தமட்டில், வளர்ச்சி மற்றும் அறிவிக்கப்பட்ட லாபம் இரண்டையும்விட சொத்துக்களின் தரம் என்பது மிகவும் முக்கியமானது.

ஏனென்றால், வங்கிகள் டெபாசிட் பெற்று, கடன் வழங்குவதன் மூலம் சராசரியாக 3 சதவிகித வருமானத்தைத்தான் பெறுகின்றன. வங்கிகள் தரும் கடனின் (கடன் சொத்து) தரத்தை ஓர் உதாரணம் மூலம் பார்ப்போம். ஒருவருக்கு ரூ.100 கோடி கடன் வழங்கி, அவர் ஏமாற்றினாலோ அல்லது அவரது தொழில் நஷ்டமடைந்தாலோ அவரால் கடனை கட்ட முடியாத சூழல் உருவாகும். இந்த ரூ.100 கோடி நஷ்டத்தைச் சரிசெய்ய, வங்கியானது ரூ.3,300 கோடியை எந்தத் தவறுமின்றி கடன் வழங்க வேண்டிய சூழல் உருவாகும்.

முதலீட்டாளர்கள் கவனிக்க வேண்டியவை பிசினஸ் வளர்ச்சி:

வங்கிகளின் வர்த்தகம் என்பது டெபாசிட் மற்றும் கிரெடிட் இணைந்ததுதான். இந்தியாவில் கடந்த 15 வருடங்களுக்கு முன்பு ஆண்டுக்கு 20% என்கிற அளவில் வளர்ந்த வங்கிக் கடன், பிற்பாடு 17 சதவிகிதமாகக் குறைந்து, தற்போது 10 - 11% என்கிற அளவில் உள்ளது. இதில் முக்கியமாக கவனிக்க வேண்டியது, எந்த வங்கியாவது வங்கித் துறையின் கடன் வளர்ச்சி விகிதத்தைவிட அதிகமாக வளர்ந்துள்ளதா என்பதைத்தான். அப்படிப் பார்த்தால், ஆக்ஸிஸ் பேங்க், யெஸ் பேங்க் மற்றும் சில வங்கிகள் வங்கித் துறையின் வளர்ச்சியைவிட அதிகமாக வளர்ந்துள்ளன.

வங்கித் துறை -  செக்டார் ரிசர்ச் !

தொடர்ச்சியான லாப வளர்ச்சி:

தொடர்ச்சியான லாபம் என்பது வருடா வருடம் வங்கியின் நிகர லாபம் மற்றும் ஒதுக்கீடு களுக்கு முந்தைய லாப  வளர்ச்சியாகும். இந்த ஒதுக்கீடுகள் என்பவை திரும்ப வராத கடன்கள் மற்றும் வரிகள் ஆகியவற்றைக் குறிக்கும். உதாரணமாக, ஹெச்டிஎஃப்சி வங்கியின் நிகர லாபம் 13 வருடங்களில் ஆண்டுக்கு 30% என்ற அளவில் வளர்ந்ததன் மூலம் 36 மடங்கு அதன் சந்தை மதிப்பு உயர்ந்தது.

கடைசி மற்றும் மிக முக்கியமான விஷயம், வங்கிகளின் என்பிஏ எனும் வாராக் கடன்கள்தான். இவை மொத்த வாராக்கடன் மற்றும் நிகர வாராக்கடன் என இருவகைப்படும். மொத்த வாராக்கடன் என்பது வங்கிகளுக்கு இதுவரை வராமல் இருக்கும் வாராக்கடன்களின் மதிப்பாகும். நிகர வாராக்கடன் என்பது லாபத்தில் ஒதுக்கீடுகள் போக மீதமுள்ள வாராக்கடன் மதிப்பாகும்.

இந்த இரண்டில் நிகர வாராக்கடன் என்ன விதமான பாதிப்பை வங்கிகளுக்குத் தரும் எனில், வாராக்கடன் மதிப்புகள் ரூபாயாகவும், சதவிகிதமாகவும் (மொத்த கடனில்) தரப்பட் டிருக்கும். வாராக்கடன் சதவிகிதம் வங்கிகள் கடன் வழங்குவதில் உள்ள ரிஸ்க்கை தெரிவிப்பதாக இருக்கும்.

