Published:Updated:

தனியார் நிறுவனத்தில் 10 ஆண்டுகளுக்கு மேலாக பணிபுரிந்து...

தனியார் நிறுவனத்தில் 10 ஆண்டுகளுக்கு மேலாக பணிபுரிந்து...

தனியார் நிறுவனத்தில் 10 ஆண்டுகளுக்கு மேலாக பணிபுரிந்து...

தனியார் நிறுவனத்தில் 10 ஆண்டுகளுக்கு மேலாக பணிபுரிந்து...

Published:Updated:

தனியார் நிறுவனத்தில் 10 ஆண்டு களுக்கு மேலாக பணிபுரிந்து கடந்த வருடம் விஆர்எஸ் வாங்கிவிட்டேன். இன்னும் என் கிராஜூவிட்டி பணம் கிடைக்கவில்லை. இதை எப்படி பெறுவது?

- ரங்கராஜ், பொள்ளாச்சி. கே.எம்.ரமேஷ், வழக்கறிஞர்.

“கிராஜுவிட்டி தொகை குறித்து தொழிலாளர் நல உதவி ஆணையரிடம் பணிக்கொடை செலுத்தும் சட்டம் 1972-ன் (Payment of Gratuity Act, 1972) கீழ் படிவம் எண் N-யை பூர்த்தி செய்து சமர்ப்பிக்க வேண்டும். ஒரு நிறுவனத்தில் ஐந்தாண்டுகளுக்கு மேல் வேலை பார்த்தால் சட்டப்படி, கிராஜுவிட்டி கொடுப்பது அவசியம்.”

?நான் அமெரிக்காவில் வேலை பார்த்து வருகிறேன். மூன்று வருடம் கழித்து இந்தியாவில் செட்டில் ஆகும் திட்டம் உள்ளது. என்னால் மாதம் ஒரு லட்சம் ரூபாய் சேமிக்க முடியும். இந்தியாவில் ஒரு சின்ன தொழில் துவங்குவதற்கு, வீடு வாங்குவதற்கு 60 லட்சம் ரூபாய் தேவை. எனவே, அதற்கேற்ற முதலீட்டுத் திட்டங்களைக் கூறவும்.

-@&சுரேஷ், வெங்கடேஸ்வரன், நிதி ஆலோசகர்.

“உங்கள் தேவைகளை நிறைவேற்றிக் கொள்ள மியூச்சுவல் ஃபண்ட் திட்டங்கள் சரியாக இருக்கும்.  தேவைகளை நிறைவேற்றிக் கொள்வதற்காக மூன்று ஆண்டுகள் முதலீடு செய்யத் திட்டமிட்டு இருக்கிறீர்கள்.  உங்கள் முதலீடானது சந்தை ஏற்ற இறக்கத்தில் அதிகம் பாதிக்காத வகையில் இருப்பது நல்லது. அதாவது, ஈக்விட்டி சார்ந்த திட்டங்கள் மட்டும் இல்லாமல் கலவையாக இருப்பது சிறப்பு.

தனியார் நிறுவனத்தில் 10 ஆண்டுகளுக்கு மேலாக பணிபுரிந்து...

எனவே, ஐசிஐசிஐ புரூடென்ஷியல் டைனமிக் ஃபண்ட், ஐடிஎஃப்சி டைனமிக் ஈக்விட்டி ஃபண்ட், ஹெச்டிஎஃப்சி மல்டி கேப் ஈக்விட்டி, ஃப்ராங்க்ளின் இந்தியா ஷார்ட் டேர்ம் இன்கம் ஃபண்ட் ஆகியவற்றில் தலா ரூ.25 ஆயிரம் முதலீடு செய்யலாம். மேலும், இந்த முதலீட்டை 18 மாதம் கழித்து ஆய்வு செய்து, அந்தசமயத்தில் சந்தை ஏற்ற இறக்கத்தில் ஃபண்டுகளின் வருமானம் எப்படி உள்ளது என்பதைக் கவனிக்க வேண்டும்.

தவிர, நீங்கள் தற்போது அமெரிக்காவில் வசித்து வருவதால், இந்தியாவில் முதலீடு செய்வதில் சில சிக்கல்கள் உள்ளன. சில மியூச்சுவல் ஃபண்ட் நிறுவனங்கள் என்ஆர்ஐகளின் முதலீட்டை ஏற்பதில்லை.

இந்தியாவில் அவசியம் முதலீடு செய்ய வேண்டும் எனில், நெருங்கிய உறவுகளின் மூலமாக முதலீடு செய்யலாம்.”

? நான் ஒரு என்ஆர்ஐ. என்ஆர்இ வங்கிக் கணக்கு மூலமாக என் அப்பாவுக்கு ரூ.10 லட்சம் அனுப்பினேன். அதை அவர்,  பங்குச் சந்தையில் முதலீடு செய்துள்ளார். பங்குச் சந்தையில் என் அப்பா முதலீடு செய்து  கிடைக்கும் வருமானத்துக்கு மட்டும் வரிச் செலுத்த வேண்டுமா அல்லது முதலீடு செய்யும் தொகைக்கும் வரிச் செலுத்த வேண்டுமா? என் அப்பாவுக்கு வேறு எந்த வருமானமும் கிடையாது.

-@& ஹாஜா மொய்தீன், துபாய். வி.பி.மணவாளன், ஆடிட்டர்.

“என்ஆர்இ கணக்கின் மூலமாக உங்கள் தந்தைக்கு பணம் அனுப்புவதால், அதற்கு எந்தவிதமான வரியும் செலுத்த தேவையில்லை. அந்தப் பணத்தை முதலீடு செய்து அதன்மூலமாக கிடைக்கும் வருமானத்துக்கு மட்டும் உங்கள் தந்தை வரிச் செலுத்தினால் போதும்.”
 

? ப்ரீ ஓப்பன் மார்க்கெட் என்றால் என்ன?

-கோபி, மதுரை. எஸ்.லெட்சுமணராமன், ஷேர் புரோக்கர், ஆர்எம்ஆர் ஷேர்ஸ்.

“பங்குச் சந்தை துவங்குவதற்குமுன் செயல்படும் சந்தையைத்தான் ‘ப்ரீ ஓப்பன் மார்க்கெட்’ என்பார்கள். இது தினமும் காலை 9 - 9.15 மணிவரை செயல்படும். ஏனெனில், முதல் நாள் சந்தை முடிந்தபின் பெரிய நிகழ்வுகள் ஏதாவது நிகழ்ந்திருக்கலாம். இதனால் சந்தை அதிக ஏற்ற இறக்கத்தில் துவங்கலாம். சிலர் சந்தையை செயற்கையாக உயர்த்தலாம். இதைத் தடுப்பதற்காக இந்த ‘ப்ரீ ஓப்பன் மார்க்கெட்’ செயல்படுகிறது.
 

இதில், காலை 9.00  - 9.08 மணி வரை முதலீட்டாளர்கள் ஆர்டர் போட முடியும். 9.09 முதல் 9.12 வரை ஆர்டர்கள் செயல்படுத்தப்படும். 9.13 முதல் 9.15 வரை ஆர்டர் முதலீட்டாளரின் பெயருக்கு மாற்றப்படும்.

இந்த ‘ப்ரீ ஓப்பன் மார்க்கெட்டில் நிஃப்டி 50, சென்செக்ஸ் 30 ஆகிய பங்குகளுக்கு முன்கூட்டியே ஆர்டர் போட முடியும்.

ப்ரீ ஆர்டர் போடக்கூடிய பங்குகளின் பட்டியலை எக்ஸ்சேஞ்ச் குறிப்பிட்ட கால இடைவெளியில் வெளியிடும்.’’
 

? என் வயது 38. ரூ.20 லட்சம் வீட்டுக் கடன் வாங்க திட்டமிட்டுள்ளேன். கடன் தொகைக்கு ஈடாக இன்ஷூரன்ஸ் தொகை எடுக்குமாறு வங்கியில் கூறுகிறார்கள். நான் வீட்டுக் கடன் தொகைக்கு ஈடாக கவரேஜ் எடுக்கலாமா? அல்லது டேர்ம் இன்ஷூரன்ஸ் எடுக்கலாமா? இந்த இரண்டில் எது சிறந்ததாக இருக்கும் என்று சொல்லுங்கள்.

-கதிரவன், மயிலாடுதுறை.இந்த்ரஜித், இன்ஷூரன்ஸ் ஆலோசகர்.

“ஒருவருக்கு டேர்ம் இன்ஷூரன்ஸ் கவரேஜ் என்பது மாத சம்பளத்தைப்போல 150 மடங்கு இருக்க வேண்டும். உதாரணமாக, மாதம் 10 ஆயிரம் ரூபாய் மாத சம்பளம் வாங்குபவருக்கு 15 லட்சம் ரூபாய்க்கு கவரேஜ் இருப்பது அவசியம்.