வங்கிகளுக்கு உள்ள நிகர வாராக்கடன்கள் மூலம் அவற்றுக்கு ஏற்படும் பிசினஸ் அழுத்தத்தின் தாக்கம் மற்றும் அவர்கள் அளித்துள்ள லாப விவரம் எந்த அளவுக்கு நம்பிக்கை அளிக்கும் என்பதைப் புரிந்து கொள்ளலாம். இதனைச் சரியாகப் புரிந்துகொள்ள பஞ்சாப் மற்றும் சிந்த் வங்கியினை உதாரணமாகக் கொள்ளலாம். இந்த வங்கி செப்டம்பர் காலாண்டில் முந்தைய ஆண்டின் இதே காலாண்டைவிட 160 சதவிகித நிகர லாப வளர்ச்சி அடைந்தது.

வங்கித் துறை -  செக்டார் ரிசர்ச் !

இருப்பினும் இந்த வங்கி அதன் நிகர வாராக்கடன் 1,600 கோடி ரூபாயிலிருந்து 2,298 கோடி ரூபாயாக உயர்ந்திருக்கிறது. திரும்ப வராத கடன்கள் மற்றும் வரிகள் ஆகியவற்றுக்கான ஒதுக்கீடுகளை சென்ற செப்டம்பர் காலாண்டில் இருந்த ரூ.187 கோடியிலிருந்து 97 கோடி ரூபாயாக (48%) குறைத்துள்ளது. இதனால்தான் அது 160 சதவிகித லாப வளர்ச்சியைக் காட்ட முடிந்தது.

காலாண்டு முடிவுகள் அறிவிக்கப் பட்டபின் இந்த வங்கியின் பங்குகள் விலை அதிகரித்துக் காணப்பட்டது. இந்தக் காரணத்தால் பெரும்பாலான அனலிஸ்ட்டுகளும், முதலீட்டாளர் களும் இபிஎஸ் (ஒரு பங்குக்கான லாபம்) மதிப்பைக் கணக்கில் எடுத்துக்கொள்ள மாட்டார்கள்.

வங்கியின் புத்தக மதிப்பிலிருந்து, அதாவது, அளிக்கப்பட்ட பங்கு மூலதனம் மற்றும் ரிசர்வ்வின் கூட்டுத் தொகையிலிருந்து நிகர வாராக் கடனைக் கழிப்பதன் மூலம் மதிப்பீடு செய்வதுதான் வங்கிகளுக்குப் பொருந்தும். இப்படி பெறப்பட்ட புத்தக மதிப்பை மொத்த பங்குகளின் எண்ணிக்கையால் வகுத்தால் ஒரு பங்குக்கான சரிக்கட்டப்பட்ட புத்தக மதிப்பு கிடைக்கும்.

இந்தப் புத்தக மதிப்பை வங்கிப் பங்கின் சந்தை விலையிலிருந்து வகுத்தால் கிடைக்கும் விலைக்குச் சரிக்கட்டப்பட்ட புத்தக மதிப்புதான் (price to adjusted book value) வங்கிகளை மதிப்பிடுவதற்கான முக்கியக் காரணியாகும். ஹெச்டிஎஃப்சி போன்ற வங்கிகளுக்கு இது 5 அளவில் உள்ளது. அரசுக்கு சொந்தமான பெரும்பாலான வங்கிகளில் இது ஒன்றைவிட குறைவாக இருக்கிறது. இதிலிருந்து சந்தையானது வங்கிகளின் கடன் சொத்தின் தரம் மற்றும் தொடர்ச்சியான வளர்ச்சி இருந்தால் மட்டுமே பிரீமியம் தரும்.

வங்கித் துறை -  செக்டார் ரிசர்ச் !

பெரிய தனியார் வங்கிகள் அதிக மதிப்பீட்டையும், அதனைத் தொடர்ந்து நடுத்தர அளவு தனியார் வங்கிகளும் உள்ளனவற்றில் முதல் வகையில் இருக்கும் வங்கிகளின் மதிப்பீடு (P/ABV) என்பது 3 மடங்கி லிருந்து 4.4 மடங்காக இருக்கிறது. (மேலே உள்ள அட்டவணையைப் பார்க்கவும்) ஏனெனில், தனியார் வங்கிகளது வளர்ச்சி என்பது 16 - 23 சதவிகிதமாக உள்ளது. இது பொதுத்துறை வங்கிகளில் 6%  அளவில் உள்ளது. நிகர வாராக்கடனும் தனியார் வங்கிகளுக்கு மிகவும் குறைவு.