தனியார் நிறுவனத்தில் 10 ஆண்டுகளுக்கு மேலாக பணிபுரிந்து...

நீங்கள் ஏற்கெனவே டேர்ம் பாலிசி வைத்திருக்கிறீர்கள் எனில், அதன் கவரேஜ் தொகையானது கடன் தொகையைவிட கூடுதலாக இருப்பது நல்லது. குறைவாக இருந்தால், குறையும்  தொகைக்கு ஈடாக பாலிசி எடுப்பது நல்லது.

வங்கியில் வீட்டுக் கடனுடன் கட்டாயமாக லைஃப் இன்ஷூரன்ஸ் பாலிசி எடுக்க வேண்டும் என்று கூற வாய்ப்புள்ளது. இந்த பாலிசியானது கடன் தொகை குறைய குறைய கவரேஜ் தொகையும் குறையும் விதமாக இருக்கும்.

கடன் வாங்கியவருக்கு ஏதாவது அசம்பாவிதம் நிகழ்ந்தால், நிலுவையிலுள்ள கடன் தொகை, இந்த இன்ஷூரன்ஸ் க்ளைம் தொகையின் மூலம் ஈடுகட்டப்படும்.

எனவே, குடும்பத்தின் மாதாந்திரச் செலவுகள் (கடன் தவணைகள் சேர்ந்து), மற்றும் குடும்பத்தின் எதிர்காலத்துக்கான மாத சேமிப்புகள் போன்ற  தேவைகளை பூர்த்தி செய்யும் வகையில் டேர்ம் இன்ஷூரன்ஸ் எடுப்பது நல்லது.”

? நான் மியூச்சுவல் ஃபண்ட் திட்டங்களில் முதலீடு செய்யத் திட்டமிட்டுள்ளேன். இதில் ஃபண்ட் ஆய்வு செய்வதற்கு இரண்டு வகை பெஞ்ச்மார்க் எடுத்துக்கொள்ளப்படுகிறது. அதாவது, சிஎன்எக்ஸ் நிஃப்டி மற்றும் சிஎன்எக்ஸ் 500 என இரண்டு வகையான இண்டெக்ஸ் பற்றி சொல்கிறார்கள். இந்த இரண்டு இண்டெக்ஸுக்கும் என்ன வித்தியாசம்? இதில் எது சிறந்தது என்பதைக் கூறவும்!

-@& சதீஷ், வல்லக்கோட்டை.ராமலிங்கம், இயக்குநர், ஹோலிஸ்டிக் இன்வெஸ்ட்மென்ட் பிளானர்ஸ்.

“மியூச்சுவல் ஃபண்ட் திட்டங்களில் பெஞ்ச்மார்க் என்பது எந்த ஒரு குறிப்பிட்ட பட்டியலை முதலீட்டுக்காக பயன்படுத்துகிறார்கள் என்பதைக் குறிக்கும்.

சிஎன்எக்ஸ் நிஃப்டி 50 என்பது 50 பங்குகளையும், சிஎன்எக்ஸ் 500 என்பது 500 பங்குகளையும் வர்த்தகம் செய்யக்கூடிய பட்டியல் ஆகும். இந்த இரண்டு பட்டியலுமே குறிப்பிட்ட பங்குகளைத் தொகுத்து முதலீட்டாளரின் வர்த்தகத்தை எளிமைப்படுத்துகிறது.

இந்த இரண்டு பட்டியலுக்குமே பங்குகளின் எண்ணிக்கை மற்றும் தன்மையைத் தவிர, வேறு எந்த வித்தியாசமும் இல்லை. இந்தப் பட்டியல்களில் முதலீடு செய்யும் ஃபண்டு களில், எந்த ஃபண்ட் கடந்த காலத்தில் அது சார்ந்துள்ள பட்டியலைக் காட்டிலும் அதிக லாபம் தந்துள்ளதோ, அந்த ஃபண்டுகளில் முதலீடு செய்வது நல்லது.”

போன் மூலமாகவும் கேள்வி கேட்கலாம்!

இனி நீங்கள் போன் மூலமாகவும் கேள்விகளை பதிவு செய்யலாம். அதற்கு 044- 66802920 என்ற எண்ணுக்கு டயல் செய்யுங்கள். கணினி குரல் வழி காட்டும்; அதன்படி உங்கள் குரலிலேயே கேள்விகளை பதிவு செய்யுங்கள். எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த ஒரு நிமிடம் முழுக்க முழுக்க உங்களுக்கே!


கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.
அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2.
nav@vikatan.com.