யெஸ் பேங்க் மற்றும் ஹெச்டிஎஃப்சி வங்கிகளுக்கு முறையே 0.9 மற்றும் 0.3 சதவிகிதமாக இருக்கிறது. இதுவே, பொதுத்துறை வங்கிகளுக்கு அதிகமாக உள்ளது. பஞ்சாப் மற்றும் சிந்த் வங்கிக்கு 4 சதவிகிதமாக உள்ளது.

இன்னமும் கவனித்தால், தனியார் வங்கிகளின் ஒரு காலாண்டு நிகர லாபம் என்பது அந்த வங்கியின் மொத்த நிகர வாராக்கடனையும் சரிக்கட்டிவிடக்கூடிய அளவில் இருக்கிறது. உதாரணமாக, ஹெச்டிஎஃப்சி வங்கியின் செப்டம்பர் காலாண்டு நிகர லாபம் 2,381 கோடி ரூபாயாகவும், அதன் நிகர வாராக்கடன் 917 கோடி யாகவும் உள்ளது.

ஆனால், பஞ்சாப் மற்றும் சிந்த் வங்கியை எடுத்துக் கொண்டால், அதன் மொத்த நிகர வாராக்கடன் என்பது 2,298 கோடி ரூபாய். ஆனால், அதன் காலாண்டு நிகர லாபம் என்பது வெறும் 112 கோடி ரூபாய்தான். இதன் வாராக்கடனை சமாளிப்பதற்கு 20 காலாண்டு லாபம்கூடப் போதாது என்பதுதான் நிலைமை.

இந்த விஷயங்களைக் கருத்தில்வைத்துப் பார்க்கும்போது, வங்கிப் பங்குகளை வாங்க விரும்புபவர்கள் ஆக்ஸிஸ், ஹெச்டிஎஃப்சி மற்றும் கரூர் வைஸ்யா வங்கி பங்குகளை நீண்ட கால அடிப்படையில் வாங்கலாம். இந்த மூன்று வங்கிகளும் சொத்து சேர்ப்பதிலும், சொத்துத் தரத்தைப் பராமரிப்பதிலும் கடந்த ஆண்டுகளில் வளர்ச்சியைக் கண்டுள்ளன. மேலும், இவை நல்ல, தரமான பணியாளர்களையும் கொண்டுள்ளன. குறிப்பாக, கரூர் வைஸ்யா வங்கி 120 வங்கி கிளைகளைத் துவங்கியுள்ளது.

இரண்டு வருடத்தில் இவை அதிகளவில் வளர்ச்சிக்கு வழிவகுக்கும். மேலும், 2016-ல் 100-வது வருடத்தைத் தொடுவதால் முதலீட்டாளர்களுக்கு போனஸ் பங்குகள், நல்ல விலையில் உரிமைப் பங்குகள், சிறப்பு டிவிடெண்ட் போன்றவற்றை வழங்கும் என்று எதிர்பார்க்கலாம்.

(ஆய்வு தொடரும்)

டிஸ்க்ளைமர்: ஈக்வினாமிக்ஸ் ரிசர்ச் அண்ட் அட்வைஸரி லிமிடெட் (SEBI Regn No: ina000001712) நிறுவனத்தின் நிர்வாக இயக்கநர் ஜி.சொக்கலிங்கமாகிய நான் கரூர் வைஸ்யா வங்கியின் பங்குகளை பல மாதங்களுக்குமுன் வாங்கி வைத்திருக்கிறேன். இவற்றைத் தவிர, மேலே குறிப்பிடப்பட்டுள்ள இதர பங்குகளில் நேரடியாகவோ அல்லது மறைமுகமாகவோ நான், எனது உறவினர்கள், நண்பர்கள் மற்றும் பிராக்ஸிகள் முதலீடு செய்திருக்கவில்லை.
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு